影片
更多
2024-04-04
222 瀏覽
前幾日同個朋友係灣仔食個午飯，好耐無見，大家不約而同想食啲辣野，咁啱office附近有間食清真牛肉粉既餐廳，就去左試，響大街好易揾，叫做『五指間蘭州牛肉麵』。平時行開呢頭，只要到1點鐘就已經超多人，所以呢日約左個朋友1點半就黎到，好彩地比我地揾到位唔洗等，不過我地坐低左十分鐘已經開始要排隊等位。食物方面，一見到個招牌蘭州牛肉面，唔洗諗我朋友已經揀好！我自己就揀左蕃茄湯底既水餃面。我地互相試左對方既湯底，個招牌蘭州牛肉面唔太重口味，無川菜咁濃，但係食得出啲湯底係由好多牛骨牛肉煲出黎，好鮮甜，再加上上面既辣油，清得黎又夠滿足感。牛肉係牛展，啱晒減肥既朋友。而蕃茄濃湯水餃面，係牛肉製既水餃，好香口。蕃茄湯底夠清甜，唔會好似溝左茄膏茄醬咁化學咁重口味，啱啱好啊！我地一人嗌左一個孜然牛肉餅，呢個真係超正，必食！出面個餅係微脆，熱辣辣，再加上入面既孜然碎牛餡料，無敵香口！食呢種餅最驚入面乾爭爭，而佢地呢個餅真正做到外脆內軟，而且有少許肉汁，真係好好味！！！我地怕叫得太多，另外再一人叫左2串燒羊肉，呢個係極推薦！羊肉一啲都唔肥，所以羊味剛剛好，而且絕對唔會食到食口/肚油，羊肉軟硬熟度適中，如果10分
平時行開呢頭，只要到1點鐘就已經超多人，所以呢日約左個朋友1點半就黎到，好彩地比我地揾到位唔洗等，不過我地坐低左十分鐘已經開始要排隊等位。
食物方面，一見到個招牌蘭州牛肉面，唔洗諗我朋友已經揀好！我自己就揀左蕃茄湯底既水餃面。
我地互相試左對方既湯底，個招牌蘭州牛肉面唔太重口味，無川菜咁濃，但係食得出啲湯底係由好多牛骨牛肉煲出黎，好鮮甜，再加上上面既辣油，清得黎又夠滿足感。牛肉係牛展，啱晒減肥既朋友。而蕃茄濃湯水餃面，係牛肉製既水餃，好香口。蕃茄湯底夠清甜，唔會好似溝左茄膏茄醬咁化學咁重口味，啱啱好啊！
我地一人嗌左一個孜然牛肉餅，呢個真係超正，必食！出面個餅係微脆，熱辣辣，再加上入面既孜然碎牛餡料，無敵香口！食呢種餅最驚入面乾爭爭，而佢地呢個餅真正做到外脆內軟，而且有少許肉汁，真係好好味！！！
我地怕叫得太多，另外再一人叫左2串燒羊肉，呢個係極推薦！羊肉一啲都唔肥，所以羊味剛剛好，而且絕對唔會食到食口/肚油，羊肉軟硬熟度適中，如果10分滿分，我會比9.5分！淨返0.5分係比自己再等食多幾次。
飲品我地不約而同試左甜胚子，飲落清甜爽口，有少少檸檬味，應該係加左檸檬汁，唔太甜。杯底飲到既係一粒粒似係燕麥既爆珠，軟滑得黎好有口感！超級正。
食完野點少得飯後甜品！我地又係嗌埋同一樣野，就係佢地自家製酸奶(乳酪) ，又係好清甜無添加，唔太甜，食完飯用黎做甜品夠perfect無負擔。正呀！
呢間真心覺得可以再黎食，因為一踏入間餐廳已經聞到滿滿既香濃牛肉味，依家諗返都覺得肚餓呀！
張貼
