上海萬家村小館

營業中

休息中

細個三叔帶我喺深水埗揾食，就食過呢一間做上海菜嘅萬家村。當然時隔咁多年，仍然可以屹立喺深水埗相信有一定實力，感覺裝修靚咗，燈火猛咗，至於手勢有無好咗今日要食下先知！見到佢其實除咗散叫之外，套餐都好著數，不過今次想試下食多啲上海特色嘅小食，所以就散叫。適逢踏入蟹季，所以都嗌咗一個蟹粉豆腐羹、兩籠鮮肉小籠包、一碟鍋貼同一碗豬扒拉麵。平時去酒樓飲都會有湯羹，一大兜分通常只會食到一兩碗，諗住138呢個價錢都唔會俾得多。點知一拎上來時，嘩，份量真係多唔係講笑。本身呢日開OT有少少餓，揀咗呢個羹真係啱哂。每一羹都有豆腐豐富口感，又滑又嫰，再加埋蟹黃蛋黃，間唔中又食到一兩條蟹絲，無得彈！最重要食完兩碗都唔覺得滯，真係好啱用來開胃，而且仲有剩！可以食完成餐之後再飲，好有住家飯餐前餐後一碗湯嘅感覺。喺店家推介排行榜名列第一嘅小籠包嗌咗兩籠，同友人一人五隻。小籠包呢樣嘢唔單止上海菜，好多其他地方都有得食，但整得好唔好又係另一回事了。食落去有肉汁係基本常識，然之後個皮就當然越薄越好。不過有啲舖頭一味追求皮薄，用筷子一夾個包就穿窿漏哂啲汁，咁都係Fail嘅。不過喺呢度就唔使擔心，夾上手無穿，食落去肉汁爆出來，

長期爆滿😍😍必食性價比上海菜💯大大力推介俾大家‼️高質小店🥳#sdm深水埗 #sdm太子 #sdm小店 #sdm上海菜 #sdm港式 #sdm中餐 💛#和你食啲咩 💎 上海粗炒麵 $68值得一試‼️ （😋：8/10）👍🏻：高質嘅上海粗炒，每一條麵都炒到非常煙靭、有口感😍唯一輸蝕嘅應該就係冇乜我哋港式嘅大排檔鑊氣🤭🤭👎🏿：。💎 雞絲粉皮 $55值得一試❗️（😋：8.5/10）👍🏻：一見到咁細碟嗰吓其實覺得有少少貴🥲但係 原來非常值得😍啲粉皮真係好滑！真係每一條都晶瑩剔透，口感煙癮，而且雞絲嘅份量都多🥳係非常refreshing 嘅開胃菜🍀👎🏿：。💎 瑤柱賽螃蟹 $108值得一試❗️（😋：8/10）👍🏻：我對賽螃蟹不嬲都係一見鍾情💘而家越嚟越少餐廳整🥹所以！呢個！好推薦🥳啲蛋白好滑🍳份量非常足夠🥰而且調味方面啱啱好，唔會太鹹/太淡👎🏿：。💎 鮮肉小籠包 $48值得一試❗️（😋：7.8/10）👍🏻：一籠4隻🥟招牌菜🥳真係爆汁的，配上好多汁嘅鮮肉😍好好食👎🏿：好可惜🥹皮太厚💎 砂鍋雲吞雞 $88必食💯💯 （😋：9/10）👍🏻：呢個係細size，有1/4隻雞同埋大約4-8粒雲吞(當日冇真係數清楚🙈)呢

在深水埗的「上海萬家村小館」，一向是區內物美價廉的滬菜之選。今日午飯時間，同屋企人久違地點了他們的麵食套餐 🍜🌟除了主菜，我也試了兩道額外的菜品😋招牌擔擔麵，分別選擇配了熏魚、醉雞和炸豬排。擔擔麵的麵條彈牙，搭配醇厚的花生醬和微辣的醬汁。熏魚和醉雞味道不錯、份量充裕，適合一起分享，但豬扒則略嫌炸得太乾。人均$50多的整體麵食組合，性價比非常高👍🏻✨金銀炒鱔糊 （$128）🐟鱔魚切成幼條、味道鮮美，韭黃和芽菜的搭配十分新鮮。兩者口感相得益彰，份量也不算少，令人滿足。生煎包 🥟雖然外酥內軟，但與我之前的記憶相比，似乎少了那股濃郁的肉汁，味道中規中矩，但表現確實有些遜色於往年。總的來說，「上海萬家村小館」是一個值得推薦。。雖然有些菜品表現略遜當初，但整體的用餐體驗和性價比依然令人滿意。👍🏻✨

今日同朋友嚟深水埗買電子零件順便喺附近食餐飯見到呢一間上海嘢都幾旺 就入去試吓入面嘢食嘅選擇好多 有小菜小籠包 各種嘅炒粉麵飯 同埋上海特色小食都有因為我哋有選擇困難症 🤣然後又見到佢嘅松子黃花魚幾正 就嗌咗個二人套餐前菜揀咗個四喜烤麩酸酸甜甜 麵筋好有咬口 然後主角就係松子黃花魚 佢炸得好香口 而且條魚嘅份量都幾多另外佢個汁調得啱啱好 又唔會搶晒啲味 酸甜開胃酸辣湯 個人就覺得唔係幾夠酸 所以就另外再加咗啲醋落去不過份量就真係唔話得 兩個人根本食唔晒🤯🤯然後套餐要揀一個小菜 我哋嗌咗回鍋肉 回鍋肉肥瘦相間 調味亦都係小辣啱晒香港人口味然後嚟咗小籠包 啱啱蒸起熱到出煙小籠包多汁 配埋姜絲紅醋 而且一籠有五隻性價比真係高主食包左楊州炒飯蝦同埋雞肉嘅量都好多 而且炒飯炒得乾身都幾好味最後仲叫咗高力豆沙 入邊嘅豆沙餡偏小 但係佢外皮就炸得啱啱好 而且又唔膩不過四個饅頭咁大個嘅甜品真係飽到上心口🤯呢度嘅服務態度都唔錯而且每一個餸菜都係即叫即整 上菜速度快，而且份份係熱到出煙 絕對唔係一早整定嘅預製菜

雲吞雞揀左半隻雞分量來到發覺沒有雞髀雞……9成都是雞胸肉，好硬好柴成煲只食左菜和雲吞,百幾蚊食雲吞菜就太貴啦…同阿姐講點解全部係雞胸無其他位置嘅？個阿姐直接扮聽唔到行走

人生第一次寫食評。平時遇到奇店，都覺得算數，當笑話分享下。今日，2024年11月24日，下午一點左右，一行3人。一入門口都覺得出事，因為門口啱啱有班自由行自由活動，正準備解散食飯，所以一下子成舖頭都係人，我哋3個俾人當人球咁無限轉枱⋯⋯最好笑係叫你起身，又會有人搶咗你張枱坐。成單嘢亂到爭櫈仔咁。到落單，係d套餐跟小食嘢飲，諗住嗌完主菜嗌小食，一個個餐咁點，跟住佢係大聲呼喝我哋，叫嗌晒主菜先。認真，做法冇錯，點嗌我跟你又有咩所謂？但要咁惡死？以後真係唔好再鬧澳牛(再講，我不嬲都覺得澳牛阿叔好鐵漢柔情)，呢間嘢真係從此稱霸。

真是沒想到在深水埗這裡也有一家上海飯館，不但有地道的上海菜，還有其他菜式川菜等，價格便宜又好吃！### 酸菜魚片是一道酸爽可口的經典菜肴，鮮魚片嫩滑，搭配酸菜的獨特風味，魚片在酸菜的調味下，吸收了酸菜的鮮香與微酸，清新又開胃！套餐還包括一杯飲料豆漿和一碗米飯，加$15 白飯可以轉擔擔面，擔擔麵上的花生醬與辣椒油，帶來濃郁的香氣與豐富的口感！### 糖醋魚片魚片包裹了一層糖醋衣，色澤誘人的糖醋汁在盤中閃閃發光，令人垂涎！咬下去非常滑順，酸甜適中，魚片的嫩滑與糖醋汁的濃郁味道相得益彰！### 秘製話梅骨入口，鮮嫩的排骨瞬間在嘴裡釋放出豐富的肉汁，搭配著話梅的酸甜，那酸味輕柔地包裹著肉的甘香，仿彿在味蕾上跳起了舞！### 鮮肉小籠包薄薄的外皮透著微微的光澤，包裹著鮮嫩多汁的肉餡，輕咬一口，鮮美的肉汁便在口中綻放！### 高力豆沙 (6只)鬆軟的包皮呈現淡黃色，上面撒了一層白色砂糖，一咬下去又鬆軟又香甜！

夜晚9點鐘，都滿晒座😂好誇張😇呢間CP值真心高😜———————————————1️⃣爆汁蟹粉小籠包($118)⭐️估唔到小店都有爆汁蟹粉小籠包🤤小籠包頂端有蟹粉😜小籠包的皮夠晒薄☺️但又唔會一夾就穿😇咬一啖啜晒啲鮮濃蟹汁🦀蟹味濃而不腥🤩肉汁澎湃😝真係爆汁🤓超好食😍餡料舊肉都好juicy🤪好味指數:🍡🍡🍡🍡🍡2️⃣上海粗炒麵 ($68)份量都幾大份🍽️啲肉絲每條都幾粗身🤓醬油味香濃🫙麵質比較煙韌☺️ 仲有好多菜tim😜 上菜時仲熱辣辣，好有鑊氣☺️炒到每條麵都掛滿汁🤩 而且食落又唔好鹹😋好味指數:🍡🍡🍡3️⃣豬扒擔擔麵 ($68)⭐️炸豬扒大大件🐖好好食😍熱辣辣，有肉汁，唔會好乾身😌酥脆可口🤓外脆內軟！擔擔麵湯底濃厚惹味😜略嫌唔夠花生醬😙但麵質好彈牙同軟身😋 好味指數:🍡🍡🍡🍡🍡4️⃣砂鍋雲吞雞1/4隻($88)有4大粒雲吞🥘雞件都有好多件🐔好足料😇 雞件雖不是最嫩最滑☺️但都唔會太乾柴😛兩個人會好飽肚😂 湯味道夠但有少少鹹😣但都有鮮甜味🤪湯中有大量娃娃菜😗幾健康😉好味指數:🍡🍡🍡🍡5️⃣高力豆沙(4隻)$52熱辣辣架😍 高力豆沙質感似沙翁😎咬開入面滿滿豆沙軟綿🫘唔會太甜喎😍，一啖一個😋 口感好軟熟🤓加上糖霜，好好食☺️好

琴晚喺深水埗試咗「上海萬家村小館」，呢間小館主打正宗上海菜，每道菜都充滿家鄉味。首先，水煮鱸魚真係今晚嘅主角，魚肉滑嫩，配埋麻辣湯底嘅香氣撲鼻而嚟，辣得過癮但唔會過火。湯底夠濃郁，辣度恰到好處，唔會搶走鱸魚嘅鮮味，每一啖魚肉都係香辣同嫩滑嘅雙重享受。配搭嘅菜飯亦好正，配上香濃嘅湯底，整體味道層次非常豐富。然後，鮮肉小籠包係必試之選！小籠包皮薄，裏面嘅肉餡非常多汁，每咬一啖都會有湯汁流出嚟，味道鮮甜。肉餡嫩滑，配埋醋同薑絲，簡直係絕配，食一籠真係唔夠喉。生煎餃子煎得金黃香脆，底部酥脆，內裏嘅肉餡多汁，唔會過乾。蒜泥白肉亦係我嘅心水菜，薄薄嘅白肉片，鋪滿濃郁嘅蒜泥同麻辣醬汁，食落去香辣開胃。蟹粉豆腐羹亦都係亮點之一，豆腐嫩滑，蟹粉香濃，味道非常細膩。蟹粉嘅鮮味完全融入湯羹入面，每啖都充滿蟹粉嘅鮮味。「上海萬家村小館」嘅環境雖然唔算華麗，但勝在夠親切，服務態度亦都幾好，員工細心又熱情，上菜速度都相當快，無需等太耐。

話說有日一個朋友話想食酸菜魚，另外一個又話要食上海嘢，但係我本人又想食小菜，爭持不下之際，竟然俾我哋搵到間乜都有得食嘅上海小菜館涼拌麻油海蜇食海蜇最怕唔夠凍，呢一個就夠晒凍，超級爽脆，作為前菜啱啱好.招牌酸辣湯話晒都係上海菜館，梗係加$15叫返個酸辣湯試吓。濃稠度，酸辣度都啱啱好。涼浸浸嘅天氣整返碗熱辣辣嘅酸辣湯，冇得頂.川式酸菜魚片魚肉大大嚿，辣度有得揀。我朋友揀咗小辣，辣度啱啱好，成份食晒之後仲有少少麻添。寬粉雲耳芽菜嘅份量都幾好，基本上淨係食呢一個都已經好夠飽.西蘭花炒蝦球呢個價位比到咁多隻蝦球，簡直係抵到爛，炒西蘭花夠晒鑊氣，正柱侯牛腩煲天氣開始轉涼，就係想叫返啲熱辣辣嘅小菜煲物嚟食。牛腩夠冧，柱侯醬入晒味，攞嚟撈飯一流晚飯套餐有得加$15轉擔擔麵初初以為都係同個白飯差唔多大細，點知一嚟到超大碗，有花生味同埋辣辣地夠晒熱，唔錯唔錯.三條友咩都想食嗌咗好多嘢，點知嚟到樣樣都超大份，仲見到隔籬枱嗰碟菜都好大碟🤣今次真係食到捧住個肚走。晚飯時間都幾多人食，證明都係一間價錢親民食物質素OK嘅小店。 順帶一提跟餐飲品可以揀揀道地樽裝茶，坊間少見👍🏻

今日同朋友嚟到一間位於深水埗嘅上海舖頭，之前下午茶時間經過見到都想試，今日就一於試吓佢嘅晚餐。餐廳菜式選擇好多同朋友揀咗差唔多成10分鐘先決定到。 首先叫咗佢哋嘅招牌爆汁蟹粉小籠包 （$118/5）。而家秋高氣爽冇理由唔食蟹嘅產品小籠包一籠有五隻，包得夠實唔會一夾就散，仲可以夾住個頂影相打卡。材料都足嘅，算厚實。之後叫咗個醒胃涼拌前菜，叫咗怪味雞同埋鎮江餚肉雙拼（$80)。 各有四舊，賣相精緻，作為前菜啱啱好，微辣配上少少酸味幾特別。 另外叫左佢嘅招牌小籠包 一樣唔錯。 主菜叫咗個金銀炒鱔糊($128)， 呢個係咁多碟菜式裏面我最推介嘅，味道唔腥，肉質唔會散，調味啱啱好，具有唔同嘅口感，送飯一流。價錢嚟講亦都唔算好貴，性價比唔錯。 除咗主菜當然唔少得甜品。甜品嗌咗個高力豆沙 $52，呢個係我人生第一次食嘅上海菜，之後上網查先知係將蛋白打泡至企身，然後拎去摘搭配豆沙餡料，食落有少少似冬甩，但係口感又偏軟身，唔會太甜。 最後亦都嗌咗兩杯豆漿 $10，咩都唔會太甜，亦都有豆香。

成日經過黃金電腦商場都見到呢間上海菜排哂隊，今日決定入去試吓招牌鮮肉爆汁小籠包5隻 $48呢個小籠包做得好出色，大大粒，性價比夠高，真係爆哂汁架要小心食上海豬排擔擔麵 $68豬排炸得好酥脆，熱辣辣，擔擔麵湯底一流，叫唔辣都好香濃，麵質煙韌楊洲炒飯 $ 78炒飯好香，勁多蛋超正，仲有大大粒蝦仁，好足料銀芽炒鱔糊 $110呢個客飯餐都好有份量，碟炒鱔糊好大碟，鱔新鮮好爽脆酸辣湯 $15仲加左15蚊就有咁大配既酸辣湯，足料好好飲

蒜泥白肉：腩片夠薄，食落唔會覺得肥膩，配上辣椒同蒜泥，非常惹味。花雕醉雞：花雕味香溢，雞件厚度合適，太大件就會影響入味程度。呢度既醉雞幾入味，亦唔會太肥，送埋菜飯就一流啦。小籠包：充滿湯汁，新鮮現製，熱辣辣上，包皮厚度適中，食落富有肉汁既香味，豬肉亦唔會過熟而影響口感，整體都唔錯椒鹽鮮魷：單人餐黎講 份量頗多，足夠兩個人食。炸粉厚度合適，食落唔會硬掘掘 成口粉咁，鮮魷無雪味，魷魚鬚為主打。白銀蛋莧菜： 食左咁多濃味野，食番d菜 飲下湯 中和下就最合適不過。湯底幾清甜，有菜味無渣。總結：平民區都有好野食，新鮮製作，一人餐性價比好高，份量十足，亦無將價就貨。難怪客似雲來，值得一試。

超級抵食份量又多既上海餐@上海萬家村小館因為食過呢間既松子魚一直都念念不忘，今次飯聚同朋友一齊去食，好彩佢地都覺得好食😋超級推介松子魚二人餐，我地叫左兩個餐：冷盤點揀左海蜇同埋雞絲粉皮，清爽開胃；小籠包皮薄多汁、主菜松子魚酸酸甜甜好開胃，起哂骨咁食啖啖都係魚肉又炸得好脆；小炒叫左梅子骨同埋西蘭花蝦球，梅子骨整得好香口又唔會太咸，西蘭花蝦球既大蝦爽口彈牙，湯品就叫哂海鮮湯同酸辣湯各一，兩款既味道都好特別，好飲👍🏻甜品都係豆沙鍋餅同高力豆沙各一，高力豆沙好鬆軟好食；最後仲有楊州炒飯，不過無影到相同埋太飽無食到🤭#吃貨 #吃喝玩樂 #食玩訓 #深水埗美食 #上海菜 #松子魚 #小籠包 #吃貨人生 #hkgirl #hkig #reels #foodie #instafood #instareels #instagram #hkfoodie #gathering

深水埗一向有好多美食，今次朋友突然間話想食上海嘢，上OpenRice搵見到呢間人氣好高！一於去試吓首先，揀咗個小食拼盤($109)分別有海蜇，雞絲粉皮，口水雞同埋蒜泥白肉 ！ 雞絲粉皮勁好食粉皮好彈牙！ 口水雞超滑，又爽口 小籠包勁Juicy！！皮薄餡靚另外叫左豬扒擔擔麵！豬扒略嫌有少少乾身，但擔擔麵真係值得一讚！個面好彈牙，完全唔係腍啤啤姐姐仲送咗兩杯豆漿仲有好多嘢想試絕對會返轉頭，真係好羨慕住深水埗嘅人，如果我住附近一定會成日落嚟間上海野