二町屋

營業中

休息中

估唔到太和街市有咁多好野食🤤呢間二町屋日本野都開左好幾年，我都幫襯過佢好多次外賣‼️最常幫襯嘅就係辛辣三文魚丼‼️‼️都只係$40咋😵😵超抵食👍👍如果我叫外賣返醫院仲送埋盒紙包飲品‼️‼️非常良心‼️❤️唔好睇佢個盒以為好細盒應該唔夠飽，但打開首先見到啲三文魚粒係po滿晒成個飯面😃仲有啲日本子姜同蔥花😃三文魚粒撈埋啲辣味非常惹味‼️啲飯食落原來好多😵😵仲有加埋啲飯素，飯唔會太凍又唔會熱，啱啱好‼️加埋啲咁惹味嘅辣味三文魚粒，不經不覺已經食晒成碗飯🤣🤣食完真係好飽‼️性價比超高‼️佢仲有好多唔同嘅丼飯，有生同熟嘅都有，價錢都係$5×內👍👍

我深深體會到，事情真係唔好睇表面！😌我經常去太和街市買餸，街市裏面都有成十間食檔，午餐時間都有唔少學生哥坐响檔前嘅凳仔堂食，我多數買外賣。一直都唔敢幫襯呢間日本魚生壽司店，怕唔新鮮肚痛！但係我太膚淺喇！見個鹽燒左口魚飯，$49咁抵食，諗住熟食安全就試咗第一次，然後就變咗常客！個鹽燒左口魚飯真係好好食，推介！燒過嘅左口魚嘅魚油香好出，同啲醬汁好夾！份量一個女人仔食啱啱好！我仲要係堂食，完全唔介意同後面買餸嘅人碰撞，就知道真係好食啦！不過我都係建議外賣返屋企慢慢嘆會舒服啲！😅今日我買咗自選魚生飯，有拖蘿蓉、三文魚籽、赤貝同甜虾，仲有五件壽司。食外賣都要有儀式感，擺好盤同大家分享！除咗紫菜碎之外，魚生飯都會放飯素，如果想口味正宗啲，我建議走飯素！至於壽司係精緻型，手握壽司並唔係機握大舊飯果種。呢個午餐我總共只花咗$108，魚生食得出處理得當，完全冇腥味，味道當然同高級日本餐廳三百幾蚊一個魚生飯係有距離，但係絕對唔會比商場裏面間迴轉壽司差，仲要比樓上果間連鎖外賣壽司店好添！

好食，2月wfh開始周不時都會買呢間外賣。好抵食，個飯多到我可以分兩餐食 lol質素好過同商場另一間外賣店，支持下小店！最中意燒左口邊飯同三文魚親子丼～同埋自選飯都好抵食～

好食，又抵食，唔係頹飯 。成日經過都想試下，終於啱時候買，第一次寫食評，因為唔想冇呢啲小店，所以推薦一下，大家多多支持。我個人鍾意食燒過嘅三文魚😗好適合我口味，同埋分量好好。賣相都好吸引。

位於太和街市既呢間隱世食店竟然冇人推介過，等小編做第一個啦😌一開始新開個時同事們都嫌佢勁細碗食唔夠飽，等佢地改良左我先去試左第一次，結果真係好高評價😚🍱 醬燒帶子飯 $48因為我唔食生野，專登叫店員幫我燒到全熟佢地都ok😍落望都驚個飯會勁dry，得啲帶子係面🤭但驚喜係啲醬係晒啲帶子底，唔多唔少，岩岩好夠食晒成碗飯😬帶子食得出質素唔差，好鮮味🤤呢個價錢可以食到鋪到成個碗面都係有質素既帶子，真係物超所值🥺年輕人創業好難，希望大家多多支持🥰