上海真美豆漿大王

營業中

休息中

星期日一早起身唔知食咩好，突然醒起之前ig page話寶琳人極力推介嘅豆漿粢飯舖，就專程過嚟試吓。地點都叫近地鐵站同商場附近，所以即使大熱天時都唔難走去食。我同男朋友11點左右到，唔算好多人，舖頭一睇就係傳統豆漿粢飯舖嘅格局。我哋叫咗一個咸栥飯+兩碗熱豆漿。咸栥飯個size比我想像中細，糯米飯只係薄薄一層(本人係澱粉愛好者)，同埋食落有啲散，冇乜煙韌feel；肉鬆唔知點解帶少少甜味，榨菜切到細細粒味道唔會太搶，而重點油炸鬼係超脆，值得加分！整體黎講唔算太驚喜，$20係少貴，如果你要多肉鬆多炸菜之類嘅特別要求係要+$2至$3。而我哋兩個養身之鬼就嗌咗熱豆漿，味道係重豆味，口感係薄嘅質地，好易入口，唔覺唔覺會飲哂。嗌完之後先聽到隔籬枱嗌無糖，原來豆漿本身無糖，甜味係店員’bug’咗一羹砂糖落去先有，雖然豆漿最後唔算好甜，但為咗健康我會嗌無糖😂😂😂😂而家有得食粢飯嘅小店買少見少，係需要好好珍惜。如果住附近，依間係唔錯嘅平民食店，但如果特登過嚟就唔需要喇🙌🏻

好耐冇去上海真美豆漿大王食飯。叫咗一個粢飯和上海淨雲吞。秶飯仍然保持到一定的水平,足料又熱辣辣,粢飯裡的炸菜和肉鬆分佈平均,油條也十分鬆脆,菜肉雲吞皮薄而滑，好味，感覺大滿足,都係58元。

好味嘅鹹粢飯，裏面嘅油炸鬼食嘅時候仲係脆，唔會淋哂或硬哂，更唔會散發一股油溢味👍🏻糯米、肉鬆、鹹酸菜、油條比例啱啱好。我哋一共三個人，問姐姐可唔可以幫分三份，姐姐都冇問題。🥳👍🏻

第一次飲鹹豆漿😍裏面有油條、舊花，都幾得意，朋友推薦加少少豉油一齊飲，真係有更加好飲！口感更順，減少浸左油條後嘅油膩感～仲嗌左凍嘅甜豆漿，飲得出大豆味！😍😋

今次黎到寶琳依邊探朋友，朋友屋企附近有間老字號店食上海野就黎試下，食物方面叫左幾款，煎釀豆腐：食出好有豆香味，豆腐面釀左少少豬肉入去幾好食，上海小籠包：即叫即做，等左大約十分鐘就有，熱辣辣上枱，每粒都食倒有湯汁，肉餡都豐富，五香肉骨麵：個湯底飲落好香既肉骨味，d肉每舊都炆得好淋同入味，麵質都好食上海淨雲吞：每粒都係人手包，雲吞都幾大粒，食出幾鮮甜，整體方面，價錢便宜，每樣上碟都快，大家可以不妨試試

【西貢區】【上海真美豆漿大王】好耐冇寫西貢區，主要係因為真係少過嚟呢邊，而上一次過嚟又咁啱適逢我要喺某間集團經營嘅餐廳度食，攪到我又少個機會寫嘢。而再上一次講呢區嘅嗰個 post，由於講嗰間嘢已經執咗，所以變咗做「已結業」。少吓一間少吓又一間嘅情況下，我都不得不趁住自己有幾分空閒時間，即刻就走入去搵嘢食。呢區有西貢同將軍澳等地區，其實都係去後者多，前者真係比較難配合。之前都仲話有多啲時間，今年復常就真係少少時間都冇。今次入到寶琳站嗰頭搵嘢食，見到呢啲上海嘢就覺得好親切，唔係好似港鐵某個新工會咁要對權貴吮癰舐痔嗰隻，而係佢通常平平哋就可以好飽肚，係窮人恩物。一坐低我 menu 都未睇就叫咗碗 $20 嘅「咸豆漿」，必點嘅。呢度個「咸」應該寫做「鹹」不過由佢啦，味道估唔到唔錯，對得住個價。另外我叫咗兩款炸物，分別係 $24 嘅「酥炸雞翼」兩隻同埋 $22 嘅「上海排骨」。前者係全翼，炸得幾好，唔錯。後者就係比較一般嘅炸豬扒，冇特別。然後仲叫咗 $8 嘅「滷水蛋」，第一次見滷水蛋係連殻上，我唔係叫茶葉蛋喎。不過佢又整得唔錯，唔怪佢啦。飲品我就梗係叫 $10 嘅「凍豆漿」，夠凍夠豆味，但又係有

經過見到呢間，係喎，好耐冇食過粢飯，睇時間，都7點，肚餓又口痕，就入去食😝😝😝點左碗咸豆漿（走蝦米，我唔鍾意蝦米），粢飯，見到隔離枱啲小籠包好多蒸氣，點埋😆😆😆咸豆漿味道淡淡地，加幾舊油炸鬼，唔錯👍普通粢飯唔錯，如果自選料即包，會貴啲。我普通既就得啦。呢啲食慣既味道先好食😋😋小籠包應該係即蒸，黎到熱辣辣，擺入口好熱，小心燙親。湯汁多，皮唔厚，好食👍👍，個人推薦👍👍👍食完仲未飽，叫多2個生煎包，食完夠哂皮😊😊

一間位於寶琳的懷舊上海小店，相信都是寶琳街坊的集體回憶，令人回想每天上學經過的早餐小店，中學生下午茶的聚腳點。小店更有即包粢飯，可按喜好加配餡料，還有咸豆漿、上海麵及餃子選擇，大家準備好面臨選擇困難症！——🍚 招牌正宗上海粢飯 HKD$19+2（即包）糯米飯包著炸菜、肉鬆及油炸鬼，不要看少一個粢飯，食一個都足夠填滿你的肚肚。油炸鬼香脆，增添了口感，炸菜配上肉鬆，夾著糯米飯吃的確是一反風味，吃著吃著就吃完一半。🥣 咸豆漿 HKD$19一碗熱呼呼的咸豆漿中包括蝦米、油炸鬼、蔥花及炸菜。吃上一口，會感到一陣淡淡豆香中夾著微微咸味，油炸鬼浸滿咸豆漿，吃上口感軟淋淋的，夾著蔥花吃也不錯。🍜 上海排骨麵 HKD$39一碗上海麵配上炸排骨，麵上鋪滿炸菜絲，湯水清，很有兒時吃的小麵店感覺，炸豬排不算香脆，吃上會有一點兒膩感，豬排有調味，整體感覺還好。——評價🏠 具小店情懷🪆 回憶的味道💵 價錢親民推介指數：❤️❤️❤️（五個心心為滿分）——地址：將軍澳貿業路8號新都城中心3期地下G22號舖

今日天氣凍凍地，最適合食粢飯同豆漿，於是黎到將軍澳呢間鋪頭試下，鋪頭都好就腳，係新都城中心。一黎到好多人等緊外賣，鋪頭又坐滿曬人，應該質素唔錯，果然無令我失望。1:粢飯$19+2呢間鋪頭嘅粢飯有分鹹/甜，第一次見有甜嘅，裡面餡料係砂糖同油炸鬼，不過我今次就無叫到，我今次食鹹嘅，可以加兩蚊要即包。我緊係叫即包，餡料好多，有肉鬆、榨菜同埋油炸鬼，油炸鬼好脆，包係熱辣辣嘅糯米飯裡面，好鬆化，超好味🤤🤤🤤😋😋😋2.滷水蛋拼豆腐$33滷水味唔會好濃，但我已經覺得好夠味，滷水蛋同豆腐都好食。小籠包$28小籠包即叫即蒸，我覺得$28有四隻好抵，味道都正常，裡面好多湯汁，食嘅時候要好小心。4:炸銀絲卷$20銀絲卷又係即叫即炸，做到外脆內軟，點埋煉奶食，絕配👍😍5:凍豆漿$9豆味濃，唔會死甜，我地飲曬兩杯🫣消費價錢：兩人150樓下結論：可以經常食

豆漿算係 o k a y. 上海雲吞太少料！有點失望。粉絲都好味，有彈力。最大問題係附近沒有類似食店對手！ 但.... 就有一位大叔服務員的態度就好差。我來幫襯，唔係要嚟受你的氣！！

哩間真係由細食到大，今朝早久違想起佢，真係好驚佢執😂不過我都係對佢豆漿有信心，見佢終於改左舊餐牌👍🏾👍🏾👍🏾 仲有枱😆證明我幾多年無食佢。即炸油炸鬼希望佢長做長有，繼續keep 到咁正水準，其他地方食唔到粢飯中間油炸鬼係脆的。不過今次只係叫左豆漿 油炸鬼🤤🤤🤤

今日就嚟到寶琳食上海真美豆漿大王🫡因為我係下午茶時間嚟食嘅，周圍枱都冇咩人坐，坐得比較舒服。我就叫左一份煎餃子配凍豆漿，大家要留意返叫煎餃子可能會等得耐少少，因為係即叫即煎嘅。所以當然一上到枱都係好熱辣辣啦，亦都非常之香。🤤不過我就覺得油份多左啲，食落都有種油膩感，呢到就扣左少少分。不過食落都好足料，下午茶$29有4隻煎餃子加豆腐絕對唔貴。🙌🏻🙌🏻另外我都叫左一份煎釀豆腐，反而呢份就真係麻麻地啦。一嚟上到枱完全唔夠熱，只有少少餘溫。二嚟只係釀左少少豬肉入去，同普通煎豆腐都冇乜分別。🙁下次都唔會再叫呢樣，希望店鋪未來會有所改善！🙈🙈

晏晝唔知食咩好又唔想食粉麵 又食得飽嘅就會嚟呢到食粢飯豆漿鹹粢飯當日油炸鬼炸得酥脆但調味略嫌有啲過咸份量就正常 料都幾足熱豆腐花好耐冇食豆腐花所以叫咗碗熱嘅 過下口癮秋天食碗熱辣辣豆花 養顏又飽肚豆花依然嫩滑 輕微豆味黃糖喺底部 記住撈埋一齊食唔係就會過甜有時會食佢嘅肉碎拌麵 係微辣嘅肉碎分量十足 用嘅係上海麵跟埋杯豆漿 夠哂完滿🫰🫰食嘅好多時都係回憶但翻新過後 味道方面都保留到好多時都座無虛席 外賣單同堂食都keep住有下次試吓佢嘅咸豆漿先😂😂

粢飯 - $19標榜即叫即包, 餡料都算幾多,炸油條鬆化因為我曾經食過一啲好硬, 我好唔鍾意🥹所以覺得呢間真係唔錯!! 煎餃子(4隻) - $23佢餡料唔算好多，但係就多汁, 但其實佢係幾香嘅韭菜餡，同埋我食到有少少胡椒香味, 係幾好食😎滷水蛋拼豆腐 - $36滷水味佢唔係好重嘅，不過係入味, 而個蛋黃就偏實咗少少, 反而個豆腐幾好食👍🏻脆香雞扒飯 - $39雞扒炸得比較偏乾身, 炸醬亦都偏硬, 但雞肉都係滑，但係個飯就好好撈, 點解呢？因為佢係有雪菜配肉絲, 成個飯都幾香😝上海小籠包 (4隻) - $28皮薄多汁, 但係因為佢無匙俾我, 一夾得唔好就會整穿, 真係少啲筷子功力都唔得😂我覺得 $28有四隻真係好抵食

呢間老字號由細食到大喺寶琳屹立多年 餐廳嘅位置比較隱蔽個人認為係平民之選😜✨栥飯 $19好貼心咁開半2個人share飯粒煙煙韌韌 仲有酸菜同油炸鬼✨上海淨雲吞 $36/8粒好耐無食人手包嘅大雲吞！！！成粒雲吞吸晒湯底 好鮮甜 💯🤩真係一試難忘 ✨五香肉骨麵 $40大大碗麵只係40蚊 可配米線/上海麵 排骨超級大件 而且好稔身 吸晒肉骨味🤩✨香滑凍豆漿 $9小店黎講係好好嘅水準 唔夠飽仲可以叫生煎包 小籠包等等⋯