丸亀製麵 (海濱匯)

營業中

休息中

🍜丸龜製麵是採用自助點餐及先付款後食的程序的，而環境以古舊日式木屋設計。首先在麵檔前點自己想要的面，再選自己喜歡的小食，最後走到收銀付款，一條龍自助完成，食完要將盤放回收集處。🍅蕃茄牛肉烏冬: 蕃茄湯底濃郁，是用真材實料的蕃茄製成，西蘭花作配菜，牛肉是肥牛，正常味道，烏冬面煙煙韌韌，好食。🐂牛肉麻醬撈烏冬:牛肉，西蘭花配菜和烏冬面都是一樣，但這款是配麻醬撈汁，麻醬香濃帶少少酸，開胃味美。日式腐皮:  日式小食，不過不失。

今日同同事一齊用app叫外賣，套餐都幾經濟實惠，最正係送到去門口唔洗行，天寒地凍完全唔想郁。落單半個鐘都唔洗就到左，同事大讚烏冬話好好味，而我就叫左個炭燒雞肉丼飯，仲配一塊炸蕃薯同可樂，連運費都係49蚊，仲熱熱地，算係甘啦。雞肉連少量皮可接受，炭燒香口，雞肉都唔少，但飯就略少，舊蕃薯唔脆但都好味，可以encore。

推介$45 ‼️‼️咁抵？？🍜 炭燒雞肉拌烏冬烏冬好有口感，而且炭燒雞肉整得夠惹味仲加埋無得輸既溫泉玉子同紫菜拌烏冬高質又抵食比起鰹烏冬，要$7x 先食到，丸亀製麵真係抵食👍🏻👍🏻👍🏻記得用openrice 外賣自取order!

不只一次叫外賣自取，炭燒雞肉烏冬也加了辣汁但明明不是辣的，不是小辣，不吃辣的怎樣食？外賣自取是很方便又省時，但不明為何會加辣，若不，味道是可以的，希望可以了解跟進！

今日同d同事一齊叫左外賣，我叫左呢個炭燒雞扒伴烏冬，味道方面糸可以，賣相不錯，正確來講晤糸雞扒糸雞肉粒，有隻煎蛋及少量蔬菜，唔糸太熱，可能始終送貨需時，不過價錢合理

有個團友仔喺海濱匯返工叫我過去食個lunch跟住佢介紹咗呢間日本拉麵起初完全唔知點handle😂原來係自助形式嘅日本拉麵首先係嗌咗你想食嘅麵，餸，跟住等啲廚師整俾你我又唔記得影佢個環境嗌完個面仲可以去隔離揀多啲餸我就嗌咗兩款，其實佢有好多天婦羅嘅炸物我最後好似係揀咗一個茄子天婦羅同埋野菜魷魚面我就揀咗大嘅牛肉番茄烏冬咁樣叫叫下其實都唔平😂如果你唔加餸嘅話其實都OK嘅最後我加埋嘢飲所以買單都要成舊水不過呢個食物質素來講我覺得都可以接受仲有順帶一提對於我呢個蔥怪來講可以勁落蔥真係Very good😂

呢個位置幾乎除了該商場的上班人士以及旁邊的幾座大樓之外, 鮮少有顧客. 所以人流非常少, 不用等位.丸亀好的地方就是大部分都係自助, 麵又不錯. 自己添加想要的配菜, 自己調味, 雖然座位不好坐係事實.看住風景, 休閒的食一個午餐, 非常寫意. 而且炸物很多都味道不錯, 都算係一間可以再去的餐廳.

今日過咗嚟海濱匯食LUNCH, 呢邊開咗間丸龜, 地方都算好大, 可能呢邊多數食12:30, 所以食1:00既朋友仔行到過去都應該唔駛點等位腐皮烏冬 + 日式年糕 + 蘋果汁 - 賣相好吸引, 甜腐皮烏冬彈牙, 日式年糕口感麻麻, 蘋果汁幾好飲溫泉蛋雞粒飯 - 呢款都唔太差炭燒雞撈烏冬 + 關冬煮福袋 - 芝麻醬撈烏冬幾好味, 福袋都幾特別總結 : 呢到都好抵食, 午餐可以有多個選擇, 加上價錢都都OK, 唔加飲品飯麵係$38-$45左右

丸龜製麵 - 抵食多料嘅烏冬🍜丸龜製麵近期一直喺唔同嘅外賣平台做緊優惠，咁岩今日想食得清淡小小，於是乎我喺lunch time嗌咗佢嘅烏冬😋和風蜆肉烏冬(大) +腐皮兩件 $55蜆肉嘅分量係意想不到嘅多，大概有多過二十隻咁多，真係好抵食。腐皮味道好濃，連埋烏冬同湯一齊食比較好☺️烏冬方面就不過不失，口感淋咗少少，較堂食遜色。味道😋：7.5/10價錢💰：8/10服務💁🏻‍♂️：N/A環境🪑：N/A

Lunch time求其係公司附近個商場買外賣，見到呢間連鎖日本餐廳價錢幾親民，外賣自取仲有85折就決定試下～叫左一個炭燒雞肉拌烏冬無加配任何野，好快趣買完走得👍一打開覺得個碗好大😅 唔知係咪for啲人買湯烏冬既話可以分開上呢？！🤔除左雞肉同烏冬，仲有少量菜同一隻溫泉蛋，份量唔算多，我諗食量大既要加配其他野先夠飽～烏冬好彈牙煙韌，撈埋溫泉蛋同啲汁入口好滑，唔錯唔錯😋菜好爽脆，放落呢碗烏冬可以豐富成碗麵既口感👍啲雞肉有少少黑椒味，但唔似炭燒，似係炸出黎但炸過火🙈 因為比較乾身，導致裡面唔滑同juicy，有點失望但整體算唔錯，可以再試下其他👌

其實 #小秘書 對「丸亀製麵」一向印象麻麻，事關早兩年喺 #油塘店 試過一碗淡茂茂嘅 #湯烏冬 之後，一直提唔起興趣再幫襯🤪 不過見附近新開嘅分店周不時大排長龍，搞到我都心郁郁😅 本來呢日 #wfh 嘅我，醒起應承咗 #首領 食lunch，唯有先同 #周公子 先分手，早少少返公司做埋啲手尾等開飯🤤 今時唔同往日，#丸亀製麵 門口條人龍唔見咗😅 食飯唔使迫、對食客得哋嚟講當然係好事🤪 為免 #重蹈覆轍，我今次揀咗 #蕃茄湯底 配 #牛肉，另外我哋加咗 #野菜墨魚餅、#炸豬扒 做#小食🥢 好在今次個蕃茄湯底冇令我失望，#蕃茄湯 配 #烏冬、加埋 #肥牛肉，甜甜地... 口味出乎意料地配搭，不過要扣啲分係因為個蕃茄湯🍅煮得唔夠熱，#首領 都話佢碗 #蜆肉烏冬爭咗個熱辣辣嘅湯底👉🏻👈🏻 唔通啲 #日本人 鍾意食暖嘅湯烏冬？

冷烏冬！最開心就係黎食冷鳥冬自動形式即時拎出黎個醬汁一定要配埋wasabi先得另有一番風味開心！價錢唔貴都係36蚊左右不過咩配菜都無又唔包野飲有點dry但如果加配菜又即刻覺得好貴

工作關係才惠顧這間分店，位置離牛頭角地鐵站較遠，步行大約需要15分钟才到！平日午餐時候全店滿座，之前在日本大阪吃過。香港都是第一次光臨，冷烏冬(大$35)和日本相同，口感彈牙煙韌，配上日本芥辣和日式醬湯，味道清新！炸雞塊天婦羅($14)和日式炸餃子($18)是自選的，炸雞塊外脆內軟，味道比較鹹，也不需配醬油！炸餃子熱烘烘的，外皮也很脆，配些餃子醬汁更佳！兩餸一烏冬共收$67，以附近食店的價錢來比較，也可接受！