乜餸燒鵝

營業中

休息中

這店鋪雖然名字搞笑，但午市供應的兩餸飯確實相當抵食，僅售39元更包含了一個紙包飲品。兩個餸分別是番茄炒蛋和木耳蒸雞。番茄炒蛋的火候掌握得宜，蛋液軟滑，番茄酸甜適中，傳統卻令人感到溫暖的家常味道。木耳蒸雞則是健康之選，雞肉嫩滑，木耳爽口，加上薑絲提升了整體風味。飯盒給得夠晒飯，份量都很足，兩餸的醬汁淋在白飯上更添美味。隨餐附送的紙包烏龍茶，茶味香濃解膩。在這個物價飛漲的年代，39元能吃到這樣實在的午餐，確實難能可貴。店鋪雖然簡單，但憑著親民價格和穩定水準，在附近寫字樓和工廈職員之間建立了不少支持者。

兩餸或三餸飯好食我選了三餸飯魚香茄子，鹹蛋蒸肉餅，豉汁南瓜炆魚柳。鹹蛋蒸肉餅冇太多肥豬肉，整體唔會過鹹又大塊只是食時要小心會食到有骨。魚香茄子，香，份量多豉汁南瓜炆魚柳，南瓜唔夠淋，魚柳比較少，但都好食觀塘有呢個價錢的三餸飯，好正

平時經過見到啲餸嘅賣相都好吸引，重點係有白鱔！所以今日滿心期待專登過去買個雙餸飯，點知真係好失望！叫咗白鱔同埋肉碎四季豆，夾餸嘅姨姨好謹慎，好小心地，一片一片咁夾d白鱔同雲耳，結果得兩嚿白鱔，佢佢就已經完成要cup蓋，然後問佢可唔可以夾多一兩舊⋯⋯因為我真係為咗白鱔而過嚟佢就好唔願意咁樣夾多一嚿俾我 ！明白既，白鱔相對嚟講係貴啲，但得個兩舊仔會唔會過份咗啲呀⋯⋯仲有姨姨嘅態度都真係好麻麻地⋯⋯真心失望湯同埋餸嘅味道係OK嘅，但係飯都係有啲硬。

上2個星期的星期一22/7/2024晚的晚飯。三餸飯夠親民，環境不算太差，而且有菜有魚有肉🙂。而且不需要排長龍就可以選到你心愛的配搭。三餸飯的有營配搭，雲耳雞肉🐔、蕃茄蛋🍅🥚和西蘭花🥦，以及小飯。增肌或減重的人士，只要在營養班、運動班和營養俱樂部學懂選擇，三餸飯都可以更加有營。這裡很多太受歡迎的菜色，主要以魚🐟菜，有蛋白質含量豐富的食材，一整天就很快沒有了😂，而且燒鵝和燒雞都很受歡迎。

好鍾意食三餸飯既我 去到邊都會叫試試當區三餸飯去到觀塘 食飯時間見到旁邊既三餸飯名店排哂長龍 叫到都辛苦而且之前係油麻地食過 好食既 但只係正正常常 冇需要為左食個三餸飯排到咁囉 LOL黎到呢間, 排隊人數少七成, 就試下你選擇ok多啦 , 但一定唔夠名店多, 咁選左豬排 南乳豬手花生 四季豆 色水唔錯, 份量都OK返到朋友office, 仍然夠熱, 所有味道岩岩好 唔咸(好重要)  選多一次仍然會選擇呢間既 快靚正

$39/兩餸，蒸魚嘅汁都要我問佢攞先至肯俾少少而且以前魚係有兩件嘅；「乜餸」呢間嘢喺觀塘唔使做㗎啦（唔包括圖中飲品）；為公平起見我要說明，這是本人要求少飯。其實當下我都唔識俾反應，攞咗盒飯返公司攤開；個個同事都媽媽聲。喺俾錢之前我有再三確認係咪只係得兩件？佢哋好Firm咁答我係..而家見到其他師兄師姐post出嚟其他地方嘅兩餸飯，仲要平過$39；咁靚，真心唔知嗰日食咗啲乜嘢🤦🏻‍♀️有師兄語重心長咁話：百物騰貴，燈油火蠟又要出人工，而且而家魚啊海鮮都好貴；成本好高喎叫我體諒吓，唔好下下投訴喎🥹（我幫襯咗咁耐，第一次有咁失落嘅感覺）如果唔係由佢開業我已經幫襯佢，成業街咁多食肆；真係唔會輪到佢。ps.喺社交媒體網站仲有好多護航之友添。

冇辦法，阿姐又黑口黑面老細又偷工減料 雞翼L 變s 咁嘅時勢都唔改善吓食物質素唔俾隔離K.O.就奇啦 我又唔信買三餸飯嘅人唔係貪平，降低價錢，隔離條長龍即刻轉向買你嗰邊啦你估嗰個想排隊 阿姐唔識do老世唔郁冇辦法🤢😪

今日諗住冇咩好食，就行到去成業街試吓都開咗一陣嘅乜餸燒鵝。相比起年頭開始嘅時候，少咗好多人排隊，到今日為止剩係得兩三個人喺度望住啲餸。講吓今日揀咗啲咩餸，我今日揀咗兩餸飯嘅蘿蔔牛腩同埋粟米肉粒，諗住清清地又一餐，值得一提嘅就係佢而家有一個優惠，逢親買兩餸飯就可以免費送例湯或者係飲品，好明顯就係驚隔離拳法開咗之後生意仲會仲差😂😂咁首先我就開始飲吓碗湯，清清地冇咩特別，都有幾嚿蘿蔔同埋節瓜。而到佢嘅餸菜，佢嘅蘿蔔牛腩比例，我覺得唔太滿意，太少牛腩。同埋佢之前嘅味道唔同，之前佢係用咗芫荽嚟煮蘿蔔牛腩，但係而家好似乜嘢都冇落，所以冇晒香味。而粟米肉粒就不過不失。值得一提係佢價錢係$39算係兩餸飯之中較貴，所以當權發出現咗之後佢嘅生意可以講話一落千丈了😂😂

諗住支持下小店，成業街禁多嘢食都唔食，買外賣算啦話哂係正餐～咁就嗌個三餸飯，點知今次係第一次，亦都係永無下次送既紙包飲品係會叫你響商場走廊既地下自取（呢個唔記得影相）行返屋企大概十分鐘，已經即食個飯，已經唔會寄望三餸飯既餸係會熱辣辣，點知三個餸係連暖都唔暖，其中一個餸（蒸魚），件魚仲窄過支外賣膠匙羹💪，唔信可以睇相），響其他地方食都可以用同樣價錢，食到蒸魚，但係質素同份量都係比佢好你可以話你唔食，大把人食，到時權發開咗就一定好精彩

叫左個2餸飯一個雞，一個蘿蔔牛腩，個雞份量的確係正常，但去到個牛腩得個2舊仲要碎濕濕，個盤留返成堆牛腩，都唔知係咪賣剩D姐姐可以拎返屋企，特登淨係比蘿蔔😰😓