串爸爸

營業中

休息中

📍串爸爸 (觀塘)一段時間冇去寶達，原來寶達街市多咗條食街。✨炸魷魚鬚 $28味道完全係酒樓嘅椒鹽魷魚鬚，香口好味。重點係份量勁多，兩個人都食唔晒。✨香燒魷魚筒 $68魷魚肉幾厚身，彈牙鮮甜，同炸魷魚鬚各有特式。其實佢哋仲有燒魷魚乾。樣樣都好吸引🥹。✨燒金菇 $15✨燒秋葵 $15金菇燒得夠乾身幾好食。秋葵燒得夠腍，又完全冇青味。✨燒牛筋丸 $15✨燒花枝丸 $15丸類來貨質素唔錯。牛筋丸口感彈，開半燒仲有少少肉汁。花枝丸有咬口又鮮甜。📍串爸爸 (觀塘)觀塘寶琳路2號寶達商場地下寶達市場25號舖

返屋企經過新開嘅串燒舖，於是就買咗一啲試下， 發現整體味道都不錯，尤其欣賞他們的包裝，有很多錫紙包裝，返屋企都係熱辣辣，有煙出，唔會有倒汗水搞到淋曬， 這對於食串燒十分重要。炸魷魚鬚 28分量都頗多有成大半碗，魷魚鬚十分彈牙，炸皮香脆可口。豬頸肉 18豬頸肉彈牙， 燒得剛剛好。Shakeshake雞翼尖 38雞翼尖加上孜然，實在係一流的配搭， 適合中意食骨的，送啤酒一流。炸生雞脾 32這隻雞髀十分有驚喜, 大大隻，而且炸生雞髀好難搵，因為好花功夫，需要時間。這個雞髀炸起十分鮮嫩， 仍保留一定的肉汁。茄子 42茄子十分大條，有成隻前臂咁長， 上面鋪滿了很多蒜蓉，一打開就好香，好適合鍾意蒜蓉嘅人，不錯，令人一啖接一啖。燒王子雞腎 18雞腎彈牙，爽口，如果可以多幾粒就好了。川味羊肉串 18沒有騷味，少少辣味，羊肉軟熟。花枝丸 15有七味粉喺上面，幾香口。整體食物質素不錯，等候嘅時間不會太耐，下次會再想試下其他串燒款式 。

行過去落單已經感受到一股人情味，由爸爸燒烤，呀女落單，家庭式經營既小店。叫左幾款燒烤一試。🐂海鹽牛舌（$30）牛舌燒既火候岩岩好，肉質爽滑彈牙。🐔王子雞腎（$18）勁爽同埋調味料，都夾得唔錯。🥓司華力腸($15)厚得嚟又唔會咬唔開，口感爽滑。🐟🐡特級雞泡魚干（$48）香口脆卜卜，強烈建議點蛋黃醬，會甜甜的。🐏香燒手切羊架（$48）羊羶味重，一咬落去，外焦脆內肉質鮮美。🐔炸雞脾香蒜炒意粉🍝（$42）生炸雞脾勁大推，就算外賣返屋企外皮仲脆脆，內邊就油脂分泌出來，勁正。

呢間燒烤店位於新式街市入面，環境好乾淨，仲有冷氣，正！叫咗個外賣，服務態度都很好，全部即叫即燒🔥，等咗15分鐘左右，打包到屋企都仲熱👍，材料感覺都好新鮮，唔錯👍，再配上個汽水、啤酒，簡直一流😌🐑川味羊肉串，無騷味，肉嫩🐮極上一口牛，配上小小黑椒，牛肉味幾香🐔招牌燒雞翼，燒烤必食啊，靈魂之物😁🐔川味雞脾肉，肉嫩，很滑🥖烤芝士腸，一串有五條，足料🍄🥗燒冬菇、金菇、雞脾菇、娃娃菜、秋葵、蘆筍，全部蔬菜都特別新鮮好吃，個人特別喜歡所有菇類😋除了羊肉串小辣，其他都揀咗唔辣，喜歡辣的可以試中辣、大辣🌶️，價錢都唔貴，值得推薦👍重點係開到凌晨12點啊，週末三五知己食個燒烤，來個小聚，人生一樂也😉

樓下開咗間串燒店，都幾多選擇，價錢唔算好貴。呢間小店嘅外賣袋係保溫袋，好揼本！拎到返屋企食物都仲熱辣辣。生炸大大隻雞脾 - size仲大過手掌，即叫即炸。外層好鬆脆，啖啖肉好香口。香燒手切羊架 - 羶味唔算太濃，咬落都幾juicy。極上一口牛 - 每串有四粒，食落唔會太韌，有口感同牛味濃。香燒黑豚肉 - 煙韌有嚼口。燒花枝丸 - 灑咗七味粉，辣辣地更幾香口。招牌茄子 - 大概有半隻手咁長，茄子上有大量蒜粒同香蔥，好足料！撈埋茄子肉一齊食好香口，味道好有層次。燒秋葵 - 一串有四條，咬落好爽口又清新。

夜晚宵夜肚餓落去買左幾樣炸野食，見間野新開試下估佢唔到，竟然幾好食買左一份炸燒賣，炸麥樂雞同大大隻炸雞髀。麥樂雞好食過麥當勞個啲，香口脆身。送埋個甜酸醬。仲有椒鹽粉好惹味。搞到不停一啖接一啖。炸燒賣正正常常. 啲包裝紙呢間都幾dum 本，個包裝袋入面入個錫紙保溫，拎到返屋企時候都仲熱熱地。最最最推介炸雞髀，真係勁誇張。好大隻有我拳頭咁大。撕開入面啲肉都幾嫩。下次想試下啲串燒🤭🤭🤭試完之後擔心晚晚心思思走落街買🤣🫢