上樓 (已結業)

叫咗以下幾款菜 : 海蜇手撕雞: 雞絲唔鞋, 海蜇太碎, 切到很短, 所以唔夠彈糟溜魚片 : 雲耳青瓜魚片都有酸味, 味道普通雙菇棠菜麵筋煲 : 雙菇是指 金菇和冬菇, 個汁要稀番少少, 麵筋甜甜地小籠包: 覺得最美味的一款, 不會太油砂鍋雲吞雞 : 湯底就幾濃味, 有隻大雞腿, 雲吞的皮和餡料都掂鎮江肴肉: 啖啖肉, 小小凍, 又有小小甜擔擔麵 : 麵質都爽滑順喉, 花生湯底不會黏住口整得食物是ok嘅, 服務普通, 只有1位待應特別殷勤和有笑容.最好是不用加一, 不用收茶芥, 又有一小碟免費的辣泡菜

如果冇記錯大約兩星期前, 師傅同埋師妹加埋師妹嘅一位友人, 三個人一齊黎個飯局, 而是次飯局地點就由師妹揸旗; 最後師妹就揀左呢間食店作為當晚飯局嘅地點! 由於師傅當晚離開監房會比較夜, 所以當師傅一閃後, 立即致電師妹叫佢就番時間攞位!師妹同師妹友人當然比師傅早到, 而當師傅到達後, 發覺呢間食店人影得嗰小貓幾隻, 根本就唔需要一早黎攞位, 望見咁嘅環境師傅個心都寒左一寒, 可惜個肚子又唔爭氣, 不停發出隆隆巨響, 於是唯有即刻柯打食物! 而師妹友人就話唔係好肚餓, 所以落單時基本上冇咩點預佢, 最後師傅就揀左幾樣野黎試下, 分別有小籠包, 紅油抄手, 成都雲白肉, 咸肉娃娃菜同埋蒸銀絲卷!落完單等左一陣, 第一碟登場嘅係咸肉娃娃菜, 娃娃菜本身師傅唔食, 更加唔會就咁食咸肉啦, 於是又問下師妹掂唔掂呀, 佢就同師傅講 “咸到咩咁, 好咸, 好咸”! 真係好彩師傅冇食到, 更好彩係師妹係話d娃娃菜咸, 而唔係話師傅咸, 好明顯唔使試都知唔掂啦! 而第二道登場係成都雲白肉, 一眼望埋去師傅都飽左一半, 賣相都算唔吸引, 放入口試真d發覺白肉好肥, 而且十分乾身, 乾中帶韌, 配上嘅汁

下午在咐近看電影前友人提議不如飲茶!本來想試的是潮樓(應是以潮式點心為主吧)但卻被門口帶位的領了過來這邊.既來之則安之就算了吧!看見這裡的裝修也覺奇怪,有些窄窄的二人卡位又有些長型方檯,感覺好像去了茶餐廳.留意一下檯面心想現今很少有規模的酒樓會用塑膠的食具吧!偏偏這裡就是用上一整套.未點菜已有不詳預感......蘿蔔糕----硬硬實實凍冰冰一舊粉.咸水角----向來討厭炸得不脆的咸水角,這裡做的外皮是軟得夾起一角會拉長變形,最可怕是咬下去出現爆油!韮菜豬紅----豬紅質感很削有腥味而這個浸著韮菜的"汁"味道濃得如車仔麵加完湯後的超濃縮"味水".粟米魚肚粥----算是最正常的一款!清清淡淡沒有任何調味.棉花雞----雞肉雪藏味濃郁,這件"棉花"有一種說不出口的腥味.叉燒腸粉----腸粉溫度只是微暖,豉油的調味極甜,用筷子夾下去的感覺是黏黏的!反開一看只見到粒粒有黑點的肥膏.蜆芥鯪魚球----外表與五元三件的炸魚蛋極相似,同樣是面層泛著油光.果然天外有天!第一次吃到蜆芥是用辣椒油做的.找來侍應一問,答案是:我哋呢度蜆芥就係咁!山竹牛肉----有太多攪不碎的筋膜在內,吃得一口是渣.珍珠雞--

我地兩個人，一入去攞飛已經冇位，要搭檯，以為下午茶咁旺啦，入到去先知原來係因為少位…叫野食，叫左素鵝，超油，年糕排骨，超油，年糕冇味，煎鹹薄罉，好似冇煎過咁，一d都唔脆唔燶又唔鹹，帶子腸粉，有d唔係帶子既味，怪怪地…諗住叫個灼生菜清清地啦，都係超油，仲油過個薄罉！唯獨是個紅豆桂花糕，ok噃。有好香既桂花味。不過總括黎講，以後都唔會再黎。

見到openrice 話哩間野ok, 就去試下啦! 點知!首先我提早幾日book左位9:30pm , 當晚上到去見到好多人在reception到等位, 我心諗....甘好生意一定好好味了!點知登記完等左幾個字先有得入!全場侍應得兩個, 傳菜啊姐話無手幫我地收碟! (((我想問:你有無手收人工呢???)))好啦~講下我地點左咩菜:小籠包兩籠 @ OK , 正常貨式 煎鍋貼 @一般貨式, 仲要唔上醋比我地, 我夾左隻鍋貼等碟醋等左10分鐘酸辣湯 @唔知點比左兜街邊"碗仔翅"比我地囉糖醋排骨 @又變左碟"茄汁豬排"囉醉雞 @又變左碟"豉油雞"黃金蝦 @炒得唔夠乾身水煮魚 @竟然只放麻子不放辣椒素鵝 @都幾好食, 不過賣相就一般總結: 是稻春集團管轄下是這樣, 實太失望! 為何會有甘多人幫趁? 我地埋單先知9:00後入坐, 全單7折! 條氣先順番少少!

上樓與潮樓是不是同一間,抑或同一老細幾乎走錯囧上樓感覺是傳統的酒樓跟茶餐廳的混合.而我們放棄了卡位,坐了傳統的檯.因為時間隔得太久,忘了詳細.味道不過不失吧,我不大挑食=3=只是其中發生一個小插曲讓我久久不能忘記.我們對面的一權有冷氣機滴水,服務員沒有叫他們搬開,就這樣拿著掃把,掃把上掛上毛巾,就這樣去吸水.不知道下面的食物和那些食客的感覺如何,反正我看著在滴汗.....

舊同事話請我食生日飯，本來佢地提議食放題，但我最近好似食過好幾次，真係有少少厭！見好耐無食上海菜，呢間ｄ食評都唔差，最重要係價格相宜，無謂要人地破費嘛訂咗6:30pm，只有幾檯客，所以即刻有位。但被安排坐响較入位置，侍應又唔多夠，想揾個人落單都要自己走出ｄ揾人燻魚～非常入味，但略嫌硬咗少少！素鵝～普普通通。烤夫～都非常入味！酸辣湯～料足，酸味辣味中規中矩，整體味道不過不失。只好慨歎現今想食個出色嘅酸辣湯，認真艱難小籠包～出色之作！皮薄得嚟夠正宗，裡面湯汁肉汁鮮甜，唯一美中不足就係碟醋，好似唔多見有薑絲，否則絕對同鼎Ｘ豐有得比！鍋貼～煎得剛剛好，餡料鮮味，皮嘅厚薄適中！回鍋肉炒年糕～見食評好多人讚，當然要試吓啦！果然無介紹錯，味道香濃，豬肉切得薄薄，食起嚟一ｄ都唔覺肥膩！年糕被濃濃嘅獻汁包住，好味非常！最好係多菜，唔洗另外叫個菜都ｏｋ！必食之選鹹肉百頁小棠菜～呢個就較遜色，非常淡口，連ｄ鹹肉都好淡高力豆沙～熱辣辣，豆沙餡唔太甜，好味一個墟叫咗９樣嘢，最後當然係食唔晒，仲打包咗兩大盒，但每人都只係百零蚊，絕對超值但期間侍應頻頻埋嚟收碟，好似想催我地走拱　原來出面真係有好多好多人等位，我印象

兩個人叫左5樣野.小籠包: 皮薄多汁, 唯一缺點唔夠熱, 如果唔係就真係無得彈.雞絲粉皮: 麻醬味幾香, 唔錯.回鍋肉炒年糕: 年糕好味, 又大碟.擔擔麵: 個人覺得比較普通高力豆沙: 豆沙多, 唔太甜, good.結合價錢$80/位算合理, 食物質素同service都幾好, 都會搵日再幫襯, 不過下次個小籠包唔該再整熱多少!

今日試咗厨師特別推介"家常魚頭",味道非常好,色香味俱全.魚頭一d都唔腥,食落口好鮮甜惹味,90蚊一碟都唔算貴,如果魚頭太d仲正呀!!...xd..一大必食推介呀..好食的仲有: 魚香秋茄褒茄子好得意,唔知係咩茄,係綠色架!!!好新奇..d味道march得好好,同出面食果d好唔同...好!!! 9王膳糊;味道濃郁得離又唔腥...nice job. 水蒸餚肉:好見得人,用離晏客都ok啵.. 不過d 小龍包就一般般啦..醋上面d薑絲唔知係咪唔新鮮,仲要好粗,.. ps: 樓面唔多專業.有幾次叫極都唔應,都唔知係我細聲定係佢地真係 到唔得閑so我,定係聽唔到... 唔夠人手的話就請多幾個啦!!!下次唔好再係咁啦!!

在旺角行了一陣，就來了上樓試一試。六時多一些的時間到達，內裡空無一人，想是我們是第一批客人，坐了一張近窗口的台，點了茶之後就叫了楊州炒飯、煎三鮮窩貼、蔥油海蜇皮和砂窩雲吞雞。蔥油海蜇皮($50)第一味起的菜，看上去是簡簡單單的，有一些芝麻，瓜絲、蔥粒和一些海蜇皮，但有些平凡有一些驚喜，味道淡淡的但反而給予人一種健康的感覺，同行大讚是一味健康的食物。楊州炒飯($60)第二味反而是飯來了，材料有火腿、毛豆、鮮蝦、生菜和上蛋的，油是沒有的，都是比較健康，但飯有乾了少少，不知是否炒過了火的關係，不過整體上都是ok的。砂窩雲吞雞($70)第三味來的是砂窩雲吞雞，份量都幾大，材料都是一般的雞、津白和雲吞，味道就沒有什麼驚喜了，不過味道唔會太濃，而雲吞的味道都十分之好，送飯好的一味食物。煎三鮮窩貼($38 6隻)有意外驚喜是這一味，來的時候外表是普通的，但當一試，它的外表是脆脆的，但又不會感得太乾，裡面的肉份量適中，唔會有些太多肉反而覺得太膩，肉又有很多肉汁，一口一個，很快就食完了。食完之後有幾點想講的1. 窗口的位雖然可以看到彌敦道，但張台下面的空位太窄，有時坐得不太舒服。2. 時間早的時間人手可

我地一行十二人..去到食..都好多野食...係咁叫係叫點...好食的野:1. 螞蟻上樹2. 炒年榚3. 小籠包4. 海折手撕雞5. ...仲有好多 ^^大家都係得個7X 蚊ji..正!

是日同家人就腳去了"上樓"食...一食發現真係好正!!! 真係食得出d嘢係用個心煮出離..仲好過上海婆x同翡翠.. 上到去等了一陣位, 不過都很快就安排我地入座..菜式： 之後就叫了上海薰魚,紅燒圓提,炒年糕,宋嫂魚羮...d魚鮮味濃郁,,顏色好好睇..紅燒圓提就好滑,肥瘦適中,火侯啱啱好.賣相又好睇,..炒年糕好大碟,炒得好煙韌,超抵食.,宋嫂魚羮好滑,好鮮又不會腥..沒有可挑剔的地方了..:服務: 落完單想叫人再寫多個都叫咗好耐..樓面人手嚴重不足，得幾個waitress撲來撲去，棻上到離,都仲要等人離落枱.!!!總結: 哩間食物質素真係唔錯.又抵食,已經計劃緊幾時再去幫襯 ..希望下次d服務會好d同多d人手啦!!

男人友突然想食上海菜，我們即刻上open rice搵食…係旺角，open rice話number one的上海餐館係“上樓”，即刻跑上去，仲怕死咁好食一定要等位點知唔需要，暗暗開心…點菜:炒鱔糊，炸銀絲卷，上海粗炒，回窩肉鱔糊，腥的！說真的，從來未食過這麼難吃的鱔糊！炸銀絲卷，比手掌還要短的長度？上海粗炒，一堆濕漉漉的，粗炒咬下去像糊狀！！！回窩肉是最似樣，但送上桌時已不是熱了。我跟男友吃完這餐晚飯後，對這餐館失望得很！原來這樣的水準已是旺角最好吃的上海菜…唉！

睇完7:30pm, 諗咗好耐都唔知食咩好, 之後都係去番上樓上到去等咗一陣位, 不過好快安排我們入座.茄汁鮮蝦鍋巴: 入面好多料. 蝦, 草菇, 蕃茄, 翠玉瓜等等... 茄汁酸甜適中. 鍋巴新鮮炸起, 十分好香脆. , 可惜只得6件, 次次都剩下好多汁.青菜煨麵: 唔錯! 清清的好選擇. d麵淋得嚟又唔會一pat pat. 脆皮素鵝: 一樣新鮮炸起的, 入面有雜菇, 外脆內軟, 點喼汁食, 仲正!

與兩位友人飯聚，選了上樓，貪這裏可以飲飲茶，也可以傾得耐啲。7PM 來到這裏，只坐了幾枱客，環境清幽，侍應服務態度不錯，還為我們調另一張桌子。點了： 雞絲粉皮 (~$36 / 40 )：粉皮很厚... 麻醬略嫌不夠香，整體很普通。 瑤柱賽螃蟹 ( $70 )： 賽螃蟹非常之油... 蛋白不算滑，有點過熟... 感覺很普通，沒有什麼味道，要 $70 試這道菜有點可惜。 回窩肉炒年糕：非常之大碟！ 感覺超值！回窩肉很香！而且年糕炒得很煙煙韌韌！兩位友人都讚！ 嫰雞煨麵 ( ~$40 )：煨麵很大碗，雞湯很香濃，雞肉濃郁，而麵也非常之幼滑！ 小籠包 ( $36 - 6 件)： 比想像中出色！色算是薄，而肉汁很豐富！肉也不會鞋口，很好！ 鍋貼：必吃之選！鍋貼非常之香脆，吃落不會感到一口油！而料也豐富，鍋貼很飽滿。食物質素良好，惟一有少許失色是侍應人數不夠，一個侍應可能要應付半個場。結果叫結賬都已經花了很久時間。食店 8 PM 開始多人，多數是一家大細，會開始熱鬧起來。這裏免加一免茶位，三人只吃了大約 $260 左右，撐飽了肚，價錢非常超值！