九龍餐室

營業中

休息中

今日(4-2-2023 Sat)朝,同老公陪完爸爸入院後離開,都已經係午飯時間,我哋唔肚餓,不過都食啲啦.我哋揀嚟揀去,終於揀呢間食tea,我哋被安排搭枱冇問題,因為peak hour.我哋睇完menu,決定要兩個下午茶餐:4. 熱奶茶茶味唔太濃,口感係滑嘅.味道:2分3. 加$3.00嘅凍奶茶我冇飲到.1. $55.00嘅黑椒牛柳絲炒意粉我試少少,都算幾辣但惹味.而老公嘅comment係冇鑊氣,似係將黑椒汁撈烚熟嘅意粉咁.味道:2.5分2. $42.00嘅雞全翼拚雙心西多士喺花生醬,果占同咖央中揀一款,我揀咖央.嚟到睇雞全翼唔大隻,但西多士好厚,切開睇,咖央醬呢?唔多.我先唔加糖漿食,食落都算甜,不過好似食唔到咖央嘅味道.味道:2.8分炸雞全翼皮脆唔鹹,我就落啲糖漿去食.味道:2.8分服務:我哋係搭枱嘅,當上黑椒牛柳絲炒意粉俾我老公時,對面客人爭住話係佢嘅,個亞姐就俾佢,我老公就俾佢,因為可能個客都係嗌呢樣.之後個疑似經理走嚟話呢碟係我老公嘅,俾錯單個亞姐,對面個客其實係要乾炒牛河.上次食評係2022年3月4日刊登嘅呢篇: https://www.openrice.com/zh/ho

🔸冰火菠蘿油 $34可惜唔係撞正新鮮出爐菠蘿油唔夠熱 牛油都算大塊同厚牛油用冰墊住，保證凍冰冰😍菠蘿油面頭脆卜卜，入面鬆軟牛油放入菠蘿油之後咬落菠蘿油入口即溶😍一冷一熱，入口有冰火感覺 呢度嘅菠蘿油size都比較大👍🏻熱奶茶幾好飲👍🏻👍🏻👍🏻▪️奉送咖啡或茶，凍飲加$3🔹環境：座位都幾多試過要等位都唔係等好耐-時段及等候時間：星期日 下午茶 ～0分鐘-味道：7/10性價比：7/10回頭率：4/5-#九龍餐室荃灣眾安街14-16號地舖

After work, I went to try their Pineapple Lemon Tart. Though it appeared a bit like an egg tart, the consistency of the filling was more like a cake. However, it was a bit closer to the sweet side rather than the tangy side. However, I think for those who appreciate a sweeter dessert this would be great.

行山前去搵食，亂入去去呢間茶餐廳。兩個人一共點左一個常餐同個一個珍寶菠蘿包常餐個蕃茄濃湯底超濃郁，略嫌甜了少許，但明白嘅，甜d總好過酸…鮮牛肉同鮑片份量都非常慷慨。牛肉稔身好吃，至於煎蛋比較多油左d，但份量超大油多士正常，加片蕃茄同菜，哈哈有裝飾一下個珍寶菠蘿包超珍寶，有我塊面咁大，不過就凍左d，唔熱，如果可以叮番熱就會更加正奶茶方面，中規中矩，奶比較重手其實咁叫兩個人都已經好夠食，係抵食，價錢合理，所以都會推介

嚟過2次都係食「冰火菠蘿油」加杯餐飲，因為自己鐘意食菠蘿包，同埋荃灣分店確係焗得好食，又大大個！只係杯齋啡差咁啲囉！可能用咖啡粉沖都係帶酸！至於餐廳內其他出品，就未試過喇！所以唔知道好唔好食。「環境」全部座位都坐得好迫，2個坐埋一齊係會同隔離頂手踭嘅！坐出少少就會阻住條路，阻住店小二行嚟行去傳菜送餐！而且最辛苦嘅就係，卡位已經好迫仲要同陌生人搭枱囉！「服務」店小二好似傳統茶記一般咁嘅服務囉！無乜特別好唔好！不過佢哋係好勤力嘅！密密巡查客人食飽未，立即收走碗碟餐具，令人有種唔好意思再坐落去嘅感覺！

噚日(3-3-2022 Thur)因為我要覆診,咁朝早就同老公食早餐啦,諗去邊喥食時,我話好耐有食蛋撻,想食,佢就諗呢喥應該有，就走嚟睇吓，見到有$8.00一個，於是入嚟食.  入到去，啱啱有張卡位就嚟走，樓面話抹埋枱俾我哋.睇完menu，我哋同樣要$45.00嘅早餐，老公要南瓜番茄手撕雞湯通粉，要火腿奄列同出爐迷你餐包，飲熱檸水.我要仿鮑片雞絲通粉，同樣要火腿奄列同出爐迷你餐包，飲熱奶茶，當然加多個蛋撻.最快嚟嘅係蛋撻,size唔大,咁就$8.00,唔係,後來睇睇張單,堂食加$1.00要$9.00,洗多一隻碟就要收$1.00.睇見呢個係酥皮撻,食落,凍嘅,蛋漿甜滑,酥皮唔太油,香味亦唔重.味道:2分之後所有嘢都陸續到齊,我試吓老公嘅南瓜番茄手撕雞湯通先,撩開睇,見到有南瓜,食落,番茄味好濃,通粉腍咗啲.味道:2.8分然後我食我嘅出爐迷你餐包,唔暖嘅,出爐?味道口感都一般.味道:2分而火腿奄列呢?蛋係全熟,鹹係必然,普通啦.味道:2分仿鮑片雞絲通粉呢,呢碗嘅通粉又冇老公嗰碗咁腍喎.味道都正常啦,偶爾有一,兩條雞絲嘅味道差啲.味道:3分而奶茶我冇落糖都已經夠甜,茶味普通唔太濃,但口感滑嘅

大前日27-1-2022 (Thur)做檢查前食個晏,去邊喥食?嚟呢間啦,入到去,合作地搵個搭枱位坐,睇吓menu,冇set lunch嘅?抬頭睇,啊,喺電子menu上.咁我就要$58.00嘅2號餐,日式燒肉汁雞扒伴蒲燒鰻魚意粉,飲粟米蘑菇忌廉湯,要熱檸水.粟米蘑菇忌廉湯到嚟,呢個稀杰度OK,但味道有別於其他餐廳嘅.味道:2分然後係熱檸水,檸檬都唔少,可惜當我食意粉中途開始飲時,佢係澀.味道:0.5分日式燒肉汁雞扒伴蒲燒鰻魚意粉到嚟,睇見份量好多,我諗係假象嚟啫,撩開睇,有兩件鰻魚,雞扒有2件半?意粉成座山咁高,睇見就覺得我係食唔晒,雖然我係餓.開動喇,雞扒都幾熱,但有啲柴皮,鰻魚正常地好味,意粉口感亦正常,而個汁就幾鹹吓.味道:2.67分其實我覺得與其賣得咁貴份量又太多,何不兩樣都減?上次食評係2019年1月29日刊登嘅呢篇: https://www.openrice.com/zh/hongkong/review/%E6%9C%8D%E5%8B%99%E5%A5%BD-e3288198抵食係2.8分

今次在荃灣終於揾到間質素好一點的茶餐廳，位於眾安街14-16號地舖的九龍餐室，安全起見我都是食常餐$48（因為近排在茶餐廳吃的午餐都不好吃）~ 沙爹牛肉公仔麵+奄列多士+茶走。沙爹味香濃，牛肉腍，公仔麵有口感不會太軟，火腿奄列煎得夠香，沒有油膩感，烘底厚多士，口感帶脆，最後要讚下杯茶走，茶香和甜度適中。返工時間經常試很多茶餐廳，質素都是偏普通的，已經失望了很多次，今次終於有返點安慰了。 九龍餐室地址: 荃灣眾安街14-16號地舖

約咗兩個朋友吃下午茶，大家都話好想食九龍冰室的法蘭西多士。今天食客非常多，我哋要排隊入內。整間餐廳也坐得滿滿，好食的食物一定好多捧場客。鮮茄濃湯系列 這兒做得不錯，先茄濃湯真的很濃郁，甜酸度剛剛好，今日配了鮮牛肉，牛肉好稔滑，鮮茄的份量亦都好多，一個很有營養的通粉餐。套餐還有炒鮮奶滑蛋和牛油多士，滑蛋真的很滑，不錯。奶茶濃香順滑，回味。扎肉雞絲河粉也不錯，湯頭濃郁，扎肉有三大片，雞絲味道有鹹香，不錯的下午茶。西多士出場啦，這兒的西多士厚厚的一大份，熱辣辣，油份控制得很好，外脆內軟，加上夾心的花生醬香口滋味，大家一齊分享，這樣又度過了一個愉快的週六下午時段。

去到食咗一個下午茶餐，瑞士汁雞翼公仔麵，分量夠曬多，但係啲瑞士汁真係好奇怪，好甜，似甜豉油再加一大包糖再溝水既味道，就算加咗啲辣椒油落去都係溝唔到啲味😶，啲雞翼本身應該係唔差，但係加個瑞士汁變咗好難食🤮🤮 啲辣椒油可能好貴，所以淨係拎左少少俾我，另外仲叫做個薯條沙律，啲份量都係好多，夠飽，但係茄汁又好少完全唔夠點曬啲薯條😶個蛋撻夠曬熱，但係個酥皮軟淋淋，一pat嘢咁🥱未試過呢啲口感，可能係我孤陋寡聞

鮮茄濃湯營養餐午餐吃了一個「鮮茄濃湯」鮮牛肉通粉，個湯真係好濃，但對我來説甜咗啲，鮮茄一件件的有好多，鮮牛肉都好食又稔又滑，通粉質感也不錯。跟餐還有炒鮮奶滑蛋，我改了反蛋，我喜歡比較真實的奶，冇咁肥膩，牛油多士夠香脆，餐奶茶 香濃富茶香，不錯。

今日到城門水塘行山之前到九龍餐室食早餐先。一人一個早餐入滿油先。叫左火腿通粉配火腿奄列加出爐迷你餐包，什菜俄羅斯通粉配火腿奄列加出爐迷你餐包。火腿通粉正常野，火腿都多。什菜俄羅斯通粉唔夠味。奶茶都ok,幾香滑。熱檸水正常野。

早左出門，行過九龍餐室，見早入去食早餐，叫個男侍應叫左個沙爹牛面早餐，同佢講要通粉，佢應左。。。點知到來係面冇改，問佢，佢吓我。。你有改？直情未訓醒，又唔換比我，再來腿旦，全凍。。。唉！！！唔會再來冇下次

在荃灣探人後,就隨便選間近巴士/小巴站的餐廳吃晚餐。晚餐set包括:餐湯,小菜,白飯及餐飲雲耳勝瓜炒海蝦球鮮魷: 鮮魷新鮮+鮮魷份量不少,蝦爽,夠鑊氣,可惜部份勝瓜有些苦! 意式茄茸肉醬蒲燒鰻魚焗雞扒配飯/意粉/薯菜: 上碟才知道是焗的! 醬汁的味道有點似焗飯mix肉醬意粉! 有兩大塊雞扒及鰻魚。鰻魚ㄧ塊好味,另ㄧ塊有腥味! 雞扒是煎過的,所以也挺香,配了少量蔬菜(紅蘿蔔,西蘭花,車厘茄等),在色彩上及均衡飲食,感覺好像平衡了不少! 而且,還有連皮的薯菜,炸得很香脆! 沒想過配飯,也可以吃到薯菜!輪飽肚感及味道,這個已是不錯!

有日落大雨，同媽媽一齊肚又餓想搵間餐廳食下午茶但係好多間茶記都有點雨水味道，所以都無走選擇留下一踏入九龍餐館，只有食物香味～而且衛生程度可給99分！坐位都好舒適媽媽諗都無諗就坐左落去啦侍應禮貌可加（可能個老細都好人，所以員工都幾開心甘樣）比左兩杯水，係暖加！真係好貼心佢介紹我地食菠蘿油一上台 就見到d冰（出煙，超鮮）雪住舊牛油，係有少少驚喜既但個菠蘿包微溫，所以舊牛油都溶左陣就可以食啦果然無令我地失望叫左個常餐整齊企理個公仔麵硬度適中～食落都吾錯榨菜夠晒！正！仲叫多左個煎雙蛋配牛油多士，本來諗住會幾油膩，點知有塊青瓜同蕃茄做伴碟，即刻覺得成件事balance 返晒！自問去過好多茶記依間不但之環境衛生 味道十分都有8分啦！連個待應都十分友善食完出到去已經無落雨啦所以對依間餐廳都幾有好感🙈