九龍餐室 (已結業)

行開北角，去食個早餐先。嗌左兩份早餐。A餐-鮮茄薯仔排骨通粉拼煎蛋餐包：真係有蕃茄、有薯仔、有西芹，唔係羅宋湯味，真係蕃茄湯，不過咸得濟。排骨都有四五舊，幾淋，幾香。通粉份量偏少，岩細食既人。反蛋，煎到蛋邊煎脆，蛋黃仲係軟身，幾好。出名既自家餐包：個樣係迷你菠蘿包一個，唔熱，係軟身既。有機會會試下佢個d包餐，望落大大個，係爐度暖住個d。C餐-仿鮑魚手撕雞公仔麵拼火腿奄列餐包：湯麵個碟好大個。朋友話味道都正常。兩杯熱奶茶：好奶，唔記得叫少奶添。食物正正常常，不過不失啦。

下午四時許，喺北角想食個all day breakfast,原來係咁難，行左幾間都撞岩落場休息（依位小姐唔該你拉，求其搵D野食拉，就黎餓死勒，我隔離位先生心底話）可能撞岩落場時間，職員都在閒聊，叫左幾次，終於有人同我地落單，係粗聲氣D ,但尚算有禮貌菠蘿包比起咖啡杯還要大，而且外面好脆，仲暖粒粒，應該出爐唔係好耐燉湯主要都係晚市供應，不過要提前預備，都俾我地撞岩有得飲，好足料傢，有紅棗，淮山， 黨參，反而覺得個湯唔夠喉

下午茶時間，一頭栽進去...Service差，無人落單，望見他她們，三三兩兩在攀談，唉呀，今時今日...等到有人來，又粗聲粗氣的，好似很不情願甘...完全沒有心理準備，食物品質，味道，如此難吃我點叫下午茶餐，8吋熱狗，要mustard醤 + 涷〇茶...上枱時，包是林的，靱的，好似放了很耐，而熱狗腸似沒有煎香，超咸，全個包都係鋪滿mustard醬，好辣呀，蕃茄，靑瓜，生菜，全部似急凍左好耐甘，超硬，超凍，咬到牙都麻痺呀....食左幾啖，食不下嚥吖！不再來了

尋日公司嘅美少女同事離職，今日返工見唔到佢嘅笑容，有種失落嘅感覺。仲記得佢第一日返工，成班同事一齊去咗九龍餐室，佢叫咗碟瑞士汁雞翼出前一丁麵，箇中味道令佢留下深刻印象。今日猴子重回舊地，不過今次唔係食瑞士汁雞翼，而係叫咗客焗芝士肉醬魚柳意粉。雖然碟嘢係有芝士，不過猴子覺得芝士味唔係好出，魚柳亦都粉粉哋，不過亦唔能夠排除係因為猴子情緒低落而影響到味覺。值得一提嘅係，每幫襯兩份下午茶餐就送迷你小食一客，有一口西多、炸薯條及香茅雞中翼畀你揀，不過只限堂食，而且星期六、日及假期除外。

今早難得早落車，便決定食個早餐才上班，怎知吃到一肚氣！回到公司才知道其他同事一早已bad list了這餐廳，所以一定不會再光顧。平心而論，39元一份早餐包括：牛麵、煎雙蛋、餐包、凍0水很正常，食物質素也沒特別。但重點是服務員的態度真的很差，吃完真的一肚子氣。今早吃了早餐埋櫃臺付錢時，當然那位收款員正與另一黑衣服務員傾談，已經心不在焉。我連同一張一百元及39元的單給她，她收下沒找錢，當時以為她要先處理一下，怎知另一人埋單也找了錢，卻未找給我時，我便告訴她在等找錢。怎知她説沒收過一百元！！！我當時便開始與她理論。最終她找回我61元，但卻説她肯定冇收過錢，但我咁講就俾返我！她的意思就是我騙她錢，真的火也到，我叫她們看閉路電視，又話唔得閒看，那位黑衣服務員更加咀幫助女收銀。可惜因為要上班，沒空糾纏下去，不過決定不再光顧這餐廳。除非希望用氣填飽肚子吧！

入來已經係自己找位坐，下午茶時間都唔算多人，好聲好氣同個阿姐講嗌野食，應就有應呀！不過無理您囉！ 等左好耐再同第個阿姐示意落單，又係唔理，嬲嬲地走人唔食，全北角得你一間食店？

炮台山唔知點解開開下周圍都係茶記身為無飯女友的我就會成日間間試下喇今日去九龍餐室望咗是日午餐好耐都無睇啱男友見到話馳名瑞士汁雞翼想就比個機會佢啦瑞士汁有4隻都算合理 亦都好入味不過個撈麵本身已經有調味再溝埋瑞士汁其實咸咗少少我就叫咗鮮茄營養餐 每次見到蕃茄通粉都抗拒既我 覺得呢個都唔錯 幾真蕃茄味 周埋配手撕雞都幾特別好在加咗杯檸茶 唔係就咸死男友喇又幾夠茶味 唔會好澀 唔錯唔錯環境方面要扣分 因為坐個位望到隔離有好多烏蠅仔飛黎飛去

其實我想試呢間嘢好耐但係見到負評咁多都一路卻步但係經常都見到佢咁多人有時仲要搭枱就忍唔住試咗一次真係有九成入座率相信好多都係街坊我真係覺得服務好好有街坊嘅人情味侍應亦都會走嚟同你嗲兩句普通茶嘅質素囉今時今日嘅香港喺港島茶餐廳幾十蚊一個餐有湯有飯有嘢飲送話畀你聽佢好好食你都唔信啦我嘅快餐焗雞扒飯真係好快就到我鍾意佢有加兩舊車厘茄令到件事懶係健康曬咁樣反而我阿妹個茄湯通就麻麻地好食嘅佢個滑蛋多士就好滑

今日(5-2-2019 Tue)己亥年大年初一,同老公去北角拜年,拜完年有啲肚餓就搵o野食,行行重行行,行到o黎呢o度,又係九龍餐室,是但啦,食啦.坐低後睇,寫明新春期間附加費o既安排:之後,決定要同樣$45.00o既特大菠蘿包餐同公司三文治,由於公司三文治唔係套餐,所以要加$2.00,老公又要蛋撻,但我o地入o黎前,o係門口睇見寫住:外賣堂食加$2.00,係咩道理?好奇怪.咁呢個蛋撻就要$10.00.落完單,最快到o黎o既梗係蛋撻,size適中,酥皮唔厚又唔太膩,蛋漿滑唔太甜,OK.味道:4分然後係跟餐o既熱奶茶,口感滑,唔太濃o既茶味有啲澀.味道:2.5分然後係特大菠蘿包配極品火腿,炒鮮奶滑蛋.個菠蘿包真係好大個,菠蘿皮脆,包身軟;炒鮮奶滑蛋係全熟但滑,味道OK;極品火腿,咪又係普通火腿.味道:3.5分公司三文治好快到o黎,餡料有芝士,午餐肉,火腿,青瓜片,生菜同番茄,鹹牛肉炒蛋,方包有烘過,脆脆地;好明顯芝士,午餐肉同火腿o個邊得個鹹字;另一邊就清淡啲,叫做中和到.味道:3.5分服務:落單亞姐唔錯,我叫公司三文治食,佢重緊張過我咁話要加$2.00.之後我o地要水,男侍應開頭都幾有

今天第一次光顧砲台山的九龍茶室，到達的時候已是十二時許，但我們三人好容易便找到座位。午市快餐的選擇原來不是寫在枱上的餐牌中，而是放在掛在茶室中的電腦板上！每個午市快餐除主菜外，都配有湯和飲品。這裡的合掌瓜豬骨湯、粟米忌廉湯、杏仁露、檸水和西洋菜蜜也算中規中矩。先來到的干炒肉片河，分量頗多，有豆鼓、椒絲和芽菜，味道還可以，但肉片比較硬！魚柳焗意粉分量不多，是港式意粉，魚柳不多而且部分是有骨的。雞扒肉碎大碗飯上枱的時候真是嚇了一驚！飯的分量異常多，但雞扒就少得很，而且是翻熱的。整體來說，這大過湯碗的飯是免治肉碎飯，一人絕對難吃完它，但只有量而欠質！整體來說，我們對今次的午餐非常失望！價錢雖然可以接受，但食物質素較低，服務亦有待改善！

今日和幾位朋友炮台山附近做完運動，時間都差不多晚上九點半，炮台山找食確實有點難度，在英皇道看見有間外面猛的九龍餐室還營業，就決定入去試試。餐廳幾乎爆滿，我們五人幸好有張大檯，餐牌上食物種類很多，我們最後點了一個四人餐和另點一個菜遠雜菌鮮枝竹，四人餐點了風沙豬手、木桶貴紀瑤柱雞、白飯魚煎蛋角、XO 西芹炒豬頸肉，包例湯和餐飲半價優惠。風沙豬手 和 木桶貴紀瑤柱雞 份量比想像中大碟，豬手很惹味，但雞就不行，不夠新鮮，白飯魚煎蛋角 白飯魚份量少，原本叫了紅燒什菌豆腐，但無豆腐又沒有通知我們，要問才知道，最後改了XO 西芹炒豬頸肉。菜遠雜菌鮮枝竹 不過不失！總評：服務差，每一個侍應都黑口黑面，態度惡劣！

晚飯去九龍餐廳食左麻辣雞煲和麻辣豆腐海鮮煲。麻辣夠麻夠辣。雞煲略嫌骨太多，無咩雞肉。唔夠候。不過72蚊個麻辣雞連白飯一碗真係好抵。一解想食麻辣雞煲之情。麻辣豆腐海鮮煲都好入味。我決定要搵日再食

今日肥髀畢業典禮後放學，同同學食完午餐，去咗北角還畢業袍，經過呢間餐室，見店外有麵包部，佢想食小食（真係大食到好可怕）麵包部係一個獨立櫃台（唔使入餐室內）有個層架放麵包，麵包都係港式麵包，佢想食麻糬，店員好快入袋比我，我比現金（無收據）芝士麻糬（$10/3個）一個細背心袋，麻糬金黃色幾大隻，但⋯⋯大嘅外表下，入面係空洞洞的，無煙韌麻糬嘅口感，雖然外皮幾脆口，但味道偏甜，又無口感！又無芝士味，唔好味！店員姨姨好落力叫企附近嘅人食乜野麵包！做事爽手！麻糬唔好食！

今天點了午市套餐食，叫了2號餐 豉椒雞球飯， 黎到點知係“切雞"咁款，仲要勁多骨， 問位侍應 點解會係切雞件而唔係雞球嘅，位侍應哥哥話 已經問過廚房仲要話係雞球呀唉！😡😡😡真係差呀，o晒咀……跟住仲要就咁轉身走左去，好似我唔啱咁呢個雞球飯我都聽見斜對面枱個食客都有叫，講話都唔係雞球好心就將個餐牌改返做“豉椒雞飯"算啦我都費事叫佢換，一陣加料咪大劑其他侍應Service 都可以我會同全公司所有同事講唔洗幫襯呢間餐廳

九龍餐室 下午茶咖哩豬扒飯！45HKD咖哩豬扒飯最重要的是什麼？土豆！土豆軟硬適中，加了辣油的咖哩拌飯真的很香。豬扒不錯，不會都是厚厚的肥肉！飯粒就有點一般般了，米是好米，應該細的金象米，但是總覺得煲得不夠時間就開鍋了，或者是開鍋放久了，小許生硬，估計這是大鍋飯的通病！加3hkd有紅豆冰！好喝，不像花奶那麼膩，但是，明明叫了少奶，為何.....感覺像是少了紅豆........