九龍餐室

營業中

休息中

冇諗過依架既飲食業咁恐怖 好明白人手不足情況係香港好嚴重，但你地完全冇左敬業樂業既精神，貴餐廳d 野已經唔係好食，點知d 服務仲衰有枱又冇人執，冷氣又唔夠，問佢攞杯水好似想殺人咁😩我本人就唔會再黎幫親

行到夜夜地，想一家三口食晚餐，就入了九龍餐室，見門面也不錯，但食物質素與員工態度就十分差。我和先生在下單時指住餐牌落單也可以落錯。最後我叫了花腸冬菇滑雞湯飯，那些雞並不是滑雞，一睇就知道是賣白切雞用剩的雞胸和雞翼尖，那碗飯硬得難咬。我帶同小朋友一起食，叫職員幫手取碗仔和多一對筷子，叫了多時仍未給予，再叫另一位仍是敷衍了事，不見蹤影。真是不會再幫襯，食完也是一肚氣。基本的餐廳是職員態度及食物品質也要好才可以！

食午餐蒜茸安格斯肉眼扒飯，跟餐要個西洋菜中湯，飲飲下湯食湯渣見到原隻蒼蠅，叫餐廳店員過黎，店員仲問我蒼蠅喺邊，我話喺碗湯入面，店員只問我使唔使換個白湯，食物質素及職員態度都不合格。

2023年03月01日 8:00pm 收工後，晚上和男朋友一起吃晚餐 今晚想食燒味就入去了。飯後 男友付款後，收銀既男同事(高高的 有點小肥)的 找錢時，第一次 就勁大力啪一聲放 五元 硬幣在桌上 ，然後第二次把紙幣用力丟在桌上然後就向我們白眼 嚇倒我的我好驚 以後不會再來了…第一次食也是最後一次食我覺得我係來食飯而不是來行乞 不是來看臉色～自問我地食得好干淨和有禮貌咯 ～

今晚叫了兩碟小菜，其中一碟是什麼腰果炒牛柳。我已經指住餐牌，照住餸菜名稱讀出，講得清楚清楚，夥計仍要落錯單，真係求助無門，忽然來了一碟黑椒牛柳。算了，唔想浪費，都係牛柳啫，亦唔想人家蝕本。再講下單後夥計有印單放在枱面。冇為意，冇理由錯嘅冇核實，都唔係藉口。千錯萬錯，爭拗起上嚟，都唔會係夥計的錯。講遠咗添。初時見到碟野一件件牛柳黑蚊蚊，都有些不詳預感。點知夾件牛柳入口才知中伏。乾爭爭，冇肉汁，咬唔入，口感似食緊乾了的肉乾。結果成碟留係枱。討回公道？算罷啦。

今晚又是一個冷冰冰的晚上，咁冷冰冰就去茶餐廳食返個靘DINNER，最後就選擇左食九龍餐室。九龍餐室有SET DINNER即係碟頭飯或者叫小菜都可以，而今日我就選擇左叫小菜。第一個小菜就係枝竹火腩鵝掌煲，首先鵝掌炆得好淋好好食又夠入味，仲有火腩既肉量都好多，亦都好入味，最後唔好睇少D枝竹，因為D枝竹索哂成個煲既精華，所以枝竹係最入味架。另外仲有個蝦醬炒通菜，落足料好重蝦醬味，而且D通菜炒得岩岩好，唔會煮到黃哂，配合埋一碗白飯，真係夠哂飽呀！

今日叫了$65燒鴨油雞飯，來到全是骨頭，隔離檯同樣一個餐，竟然是鴨臂雞胸，同樣價錢，有天地享受，想起以前學校貧富宴的體驗，在同一天空下，有不同的待遇和經驗。大家交了同樣膳費，抽籤有不同食物，富者有骨落地，貧者白麵包和支裝水。朋友叫我出聲要求替換，我怕會有特別照顧，食完數算，不會再來體驗貧富差別。其實，真的估不到$65換來特別的經驗，可以成為記錄。就是侍應送上也有猶豫，只是換來特別照顧，多一事不如少一事。只是，一直不能釋懷，在此記錄，舒壓。

早餐D，我揀左肉丁麵配香腸配煎蛋。個餐其實平平無其，不過條香腸就比左兩條仔開花我一條完整都冇🤣五緊要！最差晚體驗係佢趁我去左廁所時收左我未飲完咖啡🫠都五期望無間野好食但服務態度都五係咁甩皮甩骨呀化。

唔抵食，食黑椒牛柳唔知以為食蜜糖牛柳，$168蚊嘅牛扒又細味道又麻麻，仲要店員搞錯咗，幾個人都送錯菜。總之，食物質數同服務都好唔掂。………………………………………………………………………………..

工作經常到訪不同地方，今次經過旺角，自己又愛吃燒味（特別燒鵝&乳豬），而這次點了他乳豬四寶飯（走叉）+凍茶走甜，共$94------------------------------乳豬四寶飯：乳豬真化皮，脆卜卜，幾本上滿分，份量亦很足夠。------油雞，紅腸不過不失，普通。------燒肉（走叉燒一般會是燒肉代替），肥瘦適中，香香脆------鹹蛋大隻，但不夠金黃。------整體而言是高質的燒味四寶飯，但價錢真的略貴，吃過便可以了。

今日要去油麻地辦事，於是同同事食左呢間＂九龍餐室＂，午餐都有好多選擇，卡位都好舒適，諗左好耐我都係決定食燒味飯，叉燒拼燒鵝，中湯、茶走，同埋少飯，點知個飯黎到依然咁「巨形」，於是我就同果位侍應哥哥講話無少到飯喎，佢答我：食多啲啦，你咁瘦。開心左好耐，哈哈哈～真係識講嘢，岩聽奶茶未飲已經甜曬，又夠曬滑中湯好濃味，唔知有冇落味精，忍唔住飲曬成碗好足料好好飲，燒鵝唔錯，唔會太肥，叉燒一般比較瘦所以鞋口ｄ，但水準都唔錯，最重要係服務好好，除左識講嘢，走個陣唔小心漏左把傘，哥哥即刻拎返俾我，好細心謝謝您～

極邪惡 巨大化版菠蘿油🧈呢個菠蘿包真係超巨大✨份量係平時嘅菠蘿包嘅一倍半😚下午茶價$34 連嘢飲叫咗杯阿華田😎餐牌寫住冰火菠蘿油😉餐到嘅時候真係放住塊厚牛油係啲冰上面✨牛油就夠晒凍啦🤓可惜個菠蘿包唔夠熱🌝So sad!只係微微地暖咁🙊而且菠蘿包面上嘅脆皮唔係太脆🌝有啲可惜🥹可惜在嘥咗個quota🤣要努力搵多啲其他好食嘅菠蘿油食啦😌九龍餐室 (旺角)旺角彌敦道576號和富商業大廈地下及1樓

野食已經一般架啦叫個普通下午茶餐雞翼多士服務態度勁差開到勁大個冷氣一食完就趕你走叫埋新既客入黎企係隔離睇住你執野走未見過咁肉酸冇禮貌既茶餐廳真心唔會再食衰到我忍唔住第一次開po上黎寫食評

叫下午茶餐，豬扒薯條沙律。來到隻碟好大，但薯條只有十條，得兩三條係完整，其他係碎濕濕; 豬扒大小同大家樂大快活無異，唔算”好細”，仲有好大條根，根本同d噏耷茶餐廳無分別。盛惠$50+3(凍飲)另外仲有個經典常餐，沙嗲牛麵餐。多士加個火腿奄列，呢個算正常少少; 跟著到個牛麵，噏耷茶餐廳嘅風格，加左好多生菜絲落去，食落一浸菜味，牛肉唔算林，味道普通，果然夠哂經典！盛惠$53+3呢度過得去嘅就只有杯凍飲夠大杯，難怪唔使等位即刻入座。絕不翻啅系列！！！

收銀姐姐態度極差 想買個早餐雙拼 佢叫我諗清楚食乜先叫 咁叫得就係預咗加錢㗎啦。跟住佢話冇咁架喎冇咁架咼。其餐廳極度古怪疫情期間現金有八折，店員仲返問返我點解會冇現金😨疫情期間其實都冇乜人用現金㗎啦。攞到外賣後我問佢有冇辣椒油，第二個店員竟然發我晦氣下次早啲講啊！？其實都係問佢一句姐有米有冇咪冇囉做咩要發晦氣呢？問你有冇我冇話一定要。第二，榨菜肉絲米粉，佢啲米粉斷開晒的。可以回應返嗰位店員 放心啦唔會再有下一次！