九龍城寨墨魚丸專家鱻魚湯料理 (已結業)

對魚, 我並無特別偏好, 但哩度嘅魚湯, 真係會令人懷念。喺巴倫紐睇完戲, 行幾步路過就到。今次叫咗碗 “墨墨享受”, 有墨魚丸王、墨汁墨魚丸王同墨魚頭, 兩款丸都係人手打, 好爽口又有𡁻頭, 口感一流。另外再加配咗墨魚卷, 再轉埋墨魚汁麵, 我哩個墨魚怪真心感到非常滿足! 哩度嘅墨魚卷非常足料, 每條都脹卜卜, 仲新鮮炸起, 非常香口。不過要留意, 墨魚汁麵嘅麵條比較粗, 非常飽肚, 細食人士慎叫~另外一提, 香辣菜脯必試, 仲要係免費任添!

天氣熱得可怕，中午午餐不想吃飯，只想吃較易入口的粉麵，於是去了九龍城寨墨魚丸專家鱻魚湯料理吃碗河粉。光看餐牌它的粉麵配料種類一般，我反而被卷類吸引，最後點了卷出好味配魚皮餃河粉。先談卷出好味的味道，卷出好味包括墨魚蝦卷，墨魚卷與魚肉春卷，個人覺得魚肉春卷最為不濟在三款之中。魚肉春卷欠缺應有的彈性，而且魚肉方面過度軟綿，魚鮮味不顯現，反而像加工的魚肉腸味。墨魚卷則較彈牙，墨魚味雖薄弱但不至於亳無味道，內裡搭配粟米沒有甜味且乾澀，所以也不太討好。墨魚蝦卷集墨魚卷，魚肉春卷所欠缺的，蝦卷鮮蝦味濃，咬起來亦帶嚼勁，墨魚粒挺爽口的，可算三款當中之冠。另外魚皮餃河粉也是很一般，湯頭確實以鮮魚熬煮而成，我亦喝到其鮮味，但只是淡淡的，可能因為休魚期關係，所以只用了少許魚熬湯?河粉厚度比我預期中不夠透薄，夾起來滑溜溜的，但入口軟滑度一般。我聽到不少食客都吃米粉與墨汁麵，他們都說這兩款粉麵很不錯，所以我吃河粉感覺有點笨了的感覺。魚皮餃太小不飽滿，內餡也不多，餃皮厚了些，肉餡欠缺肉汁，不過微微鹹香。

已經第n 次幫襯呢間粉麵店，當初有朋友介紹話好食，所以就去試下，果然冇介紹錯，河粉滑漏，墨魚丸彈牙之餘，仲有墨魚味為咗滿足自己個口，我通常會食四寶河，如果有人陪就會叫多個炸蟹子墨魚餅，都一樣有咬口。不過要有心理準備，午時同晚時一樣咁多人，但通常食飽就走，唔會坐得耐。仲要一提有個收銀姐姐好有愛心，次次都同我個女傾計架

呢間魚湯米線，其實同市面上 其他做米綫 的 店舖冇多大分別，不過 貌似家庭經營，細至幾歲 小妹妹 都落店舖幫手。 在屯門能夠吃到蒸魚的地方好像不多 所以見到有蒸魚套餐也忍不著去試試。 蒸魚套餐有多款魚類選擇， 有盲曹 紅油 魚腩 諸如此類 每款只有數條賣完即止 。 今日試咗盲曹 肉質不算非常 鮮甜美味， 但對於今日為了吃魚的我還是非常滿足，哈哈。 而且附送魚湯一碗及 飲品。 如果在旺角等地方 可能要 70元以上。 望見旁邊吃的湯飯也好像很不錯 如果下次來到也要試試。

早前在此看到了墨汁麵，大感新奇，所以特意來試試但點菜時得知已賣光了（食墨汁麵需要另加10元的～）於是叫了墨墨享受配河粉墨墨享受，故名思義就是全是與墨魚相關，包括有墨丸2粒，墨汁墨丸2粒和墨魚咀4件。墨魚丸頗有咬口，咬開一半可看到有墨魚粒粒，其中黑色的墨汁墨丸更香口湯底非常清甜，雖然不能確認是否100%無下味精，但真材實料的成分應該會是相當高一口喝下去，不會感到太咸，飲完也不會口渴。唯一美中不足是樓面只有2-3人，不能應付到店面上逾10枱客人。收枱、落單等都要稍後片刻。

今日來食湯飯，因為啲同事話呢間除咗墨魚麵好食（上次食左黑白色麵喇），原來個湯飯都好好食。佢哋介紹我食魚湯蠔仔肉碎湯飯。其實我心儀嘅係芫西皮蛋魚腩湯飯。不過佢哋話超好食咁我就叫黎試。好快嚟到好大碗😮超多蔥好開心仲有啲白菜仔，試咗啖湯底咁佢有啲肉碎嘅味道加埋魚湯嘅湯底味係幾鮮味嘅。肉碎都多加埋蔥吊起個味。其實就咁食都已經好好味，加埋胡椒粉係錦上添花，蠔仔好新鮮，不過細細隻分量唔算多嘅。成堆小白菜入邊仲有一條菜心好搞笑。

聖誕節第一個節目，就係帶啲馬騮睇早場戲，睇完戲先食早餐，就近去對面以魚湯主打嘅粉麵店，茶餐廳格局，光猛乾淨，店員安排我哋坐最近嘅四人枱，比我哋2大3小坐，同另一枱嘅椅背攔住咗出入通道，成日起身讓人，坐得唔舒服！餐牌茶餐廳早餐為主，都有粉麵做早餐！不過店員好忙，所以要耐心等候！不過落單食物好快到！魚蛋魚片頭河：好大碗，魚蛋彈牙，魚片頭炸得過火，河粉厚身唔太滑，湯底比較淡，唔係好夠味，要落埋免費嘅辣菜甫先夠味！菜甫爽口微辣好味道！整體一般沙嗲牛麵：家人食火腿絲鮑魚片通粉：肥髀食火腿奄列:表妹食熱檸茶：茶底濃唔澀，檸檬唔澀，夠熱！茶餐廳水準！凍鴛鴦：家人飲凍檸茶：肥髀飲店員雖然忙，不過服務正常，茶餐廳水準！聖誕節早餐

話說之前已試過這店魚湯粉麵，覺得定價相宜，味道亦不錯，一直也想試下這店的蒸魚套餐，所以就趁這晚家中沒煮飯，就到來吃晚餐la! 來到店中才不過6:30pm，都接近7成客人，都幾好生意~ 一心衝着蒸魚晚餐而來，見到定價由之前的$48急升到$55，不過既然來到，都照樣試試! 豉汁蒸黃立倉配白飯、魚湯、餐飲 ($55) 下單後，大約10mins就來送蒸魚了，黃立倉都幾迷你，不過一個人都夠食的，魚肉嫩滑，配上鹹香惹味的豆豉汁，都幾好食. 不過魚送到來，白飯也未有同時送到，要詢問店員才送過來; 另外，白飯只是微暖的，是一碗不合格的白飯. 至於魚湯，也是問店員才送過來的，幸好魚湯夠熱燙，把白飯混進去當泡飯吃更好. 熱檸水 晚上慣常不喝茶，選了消膩的熱檸水作結. 店員非常不足，見到有食客比我先來，到我離坐時才剛好有食物送到，所以想來吃飯的朋友，要有等候的心理準備! 屯門河傍街140號地舖 3702 0261

呢間鋪頭開咗無幾耐，朋友介紹要嚟試吓。我叫「四寶魚湯墨魚麵」，朋友叫「魚湯蠔仔肉碎泡飯」，大家 share 食。(我本來諗住要米線，不過事頭婆勁 sell 墨魚麵，咁就即管試吓啦)我碗麵魚湯魚味濃郁，而且唔腥，好味，四寶亦ok，不過墨魚麵個賣相就差咗少少，有d影響食慾，味道亦唔算凸出。不過朋友個「魚湯蠔仔肉碎泡飯」就有驚喜，令人回味。朋友話之前試過「九肚魚」，好味到要嚟試多次，不過呢次嚟到已經賣哂。

佢食物幾好味，以前係幾抵食，50蚊左右就有蒸魚套餐，但近日加咗百分之十幾。不但加價，今日更漏單半個小時，催咗兩次，到第二次先話而家整。整嚟做宵夜呀？我唔會再幫趁。

原本其實係想食墨汁魚麪 不竟係店舖主打特色但係兩點幾已經賣哂想食既話就要趁早墨魚頭河粉 $27食唔到墨汁魚麪 都可以食下d墨汁既製品墨魚頭好似烏賊刺身 冇咩味 少少鹹質地唔係條條一樣 有d係軟 有d係實都算係冇幾可會食到既食物魚肉春卷河粉 $27魚肉春卷望落似普通既炸魚卷 有唔少人叫既食物味道有d芋頭味 再加唔算濃既魚肉味頗有特色墨魚蝦卷河粉 $27好似墨魚滑咁既鹹度 入面有d蝦米變得更香口 而且有d爽口十分惹味

繼上次於九龍城寨吃過美味的墨魚卷後，想再回味一下，找了個假日早上到來再吃. 怎知原來要11:30am後才供應墨魚卷等麵食，只好吃該店的港式早餐了. 醒晨早餐已包括: 麵食、餐包、2款自選餐肉/ 煎蛋/ 煙肉等，再配餐茶，定價為$29，價格公道. 牛油餐包+ 腸仔熟蛋 餐包幾鬆軟，可惜是凍的，否則會更好吃; 腸仔+煎蛋，味道正常. 仿鮑片火腿絲通粉 火腿絲、仿鮑片再加上青菜，以及彈牙有嚼勁的通粉，是一款健康的早餐呢! 沙嗲牛肉通粉 家人則選了沙嗲牛通，說牛肉份量都幾多且大片，都幾抵食喎. 熱檸茶 檸檬新鮮，所以沒有苦澀味，喝一杯有消膩的作用. 如果想來吃墨魚卷等食物，記得要11:30am 過後才有呀! 屯門河傍街140號地舖 3702 0261

打完波搵野食，同事下午介紹話好味就黎會一會佢。一按門口開門掣好大陣魚味湧埋黎，其實果刻心感不妙怕好腥。8點幾竟然唔多人，個心又涼左，同事明明話下午多人既，同埋出名好味架嘛🙄見到同事推介又話招牌既魚麵當然加8蚊都要食，同啲墨丸一樣有分黑白色既，叫餸叫埋出名既墨魚丸。不過佢地話賣晒啲黑色麵，可能下午好生意呢，阿姐姐話得返一個俾埋我地，我同同事分別變成黑白同白黑配喇。湯底好魚呀唔腥，見佢湯底又唔錯咁，個麵質地係潮州魚旦質地，個麵好彈牙。食既時候好思覺失調唔知食緊麵定魚旦。因為我無黑色。麵咁叫多個餸心理補償下，點知個蝦魚卷好好味😋，黑墨丸細粒過白墨丸但其實差唔多味。仲有個辣菜甫，我落一小匙，仲要俾落先既同事話辣叫我減半再浸落湯，都係太辣搶晒啲味，所以呢清清地健康啲。呢個價錢唔只算抵食， 直頭超值添噃，仲平過食晏，全部都係肉好飽。不過可能即整，上菜有啲慢，佢地好似家庭經營咁既，家庭式先用心製作😂多謝侍應姐姐仔幫我地爭取最後一個黑色麵。

今次食評係第二次幫襯，真心覺得餐廳值得推介餐廳喺正戲院對面，第一次發現佢就係為左睇戲前醫肚！第一次食完之後已經覺得除左魚湯好好飲，餐廳職員既服務態度亦值得一讚今次再去，事隔幾個月，初頭都驚水準會下降，但睇黎我多慮了我簡左兩餸魚湯米線（水餃+魚腐）男朋友叫左墨丸魚湯米線再加單叫左個冰鎮秋葵水餃飽滿，魚腐香口，墨丸入面有鮮墨魚好有咬口^^魚湯就同上次一樣咁好飲，一路食一路飲，唔口渴！秋葵配wasabi豉油，好似食緊日本魚生咁！埋單$91，都算抵食！值得一講既係服務態度！唔會吹落單，唔會俾面色，連小至我想要杯偏熱既暖水都一樣冇托手踭！係令我想繼續支持既一大原因！I'll be back

見到係黑色墨魚太丸、黑色麵就覺得好吸引！一試之下真係唔錯！ 墨丸好彈牙，連碗麵都係又黑又爽口！ 麵嘅口感就好似係食左墨魚丸嘅條狀版咁，湯底係魚湯，就咁飲都好味😋😋😋店員話星期六日好快就會賣哂，果日星期日1 點鐘左右都仲有得食！