二少廚房

營業中

休息中

招牌客家鹽焗手撕雞酸辣魚湯米線🐤🍜 $68手撕雞份量好多呀，味道啱啱好，亦都好有鹽焗雞既風味呀，而手撕雞撕到細細條，一啖啱啱好，面頭仲有芝麻粒，香味提升左而酸辣魚湯既配料就有酸菜、韮菜同腐皮，湯底🥣唔會太咸另外，佢俾左有半碟生菜🥬，份量多過其他店好多花膠燉雞湯 +$13有少量花膠，湯味好濃郁，但係唔會係味精湯，除咗花膠仲有冬菇、雞腳同瘦肉，足料又好味凍豆漿 $15同平時個d差唔多，味道正常，唔會過凍

觀塘食乜外賣好，決定今次嚟愛琴坊試吓各款唔同嘅美食。見到竟然有間會有手撕雞再加燉湯，好似幾吸引而且有好多唔同類型嘅燉湯。例如鮑魚燉湯花膠燉湯等等全部真係落足料。另外手撕雞都有唔同嘅口味，呢隻餐廳仲會有粢飯同埋酸菜湯底，都幾多唔同嘅款式另外仲見到有個送涼粉嘅優惠。佢個湯超好味，而且食物包裝得乾淨又衛生另外手撕雞嘅份量都好多，啲湯入邊足足有兩個鮑魚。而且亦都幾多唔同嘅口味，所以值得一試如果你牛頭角嘅話我都會再去試吓。

女人總有幾日離唔開熱野 仲要係頭2日今日特別想暖身啲 飲下湯去左觀塘 朋友話想食burger 但我又想健康下於是黎左呢個food court 大家可以揀自己鐘意既野食我今次就揀間住家風啲招牌客家鹽焗手撕雞飯 啲雞既份量好多 味道都夠啖啖肉 無骨雞 係懶人食法😂😂再配少少生菜 有菜有肉 幾健康加錢改配左紅棗杞子鮑魚雞湯好足料 有3隻鮑魚仔個湯好清甜 因為有圓肉同紅棗雞味都好重 用左好多雞間店主要食手撕雞 應該善用左其他部位去煲湯成件事好有家的感覺

勁鍾意飲湯既我，發現觀塘有間燉湯好正既餐廳，於是今日黎開就過黎試下。餐廳位於鴻圖中心，經營模式係好似food court 咁，落完單自己搵位，之後再去拎餐就可以。呢度除咗燉湯之外，仲有手撕雞食，而且叫手撕雞飯餐仲可以加$13就配一個燉湯加埋都係60幾蚊，幾抵食。我就叫左一份手撕雞配米線手撕雞配上蔥油，香味十足。雞肉夠嫩滑，而且份量勁多，好抵食。蟲草花燉湯燉湯勁足料，除左有雞件同蟲草花之外，仲有圓玉等藥材，飲落好清甜，完全唔油膩。

話說呢排好鐘意食手撕雞，前幾日同朋友飯聚，就揀手撕雞啦, 於是帶左佢去鴻圖中心就係呢間二少廚房啦出名手撕雞同靚湯簡簡單單，一個手撕雞套裝$57-$60 再加$13已經有真材實料燉湯👍💕手撕雞仲有幾款味道比你揀，配飯配麵配米粉米線都得😋自由配搭😝雞肉嫩滑，啖啖都咁滋味😊我地分別試左薑蔥同芝麻醬薑蔥好香口, 芝麻醬夠惹味我地2個餐已經成台野啦轉米線的湯底都唔錯D燉湯好足料, 湯渣出晒味, 真材實料~最後仲有涼粉做甜品, 超掂~好食就會再返黎幫親~觀塘又一好介紹#鴻圖中心#觀塘美食

餐廳位於觀塘區一個小型food court，面積唔算大，餐廳午膳時間人流較多，整個food court枱凳均以木色為主，設計簡約，十分適合想食個快捷又簡單午餐嘅上班族😎食物與餐具衛生程度理想，見到店員回收用過嘅托盤之後會先消毒，托盤上嘅食物同飲品與外賣一樣都係用即棄碗、杯及餐具，餐廳亦會附送一張消毒濕紙巾，疫情下可以保障食客嘅健康🤣－－－－－－1. 薑蔥手撕雞泰國絲苗香米配凍豆漿 $57 7/10手撕雞同飯份量相約，手撕雞本身無味道，食落肉質偏韌，薑蔥係分開上，由於薑蔥份量看似唔算太多，我就落左幾乎所有薑蔥，撈埋d雞同飯一齊食，食落係好咸嘅薑蔥味，不過開胃嘅，建議可以逐少逐少點黎食，整體味道普通🙈2. 蓮藕蜜棗排骨湯 $42 8/10雖然上面個飯一般，但呢個老火湯就好足料😋煲到幾入味，飲落好清甜，湯中仲有一大件蓮藕同埋連肉嘅排骨，配埋個飯食，呢餐又完整又飽肚🤤

係官塘商業大廈下面竟然有個小food court 入面除左有快餐/ pizza 個啲，仲有好養生既港式燉雞湯😍岩哂貪靚既女士們呢🤗-日式芝麻醬手撕雞套餐 ($57)手撕雞本身係配白飯，加$8可以配湯米線/撈米線~雞肉尚算嫩滑，芝麻醬分開盛放，重口味落多少少都得，清淡啲既就咁食都夠味👍🏻重點係套餐加$13可加配滋補燉湯，花膠燉雞湯真材實料，入面有花膠雞腳，味道清甜，吾洗再飲味精湯😆不過略微油左少少，但性價比已經好高了😆-韮菜餃子套餐 ($57)可以選配炒麵同粢飯~粢飯入面既油炸鬼吾夠脆口，但有好多肉鬆加返分😆而韮菜餃皮薄餡靚😍😍😍餃子皮好滑，內餡充滿肉汁，肥瘦適中，配埋清湯生菜，好味道喎😋加配既蟲草花雞湯都好清甜，健脾益胃，補肺陰，抗疫好選擇😆

又係臨搬 office 四圍食系列，呢次係自己一個食。呢一日想食清啲，但又想有碗湯暖吓個胃，所以選擇了買外賣，加上又有外賣 9 折，靜靜地之餘又食得安全。睇住個 menu，我當然唔會放過滋陰養顏的 花膠燉雞湯啦~而上次食過的 日式芝麻醬手撕雞泰國絲苗香米 真係唔錯，所以今次要 encore 一下，睇吓有無上次的水準先。拎到番屋企，打開仲係好熱，所以先食手撕雞。手撕雞依依然好滑，仲要係無咩雞皮，所以食落都幾清新，撈埋日式芝麻醬更加醒胃，飯都可以食多兩啖。今次個湯用咗紙杯而唔係膠碗，非常環保。唔好以為無料到，夾起係有一大條花膠，十分滋補呢~

👍 抵飲足料花膠燉雞湯👍 招牌客家鹽焗手撕雞配泰國絲苗香米話說去開觀塘，今次就試吓朋友介紹呢間嘅二少廚房啦，見到舖頭裝修幾靚同埋呢嘢食又好吸引。我今次呢試咗佢嘅花膠燉雞湯，我本人最鍾意飲湯 ，呢碗湯足料又入味，充滿屋企嘅味道。主食我嗌咗客家鹽焗手撕雞，啖啖嫰滑嘅雞肉配上鹽焗香味，真係送飯一流。整個外賣飯盒分量十足，作為午餐都差啲食唔晒呀！仲有啊，所有手撕雞套餐都送豆漿或者熱烏龍茶，真係解渴又健康！可以打電話或者WhatsApp落單添，外賣自取仲有九折優惠，喺觀塘返工或者住嘅朋友真係一定要試試呀！

今日放工去左觀塘嘅分公司到拎野，去附近覓食見到二少廚房有手撕雞好吸引，所以決定今晚就係到搞掂個晚餐啦！呢個商場地下係美食廣場，上面都係商業大廈，餐廳都幾多，係樓上做野嘅打工仔好幸福啊同朋友叫左兩個餐，我叫左招牌客家鹽焗手撕雞（$60）+濃湯魚湯米線（加$8）。鹽焗手撕雞好香雞味，唔會太鹹，送米線一流！伴碟嘅有生菜，米線入面有腐皮、酸菜同埋韮菜。味道好夾！我係湯精黎，見到有燉湯就要叫番碗過下口癮！今次簡左花膠燉雞湯（$42），自己平日都好少煲到呢啲老火湯，入面有雞、冬菇、花膠；都好足料啊！味道好濃，好香雞味，唔似有味精。提提大家，如果食飯既加$13就會有湯啦！朋友叫左日式芝麻醬手撕雞（$57）+酸辣魚湯米線（加$8）。餐廳好貼心咁將芝麻醬分開上，可以自己調教適合自己嘅濃淡度。酸辣湯好正，唔太辣，唔係好食得辣嘅朋友都可以過下口癮跟餐係包左一杯飲品，我同朋友都簡左豆漿，豆漿好香豆味，又唔會好甜，正！重有一杯涼粉，涼粉好好味，同樣唔太甜，呢個餐好滿足啊！可惜唔係呢頭番工，如果唔係可以日日過黎食啊

成日坐office 少運動, 出街食又肥膩煎炸多, 搞到好熱氣又生暗瘡, 想食番d 清淡健康的食物。 這間套餐超多野食, 買一個飯加$13就有燉湯送, 最岩我鐘意飲湯的人。 而且唔駛配好油的蒸飯, 可以選手絲雞飯。 依家買滿$70仲送涼粉, 清熱氣下火幾好👍👍。 招牌客家鹽焗雞飯($60)配花膠瘦肉湯(+$13)鹽焗雞幾清, 少油, 唔會太鹹。雞份量超多, 送灼生菜。 好多時餐廳的菜都好油, 菜吸曬d油,食左可能仲肥。 如果想減澱粉, 可以剩係食雞,菜,燉湯, 飲品選豆漿, 兩人買仲送涼粉, 不食飯都夠飽, 但已有充足的蛋白質和營養。 花膠瘦肉湯好足料,大大嚿花膠, 好清, 夠熱。薑蔥手絲雞飯($57)配蓮藕雪梨雞湯($13)手絲雞好滑, 份量好多。 燉湯味道好清, 好似住家湯水, 無味精,飲完唔會好口渴, 而且非常足料,除了蓮藕雪梨外,仲有粟米,雞腳, 栗子,可連渣食, 有好多營養。 On diet的我, 終於搵到間岩的餐廳, 下次選水餃, 以後可以成日食😋😋

正所謂女人唔補好易老🙈　所以間唔中係要飲Ｄ湯水滋補下既～我記得之前放工經過呢頭見到呢間燉湯加手撕雞專門店，我想飲湯，男友中意食手撕雞，簡直perfect！😆我叫左個薑蔥手撕雞少飯配蟲草花雞湯，男友叫左碗鹽焗手撕雞酸辣魚湯米線配蓮藕蜜棗排骨湯，另外仲加左杯豆漿同送左兩個涼粉，好豐盛😂兩碗燉湯都超足料😍各有不同功效同風味～蓮藕蜜棗排骨湯飲落清甜啲而蟲草花雞湯飲落去就偏藥材味同滋補啲，兩款都好正😁兩個手撕雞都有跟啲菜，好健康👍👍薑蔥手撕雞充滿港式風味，啲手撕雞嫰滑juicy😋 薑蓉送飯簡直一流👏🏻鹽焗手撕雞就充滿客家風味，有淡淡鹽既鮮味加濃濃既芝麻香味😀 雞既份量仲唔少添～健康好味又滿足既一餐👏🏻 以後想補下或者滋潤下果陣，收工過黎都好方便✌️

呢度嘅午餐只有外賣，中午嘅時間，買一份返辦公室食，都唔算太麻煩。我自己就叫咗一個佢哋嘅雲吞加埋姿飯，另外再配多個靚湯。佢哋嘅雲吞細細粒，而且每一粒雲吞入邊都有一粒完整嘅蝦，都算幾足料。黐飯裏面有油炸鬼、肉鬆、榨菜，買一個去食嘅話都幾飽。之後就係佢哋嘅湯，如果正價買一碗嘅話要40幾蚊，而如果跟午餐一齊買嘅話，就只係需要加$13，我自己就飲咗佢個黑松露湯，平時都比較少飲，而佢個湯我就覺得好豐富，同埋好香。

之前試過此店的午餐這天打算來買晚餐回家吃哈 原來餐牌跟午餐的沒太大分別呢手撕雞飯/米線 可加錢配湯/飲品.- 日式麻醬手撕雞飯麻醬配手撕雞 感覺有點像在吃日式沙律味道挺清新的好適合在炎夏的夏天吃而且手撕雞沒有骨頭 啖啖肉吃得很盡興份量也很足夠.- 花膠燉雞湯用料十足裏面真的有花膠湯不會太鹹喝完之後不會有口渴的感覺不錯呢.一共$70 不算便宜但勝在味道和份量都不錯等待外賣的短短5分鐘期間也有幾位客人到來買外買相信整體水準也不錯

嚟過愛琴坊好多次，食過唔少餐廳，個人最推薦呢間～雖然菜式比較樸素家常，但清淡健康，味道都唔錯😋。.🍗招牌客家鹽焗手撕雞 $60+$8 轉秘製醬撈麵本來都唔諗住買埋正餐，但原來買手撕雞飯加$13就可以有個滋補燉湯，計落又幾抵。手撕雞調味適中，嫩滑冇雪味。撈麵軟硬度適中，醬料香辣有層次。.🥘蓮藕雪梨雞湯除咗雞肉之外，仲落咗瘦肉，飲落清甜美味。加上有雪梨夠晒滋潤。.🥟韭菜豬肉餃（8隻）配粢飯清淡嘅水餃好啱夏天食，水餃皮薄之餘餡料好多，不過都幾易爆開。除咗有八隻水餃之外，仲有唔少新鮮翠綠嘅生菜。粢飯配料唔多，但過口癮都唔錯。.🥘花膠燉雞湯花膠顏色偏白，重膠質又唔腥，估計係養顏嘅鱈魚膠。飲落鮮甜滋潤，啱晒女士🧏🏻‍♀️。.二少廚房觀塘巧明街94-96號鴻圖中心地下6B-6C號舖