影片
營業時間
今日營業
11:00 - 16:00
18:00 - 21:00
星期一至日
11:00 - 16:00
18:00 - 21:00
公眾假期
11:00 - 16:00
18:00 - 21:00
公眾假期前夕
11:00 - 16:00
18:00 - 21:00
以上資料只供參考, 請與餐廳確認詳情
［📍 黃大仙｜上海婆婆 ］黃大仙中心北館勁多野食，一上到去睇到上海婆婆裝修好靚，環境都好闊落，睇完個menu仲要勁多選擇，咁就不如坐低試下佢。首先叫左排骨擔擔麵，塊排骨酥炸出黎勁香口，而且大塊得黎仲要係厚切。擔擔麵夠哂花生醬味，麵既口感夠彈牙，唔會一坺嘢咁。另外叫左個上海菜必食既蒜泥白肉，肉片切得夠薄，蒜蓉嘅份量足夠，配埋秘製既甜豉油，夠蒜得黎又唔會好辣。好想食酸辣野，於是就叫左個熱辣辣既酸辣湯雲吞，雲吞有5粒，皮薄餡靚，酸辣湯都有少少辣，而且湯料都好多，酸酸辣辣幾開胃。最後叫多個琥珀合桃芥末蝦球，蝦球炸得外酥內嫩，口感鮮脆。芥末醬係會有少少辣，但配合埋合桃中和返個辣味，味道層次豐富。成個環境好寬敞同坐得好舒服，七點幾嚟到都差唔多滿，好多捧場客，上菜速度又快，食物選擇又多，員工都好有禮貌，整個用餐感覺良好。蒜泥白肉片 $78酸辣湯雲吞（5粒） $68排骨擔擔麵 $72琥珀合桃芥末蝦球 $148茗茶@1 $6
繼續閱讀
帶朋友黎黃大仙行景點，晚飯揀黎呢度食正宗上海菜。餐廳以木系為主，座位寬敞舒適，食物種類勁多選擇。七點到達，餐廳已差不多座無虛席，可見餐廳質素應該唔錯。茗茶 (每位$6)上海小籠包 $45小龍包係上海菜必點菜式。熱辣辣蒸籠上枱，小龍包皮薄，輕輕咬開，內裏勁多肉汁湧出，清甜帶肉香。再蘸上薑絲醋一齊食，非常絕配。砂鍋雲吞雞(小) $102兩個人食，所以點左小份量，但已經十分夠食。雞肉嫰滑，雲吞大大粒，仲有金華火腿同有娃娃菜。湯底好清甜，好適合我口味。但對朋友黎講比較淡。所以餐廳都準備左一小碟豉油，可因應自己口味加入適當份量。朋友加左少少，話覺得鮮味更加提升。外婆紅燒肉 $92朋友最鍾意食紅燒肉，紅燒肉制作工序繁複， 係傳統手工菜。秘製醬汁香濃帶點甜味，粟子好入味，紅燒肉肥瘦均勻，入口即溶。見到餐牌上嘅甜品，款款都想食。最後點左2款上海菜必點甜品～。豆沙鍋餅 $58上海菜甜品之一，一份有8件，餅皮炸得金黃香脆，無多餘油份，入面薄薄一層豆沙，甜而不膩。高力豆沙 (4件) $58另一必點甜品～ 軟綿綿嘅高力豆沙，咬落非常柔軟，餡料同樣係豆沙，不過豆沙餡料份量比豆沙窩餅少。
繼續閱讀
經常會喺黃大仙轉車，順路去黃大仙中心 食晚飯，好多餐廳選擇，其中人氣鼎盛，經常滿座的 上海婆婆，是我最愛之一。餐廳環境舒服，座位寬敞，價錢合理，性價比好高！蔥爆牛仔肉賣相吸引，除咗牛仔肉之外，呢個菜式勁多蔥作配料，開學要食多啲蔥，夠聰明！牛仔肉煮得好入味，質素好高質，見到牛肉有色澤，新鮮牛味香濃。椰菜回鍋肉椰菜回鍋肉唔係每一間上海菜館都整得好食，呢間 上海婆婆 就俾我哋遇到，值得encore，真正肥瘦均勻，每一塊回鍋肉厚薄均勻，肉質鮮嫩軟腍，好食嘅仲有索滿汁的椰菜，少少辣非常惹味！黃金炒飯好欣賞佢哋嘅黃金炒飯，炒到金黃色，粒粒乾身飽滿，配料非常豐富。排骨擔擔麵去上海店，一直都好鍾意食擔擔麵，炸排骨跟擔擔麵分上，金黃色的排骨，仍然保持鬆脆，肉嫩多汁。擔擔面食得出濃厚的花生醬味，麵嘅份量都幾多，麵條粗幼適中，配搭湯底真係好好食，完全滿足，好抵食！一口小饅頭一上枱就聞到好香，炸得外皮酥脆，內裏軟熟，沾上煉奶，童年時候的回憶，甜甜地特別開胃。
繼續閱讀
在黃大仙北館！上海婆婆開到來啦，平日下午人頭湧湧。在地鐵站一進商場就到了，所以挺容易找得到。中西混合的風格環境舒適，下午時間有下午茶套餐，性價比不錯的🙈。-川渝小籠包｜上海小籠包 HKD$45小籠包一份4個，以這個價錢不算貴欵。熱辣辣的味道挺香，吃的時候要小心點，爆汁的湯汁一湧而出。外皮薄而軟滑，肉質鮮嫰挺有嚼感。川渝既麻辣口味，這個味道不算太辣，較原味的味道欵。-四川擔擔麵 HKD$60這個是下午茶餐，另有豆漿附送。擔擔麵味道吸引，裡有肉肉挺入味，麵質口感適中。小吃有幾款選擇的，點了京蔥牛肉包，是有2大個的，外脆內軟的口感，包質鬆軟牛肉香滑。-ー口小饅頭 HKD$28｜高力豆沙 HKD$58包點也有數款選擇，點了兩款顏色有對比的包點。小饅頭金黃色的賣相，外脆內軟的質感，配煉乳吃絕了！高力豆沙是雪白色的賣相，包質鬆軟裡藏香甜豆沙，甜而不膩的味道。-酒釀丸子 HKD$38｜黑糖冰粉 HKD$28這裡有數款甜品選擇，點了兩個來試試看，味道也感覺可以的。酒釀丸子味道較香，軟糯的丸子份量多，味道香甜酒味不會太重。黑糖冰粉裡有芋圓和蜜豆，色彩繽紛的賣相很吸引，味道甜甜的口感豐富。-
繼續閱讀
🌟餐廳：上海婆婆📍地址：黃大仙龍翔道136號黃大仙中心北館地下低層LG05號舖💰價位：～$100 ⏰營業時間：星期一至日11:00 – 21:00📱電話：23502028———————————————————難得今日早放工，約埋附近返工嘅朋友仔撐吓枱腳先💋💋今日好想食上海菜，揀咗呢間位於黃大仙中心嘅🌟上海婆婆🌟主打一系列上海傳統菜式、小菜、湯品、甜品等，食物種類夠晒多元化，即刻介紹吓先💁🏻♀️🔹上湯小籠包傳統上海菜招牌菜式！小籠包即叫即蒸，熱辣辣香噴噴上枱，粒粒皮薄餡靚，食得夠滋味！🔹砂鍋花膠雲吞雞我哋兩個人就叫咗一煲砂鍋花膠雲吞雞，材料豐富，湯底用上鮮雞熬製，鮮味十足，花膠數量眾多，入口煙韌彈牙，夠晒滋補～最後加入大大粒雲吞及嫩滑雞肉，成個組合好出色，食得超滿足！🔹干貝賽螃蟹食上海菜必點菜式之一！蛋白夠晒嫩滑，再加上毛豆粒、蘿蔔絲及菇菌炒製，口感層次感一流，再搭配鎮江醋進食，味道微酸更突顯蛋白嘅清香！🔹腿蓉奶湯津白津白大大棵，煮得夠晒軟熟，索盡奶湯嘅湯汁，上層更灑上金華火腿蓉，鹹香味十足，成個配搭好出色！
繼續閱讀
您可能會有興趣的...