串皇 (已結業)

    鸡皮：这是鸡皮吗？完全吃不出是鸡皮，被烤得很脆，再沾上辣汁，像是在吃新鲜出炉的热辣薯片一样，好美味。   羊肉：太喜欢吃羊肉了，以前吃羊肉串都是很小的一串，那些肉都不够塞牙缝，这串的肉就很饱满，吃起来够畅快。  鸡肾：也好吃，口感带点脆。4

黎到元朗,我個fd極力推薦食呢間串皇我好似係紅磡見過 不過就冇食過見佢咁極力推薦我就入去試下!!點知....呢個係一個伏既開始!!!!!我地嗌左雞皮,腸仔同豬頸肉哇個個雞皮,同我之前食過個d完全唔同佢呢個係雞皮mix炸粉,完全唔知佢係雞皮黎一d雞皮既口感都冇!!!個腸仔就比較普通,個汁太濃喇而個豬頸肉又咸又un!!!!完全唔ok我友人就話係因為轉左手換左個老闆當日落單同整野食個個係一個賓賓黎難怪...質素下降哂不試也罷

只係叫左幾串，收左我$115，友人們聽到都嚇一跳，但都好期待d串燒好無食，點知味道超普通，根本就係bbq既味，肉類更係好難咬到，小辣更加辣到大家唔想食，最後有大半袋掉左，永不錄用。全店門面小，燒得耐，要大家係圍住個熱爐等到炆，更令人假象好食而多人排隊，而且衞生差，店主收完錢又直接用手掂落食物上。

豬頸肉得3件，韮菜完全咬唔到，吐返出黎！要唔辣雞翼，點知俾辣，辣到食唔到！完全唔值，5串合共55蚊，掉咗一半！得串香菇食得，豬頸肉都無味，九唔撘八！咁都可以做生意！

串皇 @ #foodki元朗串燒(6.5/10)($8-$23)好鍾意元朗既串燒🍢，即嗑即燒，排隊人數眾多，所以都要等幾耐下。串皇既沙嗲汁非常惹味😍😍，甜中帶少少辣，比較稀身唔係好似平時好杰既沙嗲。仲有另一款超辣泰式辣汁😍，加左少少蒜蓉辣椒，味道似泰式辣醫，但同樣稀身，超辣超爽😊，好好食！食物就叫左冬菇🍄，雞全翼🐤，菠蘿🍍，豬頸肉🐷。最推薦絕對係冬菇，醃制醬汁極入味，咬入口仲幾爽口。菠蘿好甜好清新，都推薦～地址：元朗阜財街2號宏豐大廈地下11D舖港鐵元朗站 A 出口, 步行約7分鐘營業時間：星期一至日: 12:00-01:30

好耐無黎食過啦，一直都記掛住，所以今次黎元朗一定要再黎食因為已食左正餐，又食左豆腐花，所以只叫左2串雞柳串，肉質嫩滑，沙爹汁也很香魷魚鬚，好彈牙，但因沙爹汁畀上面既雞柳串索晒，所以淡味左d整體ok，不過姐姐較黑面和粗聲粗氣，但都預左架啦

【燒雞脾】唉!又加左價,之前17蚊而家賣廿蚊! 食野都食窮你呀喂但水準依然! 雞脾依舊好大隻!唔記得左佢啲辣味係會標汗!嗌左辣雞脾!食到個人勁辛苦呢間串皇D沙爹汁係超讚好 ，但真係好辣 ,啖啖肉 ,,,同埋火喉老闆佢都恰到好處...唔會話太鞋....相對地肉質比較滑身~

好差劣囉！串皇我由中學開始食，正正因為你們既辣醬，令我畢業後十多年，一有時間經開元朗店就總會買番幾串食！好可惜今日比我感受到串皇令人失望既一面！懷著一個好開心既心情，晚飯後經過串皇，買2條司華力腸外賣番屋企食啦，點知元朗店內兩位女員工，態度非常惡劣！唔知係咪店員嫌我買得2條司華力腸咁細銀碼就黑口黑面！當我等緊燒熟時，轉身望望附近有咩睇，其中一個店員好似驚我唔比錢咁！大叫「$26蚊呀！」此時此刻我覺得你地好似驚我走單唔比錢咁！好啦，比完錢企開一邊費事再對住你店內2位「態度特別」既員工，佢又大大聲尖叫「要唔要辣呀？」連續問左3次！最後就咁塞左2條腸入紙袋就叫我拎走！膠袋無比我都算啦！2條腸咬落去仲凍既！我要自己番屋企叮番熱先食到！串皇！今次對你真係好失望！短期之內唔會再幫襯！請你們用心看看點解鄰近幾間小食店都生意旺場，唯獨你們只有零星幾個客？相信同你們兩位「態度特別」既員工有直接關係！食物要好食，員工態度都要妥善！顧客黎食野光顧，唔係黎比你地班員工出氣！我對串皇員工黑口黑面呼喝對待真係好反感！希望日後會有改善！

串皇好久沒有來吃了，今天既然路過，就再嘗嘗久違的味道吧。可能時間尚早，選擇不多，選了一串牛肉，要辣醬。每次在串皇見到負責燒烤的人都不同，今天的姨姨可能要顧著一名不斷哭鬧的幼兒，心情好像不太好......今天的烤肉感覺有點靭，但醬汁仍舊香辣惹味。本來想給喊臉，念在辣醬份上，只能給OK。

這星期陪友人到元朗駕馭學院，等了一小時後，終於可以去搵野食了～由友人帶路，走了好一段路程，終於走到一條食街～先到一間排著長長人龍的串燒店試試～串燒種類也不少的，有雞、豬、牛、羊、海鮮、丸類、蔬菜類等，點過串燒後，也要等上10多分鐘才燒好呢牛柳串 $12賣相好像蠻不錯的，但入口沙嗲汁較稀，沒不多沙嗲味，串燒燒得不夠火候，感覺有點像煎串燒似的。牛柳肉質淋身，沒太多牛肉味之餘，口感亦欠俸，可惜豬頸肉串 $12豬勁肉整串也染得橙紅色的，但入口少了一點甜味，然而肉質淋中帶爽，富口感，細嚼下帶點脂肪香，但相比上次吃過的那間串燒店，實在有一段距離雞柳串 $11每粒雞柳也切得厚厚的，口感十足，肉質亦相當嫩滑，但雞味不太強烈，而且感覺比較淡味，由於對雞肉一般，所以試了一啖便交給友人了司華力腸 $11肥大的司華力腸賣相永遠也是吸引的，但由於火候不夠，皮身沒有焦乾，有點像烚司華力腸呢. . . 幸好皮身尚算脆身，啖啖肉的感覺，算是不錯吧串皇 (元朗)元朗阜財街2號宏豐大廈地下11D舖～～～～～～～～～～～～～總消費：$ 46味道：6/10環境：6/10服務：6/10衛生 : 5/10抵食 : 7/10

來到元朗又新街，當然例牌要食串皇！由於仲有一個鐘就打算去食田中，所以決定只點兩串試試好了。本來想點牛脷的，但原來沒有，唯有改點一串羊肉和一串牛柳了。 選定了串燒後可以立即跟店員下單和付款，但原來真的要等很久！蘿拔妹跟家人只是點了兩串，足足等了20分鐘！拿串燒時跟店員要求小辣~ 看見串燒沾滿醬汁，而且剛燒好香噴噴的，口水直流！先嘗牛柳，質地非常軟，肉汁甚多而且無渣！醬汁超級惹味，甜味甚濃而且還有花生味！但先警告大家，雖然少辣但真的超級超級辣，好刺激！ 而羊肉反而有點韌，筋都幾多！羊肉香而不騷，但始終質地不夠牛肉吸引啊~

早前電話壞咗，已有一排無寫食評了。終於等部新機出咗，又可以影下食物相、寫作一下。Nice! 好耐都無嚟元朗了！每次哩第一時間當然係 '掃街'食好野！第一首選一定係揀「串皇」！落車就係，位置好方便。今次約咗朋友，我們share叫咗煙肉腸仔卷$11、雞中翼$11、牛柳$12！全部都好好味呀！因係要即燒，所以要等一陣。平時我算係無乜耐性，也不太喜歡等。但為咗美味嘅串燒、我覺得值得等。我叫咗一邊正常沙嗲汁、另一邊係要多辣！這𥚃秘製沙嗲汁不像泰式沙嗲汁勁花生味個種，汁不太杰身，較稀偏甜，甜中帶微辣。另一款辣沙嗲汁，真的令我覺得有些竦！有香料、少少蒜蓉及辣椒的味道。食完有少少冒汗的感覺。好正！（喜歡食辣嘅朋友不妨一試）串燒我一向喜歡食💖「煙肉腸仔卷」，十分惹味！煙肉加上腸仔配上辣汁，Perfect Match! 💖「牛柳」少少淋身（可能俾鬆肉粉嗱過）、牛肉味不算太濃，但都好好味！💖 以前食過雞肉不錯，今次叫咗「雞中翼」。雞中翼𥚃面不會太乾、雞肉嫩滑有肉汁！好味！注意** 「雞全翼」要等得比較耐D（大概15至20分鐘）**總括而言：見價錢比以前貴了，但好食我覺值嘅！元朗有很多野食、串燒店有很多間，個

煙肉腸: 煙肉腸是串燒的必吃項，兩者味道融合，很滿足之選，但煙肉燒得不夠時間，油份多及不香脆。燒雞肉: 雞肉略鞋，全靠汁料搭夠。鮮魷魚: 魷魚嫩滑，有咬口，配上濃濃料料，發揮很天衣無縫。燒牛肉: 有肉味，但不夠火喉。整體燒得不夠火喉，少了串燒應有的香氣，但汁料確是惹味，略可補不足。

全店得2個阿姐，有爐剩又唔用埋，要食就要耐心啲等食左雞肉，司華力腸，煙肉金菇，魷魚鬚雞肉係幾嫩嘅腸燒得出面好脆，好味，但覺得唔加辣好點煙肉卷，好似在辣汁中游泳，一散就好'撈搞'魷魚燒到好乾，好硬，麻麻。辣汁好多，好彩我食得辣，我隔離嗰個就話好辣，條利辣到興，要飲凍野

乘座巴士到元朗，在食街又新街下車，整條街也是美食。友人介紹的串皇串燒（要辣）十分出名，下了巴士走幾步路就傳來串燒香味，小鋪亦有人龍排隊買串燒。點了燒雞和腸串燒，因為傳聞串王的辣真的很辣，所以只點了小辣。燒雞燒烤時間打握得不錯，肉質算滑。重點果然在辣汁，雖然是小辣，但絕對是比一般的小辣更辣！不過亦很惹味，辣醬味道特別，即使辣但令你不斷想繼續吃。吃後滿口辣味不散，實在辣得過引，愛辣人士必吃！