九華徑自助燒烤場 (已結業)

上網睇comment...有d人講到好差咁...但由於地方就腳...最後都去左九華徑...親身試完!!!! 覺得幾好~ 無人地講咁差丫~Good point :1. 地點真係就腳~ 地鐵站行10分就到...小巴又得~ 的士又唔洗跳標2. 食物都算唔錯~ 雖然發泡膠兜....但幾衞生...攞左食唔晒又可以比番佢3. 洗手間好光猛...都幾乾淨4. 爐都算大~ 十幾人都唔覺迫5. 因為平日...人唔多...SERVICE幾好~ 會主動加HONEY同掉垃圾6. $88一位...地方又就腳~ 抵丫~Bad point :1.食物唔算好多....尤其係丸....(不過滿足到我...因為我90%食扒)2. 無我最愛既綿花糖.....無咩啦~ 諗唔到啦.....D靚姐好Nice~ 無人地講咁差....而且唔洗落訂~估計個場可能轉左手....

過年前諗住訂定位初七同班fd聚一聚~點知打去果陣個伙記話做埋新年前就結業....諗住算啦, 俾第二個fd做攪手...唔知點解佢又訂得到位喎....於事一切照舊~~之前都去過一次~覺得d野食都麻麻地...叫做放得入口咁~今次有d唔同~d雞翼, 豬頸肉同雞扒的味唔同左~問返d伙記...好似話叫非洲雞扒.....雖然我地一伙人諗爆頭都諗唔到同非洲有咩關係 (佢又唔係黑蚊蚊吖....)不過個味真係ok, 唔駛落蜜糖都得叫埋野飲...每人兩舊死有找~算係咁喇~係見到隔離枱有人燒蜆....至知原來海鮮要預訂...有d失望~

上星期六因有位同事生日攪左個BBQ 生日會,順便跟一班現役和已閃了的同事聚一聚,我又做了攪手,我為求方便閃人和大家亦未去過而選擇了位於美孚的"九華徑燒烤埸",雖然近排D食評唔多好,不過我諗住平平地又方便即本博一博,我們一伙人6點幾鍾到達,馬上有人招待起火,拿有椅背櫈給我們坐,好多副用品都任我地攞無咋型個隻,例如密糖我地同時間取了兩樽,手套,紙碟任攞,食物沒有停止過供應,不像早排部份評家所說這麼差,可能真係改善左.食物方面唔好看上去真係死實實又確實幾好味,啤酒汽水係同類型的自助燒烤場算係便宜,不過食物的種類就唔係太多款式,而且我都認同D評家真係很唔符合環保架,兩磈豬扒又一盒,4隻雞中亦有一盒你話幾浪費D發泡碟和保鮮紙呢!!!我唯一可以講最差的一樣野就係說明時間是下午5點至深夜1點,我地燒到11點無炭要加去攞竟然沒有炭,攪到原本我地諗住玩到底都唔得,係11點幾就要散水.

是否很差 , 真的見仁見智 . 訂檯時 , 要求付訂金 , 如果少了人去 , 錢又不可以退回 , 印象分已經大扣 , 再看 openrice 的食評 , 不是之前答應了朋友 , 也會打退堂鼓 , 況且 , 上星期才燒過一次 . 去到後 , 只給我們一張檯 , 差不多 20 個人 , 袋也沒有得安置 , 全部擠在兩張椅上 , 又扣分 . 食物全部也是獨立包裝 , 雖然不環保 , 但是 , 感覺又乾淨些 . 吃不完 , 如果沒有打開 , 又可以留給下一個客人 , 有好也有不好 . 單看食物 , 吸引力真的不大 , 好像沒有醃過 , 白雪雪的 , 燒起來又 ok , 可以接受 . 只是香腸不好吃 , 不知是什麼牌子 . 調味料好多款 , 不用錢 , 上次去小欖 , 辣椒油 , 牛油是要另外付款 . 這裡地方不大 , 又沒有遊戲可以玩 , 主要的賣點應該是方便 , 車費也可以省一點 , 而且市區的燒烤場好像也沒有一兩個 .

我好認同以下有幾位既講法! 呢間野簡直就離曬大譜! 話說果日9/30...我7點幾去到, 都已經幾多人下, 咁果度D人分左個爐俾我地之後, 就俾左幾張足夠人頭坐既無得"挨"既櫈我地。咁我地試下問下有冇D有得"挨"既櫈啦, 因為張張枱都係坐緊果D櫈, 點知果度D人好似當我地乞衣咁話得一張俾我地因為今晚好多人! 點知, 過左一陣就俾我見到o岩o岩黎既隔離枱既就全部都係D有得 "挨"既櫈!!!!!! 我地真係引唔住再問, 佢話因為我地個爐阻住人wo!!! 都唔知咩道理黎!跟住D食物喇...以下有幾位都叫好oY, 有蕃薯食到, 我果日連呢D最平既野食都冇!!!!! 仲要D野食係要搶lor!!! 我一去到諗住去拎野食, 果2個兜係冇曬野食! 問果度D人, 就成日話一陣有, 一陣有...大佬呀, 我黎俾錢燒野食, 唔係坐向度燒炭GA!好啦, 等左好耐諗住終於有野出啦, 點知所有人都即係衝曬出去...搶囉! 食任食要食到搶wo! 之後仲好笑, 唔駛你地D人搶喇, 係逐個排隊拎, 跟住有個人睇住你地D人拎幾多! 咁一係就唔好做任食啦!!!!大家真係記住唔好再去呢間野呀!!!!!!!

希望為人客著想一下,比d誠意和認真態度出嚟,製造出最基本應有既條件去之前都睇下食評大部份食家或非會員都係"ok"或"哭臉"今次偏向虎山行.............最終我都係比個"哭臉" 原因就非常之多,已經知道態度惡劣,所以叫各位朋友都少問為妙.........免得一肚氣,出嚟玩,都係尋開心啫 一行9人,$88/一位,包一種飲品(綠茶加$2) 先去報到,安置坐邊度之後,好快有紋身漢鋪枱整爐 每位獲派一隻紙碟+一隻膠叉+一張櫈紙碟膠叉比多幾隻都唔怕啦!!(好弧寒)紙碟跌左落地或者膠叉斷左又要行去問佢攞!!食品放面,簡直可怕)))))))))))))))))全場咁多人,只有兩箱發寶膠既食物供應仲要勁少款式選擇,無雞扒,鴨腎,牛扒,丸又唔多..........一般大路既野都唔齊全醬料得兩款,9點幾問有無蒜蓉醬,話無(咁基本既野都無)11點再問話一陣有,1點幾我地都走人喇!!食物雞中亦or雞全亦都係一樣.............*完全無味*(淡而無味都不如)石紙包裝既栗米係無味,金菇無味,冬菇有味,但係點解有沙無味既栗米+菇,不如唔好整,連石紙都慳番麵包怪怪地,睇唔倒有發毛,最後都係唔敢食最好

本人於早前與家人一行十餘人到九華徑燒烤場燒烤, 本來帶住興奮嘅心情家庭樂, 誰知真係一肚氣!!! 我地一抵步已經好失望, 環境好細, 而且處於嘅地帶亦被包圍住, 焗得好緊要, 一啲風都無! 由於附近並無其他選擇, 唯有頂硬上, 進入場地後, 我地要求坐近開面嘅一個爐, 因為比較起嚟, 開面無咁焗, 但店員就話唔可以, 有人已經預訂咗, 我地唯有照辦, 後來, 有一批人又到場, 佢地就被安排坐我地嘅隔離, 再有人入嚟就再隔離, 即我地要求坐嘅地方, 我地見到佢地根本無訂位, 職員只係順住去咁安排, 佢地只係為咗方便自己做嘢而已! 都唔緊要, 我地諗住坐落嚟, 點知發覺唔夠椅, 於是去搵工作人員, 佢地都唔多理會我地, 我地就去到放椅嘅地方, 問收錢嗰位姐姐, 可以攞啲椅嗎? 佢就好無禮貌咁話"自己攞吖! 無椅背嗰啲喎!" 我地又唔係俾唔夠錢, 真係唔明點解人人都可以坐有椅背嘅! 我地就唔得!!!!!都算喇! 我地安排好座位後, 就去攞食物, 我攞咗三包粟米, 家姐就攞咗三包金菇, 當準備再攞其他食物嘅時候, 職員已經同我地講"食得晒先好攞! 食唔晒要罰款架!" 我同家姐都俾佢嚇壞! 一行

上個星期去左呢間bbq,貪佢交通方便,但係換來一肚氣.服務態度勁差,又話係任食,十幾個人去,攞得三幾盒野食就唔俾人再攞,限住人攞,又話要食完先可以再攞.環境惡劣,多蚊,厠所又污糟到無人敢去,去返小欖好過!

上星期六本想黎呢度燒野食，一來又未試過，二來係市區咁方便當然想約埋d朋友仔黎試下啦。我諗住早幾打去book抬，點知打去先知要成8個人先可以定抬，咁啱我地得7個人，佢就叫我地當日打去再睇下有冇位啦。當日打去，聽電話個男人d態度已經唔多好，咁佢幫我地check左話已經full晒。既然係咁都冇計啦，唯有下次再試囉!!到左剛剛個星期五11號，諗住今次有多幾個朋友得閒燒野食就諗住再試下book呢個地方啦。本想早一個星期定抬實唔會冇位啦…點知又係上次聽電話個男人接聽，佢今次的態度比上次還要更惡劣。我話想定下星期六10位燒野食，點知佢用好兇惡的態度回答“你下星期一先再打黎啦”然後立即收線。學劉德華話齋今時今日咁o既服務態度係唔得架，希望佢地會反省下啦!!

基本上我這一遍不是食評,而是一個活生生的控訴:抱住一個未出發先興奮的心情,1)因為睇過其他人的食評, 真係唔係好2)因為真係好想BBQ, 同埋覺得差極都應該有個\\\"泡\\\"最緊要係佢\\\地近, 就腳........點知......我真係好開心, 我無需要置身其中....我見到的是至巴閉、至架勢、至積極的趕客態度..好明顯佢\\\地真係好想做到賓至如歸.....原本一心想復活節假期的第一天就離這裡BBQ早一個星期已打左去同一位態度正常的女士BOOK 位..我絕對相信我和她都是成年人, 講過的野都係絕對要負責任.........正所謂君子一言, 四馬都難追...我係3月1X日打去BOOK , BOOK 3月21日BOOK 左3點鐘....個女人仲好好感解釋比我听, 3PM去可能只可以燒到8PM妳遲D離啦, 例如5PM就可以燒耐D.........感我同朋友經過一輪的商議之後就決定由3PM改為5PM...再一次打去都係個個態度正常的女人听...佢\\\話無問題.............點知到到3月21日, 我和朋友就用好正常的態度前往該地方(九X徑),仲要因為唔知點去, 叫左兩部的士

是日與好友一行15人到此地燒烤預約時間為2時正本團隊約2時10分到達卻見一片荒涼負責人則解釋只有我們一家預約2時所以沒有什麼人坐下了約半小時, 始有其他人士到達見石油氣開爐師傅到了可開爐師傅卻先幫他們開爐直到其他已到達人士的爐已開好後才幫我們開爐負責人解釋哪時開也沒關係因為食物還沒準備好我們一眾均呆了「不是該first come first serve嗎?」起爐後食物還未準備好所以一眾玩了些遊戲然後才開始食食物款式不多特別的是有雞腎, 多春雨, 美味豬頸肉及牛柳粒其他的質素一般勝在有保鮮紙封好負責人雖樣似兇悍, 但以禮待他們時也會很客氣

原本因佢近近地,交通都算方便,想星期六(8/3/8)來一個BBQ活動,約好朋友共六位.1. 星期五打電話去訂位,話要8人先可訂,仲要去銀行入訂金. 6人要walkin.2. 星期六6.30到場一看,間野只是在村口路邊,環境一般.傍邊仲係公路,沙塵滾滾.3. 但一場來到,都冇法呢. 當時所有位置都未Set好,但完全冇安排有小個6人的位置.去問工作人員,居然答案是fully book,全留下比8人以上. 火都來,咁問佢點解仲叫我D客來walkin,佢又話可能人地唔來. (比左訂唔!!!你太天真).呢間野如此服務,點燃客戶怒火,因話近唔近,從MTR行入去都要成15-20分鐘.來回都超過半小時.浪費客人的時間. 有朋友都叫佢唔好去.

呢到一開個時我已經有食ga啦, 屈指一算已經係7年前既事啦,以前呢到仲有個大排當tim, 但係都摺左lu,不過個時可能無咩人知道, 所以去到一定有位既, 不過易左手之後我都少去左lu..係間唔中去過一兩次...上個星期5故地重遊,我地一行9人去到, 嘩~~多人多到呀, 全場爆滿wo...好在我訂左位jei, 一開始就發生左d小插曲, 不過都好快無事, 一坐低梗係燒d丸同腸先啦, 焦咩特別, 到試下d牛肉粒啦, 好好食, 而我d朋友就係到係甘食食食, 仲猛話好正, 之後我就試下d豬頸肉啦, 真係好好好好好食, 我仲食左7-8件tim, 食完之後, 成個人都飽晒, 不過都試左人地氅既少少豬扒, 都係水準之上既...另外,呢到d人都幾好呀, 都好有禮貌呀, 有個高高瘦瘦既男人仲係到幫我地整個爐同教我地點燒野食先好tim...不過唯一一樣要彈既就係d野食雪到太硬啦..overall黎講呢到會係我去燒野食既首選, 因為野好食, 地點直頭係超方便啦, 雖然係市區, 但係呢到都可以感受到一d大自然既氣息....

其實我都算係幫襯佢好多次,好多時都係兩個人去的,之前一直都係每人$78,我地飲埋野兩個人都係$200左右,我覺得都ok,已往自己買野燒都要$150啦! 但昨日去,佢話平日都加價到$88,而且頌要收$50開爐錢.我覺得好似貴左些,而且我地好似聽到只係兩人先收開爐錢,咁太唔公平了!我想,我應該會找過間平些試試.

我沒有這個幸運去呢度食bbq，情人節一心諗住黎燒野食，因為痕左幾個月bbq架啦...點知揸到車出黎，我o係附近望一望，都唔係好多人有吉位，諗住一定有得食。但係我去到，佢就話冇位....咁多話冇位?! 我覺得如果你覺得2個人開個爐"亞"住你既地方，你可以講，然後話要俾番開爐費之類，我覺得都合理d. 宜家我眼見咁多位你同我講冇位真係火都黎埋!!!!!! 當然，我見到佢地都唔係善男信女, 我冇同佢理論去搵其他野食，但係我希望藉住呢度話俾其他食友聽，佢地係會咁對待客人!如果你少人千祈唔好去呢度，我就算班齊d fd都唔會再黎呀!!!!!!! 點解要俾錢你賺?!