上海美食

營業中

休息中

昨晚跟同事打波，先來這兒吃點東西。要了一碗酸辣雲吞加兩件燻魚。酸辣湯比以前稀了一點，湯多配料，但味道尚算keep 得住往時的水準，雲吞個皮好滑溜，餡料的肉菜比例都幾平均，只是免治豬肉落得過多味精。最差要算是燻魚，這店的燻魚是用鯇魚腩做，魚腩切得好薄，口感超柴，好似食緊渣咁，又唔夠醋味，但舊魚就黑麻麻，好唔掂！幸好惠顧麵食或湯類加$3便有杯豆味香濃，甜度適中o既自家磨製的豆漿。

好鍾意食呢佢哋o既豬排菜飯，豬排有肉汁，調味又唔錯，係菜飯油D，不過真係幾好食。至於雲吞，菜肉餡料分配都幾平均，又唔會太實，不過佢哋係一早淥定D雲吞，等有柯打時再翻淥，所以雲吞皮比較硬，如果可以即叫即淥就好食得多咯！

lunch冇帶飯，跟同事來這兒吃，因為佢碗酸辣湯真係好得，今次仍然叫了酸辣湯雲吞，上時，份量明顯地少了，而且也少，水多過湯，不過勝在酸辣均勻，而且雲吞進步了，不像上一次般皮太厚，希望今次只是失手，我會再來的。

以地小店價錢來說，它的麵食都幾貴，一碗酸辣湯麵要20元，但論質素又真係覺得物有所值，因為好大碗而且味道不俗，試過煄魚同雲吞，兩樣都幾好食，不過雲吞皮過厚，但餡料菜肉比例平均，是頗有水準的上海小店。