中華小廚

營業中

休息中

2024/10/21 下午2時點了外賣，送到時發現外送男員工吧飲料倒瀉了居然還想迫我收下 我強硬要求退回去更換，最後外賣員回店重新包裝再上來，態度十分惡劣地要求我放點給錢。

想學澳牛/九記/荷里話冰室，非常差態度~個男樓面當你派帽比佢咁(仇人)，呼喝你地坐位~未食完收碟趕你走咁~飯半生熟(硬)~咖啡差(酸的)~話晒黃埔入面吖，恰人地c民咩，趕客態度，要食平飯就受吓氣喇!差

食物還可以,可是服務員態度比較差,飲品遲遲未到。送餐有點亂,遲來的食客會早被送餐！？要求帮忙跟一下,没有跟進只說會有就走開.收碟时,把地上垃圾放在客人抬上才一起拿走.不想想客人見到多惡心。

中午午飯叫外賣自取畀完錢之後 想叫夥記 畀一張收據一個女夥記 應該係大家姐 態度不好地說: 係咪要這張我話: 呢張樓面手寫單有幾滴油   開一張新的畀我大家姐說: 你對手最乾淨啦 排隊啦 唔得閒理你呀跟住 大家姐離開繼續說: 你隻手乾淨 我心諗食飯攞收據 點解要睇你面色

最鍾意食呢度嘅早餐最近常叫就係沙嗲通粉味道濃郁，份量充足早餐跟嘅麵包同炒蛋食得出係即叫即整有誠意唔似其他茶餐廳比舊好似放咗好耐嘅包加牛油就算真係建議大家自己食過就知個分別依然喜歡呢度嘅咖啡

叫左貴妃雞瀨粉下午茶好味好味！如果啲雞可以多少少，或者肉多少少會更好，食完覺得唔夠喉，哈哈！咖啡似舊一樣好飲！！所以我都會再黎！！仲會介紹埋比住黃埔既街坊～因為呢間真係性價比高，特別係早餐，下次再review早餐😊

中式嘅早餐份量好夠，味道唔錯。不過出前一丁就煮得好差，有時太腍，有時又太硬。調味粉自己加，但加咗入去都唔夠味。中式下午茶中的乾炒牛河、肉絲炒麵及焗豬扒好味$40左右，好抵食。燒味亦唔錯，但叫叉燒就一定要叫半肥瘦，如果唔係俾超瘦嘅就唔好食。燒腩仔唔錯。晚飯小菜款式好多，但價錢就比其他茶餐廳相對高咗D。整體小菜嘅質素唔錯。員工服務態度方面，所有侍應態度一般，有一兩個態度幾好。但俾錢時，收銀處嘅中年阿姐態度超差，好惡！

態度極其惡劣的小店，大家慎入，這種小店香港到處都是，哪裡來的勇氣甩臭臉，看看什麼時候關門大吉！黃埔這邊這麼多飯店，今天隨意走進這家店，太倒胃口，千萬別進，以免飯沒吃，一肚子惡心。

第一次遇到完全唔識煮公仔麵既茶餐廳不知所謂 仲衰過我自己煮……嗌個常餐沙嗲牛公仔麵，第一次上到黎，一入口係硬既，食得岀起碼3分2未煮唔透、唔夠熟嘅同個侍應反映，個呀姐問我係咪要冧d，我清楚講明我唔係要冧，係要正常熟度。見住個呀姐同廚房煮麵個人個麵太生要換，結果煮左一碗好似比bb食、”麵糊”般既公仔麵比我茶餐廳將公仔麵煮到好似上海麵咁又冧又泡都真係第一次見冧到唔洗咬都食得到令我要放棄全碗唔食，真係嬲到飛起

一坐低叫早餐，戴眼鏡的阿姐態度非常惡劣，呼喝式問食乜，叫左佢聽唔明就叫我睇清楚個餐牌先啦！一心諗到一大早飲杯奶茶呢間奶茶OK，但飲到背脊骨落，不會再受氣食早餐了，沒有下次

成日聽同事講佢嘅星洲炒米好好食，今次同同事一齊落去食個下午茶，終於試到佢個星洲炒米，味道真係調得唔錯，個師傅炒得好有鑊氣，份量亦都非常之多，我最鍾意係炒得都算乾身，真係幾正。配埋杯熱奶茶，所有嘢都係啱啱好。

路經此地，剛好經過就打算入去食個午餐。坐左好耐都無人招呼，到落單，揀到個炒飯，咁本人有食物敏感，所以就叫走蔥。職員態度惡劣表示 午餐 係不能走蔥/任何改動。依家午餐係唔洗俾錢餐廳賺？即時起身走人，依d咁嘅垃圾餐廳，大家都唔好幫襯喇。今時今日係街嘅餐廳，咁嘅服務，真係不知所謂..............................

今晚係第一次入呢間嘢食飯，叫咗炒西蘭花、芝士焗虎蝦、麻婆豆腐、牛肉粒，有例湯，首先係碗例湯，熱辣辣還好飲，凍咗之後原來又酸又餿，第二係西蘭花，食到剩返幾舊先見到有塊報紙喺西蘭花裏面，同店員阿姐講，佢話幫我取消，第三，麻婆豆腐食到第三舊係酸嘅，雖然第一二舊未有酸嘅情況，但係都唔敢再食落去，第四係個虎蝦特別細隻，啲肉仲係梅嘅，總括就只係牛肉粒正常，食完牛肉粒我哋就埋單走（$350），走嗰時同阿姐講你啲豆腐酸嘅，佢話係天氣熱喎，我問佢點解仲俾人食，佢扮聽唔到，無人回應（趕住收工），呢間食店真係非常差，大家千祈唔好中伏

之前舊公司喺黃埔返左一段時間，今日工作上再黎黃埔幫手，周圍景物改變咗好多，多咗好多吉舖🥹🥹，又開咗少少新鋪😗😗，見到中華小廚仲喺度梗係要幫襯下啦！😚😚～～～XO醬豬扒炒公仔麵～～～好快！🤭🤭唔使5分鐘已經上台，豬扒有4-5塊中型size😏😏，有少少🤏🏻厚度☺️☺️公仔麵唔係好油，有啲濕潤，感覺有彈性剛剛好😋😋～～～紅豆冰～～～跟餐加$7改紅豆冰，正常好味😊😊雖然周圍環境變咗好多，好彩中華小廚嘅仲係之前熟悉茶餐廳嘅味道😘😘

打電話去嗌外賣講完地址仲有嘢問 但問都未問完就cut人線 落單態度又差 打返去再問轉左第二個人又大聲夾惡唔比人講嘢 係到搵藉口 已經試過好多次 大約有4-5次 真係真係好冇禮貌