九町屋

營業中

休息中

今日喺牛頭角收工。然後同朋友嚟咗呢間平民小店九町屋，發現呢度都幾特別。性價比高一如既往叫一個普通嘅吉列豬扒飯9/10分，佢呢個豬扒炸得非常好皮薄餡靚。完全唔覺得厚粉，而且價哩亦都正常量都比較多會食得飽三文魚鮫8.5/10分。雖然呢個份量唔算多但係價錢比較平，呢個同外面食嘅唔同。佢呢個炸到外脆內軟。平時喺屋企用氣炸鍋炸都冇咁靚肥牛溫泉蛋飯：9/10分，佢呢個覺得物美價廉，比吉野家嘅咁好食而且。但香味都比較濃推薦飲品都非常特別今次叫咗個牛乳抹茶，非常大杯而且唔會太甜！炸物拼盤和炸軟殼蟹。同樣出色下次都會過來再次食

牛頭角九町屋是一間以日本料理為主打的餐廳，我最近親身體驗了他們的美食。其中，我品嚐了他們的招牌菜軟殼蟹、炸豬扒以及牛肉烏冬。以下是我對這些菜式的評價。首先是軟殼蟹，它以其酥脆的外殼和鮮嫩的蟹肉質地而聞名。這道菜給我留下了深刻的印象。蟹殼炸得金黃酥脆，入口後立即爆發出豐富的海鮮風味。蟹肉肥美多汁，帶著微妙的甜味，非常鮮美可口。整體而言，這道軟殼蟹絕對是一道令人難以忘懷的美味佳餚。接下來是炸豬扒，這道菜以其外脆內嫩的口感而受到我的喜愛。豬扒炸得恰到好處，外層酥脆，內部保持著豬肉的嫩滑和多汁。每一口都帶來了滿滿的肉汁和豐富的香氣。搭配上醬汁，更是增添了層次和風味，令整道菜更加美味。最後是牛肉烏冬，這是一道簡單但美味的主菜。烏冬麵煮得剛好有嚼勁，配上嫩滑的牛肉片和豐富的湯汁。牛肉的鮮甜和烏冬的口感完美結合，讓我一口接一口。這道菜色香味俱全，絕對是一道令人滿意的選擇。總的來說，牛頭角九町屋的食物給我留下了深刻的印象。他們的軟殼蟹、炸豬扒和牛肉烏冬都展現了精湛的烹飪技巧和新鮮的食材。如果你對日本料理有興趣，我強烈推薦你來這家餐廳品嚐這些美味佳餚。

呢間日本餐廳開咗唔係好耐，佢嘅套餐抵食吸引，裝修都唔錯，仲坐得幾舒服。食物種類豐富，有拉麵，串燒，壽喜燒鍋，咖喱飯，日式便當，全部價錢都係由$40至$70不等。呢個價錢對佢要求唔會好高。好欣賞佢嘅嘢飲係大大杯，一啲都唔孤寒。幫襯過幾次，之後會再幫襯。有試過串燒，咖喱飯，同埋日式便當。全部都大件抵食！讚👍唔算太多人幫襯，會繼續支持小店。

黎九龍灣探朋友，佢帶左我黎呢間日本狸貓主題餐廳，呢到的裝修好日系👘牆上畫左好多狸貓插畫🖼️🤎地獄湯吉列豬扒拉麵$56聽個名好似好辣咁，但其實虛驚一場，只係有啲辛辣風味但一點都唔辣，小朋友食都okay😗🤎日式和風豚肉煎飯$56有咖喱汁同肉醬汁，我今次揀左咖哩🍛呢隻日式咖哩汁帶小小甜，同啲飯又幾夾搞到係咁食飯😆🤎鹽燒三文魚腩$39魚腩真係好肥美，上枱時已經見到啲魚油令到條魚望落立立令咁，有驚喜🤎長崎蜂蜜奶茶$15勁大杯，唔算太甜😋🤎葡萄梳打$15幾鍾意個梳打底有啲葡萄果肉🍇，冰島同甜度都有個人化選擇👍🏻🦥九町屋 牛頭角牛頭角道3號得寶商場地下123號舖🌲🌲🌲🌲🌲🌲🌲🌲🌼懶好食指數：4.5/5🌼懶住去指數：4.5/5🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤

九龍灣美食多在大型商場之内，其實小型商場都一樣有好吃之選。朋友推介之下，一間又經濟實惠日本菜，所以就飯聚一試，確實不錯。******************************九町屋位這九龍灣一個小型商場之内，不是地鐵站直達，就方便於居住附近居民享用，所以前來大部份都是街坊。餐廳地方座位都不少，牆上還有日本風畫像，入座都舒適，最合適和朋友前來閒談一番。餐牌都以主食和小食為主，飲品以優惠價享用特飲。下單不久，食物送上速度都很快。芝麻蝦多士配威士忌汁 HKD37，一客4件蝦多士都厚身，吃上口啖啖肉口感都不錯，佈滿芝士炸過芝麻香味更突出，配上醬汁又夠風味。牛肉生薑燒便當 HKD68，牛肉生薑燒份量都不少，燒得非常入味，便當還有蘿蔔、冬姑、炸豆腐、玉子蛋、涼拌小食，還有一口甜果子，非常豐富又美味。牛肉喜壽鍋HKD68，轉烏冬HKD10，牛肉喜壽鍋之中除了有不少牛肉，還有京葱、粉絲、豆腐、大白菜、冬姑和生雞蛋，材料十足，湯底甜甜的醬汁味道非常入味，烏冬都好滑溜，難怪如此多人點選。手打蜂蜜檸檬紅茶 HKD10，不論熱飲或凍飲，主食可以相同優惠價享用，甜甜酸酸，開胃又解渴，不錯。

早係一年前已經知道港島區既總點，機緣巧合下過左對面海，先發現係得寶商場靜悄悄開左分店。餐廳多數位置都係卡座令人感覺有空間感同埋好舒服，而且有自助檸檬水機，呢啲細節都睇得出餐廳老闆既心機🥰餐牌選擇多元化，連清酒都有得點選。今晚决定揀一份鯖魚便當同埋一人份小火鍋試試。呢個便當相當有驚喜，除左有半條鯖魚同飯外，側邊既小食都相當有誠意，例如：清甜到爆汁既蘿白同冬茹椒鹽豆腐粒拼中華沙律蕃薯仔配蛋塊仲有一小舊和果子，只可以講每一口都係上承既作品，好耐未試過一路食一路嗌：“好好味吖。”🤩配送既餐飲絕不馬虎，我點既熱芒果綠茶經廚師細心調配，飲落酸酸甜甜，好難想像佢係一杯免費既跟餐飲品。另外都加左個一人份既小火鍋，睇圖已經見到擺到盤滿瀉，食材新鮮湯底鮮甜，不吝嗇既份量加上非常性價比高既價錢，絕對會有回頭客。而且餐廳職員全部都好有善同埋好有禮貌，埋單既時候有一盤薄荷糖可以隨意拎，推介桃味。💖未食完已經想encore🩷👍👍👍👍

九町屋真係一間平民美食嘅好地方！今次嚟試嘅係佢哋嘅牛肉壽喜鍋、咖喱吉列黃金炸蝦同辛味雞翼。唔止食物好味，而且價錢亦都好合理，真係性費比高！首先，牛肉壽喜鍋係佢哋嘅招牌菜之一。牛肉片鮮嫩多汁，湯底鮮香濃郁，配上滑嫩嘅壽喜燒蛋，味道好正！仲有其他新鮮嘅蔬菜同配料，加埋白飯，真係飽肚又滿足！咖喱吉列黃金炸蝦都係一個必試嘅選擇！啲蝦炸得香脆，外層金黃酥脆，裡面嘅肉質鮮嫩有彈性。配埋香辣嘅咖喱汁，味道香濃辣辣哋，好開胃！辛味雞翼亦都好吸引！啲雞翼炸得香脆，肉質嫩滑多汁。辣味香辣啱口，真係夠味！如果你鍾意辣嘢，呢個絕對係一個好選擇！仲有一樣特別嘅係佢哋嘅飲品，杯杯都好大，大約有750ml！要記住加$15就可以揀埋特飲，唔使擔心口渴！總括嚟講，九町屋係一間值得推薦嘅餐廳！唔止食物好味，價錢亦都好合理。如果你想食一啲平民美食，又唔想太貴，呢度絕對係一個不錯嘅選擇！記住加$15就可以飲到特飲，真係物超所值！

今晚在九龍灣搵食，老友話食過在得寶大廈的九町屋唔錯， 價錢親民抵食，有多款丼飯、小食、烏冬拉麵🍜可㨂，就過去開餐囉。餐廳設計有居酒屋🏮feel, 地方都乾淨企理☺️。豚肉壽喜鍋轉左烏冬，壽喜鍋上枱時隻蛋仲係好生😛，故撈入餸內整熟d先食，肉跟蛋拌勻一併進食很可口，肉份量都多，配菜有大白菜、豆腐、冬菇同埋金菇，壽喜燒的汁甜度剛好，與彈牙的烏冬拌勻夠晒味都唔錯啊。日式豬軟骨拉麵，豬軟骨煮得入味好軟淋，配菜有粟米、蛋以及海帶，湯濃郁麵亦好吃。梅子小番茄🍅，咸甜的小番茄，開胃小食。麻香帶子串，帶子鮮甜，但唔係太覺有麻辣味啊😄。點主食加$10-15便有野飲，九町屋咖哩老友說香濃夠味。手打蜂蜜檸檬🍋紅茶，夠晒大杯清新，解渴一流。

店內環境好悠閒完全唔chur人，適合吹水慢慢食。咖哩豬扒飯咖哩配上熱辣辣既白飯，簡直係完美搭配。咖哩的調味恰到好處，濃稠度啱啱好。辣度恰到好處，不會過於刺激，而係一種溫暖而令人舒適既感覺。整體份量好足，咖哩汁同飯比例啱啱好，唔會唔夠汁。豬扒都係新鮮炸起唔係放到軟曬嗰汁，份量都好足。金黃酥脆、外層鎖住咗肉汁，保持返豬肉既嫩滑同口感。同咖哩相互襯托，另人唔小心好快就食曬。飯的蓬鬆度適中，能夠吸收咖哩汁就同時同時不會顯得死實實，整體黎講就係好食。
芥末脆魚柳又係新鮮出爐啱啱炸起。炸衣鬆脆唔厚，魚柳多汁又大件，醬汁都幾惹味，兩個人食啱啱好。飲品好大杯，大杯過廢水既大杯裝，抵飲。

最近同屋企人黎左九龍灣睇傢俬發現得寶商場裡面竟然有唔少隱世食店🤭e間日式餐廳就係位於一生懸麵對面☺️餐廳裝修帶日式風格，以深色木整餐桌為主😌🐮牛肉壽喜鍋烏冬，壽喜鍋上面鋪滿美味肉嫩嘅牛肉，入面係有各種嘅嘅蔬菜，煮得好入味😋味道剛好唔會太甜🤓仲有冬粉入哂味🤩🐷豬軟骨拉麵，拉麵彈牙☺️豬軟骨好入味，口感香腍😍流心蛋都好好味🥳🦐芝麻蝦多士，蝦多士係必點項目，多士上面係滿滿嘅蝦膠，外脆入面保持到Q彈🥰味道鮮味👍🏻飲品方面，勁大杯同可以用加配優惠價，幾抵飲☺️我地點左🍃宇治抹茶奶茶&🌿百香果綠茶，2杯味道都好香，百香果綠茶帶果味🤓

第一次見有咁平嘅居酒屋😯有主食、小食同串燒主食價值四十幾$50有交易👍🏼重點係竟然唔使加一🙀牛肉壽喜鍋配飯 ($58)壽喜燒有嘅配料呢度都算齊有牛肉、金菇、冬菇、豆腐菜同埋蛋黃 壽喜燒汁甜甜地唔錯配埋飯都幾夾 咁平呢個質素唔錯😎唐揚雞配烏冬 ($52)有五件雞 炸得唔算好油膩 少脆味道適中 唔會太鹹又或者冇味烏冬少少彈牙 正常水準👌🏻芝麻蝦多士配威士忌汁 ($36)呢個我見好多人都有叫有四件好厚嘅蝦多士 上面鋪滿芝麻入面好真材實料 真係有一定嘅蝦唔點汁都已經好夠味👍🏼嗰醬都幾特別 甜甜地有啲似千島醬但冇咩威士忌味 同個蝦多士都夾😎整體質素對得住個價錢又唔使加一都真係幾抵食😌

其實呢間小店本身喺炮台山😃因為都幾近我 周不時會去食但佢地搬咗去九龍灣新舖🥹就睇下仲係咪以往食嘅味道啦‼️餐廳都係以狸貓大師為主題裝修有心思 牆上壁畫充滿日本風情☺️主打日式便當/丼飯/烏冬拉麵/串燒/壽喜燒/小食等🤤🤤食物質素唔錯 而且價錢親民抵食👍🏻😋🦀辛味軟殼蟹煎飯(咖哩汁) $70未試過日式煎飯係咩味道 大家不妨一試幾好食煎飯飯粒分明 有少少煎香 色澤金黃☺️食落鬆軟口感綿密 帶有微微飯焦香上面擺放住一隻炸至酥脆嘅軟殼蟹🤩蟹身完整且外表呈現出金黃色澤咖哩汁質地濃稠 少少辣幾惹味為整道菜帶來一種滑順口感👍🏻👍🏻🥟豬骨湯餃子烏冬 $52豬骨湯味道醇厚 帶有濃濃香氣餃子餃子的外皮薄煎得好脆👍🏻👍🏻✨餡料味道鮮美 豐富多汁+淡淡甜味烏冬的口感滑嫩 吸收晒豬骨湯嘅精華而且質地彈牙 煮熟後保持咬落去煙煙韌韌🍛吉列豬扒配手作他他汁 $35吉列豬扒配他他汁絕對係經典美食組合🥹豬扒炸到金黃色 外層炸得好脆身 咬落去聽到嗦嗦聲 內部鮮嫩多汁 保持住鮮嫩唔知關唔關個汁係自家製事🤪比平時食到嘅質地更綿密滑順 味道醇厚 帶有奶油香😋😋🐮柚子蜜汁厚切牛舌 $56賣相係粉紅色澤 切片厚實且整齊😃牛舌本身帶有濃郁牛

🍥 #九龍灣 #九町屋 🍜九龍灣開咗間日式餐廳，餐廳牆身有靚靚嘅日本風景塗鴉✍️，食物選擇又超多，便當🍱、丼飯🍚、壽喜鍋🍲 應有盡有！🐥 碳燒雞扒便當 🍱 （$63）便當好大份！除咗有超香嘅碳燒雞扒，仲月麻醬豆腐🧈、關東煮🍢嘅大根/鳴門卷/冬菇、玉子、海帶⋯ 仲有甜品，超豐富😍🐮 牛肉壽喜鍋 🍲 （$68）大推壽喜鍋😍 鍋份量超大，仲配一大碗白飯！ 鍋裏面有超多嘢食，牛肉都又香甜又好味🤤！ 最緊要係有日本雞蛋撈飯食🤩！🦐 芝麻蝦多士 🥪 （$37）呢個蝦多士熱辣辣，好香脆！ 佢個汁都來頭不小😆 係威士忌汁呀！正😄🐣 醬燒雞扒 🍖 （$33）最後再叫咗多個香甜嫩滑嘅雞扒，仲配小沙律🥗💓

經過見到餐牌有好多選擇， 光是飲品都一頁紙選擇， 另外有很多主食， 當中有壽喜燒、 串燒等。 我叫左牛肉壽喜燒配白飯， 壽喜燒汁甜度剛剛好， 牛肉都幾新鮮， 五會太肥。肥瘦剛剛好， 還配上日本蛋， 有誠意， 飲品方面天氣凍就叫左熱黑糖奶茶。 我還叫了炸豬扒， 炸得好脆， 還配上少許沙律醬， 豬扒不厚容量咬開， 而且是吉列面， 特別香脆！ 串燒系列， 點了辛味雞翼和烤雞翼串， 辛味雞翼似日本的手羽先， 皮好脆好夠味， 辣我就覺得五辣的， 幾好食！ 烤雞翼串像平時BBQ類雞翼， 有4 隻， 但很細心一早分開了半邊雞翼， 方便咬開， 淹得好入味， 雞肉好嫩。

牛肉壽喜鍋 +烏冬 $78芥末脆魚柳$36吉列豬扒 $36 唐揚雞 $35 葡萄乳酸梳打特飲 $15 (跟餐)幫公司跟緊個project，要去九龍灣做嘢，過左 lunch hour, 同事想食日本嘢，所以揀咗九町屋。 餐廳好新淨，卡位又好舒服，嗱嗱臨睇餐牌叫嘢食，款款都係幾十蚊，可以盡情咁叫，非常之減壓。😍情有獨鍾芥末脆魚柳🐟，好鬆化，啖啖魚柳，食得好過癮，而芥末醬係微辣，好開胃。唐楊炸雞🐥亦都係好嫩滑，廚師有比心機擺盆，個樣靚靚咁，食落都開心啲，手作嘅他他汁好好味，份量好夠。仲有嘅係落單嘅姐姐同廚房都好配合，知道我地肚餓，加快上菜速度，牛肉壽喜鍋同吉列豬扒，全部都熱辣辣咁呈現喺枱上面。🐂🥘壽喜鍋鹹甜度都適中，個烏冬仲有少少驚喜，咬落去煙煙韌韌， 口感QQ係好重要。🍤吉列豬扒份量超大，炸得好脆身，配葡萄乳酸梳打特飲啱啱好，酸酸甜甜，個底仲有啲提子啫喱，幾得意。同事話下次再嚟九龍灣做嘢，可以encore再嚟😆😆😆