丼吉日式吉列豬排專門店 (朗豪坊)

營業中

休息中

本人絕對係丼吉日式吉列豬排嘅支持者！剛巧路過旺角，見到呢度開咗間分店，我勁開心！心諗以後唔洗去銅鑼灣同尖沙咀食，旺角家下都有，所以叫朋友食，又唔洗排隊，直入坐低（終於明點解）。我哋叫咗兩客招牌吉列豬扒飯再加75蚊一客刺身刺身食下、再叫兩杯巨峰梳打凍飲。點知D刺身賣相完全唔得，好似未溶晒雪咁，叫服務員過嚟睇睇，佢哋有禮貌咁同我講，換過俾我地。換完返嚟，都係感覺麻麻地，我朋友照食（無計）。好啦！主角出場，吉列豬排飯，賣相仍然好好，同其他分店冇分別。點知我一咬落口，waf!!! 點解D豬扒有豬臭味同油益味，再睇下點解咁多黃色嘅肥糕！！根本冇辦法吞落去！完全同係其他店嘅味道口感差好遠喎！服務員態度好好，話換過兩塊俾我地，但係我哋拒絕左佢地好意！你哋作為一間出名嘅吉列豬排店，點解唔做好啲食物品質？！我完全係接受唔到你地差品！呢間旺角分店，我決定例入黑名單，下次唔再去！

朋友早前join 呢個食肆集團既會員，送左一張coupon 食呢間吉列豬扒。之前係其他分店食過架啦。不過不失，是日黎到朗豪坊店，因為係happy Friday 所以人都幾多，係外面排隊20分鐘就到我地。我地叫左特上吉列豬扒定食同埋吉列蝦&豬扒&蠔定食， 定食有湯，有椰菜，白飯。職員見到我地食曬椰菜，都好細心問我地要唔要加。整體食物及服務都不錯。因為有coupon 更覺抵食。

吉列豬柳生蠔定食 $199味噌湯很清, 好飲!椰菜沙律可配柚子汁和紫菜汁, 都很清新!  豬柳有三粒,但生蠔就只得一粒炸粉薄薄的,很脆口,配上醬汁,VERY GOOD.最後有西瓜和熱茶 (茶芥$9)

在等候電影開場之前醫飽個肚，選擇了朗豪坊4樓的這家日式炸豬排連鎖店。12點到店客人還不是很多，所以座位任君選擇。點了一個豬扒定食的set，內含一份吉列炸豬扒，一碗味增湯，一份白飯和切絲包菜。開餐前店員會給你一個裝有白芝麻的小碗，將芝麻研磨碎之後加入豬扒汁會更香。豬扒本身非常好吃，肉質鮮嫩，有肥有瘦，瘦的部分口感扎實，肥的部分有油脂香且口感很韌，豬扒的皮和肉是剝離的，可以一起吃也可以分開單吃。個人覺得不沾豬扒汁會更好吃，豬扒汁裡酸梅放得有點多，整體酸了一點點，但還在可接受的範圍。白飯也不錯，粒粒分明，米香飄飄，配上豬扒剛剛好。用餐後店員送來了蕎麥茶和一杯西瓜，本來以為是飯後送的解膩小吃，結果埋單的時候才發現是要收費的，問題是上來的時候也沒有跟我提到這個是收費的呀，本來還以為加的那一成服務費就服務得這麼周到呢

睇食評唔好剩係睇標題，要睇埋內容午餐唔錯！可以用恆常價錢嘅一半就食到該店名物。食物上枱認真嘩然，唔知捧餐出嚟嘅店員有冇於心有愧呢，A3 size左右嘅餐盤，食物佔1/2都冇，可能服務費就係俾咗咁奢華嘅儀式感上面。香港人食飯最緊要有儀式感刺身飯同吉X家個碗大細一樣，魚肉同三星酒店自助餐質素冇乜分別，啲飯竟然係普通白飯哈哈，啱啦正宗刺身飯係應該白飯底，醋飯係旁門左道。碗飯用咗好耐好耐去品嘗，驚兩舊水一下子冇咗入去就緊係食炸物，叫咗豬柳！嘩！一見到以為近視深咗，舊豬柳仲細過同我食指+中指。師傅好有心機，就算咁微細一舊肉，都切開橫切面俾客人睇廚師功架，寒酸到不得了最勁係杯茶同飯後果，原來高質到另加$9㗎！店員仲好貼心介紹杯茶幫助開胃！真係掂！同12蚊店茶包差唔多味道！最後仲有幾粒西瓜俾你甜到入心，三星酒店西瓜比較鮮甜日本當地都唔敢咁搶錢，呢間鋪厲害，敢賺敢發達！最後經理咁打扮嘅男士問我認為食物質素如何，其實好好呀、一啲都唔差、完全冇問題！冇問題我去番食1/3價錢、份量多3倍、味道好食多一倍嘅吉月豕屋先啦好期待呢個鋪位下一手係咩食店

今日下雨天，走左去朗豪坊避雨。一路轉到落4/f 見到呢度有有呢間吉列豬扒轉門店，問返職員係最新分店，裝修格局幾靚呀～咁岩佢又有tea set 便便地都坐下呀～Tea set 叫左個炸蝦烏冬同豬扒烏冬，優惠價又叫左個刺身同兩杯梳打～真係好抵～tea time 過嚟同朋友傾下計都唔錯，同朋友share 輕輕食下～蝦爽脆，豬扒好juicy.食完仲有杯玄米茶幫助消化～開始坐底又有杯烘茶開胃，幾好service~🤪唔知黎

燈光招牌下的日式豬扒專門店，在日本未食過，好多一家人來，加上星期六，等位等左半個小時⋯⋯今次叫咗二人前豬扒丶豬柳丶帶子定食，點完餐會每人俾一碗芝麻，可以自己磨芝麻沾醬沾豬扒，有趣之餘亦可以打發等候食物時間食物方面，飯是日本米，和沙律菜均可免費追加，豬扒和豬柳嫩，吉列皮唔會太肥膩，太溜，Juicy⋯⋯，仲有🤪🤪原粒北海道帶子，鮮甜美味，肉厚⋯⋯大🈵️足。雖然杯茶要收$9，但真係好好飲，encall一壺飽腹後更有解油膩玄米茶同爽甜西瓜🍉粒，完美既一餐見到其他入座的人吃下午茶！亦都好吸引⋯⋯下次一定要吃

行開旺角朗豪坊，竟然又見到呢間日式餐廳之前食過幾次都覺得味道唔錯👍🏻一見到心血來潮，又入咗去食呢間店新開張，裝修格局都好靚食物同埋服務都不在話下，一如以往好值得再去

午餐套餐質素一般，性價比低。另外幾位經理之間與侍應講野都比較大聲，想靜小小食飯就避免一下本身坐低已經有一杯熱茶，當你食完野食等侍應收檯後佢再奉上另一杯熱茶同西瓜。侍應放低果陣話淨係講左岩岩上果杯係蕎麥茶，當時已經覺得奇怪，如果本身杯茶未飲曬點解又上一杯一樣既新茶，所以之後檯面上兩個人係有四杯熱茶。咁我見佢杯茶同西瓜一齊上就自然覺得係lunch set包埋既生果，可能自己睇漏，點知到買單先見到佢地以人頭計收左兩個人既茶位。到我再質問侍應同佢講我地無叫到呢個茶果時佢先話「係啊呢個$9 茶芥就係頭先個杯茶同西瓜」。但其實餐廳本身已經有收加一服務費，真係第一次係茶樓以外既地方遇上強收茶位情況。可能我睇唔到啦不過佢餐牌無一個地方寫明要收茶位