影片
以上資料只供參考, 請與餐廳確認詳情
同媽咪去大埔覆疹後要揾食，原本想求其食碗粉就算，但我同媽咪都鍾意食上海嘢，所以行到呢間上海一品香菜館前，一志表決食上海嘢!呢間嘢個名好熟口面，入去睇餐牌發現，原來係觀塘廣場上面間上海菜館嘅分店，因為我以前喺觀塘返工成日同同事去食，所以對大埔呢分店有d期望……我哋入去時時間尚早所以未有好多客人，之後陸續都有客人入嚟，但竟然要等好耐先有嘢食嚟，有d無奈!鮮肉鍋貼皮比較厚，底煎得唔夠乾唔夠脆，整體囗感都唔合格。上海粗炒有齊椰菜同白菜一齊炒，色、香、味都ok，正常水準。食上海嘢最佳拍檔~豆板醬!
繼續閱讀
$250 四餸一湯， 再加籠小籠包18 蚊有六粒，晚飯黎講都算抵食，盅湯一大盅咁上，姑勿論好唔好食，總之夠飽夠抵食今晚叫左：回鍋肉：最好食既一道，冶味，豬肉好食，豆腐干好香火丁津白：火丁呢火丁呢？ 有烤麩，普普通通，就係上湯同菜無驚喜。梅菜扣肉：d 肉整得唔夠林，梅菜味唔入味，味道唔差但個肉質唔係好正宗既感覺。甜酸雞：新鮮即炸，夠晒熱辣辣，唔錯，不過一放凍少少就會食到都幾硬。整體ok既，雖然唔算好好食，但算抵食
繼續閱讀
平常跟朋友外出用膳，多想聚多一會，都會選擇西式餐廳或cafe，貪其環境雅緻舒適好呃like可是如果只是媽媽想放假不下廚，跟家人於就近解決，就會想物色到價廉味美的街坊餐廳而最近經過幾次光顧，我們這一家終於找到了，那一種老闆都認得我們的店子這天一如以往的，點了套餐，今天我們一行四人，點了四餸一湯冬瓜火腿湯夠咸香，以餐湯來說合格酸甜汁開胃不喇喉魚算大條，肉軟身，雖然不是什麼生猛海鮮，但以這價錢來說，當真味道不錯的賣相很雜亂卻有很住家的味道，菜也算林甜，下飯一流我們最喜歡的滑蛋雖然不是每次都吃得到帶點點半熟的部分，但卻是每次都有濃濃蛋香的以這個價錢可以吃到醉雞本已伐算啦何況還是肉嫩酒味重的呢晚上套餐不包白飯的建議如單點飯就點菜飯吧有點點油香菜也足料，也不錯四個人吃飽飽，結賬才三百多元（因為點了菜飯，還加錢轉了糖醋）說到底，一分錢 一分貨，說超美味一定不是啦，但在這個吃快餐都要六十多塊的年代，算是性價比ok了提外話老闆有一種當客人是朋友的感覺有時也會簡單講解一下食物總的來說，就有一種舅父給你下廚的感覺啦
繼續閱讀
之前同朋友食過觀塘分店，個個都讚口不絕，抵食又好味！係大埔又想食上海菜，發覺原來一品香呢到都有分店，就決定再食啦我地兩個人叫左個兩菜一湯，再加多個小籠包首先黎左個酸辣湯，哇........酸到好誇張，我平時都好食得酸，食湯河都會加醋加到個湯變紅色但呢個好似成個湯都係醋，酸到入口都唔想再飲之後叫既口水雞都強差人意，個雞好大陣雪味，而且個汁唔太似口水雞既汁，同個雞完全係兩回事，唔夾雖唯一好少少係呢個干扁四季豆，豆本身好甜，加埋少少肉碎已經好香口小籠包個皮本身比較厚，好似超市買個種雪藏貨😅下次都係去返觀塘店，大埔呢間真係☹️👎
繼續閱讀
同媽咪兩個突然想食中菜決定去大埔食返依間上海菜。今次第二次同屋企人食，好抵食，味道又唔錯 諗唔到去邊食的話，近近地就簡依間啦～套餐兩餸一湯$150，追加$18一籠小籠包。其實這個份量三個人食都得花雕醉雞雖然醉雞未算太入味，但雞真的好滑，同埋以咁嘅價錢，仲有咁嘅份量，我覺得ok上海酸辣湯媽咪飲咗三碗，我都飲咗兩碗多酸酸辣辣好開胃，下次好想試埋其他湯小籠包以這個追加$18的價錢，真的沒有expect太多 每人三隻都非常飽了，雖然一隻小籠包已經過百卡路里，今餐超哂標但真的好滿足。仲有一碟回鍋豬肉，但忘記了拍照只能說送飯一流 下次要試埋佢地嘅梅菜扣肉差不多十點我們發現餐廳都沒人了，最終都是吃不完，決定打包回家
繼續閱讀