丼丼屋 (德福廣場) (已結業)

九龍灣間間都排長龍，試吓呢間日式便當。睇佢相片滑蛋好似唔錯，就先試個滑蛋和牛便當。蛋係滑嘅，蛋味都唔錯，牛肉份量都唔算少，配埋個沙律同湯，飯嘅份量亦唔算少，呢個價錢都算係唔錯。再嚟個鰻魚便當，鰻魚都夠香，骨唔多，魚都夠香軟，份量都唔算少，有圖有真相。醬汁方面就都還可以，但唔係好好味嘅鰻魚汁，跟餐嚟個支味粉我就無用到，再落怕佢太鹹了。 跟餐亦有湯同埋沙律，盛惠九十八蚊，如果呢個價錢有咁大舊鰻魚都算OK啦！服務方面就一般正常咁囉。

日本連鎖快餐店既經營模式，一般呢種餐廳係日本就係等於香港既快餐店，快靚正，價錢大眾化，選擇又唔會太少。.呢間既滑蛋丼應該係主打，黎到見到實物都幾唔錯，滑蛋有係日本食到既感覺，但始終係香港既食物原材料品質同係日本既差太遠。點都食唔到係日本既味道，$98 一碗日式滑蛋吉炸豬扒飯，不過不失。仲試過呢款日式kimchi豚肉丼，冇咩特別，醬汁方面又冇咩特別，仲食到少少豬肉既腥肉味。如果要再食，我會選擇返滑蛋吉列系列比較安全。

 本人與友人於本日(2019年9月28日)下午約三時光顧貴公司九龍灣德福廣場分店，本人欲點限定之，惟下單時店員(操稍稍內地口音較年長女職員，長髮，身穿梳乎蛋推廣之制服)即回答，本人突感錯愕，追問下得到的回答，但過程中貴店員好像是不想回答似的，每句只有短句回覆。及後，因本人身坐較近收銀機位置，待決定更改下單時聽到貴店員與同事談吐本人的不是，惟當本人直接詢問時她卻否認及很快便走向員工用饍位置至本人結帳也沒有出現過。 最後，因本人沒有想食的食物，只下了一款菜式就結帳，過程中只有一位姓的年輕女員工詢問本人是否需要幫忙。

男朋友今晚係九龍灣踢波⚽️🏃🏻‍♂️, 所以就係附近嘅德福廣場搵野食, 小妹實在係太!肚!餓!啦!又想食d熱野所以就去左丼丼屋, 一打開個餐牌見到d滑蛋系列嘅飯好似好吸引咁🤤🤤就忍唔住叫左個滑蛋吉列蝦丼🍳🍤, 而男朋友就叫左個魚生丼🐟🍚😋 上菜速度幾快, 無幾耐就送上嚟☺️滑蛋吉列蝦丼定食🍳🍤🍱(+$18沙律🥗, 湯🥣)定食餐湯🥣, 個湯清清地唔太咸, 有海帶同雜菌, 味道ok☺️柚子沙律🥗:柚子醋清新, 酸酸地幾開胃, 沙律嘅配菜🥬🍅🥑種類幾多薯仔沙律🥔🥗, 味道唔錯, 不過不失滑蛋吉列蝦丼🍳🍤, 雞蛋做得好滑, 足量嘅蛋漿好似熔岩漿咁流哂落個飯到, 粒粒米都沾滿蛋漿, 非常吸引, 食落去蛋漿怖滿成個口腔, 好滿足😋😊 主角之一嘅吉列蝦🍤幾香脆同幾大隻, 味道唔錯😉三色刺生丼🐟🍚, 有三文魚, 吞拿魚同油甘魚, 味道正常, 不過刺身如果可以厚身d就好啦🤣😊總結: 食物質素幾好, 不過份量有d細🙈, 店員服務ok, 價錢唔貴嘅餐廳😊

最近喜歡去丼丼屋食，因為佢啲食物有水準，價錢合理，又會用日本食材。今次試了北海道蟹肉蟹膏飯，蟹肉舖滿飯面，絶不孤寒，再在中間放上味噌蟹膏，及配上很多葱，勁鮮味，食完好滿足！

今日係拍拖紀念日🥰一收工就去左徳福搵好野食 丼丼屋一直都好想試下 見收工收得早 唔洗排隊就trytry😋叫左一份十勝帶廣名物豚丼 揀左特盛(加大) 加HK$25 轉埋做個玉子定食餐 有麵豉湯 沙律 燒玉子 薯仔沙律食👍🏻👍🏻 嗌特盛豚肉唔洗就住就住咁食🤤🤤 豚肉煎得幾香 同啲醬汁幾夾幾juice🤤 燒玉子都好好食 有蛋味幾甜😚😚另外仲嗌左個刺身飯食🥰隻蝦都幾大隻 刺身足料同新鮮既 一啖咬落去 啲鮮味出哂黎🤤

今晚叫左一個石燒海鮮同日本豚肉飯regular 都夠3個人食，再加左$58魚生刺身，湯、沙律。石燒海鮮包括三文魚，帆立貝，大蝦各2隻好新鮮，再配埋南瓜同茄子。有菜有肉咩都有。掛住燒，豚肉凍左又將塊豚肉放上熱石都慶一慶番又食過。regular size同 large size只係豚肉多2塊的分別，白飯的份量是一樣。都真係夠食。小朋友仲將白飯放埋上石板上面再煎一煎，即時變埋煲仔飯既效果。職員服務態度好好，每樣都好仔細講解，仲話塊石唔夠熱再隨時換。真係抵食同服務一流。大家去試下啦

九龍灣午飯時間真係好多人不過星期五當然要食得好d德福廣場雖然好多都係連鎖餐廳，但都有好西既今日就決定食下好耐冇食既丼丼屋行緊去既途中，已經用app攞定飛去到就即刻可以入座午餐定食都幾豐富多選擇丼丼屋當然係出名丼！所以我揀左滑蛋炭燒雞肉丼定食飲品係荔枝味果茶嘩！都幾大份，沙律好新鮮，昆布湯清清地都幾好飲到主菜！個飯好好味蛋好滑，配飯一啖食好幸福雞唔會好硬，呢個配搭係滿分朋友食既牛油果丼都唔差好似食緊壽司咁不過真係幾多飯我都食淨少少

My friend and I were going to a concert at E-Max, so we have decided to meet up at Telford Plaza to grab some quick bite before going as there were even less options at E-Max. To be frank, there's not much special place to enjoy dinner at Telford as well, so we just pick this chainstore. I underestimate the queue for dinner in Kowloon East...  I should have queue up via the Gulu App before I even arrive. We had to wait for more than 30 mins to go in.As we were in a rush so my friend sent us thei

相約同事食晚餐，6:50pm到達，不用等位，店員表示可以有90分鐘時間享用晚餐，時間充裕，食完還有時間閒談。餐廳內部裝修優雅，座位舒適，店員有禮貌。滑蛋鰻魚飯118元，鰻魚有兩行，口感嫩軟，魚味濃郁，蛋汁豐富，舖滿飯面，飯粒吸收了水份，口感有點似稀飯。黑咖哩吉列豬扒飯88元，豬扒是厚切豬扒，大大塊，外層的麵包糠炸得很鬆脆，内層的豬扒約有九成為瘦肉、一成為肥膏，瘦肉有嚼勁而不韌，肥膏入口即溶，油脂惹味，飯粒漲卜卜，飯味甘香，咖哩汁香味四溢帶少少辣味。

到了午飯時間，點了一個溫泉玉子牛筋丼定食。蛋汁配上蛋黃醬，再加辣泡菜，好邪惡的組合，牛筋細細粒而且好入味，呢幾種材料配上白飯，口感十分豐富。定食中配上沙律，可解一解油膩感。整體來說這個定食值得一試。

同朋友係九龍灣食lunch,因為想食日本野而依間又比較少人排隊,加上lunch menu睇落去都幾划算所以就入左去試😋鰻重定食($98)定食set有蟹柳沙津同麵豉湯,沙津好開胃健康仲有附送埋果茶,不過果茶吾係好甜無咩味,所以下次食可以加$5轉橙汁/汽水.鰻魚比想像中大塊,好肥美少骨,配埋鰻魚照燒汁甜甜地好好食🥰而且珍珠飯好多,食完成個set好飽好滿足😛P.s.如果係德福既住戶出示住戶證仲會送芝麻雞翼😋😋

「名物牛筋丼」定食可選配韓式酸辣泡菜或溫泉玉子，唔食得辣嘅Ms Kiki選擇配溫泉玉子🤤.名物牛筋丼於三屆「全國丼物大賽」獲得金賞🏅.名物牛筋丼係來自大阪拉麵店「龍旗信」嘅人氣丼物，但唔係用拉麵食材隨便整個丼出嚟。日式牛筋肉嘅特別之處在於肉同筋嘅比例均勻，肉質柔嫩帶有嚼勁。最後以蛋黃醬及一味粉作點綴，令丼物味道濃厚、非常惹味！😋

未有機會去旅行飛去日本✈唯有在香港食日本菜要經濟實惠 味道隱定 又多選擇🤓非丼丼屋莫屬和朋友在德福花園看完電影就到商場尋食星期日的晚上 人流比較多等候大約十五分鐘 我們二人點了玉子卷$38🥚三色海鮮丼 $83🐟十勝帶廣名物豚丼特盛 $108🐷特上刺身定食 $58玉子卷甜甜的 但口感比較實三色海鮮丼 性價比高 👌$88就有3款刺身 份量都ok豚丼油香味十足 而且帶有煎香的味道特上刺身定食是加配的👍有沙律 湯 刺身當中有大蝦 十分抵食😀

丼丼屋周圍都有亦都食過好多次，但今次既驚喜令我想為佢打篇食評。午市套餐好多選擇，滑蛋雞肉飯，刺身丼，幾十蚊至百幾蚊不等。跟餐有湯有果茶仲有沙律送，再食埋個飯，真係夠哂飽！鰻重 ($98)見到隔離枱食到津津有味我都忍唔住叫左個鰻魚飯，一黎到見到條鰻魚禁大條都已經好驚喜，食落去鰻魚肉肥美少骨，配上佢香濃既鰻魚汁，真係會令人唔小心食晒啲飯！出邊平平哋買一條鰻魚可能都要70幾80蚊，呢個餐真係性價比好高！湯無乜特別我唔多講，但係個沙律既醬酸酸甜甜十分開胃，上邊仲有車厘茄粟米同蟹柳，認真唔錯！