串串居 (已結業)

最近又回去這間小店閒座，由於店內客人不多，肥嘟嘟哥哥仔又時不時走出廚房座在近廚房的客座上，由於無聊，就閒談起來。在對話間他提及這小店就快結束了😯；眉語間感到他帶點唏噓，我便問他，其實這店食物質素不差，為何不継續？他搖頭無奈地説：「這是飯市時間，你也看到，只有你一枱客！那可以支持下去？」又説：「每個月的營業額未能夠支付小店的開支呢⋯⋯」原來他試過由中午12:00 開舖，但不夠客人入店吃東西，最差亦試過由12:00 - 18:00一個客人都沒有， 所以為減成本，最後每天只開業六小時，由晚上六點到零晨零時，這已是每天最多客人的時間⋯⋯但每星期一至星期四的生意也好不到那裡，試過連一千完的營業額也沒有，所以決定於21/10約滿後離場。聽完就感到一點可惜，因為這裡食物頗好吃，特別是鳗魚炒飯、芝士蠔、蛋包飯、燒白鱔是不能錯過的呢！

佐敦阿龍咖哩去得多，就係想食其他⋯⋯呢間串燒店好港式，小小的店，有點東京feel，乾淨企理裝修OK！店員是位笑容滿滿的爺爺，好可愛⋯⋯食物味道算是相當合我口味的，沒有一款我有另加調味料的！最讚是鰻魚炒飯，師傅力推，果然有真功夫，味道剛好，完全沒有很肥膩的感覺！👍🏼👍🏼👍🏼安格斯牛肩肉⋯⋯追加了！🤤🤤🤤蜜糖炸燒賣⋯⋯有趣蒜茸茄子⋯⋯吃過最好味的！蜜糖雞翼呢就不過不失吉列炸蠔⋯⋯正！雖然細細粒，但蠔味十足！

第一次到這店，店長介紹蜜汁燒魷魚筒，汁🔥五花腩食完要再點多次！我女兒最愛吃鹽燒雞和炸雞翼都很入味加湯烏冬，烏冬夠滑好好味。三重芝士燒生蠔，芝士味香。蒜蓉燒大元貝，元貝夠大隻。還有羊架，豬頸肉，蜜汁燒白鱔(白鱔夠新鮮)都好食。店員態度親切有禮

啱啱經過佐敦，唸起肥嘟嘟嘅肥仔，於是又走了串串居，果然又有好介紹：墨汁豬肉腸、燒汁田雞、燒汁安格斯牛、燒菠蘿.....全部都係新推出嘅嘢黎架！試完真係好好食😆😆😆😆肉汁豐富，美味可口，仔女食完又再添食，服務一流，聽聞一家人出來幫手，有人情味勁好😁食完返尋味😋😋😋串燒好得😋😋肥嘟嘟你係得👍🏻👍🏻👍🏻加油呀！

一家四口行完街揾D嘢食醫下肚見到有個超級肥嘟嘟嘅後生仔揸住個餐牌行過我哋度，佢態度友善而且又好有禮貌極力推介間鋪頭！我對仔女見到佢好搞笑於是入咗鋪頭食嘢啦。極力推介三重芝士焗蠔、燒白鱔、一口芝士、燒年糕、炸燒賣、炸蠔、燒羊架、串燒雞肉，肥嘟嘟講到咁好味我哋就咁試吓啦⋯⋯果然真係好好味仔女食到唔停口！仔女之後再問肥嘟嘟哥哥蜜糖雞翼同煙肉腸仔好唔好味呀？肥嘟嘟哥哥就話啦梗係好味啦，我有份醃製㗎！肥嘟嘟哥哥講嘢幾風趣，我仔仔於是食咗碗叉燒拉麵同埋燒魷魚，小朋友食完即刻同 肥嘟嘟哥哥講👍🏻👍🏻👍🏻肥嘟嘟哥哥問我哋食物質素怎樣？我哋話平、靚、正小舖來講值得一試👍🏻👍🏻👍🏻👍🏻👍🏻肥嘟嘟哥哥你係得嘅💪🏻💪🏻💪🏻

之前睇到結業覺得好可惜，但係我行過又見到佢開翻～問新老闆原來佢地頂左手黎做～係3月2日開翻間舖頭，即刻好興奮咁行左入去！佢d嘢食超級無敵好食，性比價又高，最好食嘅係一口芝士，內脆內軟，食完意猶未盡，所以我叫左兩次（哈哈）。其次嘅係佢嘅蜜糖炸燒賣～加埋佢嘅醬真係超配～我記得佢嘅炸蠔都好好食！淡淡肉，又熱辣辣脆卜卜，真係可以見到唔係隔夜嘢，係即叫即做～串燒都好好食好多總類可以揀。員工態度都好好，都好熱心去改善自己嘅食物質素，食完之後行埋黎問有咩可以改善～係一間好正嘅串燒專門店

最近看過OpenRice 説及這間鋪已結業，但昨天路過卻見有營業喔，入內問過，原來新老闆剛剛買下專營權來經營呢！返正來到，便坐下一試。最初沒有太大期望，只是透過店主紹示點了幾款食物，有串燒豬頸肉，串燒腩肉及燒蠔。但吃過後又覺食物水準不錯，汁燒豬腩入口多汁，肉質軟且滑，鹽燒豬腩卻乾身，但味香及濃，用來伴酒一流，燒豬頸肉也一樣出色。最正係燒蠔，有三重芝士燒及蒜蓉燒，雖每隻蠔都不是很大隻，但勝在燒得剛剛好，嫰滑得來又不帶腥味，令人食完想再食啊！

野食太好味都唔記得影相！呢間小店好有heart, 而且 鯖魚定食/豬軟骨/ 炸雞/ 叉燒烏冬， 全部都係用讚岐烏冬，仲要40蚊有埋面豉湯同半隻糖心蛋，而且湯底好夠味！特別推介蜜糖雞亦（$15）、 安格斯牛肩胛（$20）、 燒波蘿（$12）大大串🤤🤤🤤真心希望多d人幫襯可以留住呢d小店，而家租金咁貴，仲可以做到有質數又平既店真係愈黎愈小啦

佐敦嘅串燒大部份都去過，其實唔覺邊間特別好味間間都係咁上下。不過由兩三年前差不多每個禮拜都幫襯呢問串串居到依家。原因有4個1) 非常平，三個人去食，每每坐左五粒鐘落樓都袛係每人百幾蚊，食物質素算唔錯（性價比高）。2)  非常親民，從不趕與騷擾顧客，我可以平平靜靜同朋友傾到兩點都無問題，有時重會一齊吹水飲酒添。 3)  非常體貼，知道我地鐘意飲大酒，開瓶費袛收五十大元，每次都帶平平支威士忌直至飲完，十分盡慶。4)  非常方便(煙民)，街鋪有時可以坐出面食煙十分自在，就算坐室內都係兩步之遙，方便方便。好可惜店主同我講做埋呢個月會結業，突然覺得無左啲街坊場可以輕輕鬆鬆，好少唔捨得一個地方，唯有係凈餘日子多多去幫襯幫襯，希望江湖再見...順道一問，有無好嘅地方介紹呢

Venus做開Facial間舖頭搬咗去佐敦，早幾個月同一班fd去佐敦食放題已經覺得附近好多食肆，吃貨決定搜尋一下佐敦搵好嘢食！原來佐敦真係有好多食店！短短幾條內街粗略估計都有幾十間！當中以串燒店特別多，好耐無食串燒la！一於今晚試下先^^ 串串居果支Logo串燒好搶眼XDDD 拉麵套餐外賣有9折都幾抵 個廚師推介好吸引啊！有我最鐘意食嘅燒蠔、茄子仲有近排BBQ成日食嘅牛排菇，即刻入去試食先 餐廳以木做主設計，配合磚牆感覺都幾親切，個人感覺似日台小店 串燒種類都幾多，燒醬汁都有多款選擇，啱哂一班各有鐘情口味朋友慢慢揀la，仲有小食、湯烏冬或拉麵 唔鐘意飲啤酒都有生果汽酒飲 落order先，即剔門口廚師推介試下^^ 嘩！原條蒜蓉燒茄子有我前臂咁長啊！齋睇視覺都一流 茄子配料一d都唔吝嗇，蒜蓉舖滿成條茄子面，加埋醬燒勁香！隔離枱見到都即刻拍板要碟，唔怪得知係店內必食之選 再嚟一碟蟹肉醬燒牛排菇，脹卜卜好得意 本身菇類已經好夠味，廚師再用蘑菇混入牛排菇特出雙重菇味，加上頂層蟹肉沙律醬汁一齊燒，口感juicy，多醬汁又唔覺膩 令一人氣推介蒜辣雞翼尖，酸酸辣辣好開胃，鐘意啜骨嘅朋友仔必點 有一

今日lunch time行過我才知道串串居現在有午市，原來已經有幾個月了，一點到兩點爆場，竟然係午市要打電話訂枱才有位，唯有下午茶時間才過來試下啦1,日式鰻魚炒飯$48：真材實料，其他大部份日本菜食肆都係用雜豆炒，佢跟足日本用三色椒同洋蔥炒，真係拍得住日本既質素2,浦燒鰻魚飯定食$58：講真58蚊有成條又肥又長既鰻魚，仲想點3,加10蚊有4件炸雞，加8蚊有碟細細碟蒜蓉炒雜菜總體而言，兩個人消費才$137,佐敦區午餐消費指數算便宜，食物質素中上

路過見到呢間串燒有陣香味飄出黎就望下有咩食啦 食夠＄120有三味串燒送如果食夠＄150就有四色燒蠔送，咁就即管入去試下啦～除咗有串燒食，另外仲有得食飯呀麵呀炸物呀呢啲～咁今次來呢就主要食串燒叫左燒雞軟骨，雞肉串，雞翼，茄子，翠玉瓜，燒菇，牛排菇雞軟骨串最早到，由於太肚餓好快食左，相都唔記得影，$13比較細串，醬汁香香甜甜，算唔錯沙嗲汁&麻辣雞肉串，一串都兩小舊，少得可憐，味道就麻麻地...唔知佢啲沙嗲汁同舊雞唔係好夾，定舊雞啲雪味太勁，總之就怪怪地，麻辣就夠辣喇，但覺得佢唔夠香燒菇呀翠玉瓜呢啲普通野啦，燒得叫做香得黎都仲有佢地既肉汁食到！牛排菇就手掌咁大隻啦，加左香草芝士？蟹柳果啲燒，有啲蟹柳幾香既～到我最愛既燒茄子，香噴噴～蒜蓉十足，但茄子皮略為比較燶所以放棄左啲皮，呢個係敗筆叫左孜然同蜜糖燒雞翼，普普通通，味道同香味唔係好夠最後就到個四式燒𧐢，四個味道，燒得都算適中，有啲𧐢味肉汁食下，醬料味道就普通啲啲啦，印象唔係咁凸出價錢中上，但係佐敦叫做有個地方可以休閒坐下食下串燒，飲下野，吹下水都算係咁，位置人流唔多，7點幾入去得一台食緊，之後慢慢就開始多人喇～ ..

是晚嘗試安格斯牛、蟶子皇、豬頸肉等10多種串燒，老闆提及店內所有醬料和醃製過程均為本店自制，絕不外取現成調料。故味道和配搭出乎意料的合拍。員工更會細心介紹每款串燒特色，更有當日時令鮮魚即烤處理，點一尾鹽燒黃立倉，與平時吃的蒸魚不同。香脆嫩滑，恰到好處。其他食物包括木魚花炒椰菜（即炒即上，熱騰騰）、焗生蠔及大扇貝（調醬津津有味，滿口芝味）、超值推介的蒜香焗原條巨茄子（絲絲茄子與濃蒜配合無比）、三味香烤雞翼（非一般坊間連鎖米線店子雞翼可比）、滋味醬烤大啡菇、香烤蒙古或新西蘭鮮羊架。綜合而言，味道、菜色選擇、選材、用料、心思均可見一斑，堪稱性價比極高，對串燒可謂一番新體會。店子價錢公道，值得一試。店內更有多款冷暖清酒及多款進口手工啤酒以配上各款美食佳餚，真的是大快朵頤的一晚！ 後記：雖然冷氣有時故障，但有強力風扇準備，可見心思。

今日經過佐敦想搵下平野食，見到串串居的套餐都唔算太貴，而且唔洗等位，一於試下啦。其實個舖面好細，都係得幾張檯，雖然有D逼，但還可以接受。餐牌定食的選擇唔算少，雖然都係D大路野，好似豬軟骨，日式叉燒，鹽燒鯖魚等等，但仲有其他貴少少的款。唐揚炸雞定食 - 心血來潮想試下唐揚炸雞，味道一般，炸雞的粉較厚，而且分量唔多，炸得唔算太乾，都算可以接受。燒鮮冬菇串 - 冬菇味道同口感都唔錯，可惜分量少左D。整體而言，咁既價錢的晚餐都算係可以接受的，不過只可以人少少咁來食同唔好期待太高囉。

今天同朋友經過突然想吃 BBQ,馬上看下open rice 四處找下在佐敦有什麼好吃 BBQ,見到這間店食評一般，但剛剛行下行下即見到這店，場內有幾檯客，氣氛都幾好，又有投射播緊。便膽粗粗試下，諗住唔好吃就沒下次，入到去便下了些招牌菜，如燒原條茄子，雞軟骨，和牛串燒，串燒雞肉，燒生蠔同猪軟骨拉麵，真是有驚喜，味道醃得剛好，生蠔燒到剛好，加埋汁好味到再來多m around, 在同店主肥仔吹下水，原來他們剛換了廚房司傅，以前沒有好好地監控，所以有些不能達標，我自覺幸運未試過之前否則也不會再試。但今次又真的令我回味。現在又多個夜蒲飲下啤酒聽下歌食下野地方，最重要都係價錢合理，唔使太高消費麻