上海小南國 (MegaBox)

營業中

休息中

這店不是第一次食，不過今晚會再嚟嘅原因是被外面嘅海報介紹有片皮鴨食吸引咗。兩個人今晚就係點咗呢個片皮鴨兩食：就係有一隻片皮鴨加埋用鴨肉加雲吞整嘅湯！ 非常豐富非常好味！片皮鴨烤得啱啱好，而且大隻又好多肉 ！鍾意食鴨嘅人好值得來食！ 再加上信用卡有折扣！ 鍾意食鴨的朋友唔會失望！推介！

午餐叫了两碗担担麵，一碗陽春麵，半隻樟茶鴨同埋生煎包，担担麵只有花椒味，生煎包穿晒，樟茶鴨仲衰，好似鹽水鴨，鴨件東歪西倒，鴨件斬到成包細紙巾咁大，都唔知發生乜嘢事，極度失望

今日行開megabox，選擇左小南國食午餐。環境黎講，尼度開揚，地方好大，坐得舒適。我地叫左榣柱蛋白炒飯，擔擔麵，紅油抄手同小籠包。炒飯炒得唔錯，乾身唔會太咸，咬洛有口感，有淡淡既榣柱蛋白香。擔擔麵比平時既偏辣，但味道香濃，每一啖都好濃郁小籠包亦屬高質，皮薄餡令，每一件都充滿肉汁，要好小心夾起先唔會整穿個皮。紅油抄手都唔錯，有點微辣，但略嫌外皮唔夠軟滑，食洛外皮有少少硬麵粉質感。食完飽飽，享受左個悠閒既午餐。

陪朋友到九龍灣MegaBox行街，消費滿指定金額（唔記得咗幾多錢）就可以免費換飲食優惠，於是就黎到小南國食晚餐換咗一條當家松子魚，我哋再另外叫咗一個招牌炒飯，同埋水煮牛，埋單兩個人，合共三百幾蚊免費嘅松子魚酸酸甜甜，但係粉漿太多，食落去每一口粉多過魚肉，唔係好好食🙁 估唔到小南國嘅出品都係不過如此唯有將期望放係我哋真金白銀買返嚟嘅水煮牛同埋招牌炒飯😂 水煮牛肉上面浮住一層好厚嘅紅油，睇落好似好辣好正！ 牛肉好嫩滑，但竟然食落好咩味😲 湯底竟然好似水+油，只有辣，冇花椒八角等香料味🙈 真心地失望招牌炒飯炒得幾有火氣，但係有少少鹹！ 總之成餐就唔多滿意😌

今天跟家人去megabox宜家去傢俬，去了6樓小南國食飯。4位叫了一個小食、烤鴨、小寵包、炒飯！小食是金瓜絲海蜇，比較清新。熱菜是烤鴨，份量足夠。虾仁蛋炒飯鍋氣夠！點心是小寵包，好味！！環境舒服，服務ok, 下次可以再試！！

朋友聯誼說想吃小南国! 這間小南囯，之前跟家人食過，印象還可以，環境比較舒適。食物方面冷菜叫了4拼加雞絲粉皮:正常，雞絲粉皮份量夠我們6人用熱菜叫了服務員推介的火丁蚕豆和剁椒魚頭友人叫的粗炒、小黃魚、勝瓜毛豆、面根煲、蒜茸筧才及點心小寵包。火丁蚕豆店員說是時令菜還可以，魚頭大家都喜歡其他都錯！飲品叫了凍柚子，豆漿。服務適時，員工會跟客人詢問菜色會改進菜色，這方面做得非常好！！整體而言，是一個開心的一頓晚餐，但是空調比較弱，很熱!！

一家人去mega box 宜家買野，肚餓去了6樓小南國吃飯。 中午，全埸非常光猛，他的位置很多反光！一行6人叫了8樣菜，食物都幾好，服務可以，但它的空調真的好弱，非常炎熱🥵！

朋友生日揀咗去食呢一間 之前我都食過小南國，質素是不錯的 但今日呢一間真係令我對小南國有一個全新嘅體驗，坐位環境係完全冇問題嘅，都係小南國嘅裝修。先講食物，之後先講服務佢哋上菜係採取一窩蜂上菜戰術 即係一次過張你張枱放滿，咁有一個唔好處就係你唔可以慢慢品嚐你嘅菜式四喜烤麩呢個味道正確，溫度正確因為佢係冷盤，所以係唔需要熱嘅羅漢素鴨呢個即係一個炸腐皮卷 ok的紅燒獅子頭就係一粒紅燒獅子頭，配菜有點欠奉， 淨係得一啲好大棵嘅小棠菜， 斬多刀會比較容易食蜜汁金華火腿配荷葉餅金華火腿已經去到無味嘅狀況，相信佢之前已經要嚟煮個上湯。但佢軟硬度適中。而那一個蜜汁，淨係得蜜汁味冇特別， 配嗰個貝殼型嘅荷葉包 ，特別特別的乾， 乾到根本吞都吞唔到，最終要夾多塊烤鴨加醬食先覺得ok烤鴨二食，鴨鬆生菜包鴨鬆的鴨肉很乾，食起上嚟唔太油潤生菜材得有點難包，一包就會斷 但係塊菜葉都算脆嫩片皮鴨鴨皮不夠熱，也不太脆，醬料很足夠，京蔥很足夠，餅皮很足夠上海炒年糕呢個年糕質地不錯，味道足夠只不過叫佢走肉，佢冇走到生煎包食味肉汁也是ok的，上枱的那一刻已經不是熱的，是暖的。 我的朋友叫我小心熱，我同佢講真係好難可以辣親

今日放工黎九龍灣接女朋友收工，貪星期一黎megabox唔洗同人逼行街等位。黎到依到見到有片皮鴨，二話不說就入左去試。平日唔洗等位，入到去只有幾枱客人，因為店員聽到我地話食片皮鴨就比左張四人枱我地，方便擺野食。起初以為可以叫半隻鴨點知係冇，有啲失望，唯有叫小啲野食。最後叫左一籠小龍包(4隻)，一隻片皮鴨，加$9x二食，簡左雲吞鴨湯。全部菜等左20分鐘就到齊，我地親熱食，小龍包皮夠簿片皮鴨的蒸皮每層會放張紙隔開，方便我地拎唔會痴住，不過可惜醬料得一小碟唔夠用，要加$10先有多碟 (問店員個時話要加錢，問幾錢就話十幾蚊，感覺佢服務有啲差)整餐食物都唔錯，不過以價錢來說，未必會再試

部門提早食冬至飯，大家都想試下新食肆又愛食上海菜，所以就中伏10心日人喇！小南國位於 Megabox 6樓店內寬敞，枱與枱之間好闊落下，對環境而言係好好。不過，建議最好夜晚嚟，因為下午陽光普照，坐响近窗邊附近幾乎曬盲。雖然自然光比較環保，但真係頂唔順，不敢直視 裝潢五星級咁服務呢？恕我直言，真係連街坊店都不如！人手不足可以原諒，但係佢哋剛好相反，人手多但唔知做乜，只係掛住講嘢，啲菜攤到凍晒都冇人上菜，然後無啦啦放低我哋啲餸唔上枱，走去同人哋加茶水，望到整個流程真係令人無語！ 做事唔勤快，態度更加係差 我哋食食吓發覺唔夠食，想拎過餐牌再加餸，佢哋嘅黑面回應「等陣啦！」「嗱！菜單呀！」 講返食物方面，小南國（例) 分量係只限2-3人份，份量小巧而水準就……小籠包 - 唔係湯包！係皮厚無湯嘅乾包！肉質調味適中，但致命傷唔係湯包囉！鍋貼 - 堅好食 皮脆仲爆湯，贏小籠包幾條街！蔥油拌麵 - 青蔥冇完全爆香，所以冇乜蔥味，留低嘅得個「油」字，變咗油（＋醬油）拌麵。味道方面鹹淡適中，係份量少又太油膩啫！蝦仁炒飯 - 飯粒分明，蝦仁亦好爽口！蛋白炒飯 - 味道同蝦仁炒飯完全相同，連配菜都一樣，只係有

位於九龍灣Mega Box 6樓，除了做午市及晚市，中場時間是休店的。環境不錯，落地大窗，座擁外景。各款上海菜式賣相也不錯，但味道上每款都有些少參差，略嫌不算太出眾。小籠包不錯，皮薄肉汁飽滿。水煮牛肉味道很一般，牛肉份量少，底下全是粉條，辣辣的，但惹味感不夠。擔擔麵...不知師傅是否忘了調味，味道非常非常淡。小黃魚還可以，但可以再酥一點，因為魚身帶點濕，有小小腥感。糖醋排骨是涼的...味道濃郁，但是涼的...味道分大感。配菜辣蘿蔔反而最有驚喜，辣辣的又帶點小甜，脆卜卜的，好吃！但整體而言，非常一般！始終上海菜餐廳在香港也不少，對比起其他，這家真的很一般。

行完街到食飯時間， 最頭痛就係諗食乜。 原本計劃離開商場先食飯， 因shopping已消耗大量體力， 在商場內兜圈離開時候，同行友人被開揚景觀吸引， 一致點頭食小南國。食完可以各自回家休息。餐牌內頁很多吸睛圖片，樣樣都想食。完美的晚餐要有餐前小食。特色松子魚汁料味道似俗稱"粟"咗，其實無"粟"，唔知係乜材料令到有這種味覺，松子有很多，魚肉滑，又大條一行8人都夠食。這一味牛肉只有辣就是辣。我們必點系列金華火腿，味道質素都一般，一份6塊可以按需要加份量。糖淡口不甜，夾包厚而不鬆，睇你口味啱唔啱食。小油要稱讚，合口味清淡🤣上海的放湯蛋角跟中式有別，這道蛋角不中也不上海🤣煎包油膩感重。北京烤鴨，帶一點可以接受的肥，肉質不鞋口，夾上配料爽脆口感。晚餐沒有糕點附送，只好點一碟豆沙鍋餅作為晚餐完結。你有需要時招手就有服務，不招手就沒人理，如不想被打擾的食客很適合。

係我印象中既小南國係好好食，點知過左幾年之後既今日再食，簡直係垃圾，小籠包啲粉好厚，醉雞一啲酒味都無，啖啖麵只有麻辣味，無花生醬味，雲呑雞湯，要問待應拎鹽先有味，要健康都唔駛咁淡呀！

今次吃小南國的四人餐。菜式有八款。 如以價錢不到一千元計，真的不貴。 頭盤是涼拌木耳拼糖醋排骨及蔥油海攙頭。 味道不錯，木耳夠爽，排骨酥軟入味，海蜇頭彈牙。湯是鮮魚羹但累嫌有少少腥。主菜是清炒河蝦仁。這菜是上海菜的表表者。做出水準。松子魚則並非如我想像中的鬆軟，炸粉太厚。至於時令蔬菜是莧菜。理應當時但實在太老了，很難吃。 不過椒鹽小元蹄就有驚喜，皮脆肉嫩。最後的小籠包肉汁夠，不錯。甜品是酒釀丸子，那種味道不是人人能接受。如果甜品能有其他選擇，這頓晚餐更好了。

很喜歡吃上海菜，所以揀了這間一向水準可信賴的小南國。試下他們的四人優惠餐。頭盤味道不錯，可以接受。海蜇爽，排骨味道幾好，木耳口感幾好。鮮魚羹味道太淡，不覺得有魚味，濃稠度幾好。 清炒河蝦是我至愛。蝦仁新鮮爽脆，味道超級無敵。松子魚我不喜歡。肉不滑，粉太厚。但酸甜度、顏色和味道都適中。椒鹽小元蹄冇得頂。椒和鹽的味道把握得好，肉質很滑。時菜的莧菜最差，非常粗、老。 至於小籠包一般。而甜品是酒釀丸子，太酸了，不可算是甜品。還有就是上菜的安排沒層次了，枱又細，總要轉細碟。