二少廚房 (已結業)

現在食得健康才是王道，沒想過位於商業區的鴻圖道竟然有一個隱世的food court，當中比我搵到一間有燉湯飲的小店，立即兩眼發光，因為平時工作太忙又夜收工，莫講煲湯。揀選了兩個手撕雞套餐 ，一個是薑蔥味一個是招牌客家鹽焗手撕雞。 雞肉滑，份量足，薑蓉同鹽焗味都好好味!到主菜當然是燉湯，花膠燉雞湯 和鮑魚紅棗杞子雞湯湯味濃郁，湯渣不賴，更有花膠和鮑魚！飲品也有豆漿和茉莉花茶供選擇！順帶一提環境特別 ，也有藝術性 嘅牆壁和樓梯 ，予人舒服和置身渡假的感覺。

放工唔想煮想食家常菜，飲下啖燉湯養養身，下火之餘又想減下黑眼圈， 牛頭角鴻圖中心二少廚房 是不錯的選擇。 二少廚房的菜單一看是食家裡的味道，材料簡單健康，加埋 每個飯款都可以加配 各款燉湯 ，是愛啊❤️季節限定的 酸菜胡椒豬肚湯有種為身體注入補品的感覺， 湯品帶辛辣暖身易入口，完全是家的感覺， 材料也多，雞腳豬肚酸菜等等， 而且黑椒能行氣 活血 ， 完全是補的感覺 。。花膠燉雞湯燉湯味道清甜，熱騰騰原盅端上桌已令人眼前一亮，飲得出無味精, 雞肉肉質鮮甜美味湯頭溫潤甘醇，有花膠一齊燉更補而不燥。招牌客家鹽焗手撕雞泰國絲苗香米薑蔥手撕雞泰國絲苗香米住家菜， 簡單的手撕雞 配生菜已經足夠， 客家鹽焗手撕雞鹹香適中 正好配合下飯， 薑蔥手撕雞配搭 薑蔥，少少咸香，雞肉咬落唔柴。 泰國絲苗香米蒸得靚仔， 不會怕太爛。 當然還有幾條西生菜， 澱粉質蛋白質和纖維都並重。這裏除了有手撕雞飯也有餃子套餐， 無論是白菜餃子或是韭菜餃子也可以選擇。 韭菜餃子夠大隻， 肉香和韭菜的清甜並重。 跟餐還可以配搭粢飯或炒麵， 令人驚訝的是炒麵份量超大， 分裝落兩杯子杯裏， 坦白說一餐飯怎能吃得完😋😋 餃子套餐也可以搭

天氣忽冷忽熱，為免中招，最好係飲返盎靚湯打打底。在觀塘，想簡單食又有燉湯飲，我會嚟呢度。花膠燉雞湯超級熱辣辣的燉湯，足料湯頭清甜，除了雞肉雞腳，仲有一大片花膠，充滿骨膠原好啱女仕補一補。紅棗杞子鮑魚雞湯好濃的紅棗雞湯，入面真係有鮑魚，仲有兩隻! 雖然細細隻但口感一流，好有鮑魚味又有咬口，性價比滿分！泰式酸辣手撕雞飯份量幾多，條條手撕有雞味。不過原來酸辣醬另上，如果可以改為預拌應該會入味D。另外，生菜都新鮮，明顯係即叫即煮，有誠意四川酸菜魚飯麻而不辣，口味唔會太刺激，幾大眾化。好多魚片，尚算滑而碎骨不多。酸菜好香口，用嚟撈飯都唔錯。海底椰川貝雪梨茶好香椰子味，亦有濃濃的雪梨，飲得出好足料。甜度適中，凍凍地好潤喉，飲完好舒服。埋單兩人百五蚊左右，成 set有湯有餸有飯有雪梨茶，抵食！

最近聽朋友講鴻圖中心開左個高質既food court，有好多好食又抵食既餐廳，所以上星期約埋朋友一齊去試下。揀咗二少廚房，有我最中二既燉湯😋身為湯怪既我叫左兩款燉湯🥰 酸菜胡椒豬肚雞湯~ 味道不錯，好足料，有豬肚、雞、胡椒，豬肉、醉菜等，熱辣辣好好飲。花膠燉雞湯~ 一樣都好足料，味道好鮮甜裏面有花膠、雞腳、豬肉、冬菇，真係不能錯過燉湯🤤🤤🤤另外叫左鹽焗手撕雞米線。雞肉撕得均勻，有咬口，味道調味岩岩好。仲叫左白菜餃子加粢飯～ 白菜餃子餡料好足，粢飯就一般，糯米口感都算軟糯。

平時中午成日經過二小廚房， 昨晚放工去試下， 位於觀塘巧明街94-96號鴻圖中心地下的Food Court， 店內環境簡約， 光線充足。 餐廳以燉湯、 粵菜和客家菜為主， 叫套餐加錢就可以有燉湯， 所以點了兩個餐～招牌客家鹽焗手撕雞泰國絲苗香米和四川酸菜魚泰國絲苗香米， 燉湯有蟲草花雞湯和鮑魚紅棗杞子雞湯，飲品黑豆漿。🌠🌠⭕四川酸菜魚泰國絲苗香米～ 嫩滑酸香的酸菜魚， 辣度輕微， 食落好惹味。⭕鮑魚紅棗杞子雞湯～ 有明目、滋陰補腎和平肝清熱等功效， 鮮甜濃郁的燉湯， 肥嘟嘟的雞腳好好味， 仲有兩隻鮑魚仔，果然真材實料。⭕招牌客家鹽焗手撕雞泰國絲苗香米～份量剛好，入口鮮嫩入味， 配上生菜更健康。⭕黑豆漿～ 有濃濃的豆香味而甜度適中， 凍熱都好飲。⭕蟲草花雞湯～可益腎陽，補肺陰，止血化痰和健脾益胃，有很多蟲草花，加瘦肉和雞同煲，味道更加鮮甜。 估唔到二少廚房的燉湯咁好飲， 價錢相宜成個套餐加埋燉湯飲品都只是七十幾蚊， 以後食午餐或晚餐又多一個選擇了。👍🏻😁

朋友經常約我出外，有天朋友安排我們一同前往位於觀塘與牛頭角之間的一間食肆，當朋友帶我到達的時候，我已經告訴他早以品嘗過， 但原來這家餐廳除了甜品之外，更有鹹食供應。 這天和朋友挑選的也就是水餃套餐，份量十足， 外皮不太厚，又不失口感， 另外內裏餡料方面，肥瘦比例均呈，最重要吃起來還覺得十分健康，全因為內裏蔬菜種多， 套餐方面，還會配搭粢飯，這個粢飯更令我充滿驚喜，本來還擔心示範的餡料不太合口味，沒想到店舖的細心，完完全全吸引著我。

上星期去完鴻圖中心，知道嗰度有好多抵食餐廳，今個星期有時間我哋又去一次，試吓其他餐廳，今次揀咗中菜，餐廳名係二少廚房，主打燉湯同埋手撕雞和酸菜魚。見到佢個套餐都幾抵食，一個蕃茄一個湯，每人都係70零蚊，個燉湯熱辣辣，好飲過屋企煲嗰啲，而且冇味精，飲完唔會心跳唔會口渴，好鮮味。我哋叫咗兩份兩湯，食得好飽。四川酸菜魚泰國絲苗香米：酸菜魚嘅湯其實幾鮮味，佢比出面嘅酸菜魚冇咁辣同冇咁酸，怕辣嘅人一定食到。最鍾意佢啲魚冇骨，唔使成日lur骨咁麻煩， 魚都好入味，又夠滑。泰式酸辣手撕雞泰國絲苗香米：手撕雞份量算多，又有生菜，有菜有肉好豐富。泰式酸辣醬就係泰式酸辣醬囉，我都係第一次將手撕雞點落泰式酸辣醬度食，估唔到味道出奇地夾。酸菜胡椒豬肚雞湯：我真心覺得嚟二少廚房一定要叫燉湯，因為真係好好飲好好飲好好飲。呢個胡椒豬肚雞湯味道當真不錯，又足料，酸菜、豬肚、雞、胡椒，乜都有，熱辣辣新鮮燉好，會辣咀果隻，更加好飲。花膠燉雞湯：呢個花膠燉雞湯都好足料，裏面真係有一大條花膠㗎 ！仲有雞同瘦肉，唔怪得味道咁鮮甜啦！

中午諗住近近哋，去公司附近Food Court食飯，原本都沒有太大期望，反而有意外驚喜😲。二少廚房 － 就在美食廣場的入口附近，餐牌有不少選擇，有手撕雞套餐，酸菜魚套餐和餃子套餐，任何套餐加＄13，飲品仲可以轉滋補燉湯👍。跟同事二人，不約而同地選擇了手撕雞套餐，配燉湯，人均消費＄70，非常抵食，以快餐形式購票和取餐，十分快捷。招牌客家鹽焗手撕雞飯，配泰國絲苗香米，手撕雞好香芝麻味，啖啖肉又幼滑，配搭少少蔬菜，份量剛好，感覺很健康！我們分別點了蟲草花雞燉湯和蓮藕排骨燉湯，兩款都很足料，冇味精，夠晒滋補🥰。最後，跟餐+$8換購了海底椰川貝雪梨茶一支，返公司繼續努力💪。

好耐冇飲湯水突然好想飲！咁岩今日喺觀塘做完嘢就順便搵下附近有無燉湯飲，總覺得呢啲工商區一定會有呢類舖頭迎合上班族需要🤔俾我發現到呢間二少廚房，仲要係搭配埋我中意既手撕雞形成一個perfect match！✌️我叫左個蓮藕蜜棗排骨湯跟薑蔥手撕雞泰國香米(少飯)～個湯一打開蓋啲蓮藕香味就撲鼻而來😍 勁足料！！有大大舊蓮藕，🥕，章魚同超多排骨，雖然用左咁多排骨去燉但唔會覺得油膩，依然清甜好飲，連舊🥕都十分甜😋手撕雞份量都唔少，部分痴住啲雞皮有雞油香得黎又唔會太肥膩，入口嫰滑🤤仲搭配埋西生菜夠晒健康👍👍啲西生菜煮得岩岩好好爽脆，食落仲有雞湯味😂 (唔通係用煮手撕雞既湯烚既？！😯)平時想飲足料既燉湯閒閒地都起碼五十幾蚊，宜家食埋個咁正既手撕雞飯加埋先七十蚊，性價比實在太高👏👏👏

今日遲左收工，唔想煮飯但又想飲番碗湯就去左屋企附近間二少廚房食。最鐘意佢地有燉湯飲，我同老公每人各一款花膠瘦肉雞湯， 個湯好清唔油，同埋舊花膠好好味酸菜胡椒豬肚雞湯，胡椒味好重，豬肚都好好食無岀面有時食到嘅豬臭味，同埋無味精之後我地各自叫左一個手撕雞飯，啲雞好滑特別係我個招牌客家鹽焗手撕雞飯，雞好入味，同埋佢有啲鹹雞湯汁撈飯超正。另外我老公就叫咗泰式酸辣手撕雞，呢間都好滑但係嗰張就比較普通我個人鍾意招牌客家鹽焗雞多啲。最後我哋仲加咗個餃子豆漿豆漿，都很不錯。個豆漿好滑好有豆味！

酸菜魚。伏到冇得再伏，其實仲可唔可以叫做酸菜魚。 堂食，都係比兩層膠盒裝住。幾片魚，鞋過湯渣。冇任何配菜，冇酸菜。個湯冇麻冇辣。盛惠六十蚊。六十蚊過隔離食扒冇咁嬲。

一個人住，在飲食上難免有點隨意，連湯水都少了很多，所以我特別喜歡找一些有湯水的店子，爭取補一補的機會。今晚去完烘焙店之後，就發現到這間有燉湯的小店，當然不能錯過。小店裝潢以白色為主調，配上木椅木枱，簡約舒適。座位不少，地方挺闊落。一大張餐牌，選擇不多，但重要是我的需要，包括餃子套餐、手撕雞套餐、酸菜魚套餐，當然不少的滋補燉湯，還有一些健康飲料。******************我一見到魚就會雙眼發亮，好自然揀酸菜魚套餐。套餐包一款飲品，亦可以優惠價+$13轉滋補燉湯，超值呀! 四川酸菜魚配秘製醬拌麵($60+$8)以一個挺有心思的餐盒盛載，分上下格。上格放滿酸菜魚，分量唔多，但每件魚肉都挺嫩滑，啖啖肉，完全無骨，且弄得入味，酸酸辣辣，味道不錯！一見到那份秘製醬拌麵就知大鑊，面頭放滿秘製辣醬，拌了少少青瓜和香脆花生粒，麵底沾滿辣油。果然....對我而言，辣到火熱，相信愛嚐辣者必定滿足！麵煮得剛好，唔會太腍，喜浸在酸菜湯中，減去一些辣度，又帶點酸辣較岩我。*****************滋補燉湯有四款選擇，選了有滋陰養顏和養血補功效的花膠燉雞湯(+$13)，大大盅，熱度十足。一揭開蓋子

今日過觀塘做野，做完已接近放工時間，附近巧明街94~96號鴻圖中心地下有各式各樣食肆，就食埋先返屋企。我選擇了二少廚房，打算簡單食一餐，餐廳偏細，裝修簡約，裝修，餐具也以木色作主調。餐牌十分簡單，主要係唔同口味嘅手撕雞同餃子，可配米線或飯，另外就係燉湯系列。我點咗份鹽焗手撕雞泰國絲苗米，天氣都幾熱，所以選擇咗要凍黑豆漿。餐具全部採用即棄碗，杯，筷子，疫情持續下感覺幾安全可取👍鹽焗手撕雞雞肉有雞胸同雞肶肉，雞肉撕得均勻，肉質唔鞋口，有雞味，鹹度適中，泰國絲苗特別有飯香，😊凍黑豆漿順滑少甜，夠解渴😋

呢日唔想行太遠，於是來到這家食店，跟同事來一個簡單的午飯。幸好我們早出來，人未算很多，好快已經買好了午飯，仲可以揾到個好位置坐下來。招牌客家鹽焗手撕雞泰國絲苗香米雞肉滑滑的，皮唔太多，食落帶陣陣的鹽焗香味，十分惹味。薑蔥手撕雞泰國絲苗香米雖然薑蔥手撕雞跟鹽焗手撕雞的賣相很相似，不過多了一小碟薑蔥，所以不難分辨。先混合薑蔥入雞裡面，食落感覺香味滿滿，油分令雞更添香滑。鮑魚紅棗杞子雞湯雞湯十分足料，飲起來很滋補，很適合注意養生的我們。最後，我飲埋杯熱豆漿，暖暖地帶少少甜，食完都好見飽~

上星期黎完鴻圖中心之後，今星期再黎依度搵食上次經過見到依間keep 住有人叫外賣，一於就試下有set 仲可以加錢轉燉湯依家天氣涼左，梗係飲番湯暖下身我地堂食，除左燉湯之外，其他都係用即棄用具有比消毒濕紙巾，幾貼心鮑魚紅棗杞子燉湯好足料，有成兩隻雞腳，兩隻雞翼，仲有兩隻鮑魚，真係食d 湯料都有d 飽湯好鮮甜，而且好夠熱，食完成身都暖哂酸菜魚同湯係分開裝，魚質地都唔錯泰式酸辣手撕雞，d 醬就係平時泰式辣醬，加埋手撕雞又ok雞幾嫩而且有番少少韌度，唔係霉個隻下次實會試埋麻辣～～酸辣魚湯米線，湯底偏酸多dd, 唔算辣米線有彈性，有口感，唔係淋哂，如果個底仲有好多鹹酸菜添架～～大約$7x 就有主食，有米線，有甘足料燉湯飲，算抵食呀