上海婆婆 (已結業)

食開上海野，同屋企人都會擇上海婆婆多..覺得都ok但今次食覺得水準有d下降今次同朋友兩個人食嗌左三碟餸.有每次必點既婆婆小籠包，婆婆粗炒，干煸四季豆首先係小籠包外觀都正常，味道還可以,肉汁都算嫩口多汁既..我知道上海菜主要味濃，但今次粗炒既味道就好鹹，面質都吾夠淋..至於呢碟四季豆亦都真係超鹹而且好油，食一口要飲一啖茶，真係好重口味..我諗下次再黎食都吾會再叫呢個菜

不是peak hours; 用餐45分鐘。一杯豆漿，已落了單；再提了他們兩次都冇來。離譜，。 再見婆婆，沒有下次。missed food order for the table next to me too. bad bad service.

朋友都住係屯門所以平時約會都好鍾意去呢到食飯因為通常出街食野都比較濃味同重口味所以上海婆婆都係我地既選擇之一個日星期六 不過就唔算多人 所以我地等左大概15分鐘就入去食五個人就叫左以下既食物 有興趣既可以參考下兩籠小籠包 不過不失 小籠包此終要熱食就非常好食上海菜不得不叫既當然就是上海炒年糕 味道唔會太濃 岩曬我地女士們鍾意食清淡既燒鴨 皮脆內嫩 幾新鮮好食奶油津白 清清地既一道菜總結而言 喜歡清清地既你 上海婆婆非常岩你食 我地女士們都好鍾意食唔洗咁肥膩 是一個唔錯既選擇

-婆婆小籠包🥟：正常發揮，但無乜鮮肉既味道，肉汁味唔濃，不過新鮮整，熱辣辣既小籠包都算合格。-黃金四季豆🥬：四季豆幾好食落無乜渣，而黃金呢係指鹹蛋黃炒豆角，鹹蛋黃炒得好香而且少少調返出嚟嘅甜味係呢個菜既精髓。-素鵝：味道尚算OK，但依個有d營養不良，中間嘅材料可以多d。-蝦子麵鍋塔豆腐：清清地幾好味，係中意清淡嘅之選。-清庭炒拉麵🍲：呢個麵就偏鹹咗少少，所以都撈埋左啲豆腐中和返。今日只要like埋 專頁，仲送一個油炆筍，細細碟但都幾好味同爽口。

今日約左幾個朋友仔去食上海菜一共有五個人,我地都好滿意呢一餐。我地果日大約七點幾去到餐廳,一去到就有位,真係好唔洗等。叫左佢地必食既食物小籠包，呢樣野食一定要趁熱食,幾好食,好多汁,不錯不錯另外,叫左個婆婆炒年糕,味道一般,簡簡單單既一味菜。仲叫左個上海粗粉,味道都一般,唔算太差叫左個鵝,幾好食,朋友就覺得肥左小小,我就覺得還可以。仲叫左個白津,清清地,朋友中意依菜都話唔錯。整體而言,上海婆婆都算一間唔錯既選擇,可以清清地依一餐,唔會太重口味,同三五知己，家人黎食,都係一個值得選擇既餐廳

想食上海野，一定諗起上海婆婆。和朋友點了小龍包，黃金炒飯，津白。小龍包湯汁美味，入口夠熱，確實好正。黃金炒飯好有咸蛋味，十分惹味👍仲有好多其他野食揀，食到好飽。

一個人行開 v city 覺得有啲餓😣見呢度下午茶又唔洗加一，又唔洗等位就行咗入去醫肚👍🏻叫左個Tea Set‼️包左一款主食🍜、一款小食🥟同埋送一杯豆漿🥛我就叫咗個超穩陣嘅✨上海擔擔麵✨個湯都幾濃味，麵底亦都幾有咬口‼️😋唔怪得咁多人都叫呢個👍🏻👍🏻另外小食我就簡左✨上海小籠包✨下午茶set就只得 2 粒‼️不過其實已經好夠食👍🏻👍🏻個小籠包都幾多汁，唔錯唔錯‼️總括嚟講，喺商場餐廳入面用幾廿蚊價錢，食到呢一個質素，已經係非常好‼️😋

好耐無食上海菜，所以過黎食上海婆婆！最愛佢嘅小籠包，以用左青蘿蔔墊底，所以即使凍左少少都唔會因為黏住個底而夾穿！👍擔擔麵、雞絲粉皮、黃金四季豆都好絲味都好好味，但小炒就點咸左少少！整體好滿意

29/5 約3:30左右諗住近近地食下午茶，叫左個雲吞麵加小籠包，我問個侍應除咗豆漿有冇其他嘢飲，佢話有可樂同雪碧、忌廉，我話要忌廉，到來飲品時..送來豆漿加忌廉，我話我只叫了忌廉，佢話跟餐有豆漿係你再加忌廉，我話我表達得好清楚，係你同事冇表達清楚我知，因我唔飲得豆漿...跟住個著格仔衫既肥女人即時把兩樣飲品都拿走，我即時按下杯豆漿，心諗唔飲都唔會比佢，我仲聽到佢同d人講佢話唔知要收錢喎（唔細聲）

天氣咁熱，真係唔想喺街外行來行去，最好不過就係搵商場行啦，因為有冷氣好舒服😉今日又去咗V city行街，行到夠鐘搵嘢食就喺商場內搵間啱食嘅鋪頭，最後選擇咗上海婆婆、食上海菜。之前曾經食過，印象都唔差。原來佢都有下午茶餐食㗎喎😘唔使等位可以直入坐低👍🏻店舖內都有一群人客👨‍👨‍👧‍👦🔸黃金炒飯$42+豆漿黃金、大家都知道就即是咸蛋黃，侍應將飯一放到枱面上，陣陣嘅鹹蛋香味已經散發出嚟，粒粒飯都是金黃色的，炒得乾身👍🏻👍🏻餡料除咗咸蛋仲有蝦仁🍤🔸雪菜肉絲麵+紅油抄手（3隻）$48雪菜味道剛好，整體普通，紅油抄手睇見d辣椒油顏色以為會好辣，原來我可以接受到👌🏻加$12 仲可配冷菜一客，共有5款選擇。每客套餐仲免茶錢及加一添👍🏻👍🏻

因為曾經有幾年在上海住過，所以對上海菜有一種情意結，今日行過屯門v city，有一間舖頭🎈上海婆婆🎈感覺裝潢與上海一啲小店有異曲同工， 所以就走進食個下午茶餐店的裝修說不上華麗，牆身沒有很滑溜的油漆，只有一些手繪畫， 地台就是一些退色木板地和花磁磚，但整體感覺就有一些兒時的回憶，舊上海的感覺👏下午茶餐的選擇很多，價錢也不貴✨黃金炒飯配豆漿($42)飯粒粒金香，炒得乾身，鹹蛋的甘香平均滲入飯粒，有追食的感覺😋✨雪菜肉絲麵，紅油抄手，豆漿，($48)雪菜肉絲麵最精彩之處,是額外要求的豆瓣醬,蒜香辣辣豆瓣醬配合肉絲麵最完美，紅油抄手的餡料就是小籠包的餡料，紅油醬料，還是可以的，不錯👌整個下午茶餐都係90蚊，食飽飽，又坐得舒服，確是一個不錯的小型上海之旅👏

同一個內地朋友去食飯，本身打算去另一間飲茶，點知母親節，排隊200張台，所以黎左上海婆婆呢個小食我最鍾意中間果舊魚，好正，甜甜地而且好干，水晶豬肉都唔錯，正正常常，好有口感黃金豆角係炒豆角，出面有d蛋黃，蛋黃味好濃郁，香噴噴的，而且豆角好幹水餛飩雞d湯好好飲，熱飲唔錯的，另外餛飩就無咩特別啦，但係d雞好嫩好滑，點豉油就岩岩好啦味道3個人時左500蚊，但係好飽好飽，有d食唔曬tim上海婆婆味道幾時都係咁好

我最喜愛 川菜 ，今日揀咗上海婆婆， 入到去環境唔錯 好友童時嘅回憶， 周圍都畫咗好多粉筆字嘅畫， 而起食嘅方面我哋嗌咗個回鍋肉 ，炒飯， 水煮牛肉， 小籠包 先講回鍋肉keep到水準 味道唔錯 炒飯比較有口感 同香口小龍包肉汁好多至於水煮牛肉比較遜色少少冇咁入味同埋肉量比較少 紅薯粉份量可以少返啲獅子球都唔錯所以水煮牛肉仲有改善嘅空間其他各方面都可以我最後我再嗌咗一個拍青瓜青瓜味道比較淡可以 調教分濃味少少更好，所以今次上海婆婆嘅評分五分嚟講都會有三分半左右啦

以前記得上海婆婆喺屯門市廣場嗰邊, 嗰時嘅上海婆婆真心講真係幾好食嘅, 水準唔錯, 尤其是清炒蝦仁! 初初搬到去v city嗰陣都維持到水準. 但係最近去食嗰時候就發現差咗好多. 一行五人唔係叫咗好多嘢有清炒蝦仁 韭黃鱔糊 擔擔麵 黃金四季豆 醉豬手 回鍋肉. 仲有一個只要like facebook同埋instagram 就會免費送一個麻辣粉皮. 首先講清炒蝦仁個真係好鬼咸, 韭黃鱔糊呢就有啲猩, 擔擔麵都維持到水準至於黃金四季豆同埋醉豬手都ok, 回鍋肉就偏鹹. 都食咗五百幾蚊,下次可以考慮去第二間

一時興起，lunch 黎咗好耐無黎嘅上海婆婆！但失望而歸！醉豬手: 維持正常水準，燜得夠淋，過泠河之後幾脆身，都醉得夠味，係有小小鹹！回鍋肉: 正正常常，普通回鍋肉水準！黃金四季豆?: 本身諗住唔應該係難食嘅嘢畀到”驚嚇”我地！蛋黃好腥！最後都剩晒，食唔到！韭黃鱔糊: 次次必叫，都無得輸，但今次好失水準，鱔好腥，腥到入唔到口！龍井蝦仁: 蝦仁唔脆都算，鹹到入心，浸咗茶水都去唔到d鹹！成粒蝦仁好似浸咗鹹水成晚咁！擔擔麵: 正正常常，都係每次必嗌！今次都無令我失望！湯好重花生味，麵煙韌，有咬口！Like fb送麻辣粉皮，係唔好食嘅，可以慳番工夫，粉皮一夾就散，辣又唔夠，麻又唔夠，四川嘢都係去番四川鋪食啦！總括黎講，今次好失望，應該短期之內唔會再幫襯！