上海維記

營業中

休息中

男朋友鐘意食中菜 揀咗呢間同佢收工食呢間上海菜館的環境 整潔新淨 地方唔大 不過位置都算多非常適合家庭聚餐或朋友小聚餐廳菜式選擇好多 除咗有二人/四人餐之外仲有單點 兩個人諗唔到食咩 所以揀咗個二人套餐招牌小籠包(4粒)小籠包皮薄餡多 湯汁濃郁 咬開勁多湯汁😍上枱嘅時候熱辣辣超正🤩👍🏻配埋豆瓣醬食好惹味 黑醋骨黑醋骨 色澤好靚 睇落已經覺得好濃味😍賣相係滿分嘅 味道我都比滿分😗份量超級超級超級多!! 好抵食呢間店用嘅唔係全瘦肉 類似五花腩咁樣 有小小肥肉 食落甘香而不膩 啲肉非常掛汁 配埋白飯簡直完美😌😌瑤柱賽螃蟹 賣相good good👍🏻蛋香味濃郁蛋白口感有彈性嫩滑 而且唔油膩配埋瑤柱絲食好正🤤滿滿嘅蛋白好正 我直頭一羹一啖當飯咁食🤭😂😂雖然套餐係包埋甜品：綠豆沙唔係我哋散嗌嘅 但係呢個甜品都做得絕對唔馬虎 食落清香 綠豆起沙 夏天食感覺消暑清熱！整體嚟講呢個二人餐都算抵食 食物嘅味道幾好 而且份量好足 兩個人食 絕對夠飽😋套餐包咗小籠包, 2個小菜2碗白飯, 飲品仲包埋甜品 而且店員服務貼心 點餐之前都會過嚟推介吓餐廳嘅菜式 如果你想品嚐下正宗的上海風味 可以考慮同朋友嚟呢間試吓

上海維記菜式重現上海傳統，無論是小食抑或主菜，都能見其用心。小籠包：皮薄多汁，入口鮮香。每一口都能感受到鮮味，必試。招牌黑醋骨：酥脆外層包裹著軟嫩的豬肋骨，醋香豐厚而不刺鼻，開胃帶點微甜，正好引起食慾。肉質肥美且完全無渣，蘸著黑醋與拍青瓜同吃，特別適合佐飯。瑤柱賽螃蟹：選用蛋白與瑤柱快炒至如蟹肉般幼滑細緻，鮮味十足。流心蛋、青豆、飛魚子分層交錯，增添不同的口感變化。豆漿：豆香自然樸實，甜度適中，入口滑順順喉，非常解渴。

Fafafoodblog為食花太郎 上海維記 二人套餐298 蚊🍴銀芽炒鱔糊 加88 蚊🐟芽菜好爽口， 鱔糊好爽彈 個醬汁濃度適中 要黎撈飯正🍴黑醋骨🐖黑醋酸甜開胃 豬骨係彈牙肥膏筋位 盡吸醬汁 🍴招牌小籠包 小籠包皮薄。 肉質juicy , 點d黑醋都 好味 配豆漿 白飯#上海菜 #黑醋骨 #豆漿 #鱔糊 #小籠包 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#上海維記大角咀埃華街90 號地鋪~~~~~~~~~====================

五一黃金周和家人留港消費，自小店開張已聽聞不少好評便特意到訪，但當日中午12點到店居然幾近全空。餐廳環境舒適，對比附近其他店舖座位闊落，店員招呼亦勤懇，第一印象不錯。假日也提供$58起的午市套餐，價格實誠。------------------------------✨$60✨黑醋骨客飯香氣十足，個頭適中入口啖啖肉。醬汁比例調得出色，鎮江醋香和醬香兼備，加上薄脆的面衣絕對是白飯小偷。唯獨不太明白使用拍青瓜墊碟的用意，如果是為中和油膩感，放在碟邊更適合，現在反而吸收了多餘的油脂，並混雜了不太融和的蒜味。✨$72 ✨銀芽鱔糊客飯同樣分量絕不欺場，熱氣騰騰充滿鑊氣。雖然鱔肉比例多但品質不太新鮮，肉質欠爽彈亦有不少細骨，不過以此價格實在難以期望可以有新鮮黃鱔。銀芽脆嫩火候剛好，反而是因調味上五香粉比較霸道而扣了分。加$5轉配的菜飯發揮正常，每口白飯都拌有小棠菜粒。✨加配$18✨涼拌海蜇海蜇質感爽脆不會橡筋，只是調味單一麻油為主，如添加少許陳醋會更有層次。✨$58✨豆沙鍋餅上海菜的標杆除了濃油赤醬，包點也是不遑多讓。雖然未有空間嘗試小籠包但甜品的Quota總是有的，可惜終歸是浪費了。即製的鍋餅縱然

講真，大角咀搵食多到眼花，但講到「碟頭飯王者」，我首推上海維記碟糖醋排骨飯！唔係普通茶記貨色，佢哋整得真係有嗰份老上海風味，食一次就記掛住個味！點解必試？排骨靚到無朋友！ 啖啖肉唔在講，最正係佢哋專揀半肥瘦肋排，炸完外皮脆卜卜，咬落去啲肉仲係腍滑帶juicy，完全唔會乾柴柴！秘製糖醋汁一絕！ 個汁真係靈魂所在——酸咪咪勁開胃，甜度又唔會死甜，仲有微微薑香吊味！啲汁掛到排骨實一實，撈飯食簡直邪惡到爆炸，唔覺唔覺清晒成碟！

呢間「打工仔佳音」真係大角咀街坊福音嚟㗎！$56起就有齊湯、小食、菜飯同飲品，仲要即叫即炒，熱辣辣上枱，抵食到笑！ 銀芽炒鱔糊客飯，鱔魚爽脆彈牙，份量夠晒多，銀芽炒得啱啱好，唔會淋pat pat，仲有啲甜味添！黑醋骨客飯都正，排骨外脆內嫩，酸甜醬汁撈飯一流，食完仲想encore！ 小籠包蒸籠上，爆哂湯汁好有驚喜！菜飯係亮點！飯粒分明，混咗超多白菜，清新唔油膩。例湯料多但略淡，不過送飯都OK啦～小食係烚枝豆，健康之選；飲品有自家製豆漿，夠晒誠意！ 總括來講，呢度嘅客飯抵食大份，絕對係打工仔同街坊嘅快靚正之選！

位於大角咀的「上海維記」，是一間充滿懷舊氣息的上海菜館，門面低調卻藏着令人驚喜的味道。走進餐廳， 簡潔裝潢與亮麗燈光營造出一種老上海的韻味，彷彿時光倒流。前菜：花雕醉豬手是一大亮點，酒香濃郁，豬手皮滑肉嫩，充滿骨膠原口感，令人回味；涼拌海蜇清爽，入口彈牙，配上微酸的醬汁和芝麻，開胃效果一流。主食：銀芽炒鱔糊則展現師傅的火候功力，鱔魚滑嫩無腥，銀芽爽脆，層次分明；招牌黑醋骨酸甜開胃，外層微脆，內裡肉質軟嫩，黑醋的香氣與肉香交織，令人食指大動；上海回鍋肉炒得香氣四溢，肥瘦相間，醬香滲入每一片肉中，令人忍不住多添一碗白飯。總結，餐廳不僅保留了傳統上海菜的精髓，更在細節中展現出精巧構思，是一間值得細味的老店。

【上海維記】是一間新派上海菜館，由擁有三十多年經驗的大師傅掌杓，師承正宗上海師傅，手法地道，菜式既保留傳統風味，又加入現代元素，令人耳目一新。餐牌提供多款上海菜，包括小籠包、鍋貼、酸辣湯、花鵰醉雞、蒜泥白肉、砂鍋雲吞雞、上海粗炒、擔擔麵等，應有盡有。涼拌海蜇：海蜇爽脆，醬汁清新微酸，開胃之選，層次分明。花雕醉豬手：豬手炆得軟腍入味，花雕酒香濃郁，酒香與肉香交織，令人回味。上海回鍋肉：五花肉肥瘦相間，炒得香口惹味，醬香濃厚，配白飯一流。銀芽炒鱔糊：鱔糊滑嫩無腥味，銀芽爽口，火喉掌握得宜，口感豐富。黑醋骨：選用新鮮半肥瘦排骨，一口一件，外脆內嫩，黑醋酸甜平衡，啖啖肉香。整體而言，餐廳不論味道、擺盤或師傅功架都見心思，是喜歡滬菜人士不可錯過的好選擇。

「上海維記」開咗幾十年，街坊由細食到大，佢哋嘅黑醋骨絕對係大角嘴隱世王者！排骨唔係普通油炸咁簡單，師傅堅持每日新鮮豬扒，用刀背拍鬆再醃足鐘數，咬落去外脆內軟仲有肉汁爆出嚟，最癲係個秘製黑醋汁——酸甜平衡到啱啱好，唔會嗆喉又唔會膩，濃稠到掛滿每件排骨，仲有微微薑香吊味，送白飯一啖接一啖停唔到口！必食亮點： 脆到有聲嘅黃金外皮 – 即叫即炸，上枱仲聽到「滋滋」聲，脆粉超薄唔油膩，咬落「咔嚓」一聲超治癒！魔鬼細節醋汁 – 唔係求其醋+糖，聞到攻鼻醋香，食落帶焦糖回甘，撈飯直頭係邪惡級別！份量夠晒霸氣 – 成碟鋪滿6-7件大排骨，男仔食都飽肚，有呢個質素真心抵到爛。配角都唔馬虎：客飯跟嘅例湯絕非洗鍋水！試過眉豆雞腳湯足料到有半碗渣，仲有碟爽脆椰菜解膩，成個set完美配搭。轉雪菜肉絲炒年糕做底 – 煙韌年糕索晒黑醋汁，食落double滿足！呢碟黑醋骨係香港少見嘅「有靈魂碟頭飯」，食過其他茶記都會覺得輸幾條街！大角嘴街坊由學生哥食到帶仔女翻嚟，味道三十年如一日。如果你未試過，聽日lunch直接衝啦！（記得帶現金，唔收電子支付㗎！）

上海維記喺大角咀咁多間茶記之中，黑醋骨 絕對係「鎮店之寶」級數！佢唔係普通咕嚕肉咁簡單，而係用 正宗上海黑醋 去炆煮，仲要係 即叫即炸，上枱仲熱辣辣、脆卜卜，個汁仲要 掛到滿晒骨，食落真係 酸甜醒胃，香到咬舌頭！ 點解必試？睇下面啦！外脆內軟，骨都有味！佢哋揀 一字排 嘅部位，啖啖肉得嚟仲連住少少肥膏，炸到 金黃焦脆，咬落「咔嚓」聲！重點係 連骨都入味，啜落去啲黑醋汁滲晒出嚟，酸中帶甜，完全唔膩！靈魂黑醋汁 — 濃而不嗆！個汁真係精髓所在！用 鎮江醋+冰糖 慢熬，唔會得個酸字，係有層次嘅 酸甜焦香，仲有啲薑蒜嘅辛香吊味，撈飯真係可以 秒清一碗！份量夠晒霸氣！一碟有成 7-8件大排骨，堆到成座山咁高！兩三個人 share 都得，但小心食上癮爭食啊～食家貼士：配白飯！配白飯！配白飯！（好重要講三次）個汁濃到發光，淋上熱飯度，撈勻一啖飯一啖骨... 天堂啊！加杯凍檸茶/可樂，冰涼解膩，爽度爆燈想邪惡到底？叫多客 炸饅頭 點黑醋汁食，包你打開新世界大門！如果去上海維記淨係試一樣嘢，黑醋骨絕對零懸念！一大碟，抵食到笑，味道仲要十年如一日咁穩陣～食肉獸、酸甜控、撈汁怪 — 聽我講，衝啦！

這晚在大角咀收工，一行三人去了埃華街這間上海菜館，餐廳裝修精緻舒適，坐得舒服。餐牌食物選擇多，選了必食嘅銀芽炒鱔糊、奶油津白、小籠包、回鍋肉炒年糕、黑醋骨和花雕醉雞。先來銀芽炒鱔糊，菜式賣相精緻，鱔糊起骨起得乾淨，啖啖肉，配埋芽菜嘅清爽，炒得有鑊氣好好食。之後是小籠包，小籠包皮薄餡靚，皮帶點煙靭的質感，咬下去肉汁多，食得出食材嘅新鮮。跟住是黑醋骨，黑醋骨外皮炸得夠薄夠香脆，食落好惹味。奶油津白，第一次食到好食嘅奶油津白，估唔到好creamy同大白菜好夾最後之後係醉雞，醉雞花雕味濃郁，醃得入味，雞皮色澤水靚和爽，令人食指大動。最後是回鍋肉炒年糕，回鍋肉肥瘦適中炒年糕炒得煙靭，不經不覺食晒成碟。喺食緊嘅途中老闆送來足料菜乾豬骨湯免費送俾食客飲用，即刻加分。店舖裝修精緻，食物好吃，店員服務好，周不時加茶，已約好和同事下次再來吃午餐

🥟招牌小籠包（4隻）嚟到上海菜館點可以唔食小籠包！🥟佢哋嘅小籠包皮薄餡靚，一啖咬開，滿滿嘅湯汁即刻湧出嚟，熱辣辣又鮮甜，真係超滿足！一籠四隻，眨吓眼就清晒！🍽️雞絲粉皮呢個雞絲粉皮都係必點小食，雞絲撕得好幼細，粉皮滑溜溜，配上麻醬同青瓜絲，撈勻食勁開胃，麻醬香濃得嚟又唔會膩，大份真係冇後悔，食極都唔夠喉！🤤🍽️黑醋骨黑醋骨賣相好吸引，酸酸甜甜嘅黑醋汁完美咁包住排骨，排骨炆得好腍，肉質入味又唔會韌，甜酸度恰到好處，食落好滋味，送飯一流！🤩🍽️乾煸四季豆食咁多肉都要食返啲菜平衡吓，乾煸四季豆炒得好夠鑊氣，四季豆爽脆得嚟又唔會油膩，入面仲有少少肉碎同辣椒粒，帶點微辣，味道好豐富！🌶️🍨桂花酒釀小丸子食完咁多好嘢，最後梗係要食個甜品先圓滿啦！桂花酒釀小丸子，一上枱就聞到淡淡嘅桂花香，小丸子煙煙韌韌，配埋甜甜哋嘅酒釀，食落去暖笠笠又清甜，為今餐畫上完美句號！💯

晚市一人套餐$65超級抵食！一人套餐又有前菜又有嘢飲仲有主食。前菜有雲耳拍青瓜，青瓜非常爽脆，仲加埋一浸麻油喺面頭簡直畫龍點睛，錦上添花。飲品方面可以揀檸檬茶又或者係烏龍茶，夏天熱辣辣喺條街度飲到凍冰冰嘅嘢飲非常之過癮。瑤柱賽螃蟹客飯用咗蛋白、蛋黃、瑤柱、西蘭花做主材料。海鮮嘅鮮味同埋蛋白嘅嫩滑真係可以媲美新鮮嘅蟹肉。加埋瑤柱絲食落去非常滑溜。餐廳仲推介非常上海式嘅食法，食嘅時候加埋甜醋一齊食，酸咪咪咁樣同時間又有海鮮嘅鮮味，非常開胃，可以送到一大碗飯。招牌小籠包（四隻） $50 小籠包非常之多汁，食落去個皮亦都適中唔會太厚搶咗小籠包肉餡嘅味道。四隻啱啱好兩個人每人兩隻。豆沙鍋餅$50 餐廳嘅豆沙窩餅皮脆，並且夠薄。仲有內餡嘅豆沙蓉都非常之多。因為調味上佢唔會太甜，所以多豆沙蓉夾埋啲皮一齊食好滿足！鹹肉豆腐湯$72 鹹肉嘅鹹香味非常吸引，煮落個湯之後連食豆腐都會有一種鹹香。湯底奶白色睇落去就知道非常之夠火候，鹹肉豆腐湯比其他嘅湯底清淡，但係同時濃郁，不過又唔會油膩。

閨蜜在大角咀訂做了手袋， 讓我陪她去取， 順便過來吃午飯 。她是地膽 ，識飲識食， 帶我來到這家上海 菜餐廳， 原來這裏近奧運站， 出地鐵經天橋 ，舒舒服服就可以走到埃華街90號地舖。 中午吃飯當然是要 選套餐 ，因為經濟實惠， 這裏中午的人客都是白領， 見到他們選的菜式都很不錯， 我們也照板煮碗 ，選了銀芽炒鱔糊客飯 ＄72， 酸菜魚片酸辣米線辣＄60元 ，加兩個小吃， 花雕醉雞翼 ，紅油抄手 ，然後各叫一杯飲品 ，豆漿和酸梅湯， 應該很豐富了。我最愛的酸菜魚🐠 米線很大一碗， 面上鋪滿新鮮嫩滑的魚片， 配菜還有芽菜 ，酸菜 ，肉碎， 湯底鮮味， 米粉爽滑 ，份量充足 ，辣味酸味也是剛剛好， 吃得很滿足 。銀芽鱔糊客飯， 同樣是一大碟 ，黃鱔炒銀芽， 厚厚粗粗的無骨黃鱔肉 配爽脆的銀牙， 閨蜜話用來送飯真是一絕。 兩個小食我們都很喜歡 ，花雕醉雞翼， 酒味濃香， 雞翼爽脆鮮美， 紅油抄手， 咬開全是湯汁 ，高水平製作。 豆漿是濃香的豆味 ，不像是街外買的 。一餐豐富的午餐只是一百多元 ，真是太實惠了。👍👍

上海維記大角嘴附近好多野食，但呢間上海菜係我同屋企人成日食~好適合我地口味！講到上海菜點少得小籠包！熱騰騰新鮮出爐，皮薄多汁，點醋同薑絲，輕輕咬一口，飲下d精華湯汁，飽滿多汁，之後再成個食，jeng！黑醋骨：平時食黑醋骨最怕就係醋味太重，但今次呢個balance得好好！酸酸甜甜好開胃~而且每一塊都好入味，肉質嫩滑，肥而不膩！奶油津白：我好中意食娃娃菜，所以每次都必點呢個！娃娃菜好甜~再挂上d奶白調味就更加正！酸辣湯：酸辣湯好大碗！夠3-4個人食！入邊加左蝦肉，令口感更佳Q彈，味道都有點鮮甜！餐廳環境都坐得舒適，可以同屋企人慢慢享受食物，傾下計~幾好！