丼丼屋 (創紀之城五期(apm))

營業中

休息中

食飯時間喺APM諗緊食乜好 行到六樓 見到丼丼屋出咗個新嘅期間限定春日menu 就即刻試試先🤣🍱春之什錦海鮮丼定食 💰148單點刺身丼💰108，加💰40就可以追加定食，有兵庫縣產湯霜牡蠣、日式湯、副菜沙律、甜品啫喱&果茶魚生飯好足料🤤有三文魚腩 燒鰹魚 鯛魚 吞拿魚 赤海蝦&三文魚籽🍣三文魚腩好肥美 入口充滿油脂香 燒鰹魚帶有少量脆蒜非常香口 鯛魚及呑拿魚都鮮甜得嚟厚薄亦適中 赤海蝦大大隻啖啖肉 🍚白飯帶有醋嘅酸味 酸度啱啱好 亦好帶動食慾 加埋三文魚籽增加口感另外定食跟嘅兵庫縣產湯霜牡蠣亦非常鮮甜多汁 帶有滿滿海水味🦪甜品係柑橘味啫喱 啫喱浸住柑橘汁 食嘅時候同柑橘汁一齊食 整個口腔瞬間充滿香香嘅柑橘味🍣春之海鮮盛 💰50海鮮盛由三款魚生組成 三文魚腩 燒鰹魚 鯛魚各有兩件 都係春之什錦海鮮丼入面有嘅魚生😋鰹魚因為燒過 帶出滿滿嘅魚香 三文魚腩嘅魚脂分布好平均 鯛魚厚薄適中 一啲筋都無🍛牛肉壽喜燒丼 💰98睇個名以為得牛肉 食落先知原來仲有雞肉係入面 配合滑蛋同面頭嘅蛋黃 整碗飯都充滿蛋香☺️🔔另設加一

2022-04-04春之什錦海鮮盛宴🌸同女友去咗觀塘APM食飯🍚去咗食商場頂層嘅丼丼屋🇯🇵 入到餐廳非常多客人😀餐廳裝潢走日式簡潔風👘大多客人都點咗春之海鮮丼🐟決定點春之什錦海鮮丼定食😀春之什錦海鮮丼定食，148蚊份💰春之什錦海鮮丼集六款時令海鮮，非常豐富包括燒鰹魚，鯛魚，三文魚腩，吞拿魚，特大赤海蝦及三文魚籽，鮮甜豐腴，厚薄得宜嘅剌身填滿丼物，風味各有千秋，配上香甜軟糯嘅日本產米飯，仲有果茶同甜品，海鮮丼定食係獎勵自己嘅味蕾😎春之海鮮盛，50蚊份💰春之海鮮盛有三款刺身，包括燒鰹魚、鯛魚和三文魚腩，鰹魚經過燒烤帶出魚肉本身此香氣，同時多咗一股煙燻風味，再品嚐鯛魚感受佢嘅原始鮮味，最後三文魚腩嘅鮮甜油脂於人口嘅剎那問融化，喺舌尖上化作濃郁鮮味😁鳥開親子丼，83蚊碟💰親子丼半熟蛋汁香甜滑嫩，加上嫩滑肥美嘅名古屋交趾雞腿肉，仲有蛋香濃郁蛋黃，成家齊齊整整係哂依碗丼飯度，食完有感恩嘅心🥰整體環境幾熱鬧🥰服務態度非常好😎食物夠新鮮，價錢合理，期待其他限定菜式🌸

呢晚同朋友嚟到呢間主打日式丼物嘅丼丼屋食飯，見到推出咗期間限定嘅春日海鮮餐目，一於試一試😁～🔸 (HK$148) 「春之什錦海鮮丼」十分豐富😍，米飯上鋪咗6款時令新鮮海鮮，包括：燒鰹魚、鯛魚、三文魚腩、吞拿魚、特大赤海蝦及三文魚籽，每片刺身厚薄得宜，而且鮮味十足🤤！由於米飯係日本產，食落好甘甜軟糯🍚。海鮮丼可以單點 (HK$108)，呢次就升級埋做定食 (+HK$40)。而成個定食真係豐富得嚟又超值😉！海鮮丼之外，定食仲包括：兵庫縣產湯霜牡蠣、日式湯、副菜及荔枝果茶，最後以甜品作結。值得一提～日本兵庫縣牡蠣宜家當造🦪，加上以日本料理方法「湯霜」輕燙表面，令牡蠣天然鮮味並冇流失，食落鮮甜肥厚，仲有微微海水味道，鮮味倍增🆙！🔸 (HK$50) 同樣係期間限定嘅春日海鮮餐目之一，係一個刺身拼盤，惠顧任何主食均可加配。包括：燒鰹魚、鯛魚同三文魚腩😋。鰹魚經過燒烤過，令魚肉多咗重煙燻味道，食落更香！鯛魚就十分鮮甜又滋味，而三文魚腩好肥美，感覺油脂就喺口入面融化，濃郁鮮味隨之而來🥰！🔸 (HK$113) 春日海鮮餐目之外，亦點咗特選系列嘅餐目 - regular size嘅鰻魚飯，都係升級埋做定食

🍛牛肉壽喜燒丼看上去感覺好似好滿好多，原來碗底好淺😂裏面有牛肉和雞肉，還有滿滿雞蛋伴飯，味道還好，唔算太特別🍛滑蛋吉列豬扒丼幾香口，好脆口，呢個比牛肉飯更好，蛋與飯比例幾好鳥開手羽很香口，必試

丼丼屋 x 鳥開🇯🇵 apm 6樓人流比較少, 通常都係去丼丼屋食野先會上嚟, 開放式店面都好靜好舒服🇯🇵 QR code落單, 個website圖文並茂好方便, 上菜都好快手-🦪🐓🍳鳥開牡蠣親子丼 $98丼丼屋而家有期間限定鳥開牡蠣親子丼, 為平時見開嘅名古屋鳥開親子丼增添咗海洋風味大大隻嚟自兵庫縣既牡蠣超鮮甜, 沾上半熟蛋汁, 味道更昇華高湯, 蛋汁, 蠔汁令個飯好juicy, 但完全無整淋個飯, 飯粒依然粒粒分明-🍣三文魚油甘魚丼 $83三文魚同油甘魚各有4大片, 又厚又長啖啖超滿足, 咬落魚油好豐富刺身丼堆到好高身, 打卡好靚

丼丼屋嘅定食一向都好高質，嚟到apm想食日本嘢就諗起佢😎日式丼物專家丼丼屋(DONDONYA)最近推出咗期間限定奢華海鮮餐目「炙燒四色海鮮丼」($98)一次過可以試晒四款精選海鮮食材，包括：北海道產帆立貝、三文魚、沙甸魚同三文魚籽🍣刺身鋪滿成個碗，再加上略微炙燒，散發出微微焦香同魚油融化嘅油脂香，令食材整體嘅味道更加鮮美😋只需加多$10 即可由單點升級定食😝定食包括日式湯、副菜、甜品同果茶，超級豐富🥰另外仲有蝦天婦羅配碁子麵（$82）碁子麵係比較粗身既烏冬，厚厚哋更有口感🍜天婦羅蝦炸得好香脆，炸衣夠薄🍤另外加$15轉定食，好豐富🤤/📌丼丼屋 x 鳥開 (創紀之城五期(apm)) (觀塘)觀塘觀塘道418號創紀之城五期(apm)6樓L6-3b號舖/😋食物質素：7.5/10🍽️用餐環境：7.5/10💰性價比：7.5/10👣回頭率：7.5/10

自由海鮮丼三文魚腩·香蔥吞拿魚蓉·油甘魚·特大赤海蝦超滿滿刺身😍睇見都流哂口水🤤壽司飯味道調得岩岩好👍刺身數量好多～赤海蝦好鮮甜🤩盛惠💰$1xx好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:性價比幾高～刺身滿滿價錢亦唔算好貴～大家可以去試試😉

今日因為太凍10°C~不想出街，唯有叫外賣最終等了45min... 終於開餐啦！ 名古屋鳥屋親子丼 HK$147.00基本定食（沙律、副菜、寒天、飲品）炒蛋和雞肉的親子丼，送來時已不熱！但蛋飯和雞肉依然味道濃郁 至於定食的「副菜」不僅「肉酸」少了一半而且整個外賣用了很多個膠盒疊住 炸魷魚鬚 HK$35.00炸魷魚鬚不油膩，䶢味恰到好處 平台費 HK$4.60總數 = HK$186.60早知如此，我們下次都是不叫外賣了。免得又不夠熱、不環保、不美觀...不值！

饅魚飯饅魚肉很厚身，多汁，燒汁味濃，旁邊青色的葱亦很清新，非常容易入口，令我一試難停，「減肥人士」如我認真要自求多福！食完再算！魚生刺身飯定食魚生刺身的份量一般，但也算新鮮。飯的份量算多。麵匙湯味道濃，還有沙律菜夠新鮮，也很健康。啫喱不甜，似九毛膏，啖啖的，我喜歡！其餘的，食得最多次的是：鳥開辛味噌親子丼，蛋真是很滑和很入味，不吃得䶢的人要留意，我們次次都食得津津有味！只是價錢上有點兒不夠大眾化。

今天實在是很不愉快的一天。一踏進餐廳門口，我們在進行安心出行時由於本人換了手機，要重新安裝安心出行。該名女職員說：安心出行，無就唔准入。我是明白的，但該職員態度極差，本人只是站在旁邊安裝沒一分鐘，該女職員便已安排下一張飛的客人坐我本來要坐的位置而沒有告知或問是否我們還需要一點時間。其說話語速極快，說話句子極短，很有效率，彷彿不想跟我們解釋或禮貌交流，可能本人的安心出行令她感到困擾及不快，而導致她在說唯一一句對話：’安心出行，無就唔准入‘呢一句都沒能夠有禮貌地表達。先跟貴餐廳說聲對不起，我不應該換新電話的，下次一定會先安裝好，再去你們旁邊的餐廳光顧。最後希望貴餐廳不要以為自己係澳洲牛奶公司，除左呢間餐廳可以罵客人之外，無其他餐廳可以無視服務態度，聖誕快樂！

我從來都唔會劣評餐廳，因為我相信大部份都係有心做，但係呢間丼丼屋真心做得差，我叫左個百幾蚊鰻魚飯，成條鰻魚都係又細又硬嘅骨，吐骨多過食魚，結果成口都係骨，飯同魚都食唔到。。。惨過唔食飯，大家唔好再中伏

今天下午去吃午餐，沙律菜有點爛了。吃的飯明顯太多汁，好咸呀！In order to add up to 80 words, what else I have to say ? 湯有點沙 … 似係冇管理好。

真係10隻，有8隻都有沙$35 真係對唔住D蜆清酒味好重，應該未煮夠時間，所以仲有啲酒精味鯖魚應該係性價比最高牛肉壽喜燒親子丼，唔同我預期嘅有啲唔同唔雞都係老得滯⋯⋯牛肉都係普通嘢

◽️名古屋烏開親子丼 HK$83評論： 個人覺得是當天算突出的一道，上面是雞肉配上半熟蛋液，吃起來有雞肉壽喜燒的感覺，雞肉蠻嫩的但我覺得白飯稍硬有點扣分，但上面主菜蠻下飯的所以還是很快就吃光了◽️三河一色產鰻魚三味丼 HK$158評論：真的是普到不行的鰻魚飯，鰻魚本身蠻厚的但吃起來沒有很嫩，感覺有點烤的太久了，然後一樣的問題就是飯太乾了，鰻魚醬汁不太夠會讓整個吃起來很單調，第一次感覺蔥跟海苔是主菜還比較好吃^_^◽️自選三色丼飯 $依配主菜而定評論：當天是選鮭魚生魚片+鮭魚卵+生蝦，鮭魚生魚片真的很薄…刀功也不是很好油花不夠均勻，鮭魚卵的部分我覺得中規中矩可以接受給的也蠻多的，生蝦^_^我就送一個表情自行提會-這篇我寫很久^_^最大原因就是真的不太好吃，我原本抱著蠻大的期待去吃的，結果踩雷😀我原本很不想發這篇的，但我好愛這次拍的照片所以還是覺得記錄一下，也讓大家順便避雷一下，我當天是在馬鞍山吃的，但聽說品質應該都差不多，所以就放一個比較popular的分店，然後我甚至找不太到菜單，寫到差點抓狂，大家就加減看一下🙃順便說一下很多人問我說我食物分數怎麼普遍分數都蠻高的，其實不是我普遍給的很高，或

行過APM , 見到佢Poster 流曬口水, 即刻入去試下佢先, 叫左個 #滑蛋吉列豬扒丼, 真係不得了, 豬扒都好大塊, 又炸得好夠香脆, 仲要超JUICY, 咬落仲要好多肉汁, 同埋無鬆肉粉, 真係不得了, 然後雞蛋都好滑, 入面仲有洋蔥同醬汁, 撈埋啲飯食真係一流🌻🌻🌻🌻🌻之後睇到poster 有個厚燒鰻魚丼, 鰻魚超厚超juicy, 仲要有超厚玉子, 正🌻🌻🌻——————丼丼屋 (創紀之城五期(apm)) (觀塘)觀塘觀塘道418號創紀之城五期(apm)6樓L6-3b號舖———————#食 #丼飯 #美食 #先食奇兵 #食好西 #apm #foodie #cineatkp #hk #hongkong #hkfoodie #followme