影片
係元朗國都有不少老店，俾我遇到呢間良心老小店，真係好好彩！呢間舖頭老闆娘好好人！又有愛心！每次嚟到元朗國一定要買佢！有得可以買來即時食！亦可以買返屋企食！今次我就買咗個壽桃包，買咗返屋企自己蒸，包都好足料，而且都好大個！咬落去個包都係實心嘅！餡料又唔會太甜，亦唔會太淡！另外買包當日！我亦買咗個叉燒包，即時食，味道比我想像中還要好食！叉燒餡都好多！熱辣辣！喺冬天一路行一路食真係好正！同埋好暖胃！聽老闆娘講！會做到二月，下次入嚟元朗國幫襯多次！
繼續閱讀
朋友介紹：原因係因為店主表示政見後流失好多生意試左煎牛肉包&生煎豬肉包&梅菜豬肉包生煎包唔錯，個皮脆同香口今次試嘅蒸包就餡太少，唔知其他會唔會呢煎堆皮太厚紅豆餡太少
繼續閱讀
呢間上海美食真係有左好多年，以前未有唐xx，xx先生前想食包就一定黎呢度買，後來貪方便就幫襯連鎖店居多，但講味道同抵食，始終都係上海美食贏九條街。是日平安夜公司有得放早，即刻過黎街市呢邊幫襯下佢，平時太夜放工佢已經收左門，再唔係就賣晒想食嘅野，好難預到心水㗎。位於街市的包點店，外觀不新淨，但食物出品有水準價錢比連鎖店平，size也較大，實屬抵食之選！買左一大袋回家慢慢嘆，雖然只係普通膠袋裝住，但個袋一啲都唔油，唔怕整邋遢㗎。買左三個生煎豬肉包，三隻鍋貼，同一塊蔥油餅都係＄37，真心平！豬肉包比餐廳同其他連鎖店都要大個，煎得包身香腍，內裏的椰菜豬肉餡勁多，調味合口味，好食！鍋貼同樣大大隻兼爆餡，韭菜豬肉餡鮮嫩多汁，點少少辣醬真係無得彈。蔥油餅望落無乜蔥花，但食落又好香蔥味喎，軟綿綿嘅餅身好味又唔油膩，同樣勁大塊好抵食。好味又抵食，老闆娘又勁熱情，有唔幫襯的理由嗎？
繼續閱讀
上海美食店食物大大件腸粉類朝早先有供應 鮮蝦腸粉一盒大概有8隻蝦size都唔細配甜豉油好味鍋貼大隻到有d嚇親 有椰菜同韮菜味簡包點買左蓮蓉包同香煎豬肉包由於腸粉同鍋貼太大份食得太飽 個2個包凍左 不過凍左都好味小店兩位姐姐都好熱情好友善會keep住幫襯
繼續閱讀
中式麵包夢工場。甜的是南瓜鬆糕：鬆糕發得好鬆，沒怎的加甜…只有絲絲的南瓜味和少少爽的南瓜粒，糕身大大個，彈彈牙，對脾胃。鹹的是芋頭包：不叫芋泥包的原因，是因為真的吃到粒粒芋頭之餘，仲有點「gel」住個口（拉絲）…還有眉豆呢。各式包款（鹹饅頭甜饅頭大饅頭花卷壽包豆沙包奶黃包等等等等）$3 大大個熱辣辣，仲有$5 脆炸大熗餅、牛肉餡餅、餃子生煎包…（回想起仍回味）價錢不是抵到爛，但勝在貨真價實。
繼續閱讀