丼丼屋 (德福廣場) (已結業)

想食日本嘢，呢間價錢親民，又可以坐得舒舒服服，而且套餐可以自己隨意配搭。星期五晚上等左15分鐘先入座，左諗右諗一輪，終於決定了咖哩吉列豬柳飯加芝士($88)、迷你什錦刺身丼配唐揚定食($76)。咖哩吉列豬柳飯加芝士：吉列豬柳新鮮炸好，好脆口；特意加$10加芝士，但一堆芝士完全冇咩融化的感覺，麻麻地……迷你什錦刺身丼配唐揚定食：刺身好新鮮，初時睇落個碗好似好細，但其實個碗有返咁上下的深度，食落份量啱啱好；加$28有齊麵豉湯、沙律、前菜及炸雞件，一set咁好滿足。

原來這間餐廳分店都好多但大部份都在九龍區依邊, 對少來九龍的我都可算有新鮮感. 唔知係唔係突然霤暴又下大雨, 星期四既晚上都好多等位, 等了15分鐘, 入得......唔知係我聽錯定點, 用餐60分鐘要還檯一同入座的鄰座幾分鐘便落單, 應該好多都係常客, 我地要睇左一陣才下單, 侍應對我地講弄餐需時約20分鐘, 應該是對每位客人講都係千篇一律, 因為五分鐘都無, 我叫既咖哩吉列豬扒飯就到.....反而鄰座未有我食咖哩吉列豬扒飯 - 脆漿外皮做得好好, 酥香而不膩:, 豬扒質地也不錯, 是用脹卜卜的珍珠米但唔知點解唔香, 如果專稱是一間以吃米飯為主的餐廳這方面就一定要注意了, 再者米飯的份量偏少特別一提, 紅色那堆是甜蘿蔔, 味道調較得好好隔了十多分鐘, 友人的豚肉烏冬也來了, 豚肉是薄片, 細片細片好碎, 味道是可以的,  湯底味道好清甜, 夠哂粗身既烏冬仲好彈牙, 唔錯唔錯如果改善一下 豚肉就perfect哂!!最後是凍抺茶鮮奶, 味道喜出望外, 唔會好甜 總體餐廳質素唔錯, 我地都好滿意

每次諗唔到食咩都會去丼丼屋，因為黎呢到食野唔會點中伏😬(不過其實食黎食去都係個兩三樣野～😂🙈)🍳#燒玉子卷 係必點😚鍾意佢甜甜地又好有蛋香😛🐷#滑蛋吉列豬扒飯 滑蛋有啲流心，豬扒炸得好鬆脆！🍛#咖喱吉列豬扒飯 咖哩好香，唔辣嘅～豬扒都係一樣咁鬆脆，唔錯！😋🤗

我同朋友2條友去食，個pat都未坐暖，食又未食完，個待應就帶左6人入黎，4個大人2個小朋友，有4個坐住係隔離張枱度，其他2個連個待應又企係度啤住我地，個待應係個女仔，四面圍攻果隻，真令人氣憤😡😡😡我以後都唔會再食丼丼屋！未見過咁樣帶位法，果時3點幾4點，想問下係咪好心急收工定趕住食飯！？服務真心劣！！

我點特上蝦魚生丼連青森組合，這個較快上，囡囡點的雞肉丼及青森組合等得較耐，另加一份牛肉薯餅 - 薯餅是最後上。蝦是主打，尚算不俗，魚生一般，最好是飯，有口感。青森組合有一個關東煮，有蛋、魚餅（半塊）獅子狗卷及一條白蘿蔔。沙律有兩片很薄的蓮耦片，好chewy 。小塊麻醬冷豆腐、湯及飲品。套餐最好是飲品 - 蘋果汁。薯餅好「林」，口感一般。

一直對天婦羅好感興趣，但今次係丼丼屋食嘅天婦羅餅丼，完全係令我跌眼鏡。雖然menu寫住圖片只供參考，但會唔會係同現實中差咁遠仲要係唔算平，90蚊，係咩質素？對於今次真係好失望！！！

First time we went there, we were 3 peoples. At first, the service was quick, when they took us to our places. But when we ordered our meals, it took 1 hour before our plates came. Personally it was too long... I understand that was in the busy hour, but when the table next to us had their meals before us... 😬The decoration was good, it was japanese style and cute. Their meals is not that expensive, is affordable. But the portion is a bit too small for the price. The taste of curry was really s

黎到德福廣場 想搵餐飽飯食 就見到呢間丼丼屋喇同朋友6點去到，仲有好多位見到青森名物定食做緊推廣 就叫黎試試啦另外就叫左個燒雞飯青森名物個餐好多野食架，有面咁大碗既牛肉飯，關東煮，生菜沙律，菜前小食，同味噌湯 仲包杯青森冰涼蘋果汁, 成個s͙e͙t͙好似百二蚊左右 份量大到 飽到你嘔都得呀講咁耐～份量大無用既，要好食先得！果啲前菜呀，味噌湯，沙律呢啲普普通通啦～唔多講，牛肉飯先至係主打丫嘛！醬汁味濃，牛肉鬆軟，加埋香口洋蔥，算是不過不失之作。另外個關東煮雖然只係普通野，蘿蔔夠淋，魚旦獅子狗都滿滿清湯味，都叫做唔錯喇！另外個燒雞飯雖然被我形容得普通，但都唔馬虎架！有香燒既味道配上燒汁，足夠你扒晒成碗飯呀～總結黎講算是不過不失，價錢方面，香港晚餐既價格就是差唔多了

友人名乎其實是飯桶一名，每次飯聚，丼丼屋必然在他的三甲之列。下午前來，午市套餐會是必然的選擇，一個套餐配上吸物、沙律，感覺較圓滿一點。．鰻魚丼定食($113)．比刺身丼還要貴上一點，不過鰻魚身價一向如此。飯量少了，依然肥嘟嘟的珍珠米身少了點米的甜香，鰻魚醬汁也實在不多，可幸是鰻魚雖然薄身了點，但魚身很嫩滑，份量也對得起這價格。隨餐附送的野菜麵豉湯清甜，走清新路線，喝喝還好，而沙律就是最大路的野菜組合，吃吃還好。隨餐加$25可配是日刺身一客，刺身新鮮但切得太薄身了，欠了刺身該有的口感。是日果茶是蜜桃囗味的，沒有盛滿但亦無收分文，否則就算是小家之舉了。茶香算濃，白桃甜度適中還帶點蜜漬果肉，還不錯吧。至於友人選的刺身海鮮丼刺身切得太薄了，而吉列豬扒丼也没有以前的豐盛，讓大胃王的他好不失望。大家不約而同地發現，丼丼屋的午餐價格變化不大，不過份量確是比以前少了。

正所謂『辛苦揾來自在食』，今日決定慰勞一下自己工作的勞碌，來丼丼屋豪食午餐。我一向酷愛魚生，一看餐牌就立即揀選三色魚生飯定食，再加芝麻雞翼。芝麻雞翼一上枱，就聞到一陣撲鼻的芝麻香味，而且有即炸，熱辣辣的，一食入口，肉汁 juicy，不會炸得太乾，非常好吃。選用雞中翼連雞尖部分炸，是明智的，雞中翼肉質較嫩，配以尾尾香脆的雞尖，組合理想，給人兩種口感，只可惜加配小食只有兩隻，好想多吃幾隻啊~相比之下魚生飯就比較普通，沒有大驚喜，不過不失啦，但魚生份量充足，也算新鮮，還是可以接受的。食完整份定食，連飲品和小食，帶着被餵飽的心靈和胃口滿足離開啦。

午餐牛肉咖喱飯，牛肉既份量好多，咖喱汁份量岩岩好，吾會話食完仲有好多汁係度但味度就一般無咩特別，最鐘意食佢d飯一粒粒好有光澤，食落去好有口感😋佢個麵豉湯吾會好似其他日本餐廳甘鹹，仲有真蜆肉食👍🏻👍🏻👍🏻午餐仲有果茶送，埋單加埋一都係$66，超抵食💕

十和田牛🐮、青森弘前蘋果汁🍎、關東煮🍢... 一見到就急不及待要去食，好讓 minasan 回味一下年頭我們這一家的東北青森之旅。今次去了丼丼屋九龍灣分店，平日晚泊車方便，10:15pm 先 last order, 適合夜放工去食。今晚9點後先到，所以不用等，當然直接 order 青森名物定食，一次過試哂弘前蘋果汁及有氣蘋果汁，minasan 喜歡弘前蘋果汁多d，因為甜d蘋果味重一d，成個定食都好味，味覺視覺滿足度爆錶

丼丼屋@九龍灣德福丼丼屋冇端端好似多咗好多分店唔知係咪因爲分店多開始質素差咗飯少得可憐，但係啲汁就多到咩咁搞到真係好咸！其實料都好少..刺身都麻麻，唔覺得好鮮味

今日同屋企人去咗丼丼屋食飯，等位等左大概10分鐘就可以入去啦！選擇都有好多我哋叫咗一個芝麻唐揚雞翼，吉列豬扒滑蛋飯，咖喱吉列豬扒烏冬然後再叫咗兩個定食一個係火焰刺身定食另外一個特大蝦刺身定食。服務生嘅態度好好都好詳細同埋有耐心咁樣同我地解釋，同埋用匯豐信用卡有八五折我爸爸同埋男朋友都話個豬扒麻麻哋有啲鞋同埋有啲豬味，如果咖喱烏冬就有少少淡。但係我同我媽咪食嗰個刺身定食呢，味道都唔錯嘎我覺得都值得嗌，但係呢大家就唔好食個刺身蝦頭啲蝦膏啦（生蝦頭嘅話有機會肚痛）最近天氣熱食下啲刺身飯都幾好架！而個小食芝麻唐楊雞翼就一定要叫，好好食

有選擇困難症既我, 好多時去到餐廳都唔知食咩, 就會睇下附近D人食咩, 照跟!依日黎到間食肆, 見到隔離位個個叫左份鯖魚定食, 個樣好似唔差, 所以照跟!我份鯖魚定食黎勒!條魚個樣無隔離個條煎得咁乾身, 食落去好咸! 我嘗試將旁邊既蘿蔔溶加落碗醋到食.雖然感覺無咁咸, 但又好似酸左少少......佢個日式沙律有D 醋, 但又少左D......麵鼓湯不過不失.下午黎食, 佢會送杯凍既柚子茶, 但一定係送凍既~柚子味非常微, 同事話佢飲唔到柚子味, 連茶味都飲唔到......