九份飽 (屯門時代廣場南翼)

營業中

休息中

通常都係無比較無傷害，咁食過其他自然會同其他餐廳做比較。呢張就係當晚食過既野先講下呢碗紅燒牛腩油麵（$52），個湯勁濃，啲牛腩好好味，好嫩呢個係真好味既，油麵就冇乜味囉😂咁係要撈埋湯一齊食既！玉米起司蛋餅，$32我覺得呢個皮係脆既，但個餡就少咗啲，元朗間真台客既蛋餅會好味啲，不過皮冇咁脆既。香酥雞扒滷肉飯，$52佢既雞扒似豪大大既感覺，即台灣掃街既雞扒。黑糖花生麻糬，$25冇咩特別，個人覺得唔夠軟糯仲有兩杯野飲冇影到，但真係好台灣掃街果種野飲，糖漿加水/茶。

今次黎到一間新開既台灣餐廳 九份飽💕位於屯門市中心巴士總站對面 非常顯眼🤩店內裝修好有舊台灣街頭既感覺 十分有趣 🥳食物既份量十分足料! 性價比高👍👍👍香酥雞扒魯肉飯🍛$52大大塊酥炸雞扒 外脆內嫩 雞肉重好juicy 配埋秘製魯肉 真係啖啖肉！紅燒牛腩刀削麵 $62牛腩唔會太韌 亦非常入味 刀削麵條厚度適中酥炸魷魚 $45份量超多 而且魷魚好新鮮 識落冇怪味之餘炸得啱啱好 唔會咬唔開九份芋圓(冷)$38入面有不同味道既芋圓 蜂蜜檸檬蘆薈 $25OREO 巧克力奶茶 $25

星期六同朋友出左屯門行街，先去醫肚先，揀左抵食好味台灣野，好豐盛好滿足。雖然好多人排隊，但都無阻大家等食美食嘅心，我地排左30mins就可以入座，期間都見好多外賣，果然好受歡迎。海苔肉鬆起司蛋餅 $38即叫即整，個餅皮好香口，有雞蛋香，卷著芝士同紫菜肉鬆，好香好滋味，但唔會過咸，沾辣汁更惹味。紅燒牛腩刀削麵 $62湯頭有濃郁牛味同唔油膩，仲有陣陣滋補藥材香，牛肉有3至4件，都幾大塊厚身，肉質鬆化又入味。刀削麵係粗身麵條，唔係中式刀削麵，個個人喜歡一邊粗一邊薄的中式刀削麵。所以下次我揀返米粉，吸湯汁更正。香酥雞扒魯肉飯 $52有齊炸雞扒同魯肉飯，魯肉肥美啖啖肉，香而不膩，個汁仲好香，拌飯一流。炸雞扒仲熱辣辣，炸至脆卜卜，雞肉都保持濕潤，微彈好咬。黑糖牛奶珍珠 $25香甜黑糖十分足料，配牛奶中和甜度，香滑可口，珍珠煙韌好咬。蜂蜜檸檬蘆薈 $25酸酸甜甜好清爽消膩，加滑溜蘆薈增加口感，味道好正好岩夏天飲。九份芋圓（冷）$38最後我地share糖水，芋圓口感超正，有咬口好Q，仙草滑溜清爽，豆花軟滑帶豆香，仲有珍珠同紅豆，味道口感都豐富，而且甜度剛好。

🔹️九份飽🔹️店內有九份小店的感覺，店面上掛有九份特色的大紅燈籠，牆上貼上多張的電影放映電影日期及電影名字，還有當天的票價及時間🎬付款處擺放著林林種種懷舊小玩具，小手槍、小拉炮，舊式小袋子，會讓人停留在此拍照📸🔸️冬瓜茶🔸️百香果綠茶🔹️綜合湯內餡有百頁豆腐、貢丸、爆漿魚肉，再加上炸蒜粒再配生菜，雖然未有還原台灣的味道，但也值得一試☺️🔹️紅燒牛腩刀削麵👍刀削麵口感Q彈帶勁，麵條也很入味牛腩滷得得入味，每一塊都嫩滑會滑入口🤤🔹️台灣香腸👍切片香腸加蒜片，香腸切片後再輕輕翻煎，增加了脆口感覺🔹️肉鬆起司蛋餅🔹️懷舊魯肉飯 (小)👍濃郁的魯肉與大量的醬汁澆淋於米飯上，魯肉肥而不膩，甜鹹適口，是邪惡之選❤️

放假去咗屯門探吓個舊朋友，佢話想食台灣野去咗屯門時代廣場九份飽吃吃。餐廳裝修好懷舊好有特色😍點菜好方便自己剔想食咩。如果點A主餐+$10就可以叫B1既飲品正呀！嘩我哋叫咗好多嘢食😆我叫咗香酥雞扒魯肉飯配咗黑糖芋頭牛奶（少甜）香酥雞扒炸得好鬆化鎖住雞扒既肉汁😋魯肉飯啲魯肉好入味唔會太咸好味道😋黑糖芋頭牛奶我叫咗少甜ok wor 都唔會好淡，配埋啲黑糖岩岩好。朋友叫咗紅燒牛腩刀削麵佢話好食wor 個湯夠濃啲牛腩又淋又入味😋我哋仲叫咗個滷味拼盤share 食正呀。芋圓仙草豆奶好多仙草同芋圓配豆奶都好好味😋

屯門時代廣場地下角落頭有一間食台灣嘢嘅小餐廳，星期五去到見到都keep住有人排隊～食物整體水準平均，如果想喺屯門速食台灣嘢，呢間都OK😃.我叫咗紅燒牛腩飯，牛腩都有三四件，肉質非常軟腍，唔錯。朋友叫咗細嘅滷肉飯，望個樣都好似唔錯。另外我哋仲share咗一個蛋餅，蛋餅同平時食到嘅差唔多，正正常常。芋圓有驚喜，食落真係有芋頭或者番薯味，就算飽都食得落🤣入面個一舊仔豆腐花都好食，不過唔知點解係超級細舊😂我哋仲叫咗每人一杯飲品，朋友叫咗荔枝綠茶($20)，我叫咗Oreo朱古力奶茶($25)，本身驚太甜所以叫咗3分甜，但係飲落覺得叫5分甜會好飲啲🤣.兩個人食得飽飽，而且仲一人叫咗一杯飲品，夾埋都係$200有找，價錢唔貴。

📍屯門 《九份飽》  #台灣既味道  九份飽真係食到九分飽，見每樣小食價錢都好相宜，愈叫愈多，多到差啲食濟左🤣 ✨懷舊魯肉飯(小) $𝟑𝟑 魯肉飯保持台灣風味水準，份量正常，滷肉入味夠淋肥瘦適中，而且飯粒唔會太過軟身，岩哂細食既女生🤣 ✨香酥排骨麵 $𝟒𝟖 香酥排骨=炸豬扒，同麵分開上，豬扒🐷 都炸得好酥脆，炸粉都唔會太厚身，做得幾出色，不過麵既湯底就覺得鹼水味重左少少，有改善空間🤔✨肉鬆起司蛋餅 $𝟑𝟔 蛋餅係台灣人既傳統早餐，煎至酥脆嘅外皮口感帶點煙韌，口感就類似我地成日掃街會食到既手抓餅，餡料好豐富，填到滿一滿，海苔、肉鬆&起司🧀️，仲好貼心切成𝟒塊，方便食用，正🤤  ✨炸甜不辣 $𝟑𝟔 係香港其實好少會食甜不辣，煙煙韌韌口感好得意，𝐐彈嘅炸魚餅，味道有少少似墨魚丸，灑上淮鹽，調味岩岩好☺️✨百香果綠茶 $𝟏𝟎 今次無叫少甜少冰，百香果甜度適中，綠茶可以解下膩，下次會試埋珍珠奶茶🧋味道：𝟖/𝟏𝟎   性價比： 𝟖/𝟏𝟎   

台灣啊，我想去台灣玩玩玩食食食，拍照拍照拍照啊。北鼻，快帶人家去啊（台妹Tone) 。 今次就去九分飽食野啦✌🏻😜我要食香酥雞扒魯肉飯配蜂蜜檸檬蘆薈（冷）- 香酥雞扒魯肉飯：雞扒大大塊，香脆多汁，魯肉入味細細粒分量岩岩好，仲帶有肉汁，配埋半份滷蛋同珍珠米，唔覺唔覺就食哂成碗啦🤤🤤食炸嘢就梗係要飲哂杯蜂蜜檸檬蘆薈（冷）： 蜂蜜同蘆薈都好潤喉同滋潤，甜甜地又加少少檸檬味，唔會一味得個甜味有檸檬調味，口感好清涼同清爽😝台灣擔仔麵，台灣就食得多啦，既然有，就梗係要試埋啦，台灣擔仔麵主要係麵條、蝦、香菜、肉燥、蒜。果然齊晒啊，仲多咗粒牛丸同半份滷蛋（笑）好入味啊，擔仔麵配料同獨門肉燥都好香濃，聞到香噴噴，真係我唔客氣啦。人一定要對自己帶信心，甜品係一定食得到既，所以我哋就點咗一份芋圓仙草豆奶，嘩嘩嘩，好多粒芋圓啊，有紫色既紫薯，黃色既蕃薯，白色既芋頭，粒粒都好Q彈好好食啊，仲有凍冰冰又滑一滑既仙草，配合埋豆奶，成碗芋圓仙草豆奶真是好吃好吃好好吃唷😚😚九份飽

剛開嘅時候食過一次，食完覺得好一般，尤其2杯野飲係無乜味，都唔明點解咁多人排隊🙈但之後每次路過都仲係見到好多人排隊，決定比多次機會佢。今次試咗懷舊魯肉飯（大- $43）、紅燒牛腩刀削麵（$62）、荔枝鳳梨（跟主餐加$10）魯肉飯一般，尤其隻蛋無乜味紅燒牛腩刀削麵可以一試，牛腩夠淋，個麵有咬口，味道都夠，係份量偏少咗啲荔枝鳳梨，叫左少冰8分甜，味道都可以地方比較細，有啲迫，同埋排隊時間有啲耐，如果唔駛排隊嘅話都可以去食

以前放短假期都會去台灣食食食, 但疫情關係, 無得去旅行, 想念台灣的味道, 唯有係香港搵台式餐廳止下口癮.~香酥雞扒魯肉飯~去親台灣都一定會搵滷肉飯食, 呢個魯肉飯完全係台灣既味道, 滷肉有入口即融嘅感覺; 一咬落去塊雞扒先係品嚐到金黃酥脆嘅外皮，然後內裡雞肉鮮嫩多汁, 令人不禁一口接一口咁繼續食~😋😋~香酥排骨麵~麵煮得軟硬適中; 排骨唔會好厚炸粉, 炸得乾身不油膩, 食落又香又酥~~酥炸魷魚~食台灣野當然要食小食, 意想不到嘅係小食足料大份, 魷魚亦炸得外脆內熱, 口感唔韌又爽口~~胚芽珍珠奶茶 & 豆花胚芽奶茶~胚芽含有豐富嘅維生素B群, 係一種健康嘅食材.飲品可以自選甜度, 我地揀左8分甜, 甜度剛好, 好飲~~芋圓仙草豆奶~經典台灣必食甜品, 配料有紅豆, 芋圓, 珍珠, 仙草加上豆奶.芋圓口感煙韌, 地瓜同埋芋頭嘅味都好重; 仙草好滑, 配料比例都啱啱好，超讚~👍🏻

性價比極高台灣菜店內生意好好，經常見有人排隊，平日望落少啲人終於可以去試吓😇都係一樣咁熱鬧😂環境裝修佈滿古典中國風名不虛傳，食物高質，仲要唔貴！飲品可以選擇填甜度，十足十出面街既台飲店😍「滷味拼盤」大大份，滷得入味主菜我哋叫咗「雞排滷肉飯」「排骨刀削麵」，兩款排都係啱啱炸起，熱辣辣放入口😆最鍾意佢唔會好多炸粉，真係啖啖肉真材實料，絕對值得再黎返兜「黑糖花生麻薯」唔係度度有得食，口感Q彈，唔會死甜，飯後甜品冇叫錯

屯市底層有間台灣嘢，價錢麵幾抵食🐂紅燒牛腩刀削麵 $62-牛腩入味 肉質軟腍-刀削麵有少少咬口 煙煙韌韌-湯底都幾濃 係紅燒牛肉湯果種湯甜味🐖香酥排骨米粉 $48-排骨口感綿腍 外層係沾有淑鹽嘅炸脆粉 所以排骨入口幾惹味🦑酥炸魷魚鬚 $48-非常酥脆嘅炸粉包裹魷魚鬚-魷魚酥粗度正常 椒鹽夠香-出色的小食🥂茉香綠茶 +$10-跟餐半價就飲到-作為解渴之飲品🧋黑糖芋頭牛奶 $32-甜度可自決 芋頭夠腍 重奶香🥛芋圓仙草豆奶 $42-豆奶較牛奶清一點-芋圓有淡淡蜂蜜味 份量非常之多-相當飽肚總括嚟講，真係幾抵食又食得飽味道又唔錯，難怪晚市咁多人排隊👍🏻

門面放晒燈籠咁唔少得紅燒牛肉刀削麵面質彈牙，有咬口，係我鐘嘅質感，每條短短地，少少厚身。必定要飲幾口湯，甜甜的感覺有少少藥材味，飲落口好舒服。最後牛肉睇落去好鞋咁，但一入口就溶得，好淋身，真係估唔到。排骨飯份量幾多，排骨唔厚粉，唔油膩但真係好太多，最後食唔晒個飯，太浪費喇，唔應該咁貪心，叫咁多。肉鬆蛋卷，份量唔太多，肉鬆配搭上偏甜整體而言，會係間會重返嘅店舖，尼價尼個質素，超值，唔怪得要排隊先有得食。

九份係台灣嘅著名景點，自己都去過幾次。上OpenRice見到有餐廳叫九份飽，即刻去試下。入屯門衣加好方便，估唔到1930都咁多人，不過只係等左15分鐘就有位。店內環境裝修好有九份特色，老闆應該花左唔少心機。枱上用品都特別制造。紅燒牛肉刀削麵$62湯頭濃郁，牛肉有3大舊，刀削麵我自己鍾意食。份量正常，整體味道幾好。黑糖芋頭牛奶$32黑糖唔算好多，啱啱好，用上芋頭蓉，好飽肚。九份檸檬綠$25叫咗少甜，正常味道，綠茶味唔太強。QQ地瓜球$36分量幾多，即叫即炸，好熱氣，不過好好食，真係好台灣。香酥排骨刀削麵$58好遲先到，因為即叫即做，排骨熱到出煙，好嫩滑，又唔多油。湯頭似豬骨湯，比想像中好味，有驚喜！凍九份芋圓$38多料，有珍珠，豆腐花，芋圓同涼粉。同九份比係有d失望，不過都幾好食。提提大家，甜品可以加單先叫，因為師傅跟着做，唔係嘅話就會同埋啲主食一齊嚟。整體嚟講，味道好出色，好有台灣風味，值得再嚟！

台灣菜一向也喜歡吃，到了吃飯時間就去了其中一家吃，位於屯門時代廣場的小店。店舖環境不大但裝修特別，是充滿台灣感的裝修🤩。食物以散點為主，主食和小食有不少選擇，價格相宜食物大份。-💥冬瓜茶 | 荔枝鳳梨 HKD$20，吃東西要點來杯飲品解渴一下，另有加HKD$3一份珍珠，口感Q彈有咬感。冬瓜茶味道香甜消暑，荔枝鳳梨味道酸酸甜甜。-💥QQ地瓜球 HKD$36，這個雙色地瓜球味道很香，脹卜卜的賣相挺吸引的。地瓜球口感鬆脆，口感煙韌軟糯，吃到酸梅粉的香味。味道酸酸甜甜，不會感到油膩。-💥九份芋圓 HKD$38，這個材料豐富，可選擇凍或常溫。材料有雙色芋圓、珍珠、仙草及豆腐花。芋圓和珍珠口感煙韌，仙草口感滑溜，豆腐花豆味濃厚。-💥香酥雞扒魯肉飯 HKD$52 | 香酥排骨飯 HKD$48，金黃色賣相挺吸引的，裡面暗藏滷水蛋，滷水味道濃郁。雞扒和排骨口感酥肉，肉質煙韌味道微咸。魯肉味道濃郁，香口惹味拌飯挺好。-