影片
上次到過園景燒烤好好, 今年試下BOOK海邊燒烤, 誰知大失所望. 海灘很多垃圾.價錢: 88位包1枝水及1汽水地方很迫, 很近鄰桌.沒有人SERVE, 取食物都要自己夾.麵包要$5 (園景那邊是送一份麵包的)TOILET很DIRTY, 沒有人清潔.
繼續閱讀
星期六, 原本去大榮華, 最後柴娃娃黎呢度食.黎到呢頭, 有好幾間燒烤場, 之前食過"朱古力", 不太討好. 行入0的見到呢間, 又對海又盛咁, 卒之入左去..食物都幾唔掂, 唔知搵咩醃, 全部都有隻唔知咩味, 連丸都係.. 蔬菜每人限一份, 又係唔係路.. 不過炭就無限拎.. 好好醜醜食完, 行出個沙灘仔, 有條木橋搭出去海, 小弟忌水都忍唔住行左出去, 條橋0的木板其實都爛茸茸.. 可以話經歷左一個最接近死亡0既晚上..
繼續閱讀
媒人婆話想BBQ, 所以四人幫再出動。豬公又有提議,今次週末心情靚靚來了龍鼓灘。我們本打算去燒烤樂園,但到步後改去一間叫世外桃源,因為對正個海。燒烤樂園是$60任食,包一水二罐氣水。而世外桃源就貴$20,包一水一罐氣水。但豬公好勁,講價做了個九拆後$72。我們在海上的木橋漫步,又吹泡泡,再到沙灘放風爭(可惜無風放不起),但大家都好開心。將近六點,我們要開餐了!嘩!原來炭得一包(我們用得好慳,好似好窮),加炭要加錢。麵包同菜每人得一份,而且是二選其一(即是要麵包就無菜,要菜就無麵包)。蜜糖一定加了水,勁“稀”!想要豉油又話要$20樽,真係呀!媒人婆覺得普通的魚蛋已經係全場最好味,其他無樣好。媒人公同我豬公豬公就一齊講過魷魚OK。其他如貢丸、墨魚丸、牛丸、燒賣、紅腸、腸仔、雞翼、雞全翼、牛扒、豬扒、雞扒，就比“一般”還要差。而司華力腸、豬頸肉(好肥)、金沙骨、腎更無人食。優點只係對正個海,其他…我覺得都幾差。龍鼓灘可以再來,但世外桃源就…“不能翻炒”!(P.S:那日於沙灘附近我面矇矇問豬公諗住幾時娶我,好厚面皮,但我真的好想做他的太太,而我們這個OpenRice又可以一齊一直寫到老。)
繼續閱讀
去了一次，任食包兩個飲品，食物種類少，不太好味，白麵包唔知係咪過晒期，所以雖然我好想燒麵包，想燒唔成。
繼續閱讀
秋意濃濃，湊巧有朋友從外國返港，最快、靚、正的節目，莫過於去燒烤。上星期四晚上，即重陽節假期前夕，決定驅車前往龍鼓灘「世外桃源」。當差不多到達"世外桃源"時，遠觀誤以為休息。後來，發現"任食80"開始知道箇中原因，因之前及隔壁的都是"任食68"，當時真的有點銳減雅致，心想:現在沒那麼擠擁，較好。另付過$10開爐費後，工作人員拿來一包新的炭，並說如需加炭，每包額外收$10，我們一行八人，不是兩人，只給予一包，雖然我不能說出有多重，絕不是特別大的，而且己多付$96，真的很掃興。由於當時已是晚上九時多，晚餐還未吃，另有朋友來自遠方，所以並沒選擇離開。食物方面有魚蛋、貢丸、墨魚丸、牛丸、燒賣、紅腸、腸仔、司華力腸、雞翼、雞全翼、雞扒、牛扒、豬扒、豬頸肉、金沙骨、魷魚、腎，沒什麼特色，味道一般，其中墨魚丸、雞全翼、腎比較好吃。全程共享用了三個半小時，非"吳剛師父"般用法，也需額外多買兩包炭。最後，建議「世外桃源」要反思，現在"任食BBQ"多了很多，鄰近的不計，還有小欖、大欖涌、天水圍、大埔、清水灣等，不再局限於龍鼓灘，請好好想想吧!
繼續閱讀