影片
港鐵奧運站 B 出口, 步行約5分鐘
繼續閱讀
電話號碼
26876888
開飯介紹
由擁有三十年上海菜經驗的大廚主理，主打傳統正宗的上海風味，每道菜式都經過精心設計，配合舒適的用餐環境，為食客帶來地道且高質素的上海美食體驗。
繼續閱讀
營業時間
今日營業
11:30 - 16:00
17:30 - 21:30
星期一至五
11:30 - 16:00
17:30 - 21:30
星期六至日
11:00 - 22:00
公眾假期
11:00 - 22:00
*最後落單時間:21:30
以上資料只供參考, 請與餐廳確認詳情
有關獎賞計劃
五一黃金周和家人留港消費，自小店開張已聽聞不少好評特意到訪，但當日中午12點到店居然幾近全空。餐廳環境舒適，對比附近其他店舖座位闊落，店員招呼勤懇，第一印象不錯。假日也提供$58起的午市套餐，價格實誠。—————————————————————✨$60✨黑醋骨客飯香氣十足，個頭適中入口啖啖肉。醬汁比例調得出色，鎮江醋香和醬香兼備，加上薄脆的面衣絕對是白飯小偷。唯獨不太明白拍青瓜墊碟的用意，如果是為中和油膩感，放在碟邊更適合，現在反而吸收了多餘的油脂，並混雜了不太融和的蒜味。✨$72 ✨銀芽鱔糊客飯同樣分量絕不欺場，熱氣騰騰充滿鑊氣。雖然鱔肉比例多但不太新鮮，肉質欠爽彈亦有不少細骨，不過以此價格實在難以期望會有新鮮黃鱔。銀芽脆嫩火候剛好，反而調味上五香粉比較霸道而扣了分。✨加配$18✨涼拌海蜇海蜇質感爽脆不會橡筋，只是調味單一麻油為主，如添加少許陳醋會更有層次。✨$58✨豆沙鍋餅上海菜的標杆除了濃油赤醬，包點也不遑多讓。雖然未有空間嘗試小籠包但甜品Quota總是有的，可惜終歸是浪費。即製鍋餅縱然滾燙但異常”冧油”，邊緣餅皮入口是尷尬的硬實，中間卻又軟塌。豆沙不太甜但香氣欠奉，比例失衡最後勉強吃幾塊也無奈投降。—————————————————————因外賣自取有九折，一個月後又外賣了黑醋骨客飯，水準依然出色，遺憾加點的鍋貼再一次中大伏，麵皮極厚且死實，肉餡少得可憐。在包點一環餐廳可謂完敗，整體偏科鑊氣小炒，在上海菜這條賽道上難以突圍，餐廳似乎亦意識到這點所以以友善定價補償。作為大角咀街坊亦不希望餐廳要黯然離場會回訪，但只侷限於小菜和湯麵類，期望小店在發麵和麵皮收口等手藝上多花心思，為企穩陣腳打下堅實基礎。
繼續閱讀
講真，大角咀搵食多到眼花，但講到「碟頭飯王者」，我首推上海維記碟糖醋排骨飯！唔係普通茶記貨色，佢哋整得真係有嗰份老上海風味，食一次就記掛住個味！點解必試？排骨靚到無朋友！ 啖啖肉唔在講，最正係佢哋專揀半肥瘦肋排，炸完外皮脆卜卜，咬落去啲肉仲係腍滑帶juicy，完全唔會乾柴柴！秘製糖醋汁一絕！ 個汁真係靈魂所在——酸咪咪勁開胃，甜度又唔會死甜，仲有微微薑香吊味！啲汁掛到排骨實一實，撈飯食簡直邪惡到爆炸，唔覺唔覺清晒成碟！
繼續閱讀
呢間「打工仔佳音」真係大角咀街坊福音嚟㗎！$56起就有齊湯、小食、菜飯同飲品，仲要即叫即炒，熱辣辣上枱，抵食到笑！ 銀芽炒鱔糊客飯，鱔魚爽脆彈牙，份量夠晒多，銀芽炒得啱啱好，唔會淋pat pat，仲有啲甜味添！黑醋骨客飯都正，排骨外脆內嫩，酸甜醬汁撈飯一流，食完仲想encore！ 小籠包蒸籠上，爆哂湯汁好有驚喜！菜飯係亮點！飯粒分明，混咗超多白菜，清新唔油膩。例湯料多但略淡，不過送飯都OK啦～小食係烚枝豆，健康之選；飲品有自家製豆漿，夠晒誠意！ 總括來講，呢度嘅客飯抵食大份，絕對係打工仔同街坊嘅快靚正之選！
繼續閱讀
位於大角咀的「上海維記」，是一間充滿懷舊氣息的上海菜館，門面低調卻藏着令人驚喜的味道。走進餐廳， 簡潔裝潢與亮麗燈光營造出一種老上海的韻味，彷彿時光倒流。前菜：花雕醉豬手是一大亮點，酒香濃郁，豬手皮滑肉嫩，充滿骨膠原口感，令人回味；涼拌海蜇清爽，入口彈牙，配上微酸的醬汁和芝麻，開胃效果一流。主食：銀芽炒鱔糊則展現師傅的火候功力，鱔魚滑嫩無腥，銀芽爽脆，層次分明；招牌黑醋骨酸甜開胃，外層微脆，內裡肉質軟嫩，黑醋的香氣與肉香交織，令人食指大動；上海回鍋肉炒得香氣四溢，肥瘦相間，醬香滲入每一片肉中，令人忍不住多添一碗白飯。總結，餐廳不僅保留了傳統上海菜的精髓，更在細節中展現出精巧構思，是一間值得細味的老店。
繼續閱讀
【上海維記】是一間新派上海菜館，由擁有三十多年經驗的大師傅掌杓，師承正宗上海師傅，手法地道，菜式既保留傳統風味，又加入現代元素，令人耳目一新。餐牌提供多款上海菜，包括小籠包、鍋貼、酸辣湯、花鵰醉雞、蒜泥白肉、砂鍋雲吞雞、上海粗炒、擔擔麵等，應有盡有。涼拌海蜇：海蜇爽脆，醬汁清新微酸，開胃之選，層次分明。花雕醉豬手：豬手炆得軟腍入味，花雕酒香濃郁，酒香與肉香交織，令人回味。上海回鍋肉：五花肉肥瘦相間，炒得香口惹味，醬香濃厚，配白飯一流。銀芽炒鱔糊：鱔糊滑嫩無腥味，銀芽爽口，火喉掌握得宜，口感豐富。黑醋骨：選用新鮮半肥瘦排骨，一口一件，外脆內嫩，黑醋酸甜平衡，啖啖肉香。整體而言，餐廳不論味道、擺盤或師傅功架都見心思，是喜歡滬菜人士不可錯過的好選擇。
繼續閱讀