丼の達人

營業中

休息中

次次經過都記得呢一間嘢，行埋去叫餐，個職員用好惡劣嘅態度講：「太多單啦，唔做呀，去第二度啦」至此之後每次一經過呢間我都諗起單嘢，所以唔好再幫襯，你咁多生意，唔差在我哋呢啲小食客啦🔥

今日純粹路過求其搵間野醫下肚 見有吉列豬扒丼就試試佢本身都無咩大期望 不過就係差在未睇定報告就出事食過之後先知吉野家原來好好食 都未試過食冷飯架喂 大佬 服務語氣已經差 野食仲要凍既 雪山食緊飯咁害人不淺

Intro: 一到平日放飯時間，觀塘愛琴坊canteen就人山人海咁，而晚飯時間都唔係好多人，有好多位坐，又冇人會趕，不過個位冇咁好坐；而呢次就試左日式滑蛋雞扒飯，加埋菜同熱飲都係大約60幾蚊～___________________🍽 滑蛋雞扒飯💰 52 （另+$10 送油麥菜+熱飲）⭐️ 6/10✍🏻 蛋唔算滑，煮得過熟；✍🏻 雞扒煎得唔錯，肉夠滑而燒汁味夠；✍🏻 而飯係珍珠米，但可惜唔夠燒汁撈飯；✍🏻 加$10蚊有菜又有熱飲都幾難得，油麥菜份量好多，但衰在太青，難以入口。___________________🏠 丼之達人 Don Expert📍 鴻圖中心 Unit 5F3, G/F, Hung To Centre 號 鴻圖 中心, 94 How Ming St, Kwun Tong⭐️ 6/10___________________

呢間食嘢幾平 所以試吓叫咗個日式肥牛炒烏冬 有椰菜同埋紫菜 肉嘅份量就唔係好多 似屋企自己炒嘅 烏冬偏腍雙色芝士牛肉丼芝士份量好多 但係唔係熱熔芝士爭少少 牛肉食落還好 飯嘅份量唔算好多 檸檬桃蜜都OK嘅 但甜咗少少一般般

真係火滾 咁都收人$48？！無汁 無配料 啲飯係濕到粥咁啲牛肉白焯 仲要焯到「鞋」到無一塊咬得開！！！！！！！！！！！！！！仲叫自己日本丼飯？真係哂$48用黎寫食評出氣。

啲牛肉白烚,一啲味都冇,比兩粒芝麻落去就當調味料,大佬人哋吉野家都畀兩啖汁你淋落去啦,你乜都冇,都算啦,杯奶茶完全冇奶味,啲茶又苦又澀,糖漿都冇落,都唔係重點,重點嚟啦,一開始睇面頭啲飯都好似仲唔錯,食落去就PK, 下面好似粥咁,全部都係水,仲要收到我百幾蚊, 嬲到震🤬

行行下肚餓，經過之前嚟過，鴻圖中心底嘅美食廣場就搵嘢食啦，發覺呢喥又裝修過，靚過之前。睇完個圈，都係呢間下午茶比較抵，$32主食仲包嘢飲。我叫咗照燒雞扒喇沙米粉🐔🍜（$27），加$5要柚子梳打。先講照燒雞扒喇沙米粉，雞扒切咗幾件比你嘅，食落還好。米粉係幼身正常嘅。但最敗北嘅係個湯底，一啲都唔覺得係喇沙，得辣，啲雞扒同米粉放入口，食口辣椒碎，所以食得勁辛苦。嘢飲柚子梳打係正常嘅，都算大杯。感覺係食完夠飽，但好唔滿足，仲有啲難受，平都唔會再幫襯。

劣食黎講，佢貴就唔在講。質素亦不值呢個價錢。最離譜連職員態度都惡劣。本來都幫襯左1年。但眼見佢換左2，3手人，越來越差。而家衰到要請阿嬸做。呢間野都算賺到盡黑心商戶。買左個早餐我話c餐，阿嬸無講野無禁機。我以為佢聽唔到。再講多次。阿嬸即刻黑面話：聽到，咁你飲乜rice野先得架。大佬你唔問出聲我rice知你聽唔聽到打左飛未。咁都俾人串一獲。咁既價錢唔需要幫襯佢，大把選擇

叫左個蟹肉蟹膏炒飯，只有少得可憐近乎見唔到既蟹肉，而一丁點既蟹膏也見不到嘗不到。完全是受騙，以後都唔會再幫襯。飯又淡而無味，完全沒有炒飯的感覺。基本上就是煲一大煲飯，然後加上幾條蟹肉同一堆蟹子就收工。唯一可取就是食完呢碗飯已經食飽，如果你淨係想飽肚可以叫這個。

愛琴坊food court 有好多選擇，呢間我同事之前試過，所以試試外賣自取。食物：鰻魚炒飯：上面鋪滿紫菜絲同飛魚子，用珍珠米同鰻魚汁炒，其實都好難難食ｘｄ飛魚子增加口感，鰻魚有d碎同唔係好覺眼，不過先50幾蚊都唔好咁大期望雖然鰻魚汁好快吃膩，但係炒飯乾身唔油，可以一口接一口，我平時唔係點食飯都食曬成個。明太子雞翼：加10蚊有2隻雞翼，但係食落就好失望，睇其他人既comment話雞翼炸得好脆，但我一打開就覺得中伏。雞翼顏色好淺，完全唔似炸過，個口感仲好似烚雞翼咁，就算味道ok都俾個口感破壞曬總評：6.5/10除左明太子雞翼之外，味道都正常，價錢合理，有機會會試下其他。

極級劣食🤮🤮🤮一落單已經即刻拎出黎？都唔緊要，睇到眼都突埋，白洽牛肉飯？仲要連汁都無，想點？未食過咁難食嘅牛肉飯！！仲有杯嘢飲，係高身杯，枝飲筒係篤唔到落底搞。

🍄🍄每次經過鴻圖中心，就被裡面一幅壁畫所吸引，好好奇到底係食乜野架呢？因為壁畫既內容感覺係好有渡假feel既歐洲🤔，有海、有風車，又有d似希臘既海邊小屋；然後樓梯上面又有個美女係窗邊同你打招呼！之前好似係食西餐，但又變左成日本丼飯，仲要係JR駅🤷🏻‍♀️，Anyway, 就係吸引到🍄🍄入去望一望！因為係下午茶時段，所以d丼飯都好抵食，🍄🍄好鐘意食燒魚，所以叫左一個燒鯖魚丼，加一個黑糖檸檬茶（覺得呢個口味幾特別）再追加兩隻明太子雞亦—全部拎走！等既時間唔耐！影完相就差不多了。拎番公司慢慢歎，打開既時候，燒鯖魚又幾靚仔喎，仲有紫菜碎和酸黃瓜。條鯖魚又幾大條，配埋果飯既醬汁又真係幾好食！明太子不嬲俾人覺得醎，但呢兩隻雞亦味道ok喎，亦炸得香脆！至於飲品方面，初時覺得幾淡，可能因為個杯太高，而支飲筒太短，攪唔得勻，d黑糖聚左落果杯底，但飲到後尾既味道係幾特別既，有黑糖既甜味，而茶本身有一種淡淡既香味，唔似平時係茶餐廳飲果d🤔，份量真係幾大杯！以一個外賣黎講又真心不錯！可以再encore 試下其他款式👍

良心價錢+有水準既食物質素 食到一半 我忍唔住要打食評支持下第1次食 午餐唔貴 下午茶簡直係超抵落完單 好快有野食 份量唔大 但加埋小食 好豐富 兩人夠飽!雞扒喇沙- 好多雞扒 喇沙正好味過其他餐廳牛肉飯-d牛肉唔係碎濕濕架 牛汁濃 +$3 奶茶 大大杯 好味熱啡 唔洗加錢好大杯 仲要好好味 +$10 兩隻明太子雞翼 又係抵食+$6 紫薯餅 一定好食