影片
港鐵石門站 C 出口, 步行約2分鐘
繼續閱讀
營業時間
星期一至日
12:00 - 21:00
以上資料只供參考, 請與餐廳確認詳情
招牌菜
經過石門商場，同層有幾間茶飲店，呢間價錢比較合理，款式也不少。店員服務水準快及有禮，星期一至四更有($20) 珍珠奶茶優惠。筆者買了黑糖珍珠撞奶 ($30) ，珍珠數量多，有咬口，唔會好粉，稱得上靚珍珠。支持💛
繼續閱讀
呢間茶飲店全港都有幾間舖頭，幾個區域我都試過，今次就試埋沙田石門京瑞廣場呢一間😎其實石門有好多茶飲店，要做到脫穎而出唔係咁容易。呢間舖頭都好易搵，一上到去京瑞廣場轉右手邊就會見到佢舖頭。佢哋好支持年青人，呢輪亦都有陣時有啲MIRROR, COLLAR 等等fans 喺度放啲免費應援嘢，所以都比較多後生仔女去幫襯。今次我試咗皇室奶茶加芒果珠珠覺得好好飲喎，佢個茶底好出色，亦都好多奶，加上獨特自創嘅芒果珠珠，真係別有一番風味。佢仲有好多款唔同嘅珠珠揀㗎，下次可以試埋其他😋😋
繼續閱讀
好味之作，可以encore同事話要去攞應援，所以今日早少少出去食飯，丸茶手作個姐姐好好，俾我哋落咗單，拎咗啲應援物資先，大概半個鐘頭之後先返嚟慢慢拎返啲嘢飲，咁我哋就可以食完飯先再返嚟，唔使企喺嗰度等(lunchtime分秒必爭)今次叫咗黑糖珍珠撞奶，佢嘅份量唔大，實飲得晒，我反而幾鼓勵呢一類嘅size，因為好多時比好大杯你，根本就飲唔晒佢比較特別，唔係奶茶，而係撞奶，所以奶味好重，好新鮮，飲之前一定要攪勻，否則啲黑糖沉晒喺底令到成杯飲品都係得奶味，但當你攪勻之後，又發現黑糖配搭鮮奶係出奇咁夾，再加上珍珠，飲一杯都好飽， 絕對對得住$30嘅質素
繼續閱讀
屋企附近真係好多飲品店，平時到成日見到呢間但係冇試過，咁就試吓啦。咁我叫咗個皇室奶茶，飲咗第一次之後一發不可收拾，呢款奶茶勁啱我口味，奶味重，甜度啱啱好，另外仲加咗個芒果珠，超級好食，芒果味濃。推介推介👍🏻
繼續閱讀
又是跟同事一起叫外賣飲品的時間，今次選的是丸·茶手作！未試過沙田分店，但在自己住的那區，都光顧過丸·茶手作幾次，奶茶類配珍珠是不錯的～～今次就試試大甲芋頭鮮奶，芋頭是我喜愛的配料之一！大甲芋頭鮮奶，據介紹是用上台中大甲芋頭及澳洲鮮奶沖調，只有固定甜度，不能自選。芋頭打得夠細，大多貼近芋泥狀，未至於最細滑的質感，因有微量細細粒芋頭，但也不大影響口感。鮮奶醇滑夠香，要與芋泥拌勻才嚐到那份甜味，不然只獨立嚐到那陣奶香。雖然甜度固定，但個人認為甜度恰好，不會太甜之餘亦能嚐到那份芋頭香。希望丸·茶手作能保持水準，因有時覺得另一家飲品店的芋香鮮奶綠質素已不及從前了，也許丸·茶手作是一個新選擇！
繼續閱讀