影片
港鐵佐敦站 C2 出口, 步行約4分鐘
繼續閱讀
電話號碼
28023390
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
-
網上訂座服務暫停
有圖有真相，一滴肉汁都冇的鍋貼，即使咬開咗，倒轉隻鍋貼，都一滴肉汁都冇🤯乾噌噌。我真係從來冇食過一滴汁都冇嘅鍋貼，呢四隻鍋貼仲要$39，計返都成$10。足足等咗15分鐘，以為新鮮出爐好正，點知又乾皮又厚，個底完全唔脆，食完仲口乾。佢係有配喼汁，但唔知愛嚟做乜，因為舊肉完全唔香，基本上冇乜味。基本上食完唔知自己食咗啲咩，只係覺得自己好蠢點解揀咗呢間餐廳😩個心仲有啲嬲嬲地。做到一滴肉汁都冇，真係好難，咁都俾佢做到，真係萬中無一。連最基本嘅鍋貼都做唔好，睇唔到佢其他嘅食物可以做得有幾出色，完全唔會再幫襯！
繼續閱讀
今日嚟到佐敦，本身諗住摷返上次無食嘅素食店，英文排頭搵極都搵唔到，到搵返嘅時候原來已結業，唔怪得咁難搵返出嚟啦 😂又係隨機搵間餐廳食無上開飯𥄫，知錯了 😅一入面去係卡位嚟嘅，應該坐到四人。搭枱咁坐四人大家都尷尬。咁樣搭法無遮無掩，當初就唔好整呢啲卡位啦，好古怪 🤦。完全係公司嘅問題，唔關啲職員事。排骨擔擔麵、韮菜餃擔擔麵、小籠包、追加春卷、雞絲粉皮。友人話擔擔麵帶酸，我就不確定。淨係知未開始食個湯已經咁杰，食完凍咗仲杰，杰到好似合桃露咁，個麵我食唔晒亦都無興趣繼續食 🤷♂️排骨可以另上，韮菜餃又唔見另上 🤷♂️，定係我見識少 😂小籠包味道較為正常。春卷都熱焫焫脆嘅。食到咁嘅擔擔麵真係見識見識 👎😒
繼續閱讀
星期一晚，阿仔話想食砂鍋雲吞雞，就同屋企人去咗呢間上海舖食飯。我哋叫咗雞絲粉皮，小籠包，蔥油餅同埋砂鍋雲吞雞。雞絲粉皮係我食過最唔好食嘅一間，D醬汁又少，又稀又淡，D雞絲又韌，撈埋一齊食咗一啖經冇再食！小籠包就一般水準， 肉質ok，湯汁都夠。蔥油餅咬落香脆，蔥油香同鹹味比例恰度好處，係最好味嘅一樣。砂鍋雲吞雞足料嘅，湯味夠濃，雲吞就淋咗少少，金華火腿太肥，所以一塊都冇食過，雞肉再嫩滑d就更加好。之前都嚟過呢間食，啲嘢食好食啲，今次嘅食物質素比以前差咗！😐
繼續閱讀
今次搵到一間上海小菜館 驚喜 之前喺門口睇到 有好多 食唔到嘅上海菜 仲要係平民價錢嘅 所以嚟試試 前菜小食小籠包 窩夫 腐皮卷 三絲炸春捲 味道唔勞 非常合適 嘅好開始 主菜叫咗松子黃魚 鱔糊 三杯雞 滷肉柏葉 乾扁豆 另外一個唔知叫咩菜 酸菜大腸 上海粗炒 真係用粗麵唔係用中面添 仲有久違嘅 炸銀絲卷 蔥油肉鬆餅 鱔糊三杯雞 同埋嗰個 酸菜大腸 我覺得鹹咗少少 其他都非常美味 甜品仲加咗個高力豆沙球 嘩 唔甜㗎 好食呀 我仲嗌咗杯雪梨水 都好清潤呀 其實仲有好多餸可以叫 因為我哋今次得五個人 十幾碟嘢啦 所以加唔到喇 性價比高呀 值得去試
繼續閱讀
2個外賣，收$17外賣錢2個外賣，收$17外賣錢真係不知所謂，生意不是甘做，你有服務，出品好食，幾多錢都冇問題。重要同我講話全部餐廳都係咁。仲要春卷系裏面係淋嘅，回鍋肉啲肉咬唔開，唔好食不特止仲要亂收錢，真係不知所謂有呢d餐廳，點令人留港消費？
繼續閱讀