丼丼屋 (已結業)

專一是一種美德。做事要專一，心無旁騖，專心致志，才容易有所成就；感情要專一，不見異思遷，不貪新忘舊，才容易白頭偕老。而這一天，我在這間「丼丼屋食堂」中，也十分專一，義無反顧地叫來店中特別推介的「名物海膽丼」，雖然這丼飯未如自己預期中那麼出色，可也不妨一試。根據店中介紹，這次「丼丼屋食堂」進行的「丼の盛典」活動，共有四回，每回都會推出一款特別的丼飯，每款丼飯都是在「日本丼物選手權」美食競賽中曾經勝出的人氣名物丼。店中首回推出的，是由「丼丼屋食堂」與北海道利尻島「食堂丸善」合作推出的「名物海膽丼」（$98）。這款「名物海膽丼」大有來頭，在2011年，「食堂丸善」首次以「名物海膽丼」參選「日本丼物選手權」，便連續兩年獲得票選冠軍，奪得殿堂丼物寶座，「名物海膽丼」更成為利尻島的代表美食。既然名頭這麼響噹噹，而且又是期間限定，還要每天只限供應30客，自己難得來到「丼丼屋食堂」吃午飯，雖然這丼飯只能散點，不是套餐，沒有飲品附奉，只有「海帶湯」和兩片「黃蘿蔔」漬物伴著丼飯，還是要試一試它。先嚐「海帶湯」，湯味適中，海帶厚身爽口，比一般午市套餐的「麵鼓湯」來得特別。兩片爽脆的漬蘿蔔，雖然簡單，作為主角

知道丼丼屋有鍋物推出，急不及待想試。有3款湯底選擇：壽喜燒，旨辛蕃茄同埋美顏膠原，而主食有：黑毛和牛，豚肉同埋蟹腳選擇，每款都配有飯/烏冬，一碟蔬菜我order左黑毛和牛配旨辛蕃茄湯底，要烏冬，另外再加支日本清酒，日式火鍋當然要飲Sake,餐廳只有一款清酒提供，味道偏甜，吾辛口。湯底好夠味，甚至偏咸，加左幾次湯次後先可以調配返適中既咸度，烏冬好滑，和牛只有4片，肉質味道good，眼見食物份量以為好少，準備會追加牛肉或者烏冬，但原來剛剛好，飲埋支酒就夠晒飽。

約了在附近上班，好久未有見過面的多洛菲小姐吃飯。若要想靜靜地聊天食個午餐的話，獨處商場一角的這裡一路都是我們最佳選擇....每次來時拿起餐牌都會喵到有新的產品。今一趟新推出的，便是源自北海道的天婦羅炸餅....和多洛菲各來一份試試。侍者提醒說除了配飯以外還可以配烏冬的，而且可吩咐廚房叫乾撈上....那就正合吾之大欲也....餅一上桌，發現賣相和相片中見到的相差不太遠。那我便放心了....眼前這塊天婦羅餅簡直可用頭大如斗去形容。餅裡頭的材料是十分豐富 ---- 帶子、蝦、蟹柳、三文魚、茄子、洋蔥、蘆筍....全部東西堆疊在這塊餅上。味道甜、鮮及鹹全皆齊備；而口感則以爽及軟這兩方面最為突出。天婦羅餅本身炸得並不油膩，有了這點已是可以加分...冷烏冬粗身有咬勁亦非常煙韌。醮多些甜甜又帶少許酒香的醬汁，光只食這個就巳很爽....那麼大的一塊炸野菜海鮮餅，再加上份量不少的偏韌而硬烏冬，這樣不吃飽才怪呢....

同朋友食丼丼屋, 我諗左好耐終於諗到食滑蛋牛肉飯加套餐呀, 好大的飯, 賣相吸引, 好多牛肉, 好多滑蛋, 簡直係滑蛋撈飯呀, 有一碗面豉湯, 一碟酸瓜, 一碗豆, 一碗沙律, 都好豐富呀.滑蛋好好味, 夠晒滑呀, 好香, 同埋係半生熟的, 所以質感好好, 唔會老, 係流質的, 牛肉夠淋身的, 啱啱熟的, 唔會過老, 都好好味, 咁樣撈埋一齊食, 好好味. 配菜都好好味, 豆有少少汁的, 幾香, 面豉湯唔會好咸,入面都有些海帶, 魚蛋片咁. 沙律係青瓜, 蕃茄及椰菜絲. 好新鮮. 朋友食三文魚帶子飯, 切到好薄的三文魚及帶子舖在飯上面, 好靚, 朋友話好新鮮的, 好好味呀. 我見個樣都好新鮮吸引呀.

Viviy家是無飯家庭，平日晚上都是和家人到屋企附近的快餐店或是酒樓等來解決晚飯，久而久之家附近的食店都被我們無限輪回地吃過來，食到味蕾都有點麻木。幸好在遠一點的一個商場開了不少新派食店，這晚就來到丼丼屋與家人試新野。顧名思義，來到丼丼屋一定是食丼飯，又想試新出的三文魚親子帆立貝丼，又在右圖中的豬排丼飯中舉旗不定，還好這天家人和我向叫一款，如此就可以開心Share啦。滑蛋豬排丼的滑蛋相當香滑，與炸得酥脆的豬排永遠是最佳拍檔，而且豬排juicy而不老，好想把整碗都搶過來吃呀～加$15轉定食，配上湯、前菜和沙律，份量絕對夠一位男士食。來到三文魚親子帆立貝丼，三文魚是最吸引我的部分，帶子就略嫌薄了點，可以多給幾塊會令食客開心更多！這晚的三文魚子有點瘦弱的感覺，很想吃到粒粒分明飽滿的魚子，但絕對比不少壽司店的質素為佳。可幸的是丼丼屋離家都算近，香港有超過10間分店，而且menu選擇也不少，下次到來很想試試釜飯以及稻庭烏冬！座位都算闊落，平日的晚上不算太擠擁，是不錯的餐選擇！

丼丼屋為慶祝五週年營業 ，特別推出優惠， 仲可以蓋印仔， 滿五個印仔就可以換取一個88蚊以下的丼飯。 今日點左三文魚親子帆立貝丼飯取得我人生的第一個丼丼屋印仔。三文魚同帆立貝都非常新鮮。好好味唔知係咪前菜特別開胃，食完成个丼飯都唔覺得飽。建議加錢加飯呀！唔該

一個人HEA個午餐,丼丼屋食堂是不錯之選。環境衞生,一個人單邊的坐位都幾舒服。食了番茄牛肉烏冬定食配橙汁,$65加一,十分超值。選用了讚岐烏冬,烏冬比較粗身,咬上去口感不錯,而且烏冬好滑,好好味。當然一條不留。牛肉都做得很出色,好香的牛肉味。整個蕃茄湯好濃好甜蕃茄味,一下子飲光了。定食配漬物、前菜、沙律、麵鼓湯都有水準。全掃光。是餐没有廚餘。

美心食品的噹噹屋一直都有穩定水準的日本菜供應。唔知幾時轉左午餐餐牌,連最中意食既親子噹都無左得返一個叫咩月見雞肉炊($48)+10% 午餐可以附送飲品的,點了凍OT,茶不會太濃,都OK。坦白講,食物的賣相是不錯的,個蛋好似個月圓,唔知係咪所謂的月見的意思啦。呢個飯是配湯食的,味道不錯。清清甜甜。夏日不錯的選擇。不過,雞肉的份量真是十分少。成年人我想不一定夠飽。

午饍時間分秒必爭, 見呢度唔駛等位, 就同同事衝咗入去, 點知...其實我個雜錦魚生飯SET都唔算等咗太耐, 但以魚生飯都要成等廿分鐘, 我同事個親子丼就更要成35分鐘, 又真係有點那過, 攪到差啲要打包拎番工司...講番個魚生飯 (午餐SET$8X有杯嘢飲(可樂))飯同魚生的比例適中, 午餐嚟講份量剛好 (以女生計), 飯不會太熱, 所以加上新鮮又凍的魚生也很配, 加上有大量蟹子, 食落很爽口很想再來吃, 但同事話出菜咁慢, 食得咁趕未必有下次囉, 咁唯有放工嚟DINNER...

小編今日同媽媽去左樂富一遊，諗起想食丼丼屋，就係樂富商場係咁搵。睇晒指示牌周圍搵，兜左好耐原來係個極度隱蔽既地方！環境寬敞，冇乜人，但侍應淨係掛住做自己野忽略客人。我地嗌左一個蕃茄牛肉烏冬同泡菜豚肉烏冬。蕃茄味好濃，味道唔錯。但泡菜豚肉烏冬就失望，睇到餐牌見佢好多泡菜，但黎到得三四舊做裝飾，個湯只係普通湯，冇泡菜味，完全失望。然後嗌左個松葉蟹肉沙律，D菜都幾fresh, 個汁帶少少酸味幾醒胃，蟹肉略嫌少左d，但整體個味都幾好。再嗌左個鹽燒三文魚扒，唔會好咸，岩岩好，呢個只係普普通通，唔差！最後甜品share左宇治金時新地，好大杯。綠茶醬配雲呢拿味雪糕，再有紅豆又有粟米片增加口感，係咁多樣最滿意既野食！

今日係BU附近做完野唔想去九龍塘食野 就行左去樂富商場食野其實間野幾難搵因為佢係電梯與電梯之間既戶外空地所以係商場入面我搵左好耐都搵唔到不過唔緊要, 之前上網睇話呢間分店都幾大想襯下午茶時段去嘆下入到去真係覺得好大 因為枱同枱之間既空間係極大可能係下午茶時間客人唔算多 只有兩三枱亦都可能係因為太難搵既關係所以先有咁清靜既環境望望餐牌 都有唔少新野但我都係想食個滑蛋親子丼 同埋蟹肉玉子卷叫左之後就等野食泥環境係幽美既因為附近好多植林同好大空間可以形做一種高級餐廳既效果環境真係為今次食飯加左好多分但比較之下野食方面就顯得普通連平日既親子丼 都變得好似茶餐廳一樣什至有少少苦味玉子卷亦都太油 多到流出泥係呢度食野 個環境係令既 但食物方面有D美中不足

晚餐時間，同朋友為左唔洗等位，於是就搵左就近的丼丼屋食晚飯。我叫左個價值$118北海道四色丼，北海道四色丼的食材包括有：三文魚、帶子、牡丹蝦、蟹籽。之後仲可以加$15轉為套餐架(包括有:麵豉湯、沙律、小食)。其實北海道四色丼的買相不錯，但係味道麻麻，食材不太新鮮。牡丹蝦好大隻，但係牡丹蝦和蟹籽食落口都覺得好腥，而帶子就有點而黏口，三文魚算係肥美，唔夠新鮮。

三文魚親子丼上的三文魚很新鮮，超好吃～魚子也不錯，有點鹹，搭配著吃三文魚都可以不用蘸醬油了。滑蛋雞肉親子丼的雞蛋較普通，而且吃多了有點膩，雞肉味道較足。服務不錯，從質量來說價格算良心

我係第一次食丼丼屋，樂富呢間個環境比較暗同凍，但地方都好大，個感覺幾舒服初初佢地比左個好暗嘅位我，我想轉位，佢地都好樂意幫我轉位，服務態度好好個晚我同個fd一個叫烏冬，一個叫飯個冷烏冬睇落好似好細碗咁，但其實食落好飽，女仔一定夠食，男仔可能會唔夠飽，我個人唔係太中意佢啲小食，因為佢個沙律啲汁係酸梅嘅嘅味，仲有碟酸菜之類嘅野我唔太中意食！但我想要面豉湯，所以加$15就有埋啲小食！我朋友就話個刺身丼好好食，我眼見都好大碗，可以食到好飽喇！

那天和同事相約外出，同事和他的朋友和我，一行八人在這店用餐。價錢貴，係人都知，點解入去係一個迷……好！唔好講價錢，佢入面其實款式唔多，好少選擇。而我就選擇了牛扒飯，佢個牛扒可以選擇幾多成熟，雖然叫全熟但都照比份未熟既牛扒你……但味道可口，十分好味！由於佢個飯無味，要另外加調味料調味。加上調味料後，味道更加好味。而牛肉方面，味道不錯，由於塊牛未熟，所以都容易咬開。總括而言，這間店的食物水準是不錯的，唯獨價錢略貴且款式少。那天是同事請我食飯的，如果得自己，也應該很少機會會去食。