不一樣·飯聚 (已結業)

I chanced upon this place when exploring Ma Wan with my friends. The waiters were very sweet. They kept giving us cutlery, and let us stay for a long time (even though we were loud and annoying). The food was really good, and you can tell they put a lot of heart into every dish they made. We had a Saturday menu, but it seems like they change the menu every day. We ordered: - shrimp rolls - pork neck with Laoganma sauce - sweet and sour chicken - stir fried noodle with beef tenderloin - pork chop

中秋節去咗馬灣渡假村玩， 夜晚行過一間名叫不一樣的餐廳， 就想試下點樣不一樣， 順便過一個不一樣嘅中秋。店家提供中餐及西餐， 最啱我呢啲又多心又為食嘅朋友。 秘製酸菜魚片 $168魚片果然很滑， 酸菜很開胃， 酸菜湯喝起來是偏淡口味， 沒有過多味精 欖菜肉鬆四季豆 $88欖菜味很香， 四季豆炒得很淋易入囗， 送飯一流 不一樣椒鹽豬扒 $88果然是不一樣， 豬扒炸得香脆， 內裏卻很多汁， 又淋又軟滑， 非常惹味。 如果椒鹽和香蔥多一點會更加不一樣 千層麵 $118肉醬很多， 整個意粉很濕潤， 還有進步空間， 就是小朋友吃得很開心。總括來說， 個人覺得不一樣餐廳的中餐比西餐出色， 下次會再想試其他中菜的菜式。

正！已經去過好多次，好有住家饭感覺，平時搭車常經過，但始終無光顧。直到3個月前，之後已經常帶朋友去，價錢適中，又好味。午餐仲抵，再加大大杯飲品，正！如果大家有機會去馬灣，又吾知食咩好，可以試試。我很喜歡蝦仁炒蛋，次次去都点這味餸。

冇錯嘅已經幫襯咗好多年，佢啲嘢食質素其實都唔錯，就算喺疫情之下都冇偷工減料好好味。但係覺得自己因為喺嗰度入邊冇乜其他選擇就當啲客係垃圾態度惡劣後忍受唔到囉。今日中午餐我哋一家人行入去，完全冇打招呼冇望。到我哋要去點餐嘅時候，個人就好惡咁問你要中餐定西餐！但係成個啦枱面都剩係得西餐Menu根本就冇招呼過，連個客入嚟有冇睇Menu睇咩Menu都唔知亦都唔介意。其他嘢都唔想講太多，希望佢哋可以留意一下改善一下，因為本質餐廳質素都非常好希望佢哋就算喺百忙之中到留返少少友善嘅態度同客人交流下！

見到有珍珠奶茶就俾佢吸引左入去一試，裝修就普通，但點知味道出乎意料之外先叫左個pizza，似係墨西哥個啲薄餅，入面有好多芝士。用料簡單，食落啲味好夾同好脆，我覺得唔加醬食好味啲Burger for share。粗薯條個口感同出面個啲唔一樣，有薯仔味，唔係hea。個burger牛肉好厚，計落都幾抵食重點珍珠奶茶！！勁好飲呀，啲珍珠好彈牙，好重奶味，原來係用明治奶，仲要好似係24蚊一杯！我覺得好飲過天仁，同我最鍾意係vwalk電梯口個間不二之茶有得揮我個friend嗌左乳酸，佢嗌standard 甜，不過黎到又唔太甜，佢話都好好飲，不過我唔記得咗影相仲有嗌個咕嚕肉都超好食佢炸到好脆，食落真係同出面啲茶餐廳唔一樣味！呢個咕嚕肉必試，真心有驚喜！唯一嘅缺點係，呢度菜賣得唔係特別平，一分錢一分貨啦。咕嚕肉又唔記得影相😅最後個白膳都整得好味，好新鮮整體黎講，裝修就普通d，不過味道超水準👍🏻

週末想去吃一點好的東西, 但馬灣內除了沙灘旁的一列餐廳外, 沒有麼可取的食店。前身是酒樓的Be different, 卻令我大感驚喜。這家餐廳有兩店相連, 近馬路的主要是做中式食飲, 而另一家則是西式為主。在他們剛剛開業時有試過一兩次午餐, 整體感覺意外地好。今天也打算再去光顧一番, 但可惜時間太早, 只能選早餐類的。想了想後決定了這個(餐的全名忘記了...)  牛扒明顯地是原塊的一半, 厚度也屬於薄扒, 但調味和煎的時間很準。旁邊伴有生菜沙律, 可是這堆菜也只是有生菜這一種。牛角包作為常見的方包代替品這我可比較喜歡, 一口滿牛油香的角包一口黑咖啡就很足夠了。整體而言賣相不俗但略欠豐富感。還是等下次有機會再來吃午餐好了

嘢食一般，服務好差。不建議去Food were normal standard, service was really bad waiters were very rule.I wouldn’t recommend to goWhile we arrived have been telling us move table 2 times because of no reason and we do have 2 children with us together.And there were alot of bad things going on.

行過見到有招牌藥膳牛肉麵，好似好吸引，諗住凍凍地食返碗暖下身，點知一d都唔好食，藥膳湯係有藥材味，不過味道好淡.....我同大少一人叫左一個面同飲品，埋單$174 ！慢煮藥膳豬軟骨米線- 豬軟骨一啲都唔似豬軟骨，勁似湯渣，勁鞋 ，多有鬼用，最後食淨哂d肉淨食米線就算😩招牌慢煮藥膳牛肉麵- 牛肉一啲味道都冇，好難食 .......諗住拎d辣椒油叼下味，姐姐畀左一小碟仔，點知d辣椒油一啲都唔辣，落哂都冇咩料到😩

來到不一樣食早餐，叫了一個滋味早餐。1) 叉燒意粉：叉燒是日式叉燒，入口爽口，唔會好乾身，仲有啲甜味，不錯。意粉軟硬適中。2)香腸煎蛋：香腸不過不失，正常。煎蛋有驚喜，入面有流心效果。3)牛角包：入口鬆脆，有淡淡牛油香味。4) 黑糖薑母茶： 好有薑味但又唔會過辣，味道就好似蕃薯糖水的薑湯咁！友人叫了一個沙嗲牛肉米線，米線彈牙，沙嗲十分惹味，牛肉亦都唔會好老，份量亦不少。總括而言，不一樣的早餐十分出色，份量足且味道好。

裝潢很美式的一間餐廳，但佢既食物絕對係多國菜，由台式牛肉麵，美式漢堡，西班牙海鮮飯，西式意粉，仲有珍珠奶茶飲。一定揀到你心水。今次揀左西班牙海鮮飯同埋肉醬意粉。賣相100分，而且聞落好香，但奇怪一入口竟然比想像中啖，唔鐘意濃味既朋友就岩晒啦。飲品都唔錯，好多特飲選擇，都好好味

琴日大食妹同朋友仔去咗馬灣郊遊到咗三點零鐘嘅時候朋友仔突然有少少肚餓, 所以就去咗附近嘅Be Different食個下午茶因為大食妹唔係好肚餓, 所以就兩個人share一個餐, 再加多杯嘢飲<芝士安格斯牛肉漢堡配美式薯條>套餐份量幾多, 連罐裝汽水, 賣88蚊打開芝士安格斯牛肉漢堡個包裝嘅時候有少少失望 以為舊肉好細嚿, 原來係俾舊芝士黐咗上去朋友仔comment話牛肉都幾厚身, 但芝士就太鹹啦粗薯條係大食妹嘅飛佛可惜熱度唔夠, 做唔到外脆內軟, 唔合格<水蜜桃乳酸特飲>嘢飲方面大食妹揀咗杯水蜜桃乳酸特飲, 味道standard

路過見到有間嘢見有牛肉麵食，咁行完之後就去試下！見佢呢度有中菜。又有西餐。見佢貼有推薦藥膳牛肉麵。咁就試下佢啦！個麵一放低，就聞到好香藥材味！跟住飲啖湯先，好濃藥材味，飲多兩啖重有小小甜味！D牛肉好淋好入味，配幼幼炸菜絲好食！麵條扁扁有少少似刀削麵咁，配搭湯好食！最後食完D麵，將全部湯都飲哂！正，有下次！同老細傾吓，老細話個湯用好多藥材煲，只落咗小小鹽！

其實在馬灣村開村到現在，這個舖位轉了很多手，有做過小酒家、雞煲、麵包店等等等～通通都做不久..可能沒有什麼人流，而且沒什麼新意。這間「不一樣·Different」實行中西合璧，又蠻有新意有中式、台式、美式、西式美食等等～～適合意思多多的朋友一起去吃開了一陣子，新年後才第一次去試～兩邊舖位，一邊裝潢簡單挺中式的，所以吸引不到小妹，而這邊裝潢較西式，有點似美國的漢堡包店可能疫情影響，小妹變相包店以上是西式的Menus，中式的沒有拍價錢都滿親民，但又不能說很便宜啦～.這裏除了有餐點之外，還有手工啤酒及台式飲品小妹點了蘑菇安格斯牛肉漢堡配薯條$88，到餐賣相很不錯而且粗薯條很大份 沾honey and mustard醬更是超好味！外脆內軟安格斯牛肉也很大塊，有肉汁不錯！媽媽點了港式的焗咖喱飯，雖然賣相一般，但還不錯，只是有點不夠熱她還加錢轉台式飲料～.支持本地餐廳

平時我都有去開不一樣或食下午茶同晚餐，佢既burger同炸魚薯條都好正，見有新加入既早餐，就近近地來試下。除左一般茶餐廳食品，佢重有西式早餐，我地叫左蕃茄牛肉通心粉同吉烈魚柳，我比較喜歡西式早餐，整體唔錯，又有沙律菜清新啲，尤其係薑母奶茶，好夠薑！下次要試埋佢個all day breakfast

呢間嘢留意咗好耐，因佢營業時間成日變。有時一星期只開兩日，真係唔知佢搞邊科。終於有機會一試佢午餐，當堂知乜事。首先，佢食物係有水準的。可惜佢冇做marketing research，完全唔清楚區內消費模式，及其他餐廳價位，唔掛得一直冇生意。再者，大門口玻璃又黑又隱閉，完全冇意識吸引客人。要明白你係開餐廳不是洒吧，就算係酒吧，日市都會開門口做生意。最後，服務，都幾搞笑。成間餐廳廿個位都冇，一個客都冇，你要我買飛？你好忙咩？簡直搞笑。仲有，我成日見到D員工好似“唔駛做”咁，日日出舖頭食煙傾計。呢份工真係正，好明顯，個老細根本唔識管理營運餐廳，不如早D退場免倒錢。