不二の茶 (良景廣場)

營業中

休息中

在這邊工作 想飲台式飲品 所以睇左下openrice見依間有外賣自取 所以就試下依間去到間舖 發現間舖改咗名叫「不二品鮮」嗌左兩杯野飲同兩碗糖水·🥤玫瑰烏龍茶玫瑰味都幾濃 唔錯·🥤白桃烏龍茶 +細芋圓白桃味很香 芋圓也很Q彈·椰汁紅豆芋圓仙草S·椰汁芋圓仙草S

第一次幫襯見到星期一至四有折就買黎言諗住買番屋企食啦買咗個細嘅椰汁芋圓仙草 ($23)估唔到價錢打折份量都似乎打折😟…只有2/3碗嘅份量問過店員佢話係唔會滿嘅…

今次係第一次幫襯，喺附近買開嘢食就順便去買杯嘢飲，見到熱賣就揀咗「芋泥芋圓鮮奶」……….真心未試過可以有咁難飲嘅嘢飲！！！首先d芋泥唔知係邊，食唔到芋泥之餘，仲要有陣酸味，但唔知個陣酸味係由芋圓出嚟定係鮮奶出嚟🤢🤢🤢而且好似溝咗好多水咁🫠🫠🫠🤯成杯嘢除咗酸味就再飲唔出有其他味道……….呢杯嘢要$36杯，但就好似變壞左甘既味！！！絕對唔值！一次就夠，唔會回購，亦唔再打算試佢其他產品😠😡😡

難得入屯門拜年諗住試吓，拎完嘢飲行咗兩步未行出街市，隻杯係裂嘅，啲飲品彈到我成身都係，行返去同店員講，就咁換隻杯就算，但係啲料都爆晒出晒，大佬呀，大年初一你拎隻爛杯沖嘢飲俾人！真係嬲咗！從來唔留負評，今次真係忍唔住！

喺公司同啲同事一齊哎野飲，總共嗌左10幾杯。覺得呢間不二之茶野飲款式幾多幾吸引，同埋野杯黎到嘅時候同宣傳單張上嘅相冇乜太大分別，幾吸引，杯杯都好大杯。同事飲左熱既綠茶珍珠鮮奶，覺得好好味，好香抹茶味，仲有好靚嘅綠色。另外有同事飲楊枝甘露同埋飲玫瑰芝士奶蓋，都覺得水準有中上以上。我自己就食左佢嘅椰汁紅豆芋圓仙草，不過不失，我鍾意佢既芋圓煙靭，紅豆都好入味，但佢既仙草我覺得藥味有啲重，整體覺得可以一試。

呢兜嘢正啊👍🏻佢係由鮮雜果、黑糖珍珠、仙草、芋圓組成🥰啲芋圓好有韌度㗎，阿婆牙力唔好，應該都食唔到，而且食芋圓可以食出普通小丸子嘅味道，犀利👍🏻至於佢啲黑糖珍珠口感就偏軟身，同芋圓形成強烈對比，阿婆冇牙都食到啊！但係味道呢⋯⋯建議唔好加「黑糖」二字啦，都冇味嘅～～講到佢啲鮮雜果，就分別有幾舊西瓜加幾舊哈密瓜，種類好豐富😌 西瓜同哈密瓜都保持到室溫嘅溫度，好啱大肚婆唔食得生冷嘢嘅標準。不過我就略嫌佢啲哈密瓜唔夠新鮮啦，唔知係咪擺得太耐呢🤔而最後最普通嘅一定要數佢啲仙草！平平無奇，正常發揮！唯一真係要挑剔嘅係，佢唔夠凍，又係保持室溫狀態🤷🏻‍♀️唔知佢個雪櫃係咪裝飾嚟嘅呢🤔啲嘢全部室溫嘅，咁嘅天氣溫度⋯⋯都係唔好再幫襯，室溫擺全日，想唔變壞都難啦。

執咗佢算啦！態度同埋衛生差到爆🤡話明四色芋圓，啲芋圓得紫色，同一粒白色比錢個陣啲員工態度又惡劣，比錢買難受。買2杯嘢飲加碗芋圓，等成半個鐘！等緊嗰陣見到，啲員工又着拖鞋又披頭散髮，露曬腳趾咁，大佬話曬都飲食業啊。。。😮‍💨疫情期間冇帶手套整嘢食都算啦！掂完錢 R完頭都係去掂嘢食，一啲衛生意識都冇。俾錢嗰陣仲無啦啦有幾隻細曱甴爬出嚟，嚇都嚇死！買完啲嘢食都唔夠膽食。衛生真係勁差囉！嘔心的珍珠奶茶舖頭💩啱啱上OpenRice搵原來仲有第二間分店，咁都可以開到第二間。

夜晚十點幾 打開個外賣app想食下糖水同飲下奶蓋 所以就落order一試啦外賣app上價錢嚟講正正常常 唔太貴相信直接鋪頭買就更加抵買左一個黑糖髒髒茶、奶蓋茉莉同大碗既紅頭椰汗芋圓仙草送到嚟2杯嘢飲都仲好靚仔，不過糖水可能送嚟時車手轉左幾個彎，個樣就差少少啦！黑糖髒髒茶黑糖味夠，奶蓋都好夠，一杯野飲2個飲法，唔錯，但對我嚟講太甜。下次試其他奶蓋茉莉 奶蓋同樣夠多，但配茶嚟講奶蓋就唔夠滑，要打開蓋先一齊飲到奶蓋同茶，呢個位有少少扣分紅豆椰汁芋圓鮮草，意外地芋圓好食好煙韌，不過唔知點解，成碗都係橙色😂😂得2粒紫色。鮮草滑，好多椰汁🥥但料就感覺少左啲。

酷熱天氣警告下🌡️由省城山長水遠咁入咗屯門💦真係汗都留咗幾噸😂😂點可以唔買番杯嘢飲解渴呀？！路經屯門出名嘅掃街之地😃就喺呢度揀咗間💛店買杯睇落好吸引嘅🍓莓莓楊枝甘露 $42🍓試吓啦！呢杯其實即係楊枝甘露加粒粒草莓乾！Be貪佢夠特別🤭咁嘅配搭都係第一次試🍓草莓乾微酸得嚟又冇搶到楊枝甘露嘅甜味👍酸甜酸甜好啱夏天飲👍而當中楊枝甘露嘅芒果＋西柚都好足料！仲好多西米米！😎炎夏就係要歎番杯冰凍飲料消暑啦！！

最近係係屯門返工所以周圍覓食 今次去良景市集 其實即係良景街市入面入面有好多唔同既食店食完就當然要飲番杯野啦 於是試下呢間"不二之茶"款式都好多 花多眼亂於是問下店員我話想飲奶蓋 店員就推薦左"火紅芒芒"見到佢整個過程時成大兜芒果咖飲落真係飲生果feel芒果味十足 火龍果份量都好多啖啖肉絕對無個d好水 好人工感覺奶蓋亦都好夠鹹香味真係意料之外地好飲另外見佢都有西米露 芋圓呢d甜品收工或者附近既人買返去做甜品都正呀

天氣炎熱最啱就係食番個清涼甜品🥰不二の茶既甜品好抵食又好味，住屯門既朋友有福了，黎左屯門良景開分店啊，以後係屯門想食碗飯後甜品，去良景不二の茶買個外賣番屋企la，雪凍佢夜晚就有得嘆la😍小明為食餐單: 楊枝甘露🥣 $32楊枝甘露係小明一向都好仲意既甜品，依度既楊枝甘露有足料粒粒芒果肉同西柚果肉，甜甜酸酸味道恰好，好sweet食落好滿足😋蜜瓜芝茶🍈 $35蜜瓜味既清香加上上面有芝士奶蓋，芝士味好香濃，再混埋蜜瓜香味，好match🥰火紅芒芒🥭 $39芒果飲品最啱夏日飲🤩香甜濃郁芒果汁配奶蓋，飲落係一個好好味既甜品，無論飯前飯後閒時飲都咁好味，飲上癮啊😋

在屯門探望家姐後，在良景商場及良景市集閒逛，因為口渴便在這家台式飲品店買了一杯飲品位置：在良景市集第二排，很易看到，市集出口就有輕鐵站及良景巴士總站，區內區外交通同樣方便環境：市集內感覺乾淨，通道亦不會太窄，所以買完後既可以等待，亦可在市集逛逛再取餐服務：店員會主動詢問是否需要少冰少甜等，對常常忘記叫的人來說很貼心，取餐時亦會問客人需不需要膠袋食物：餐飲選擇有不少，鮮果茶、奶茶、沙冰及芝士奶蓋應有盡有芒果百香多 $35店員推薦這款芒果百香多，有芒果、百香果及益力多。杯上有店家招牌人像，容易辨識喝下去感覺到芒果鮮甜及百香草的清新，混入了益力多亦不會過甜，卻增添了多一份香氣。個人覺得味道合適不用要求少甜，是鮮甜味美的解暑飲品如果下次再來到屯門良景附近，應該會再次光顧呢🌺不二の茶🌺地址：屯門田景路31號良景廣場地下良景市集LK121號舖

今日見天氣唔錯決定行山，太陽猛烈所以流咗好多汗，經過良景廣場即刻入去，因為極度需要凍飲！良景市集內有好多小店，見不二之茶舖頭細細但都幾骨子，有點日式feel，多數人外賣走，但我見有兩張吧枱櫈便坐底飲，順便休息吓。店舖好colorful選擇超多，除咗飲品仲有好多甜品。最終飲火紅芒芒，底層紅色火龍果，中間芒果，上面芝士奶蓋，全部都係我喜歡的配搭呢。火龍果新鮮清甜芝士味夠濃味，芒果香，三種味道配搭起來原來都幾夾！不過可能因為芝士味濃夠搶，芒果稍嫌味道唔夠，所以如果芒果味再濃多少少咁就真係Perfect啦！下次去會再試下啲colourful 甜品

夏天就是手搖既天下🥤🥤😍😍熱得嚥不下飯時🍚🙇🏻‍♀️總想來點冰涼順喉的甜食🧊.《白桃烏龍芝茶》🥤軟滑綿密芝士奶蓋🍼呷一口鹽香的芝士🧀幸福度瞬間提升烏龍茶🫖帶白桃香🍑 清爽解渴🧊.《芋圓一號》煙煙韌韌的三色芋圓深受大眾喜愛😍😍😍不二之茶的芋圓有四色綠色芋圓的綠茶味很突出🍵💚而且有椰汁🥥、蜜紅豆❤️、芋頭💜、仙草🤎、黑糖珍珠🖤的加持有說不出的滿足❣️❣️❣️

夜晚諗住買宵夜食 去左良景市集掃下😛小妹想食甜品 🐨想買嘢飲 入面有間茶飲店除左飲品外 仲有甜品食😚滿足哂我地兩個願望🤣 好多飲品同埋甜品選擇 我哋好多都好想試🙈爆樂紅西柚 夏天咁熱 一定要飲呢杯嘢飲🙌 大大塊嘅西柚 飲得出好新鮮仲要勁多果肉😍加埋青檸一齊飲❤️酸酸甜甜得黎 感覺好開胃又可以消滯😎椰汁芋圓燒仙草 有幾款芋圓嫁❤️包括 蕃薯 紫薯 抹茶 芋頭好彈牙同煙韌😋仙草都好香好滑嫁😍加埋椰汁🥥一齊食 又唔會好甜😋 做飯後甜品一流😉