亞參雞飯 (又一城)

營業中

休息中

亞參雞飯 (又一城) 夏日炎炎，最好就係行商場，支持香港經濟呀嘛，呢一晚係星期日，又一城又比我想像中多人喎！行街行到餓，求其篤入一間平平地嘅連鎖星馬菜，明碼實價唔使收加一，就決定係你啦！🫵🏻🐷 亞參豬手飯（$76）豬手煮得好腍，柔軟易咬，而且好入味👍🏻豬皮冇毛，油脂甘香👍🏻份量多，白飯粒粒分明，輕鬆送得曬成兜飯🍵 新加坡肉骨茶配白飯（$83）一上枱就聞到濃烈嘅胡椒味，似胡椒豬肚湯多啲，我本來諗係會有當歸味，完全冇，但味道其實係好味，食完覺得手腳都暖和咗配料方面有幾舊一字骨，同埋幾嚿豆卜，此外就乜都冇喇🥬 馬拉盞通菜（＄28）平平地叫個菜食，冇乜馬拉盞味普普通通，唔難食，亦都唔係十分好味🍞 小食雙拼，馬來斑蘭咖央多士+特色秘製炸魚餅（＄39）馬來斑蘭咖央多士係mvp🥇烘到底面都香脆嘅多士，隔住牛油同埋咖央醬，一啖咬落去真係不得了，又香濃又有豐富嘅口感，脆脆嘅麵包同埋軟滑嘅牛油配合得相當出色，咖央醬亦都起到畫龍點睛嘅作用，食到人有一種幸福嘅感覺🤤💞至於魚餅香茅味濃，唔會炸到油淋淋，合格嘅水準☕ 斑蘭咖啡（$10）所有飲品除咗椰青跟餐都係加十蚊，試咗班蘭咖啡，一熱一凍熱飲香甜，凍飲咖啡味嘅苦

極力推介呢間亞參雞飯，性價比超高，海南雞飯啲雞超滑，然後佢個雞香飯，勁濃郁嘅雞味，平時食開嗰啲油飯，好油，呢一個完全唔會！😋😋然後朋友食個喇沙，超香椰香味，辣中帶甜，好食，如果米線再多啲就好了！佢個通菜，好重蔥油香味，食落去勁香！嗰啲服務員好好好笑容，見到佢哋個個都做到冇停手，依然都係好好笑容，一叫就即到，就係香港嘅服務態度！我鍾意👍👍👍#好服務 #好味道#香港人嘅東南亞味道#推介 #馬拉盞通菜#喇沙米線#阿森海南雞飯

今日過到嚟又一城，又嚟到亞參雞飯，發現佢哋有一個新嘅套餐，牛骨煲！服務員依然好好，服務態度好好笑容有問必答，牛骨煲真係有驚喜，啲牛骨全部煲到軟腍腍，送飯簡直一流，佢哋嘅送餐速度亦提高咗好多，見到佢哋相當積極推銷呢個牛骨，心諗試吓都無妨$288實在太抵了！果然係有驚喜！另外想講，佢哋嘅店經理提及到佢哋嘅雞香飯，改咗配方，更加香濃嘅雞味，確實係冇得輸👍🏻👍🏻👍🏻希望佢哋分店繼續加油！😍😍😍

天氣開始炎熱了，所以會選擇有冷氣的商場地方，行街，吃飯或娛樂，今日選擇了九龍塘又一城商場，泊車方便，而且免費，一家四口，有小朋友，第一站就頂層的玩具反鬥城，Luch吃什麼好，沿路行，囡囡說要看溜冰，看見亞參雞飯店有玻璃位置，可以看到，雖然要排隊，服務員真好，有笑容，而且好快安排玻璃位置給我們，我先点了個檳城蝦麵，同豬肉串給囡囡吃先，服務員說醬汁有少少辣，小朋友吃不到，分開醬汁好嗎？OK當然好啦！嘩！碗蝦麵那麼大碗，囡囡吃了兩小碗，有蝦有雞蛋全部吃掉，我自己也叫了一碗，品嚐一吓，完來蝦湯好鲜甜，囡囡要吃甜品，只好快點埋單，下次一定來嘗試其他食品

今日有需要來到九龍塘站。和平時一樣，想去上面個food court 看看有沒有新的東西可以試試。到了之後，看到亞參有老鼠粉，第一時間想去試下。入坐後，在menu 看，才發現已經賣完了。太可惜，下次再來試。所以，今次試了第一個，便是馬六甲甲必丹牛肉飯。平時的牛肉飯，多數都是瘦肉。沒有想過這牛肉飯是用牛腱肉的，有surprise 如果大家和牛腱肉不太熟，可以簡單的記得牛肉中間有d透透地明的東西便可以了。Overall 是不錯的，惟獨是一件牛腱需要煮長時間一點，因為本身的牛肉是大件一點。今次彩蛋來介紹下CityU，大家都知它了上頭3，而且昨日才知校長是一年900萬，比特首多$

最近我去咗 Asam 餐廳，整體體驗幾好，環境舒適，適合朋友聚會或者家庭聚餐。餐廳嘅裝潢簡約而不失風格，令我一入到去就感到放鬆。最印象深刻係佢哋的服務。員工好有禮貌，態度友善，對菜單講解得好清楚，隨時樂意幫忙，令我哋感到好受歡迎。即使喺高峰時段，佢哋都能保持高效率，服務質素一點都冇下降。我特別想讚一下佢哋嘅招牌菜海南雞飯。雞肉鮮嫩，滑口，配搭嘅米飯香噴噴，加上特製醬油，味道真係一流！每一口都令人滿足，回味無窮，實在值得一試。餐廳仲提供咗一啲配菜，令整體味道更加豐富。總括來講，Asam 餐廳無論係服務定係食物都值得一試。特別係海南雞飯，真係令人驚喜，強烈推薦俾所有鍾意食嘢嘅朋友！如果你想享受一頓美味又舒適的餐點，Asam 絕對係個好選擇！

天氣不好 心情都好差 結果今晚試了 新牛骨煲 檳城紅茄味 唔錯 骨汁撈飯正無得輸 份量足夠 前菜沙律清新唔錯 埋單用左一位男經理介紹的最新太興美食劵 抵買 又十分方便 十分多謝他一位叫方的服務都好 細心 有笑容 是她主動介紹新菜餚 令人滿意 最後 希望貴店生意長做長有 努力保持水準 唔會幾時有dessert, ice cream, 圓滿我們的食慾之夜， 有始有終結 有頭有尾擺想補充有男同事還說 因為火熱 。。。「小心」係好緊張我們安全衣服。，真心感謝她下次都要 表演合格 !¿!晚安了@@

今日途經又一城突然感到很肚餓，本來想食譚仔三哥，但原來維修當中結果去了一間食星馬小菜的餐廳，看到有下午茶，都幾抵食。我和媽媽叫了兩個下午茶餐：海南雞飯雖然海南雞並不是雞髀，有點嚡但是這個價錢也算不錯了，不過略嫌辣醬不夠辣。另外叫了一個辣的牛肉麵，名叫巴東牛肉滲滲蛋麵及米粉，味道有點似牛腩麵加米粉，有少許通菜，牛肉夠腍。另外叫了一杯南洋咖啡及熱美祿，平時不會吃茶餐廳的，喝慣Starbucks咖啡店的咖啡這裏的咖啡相對濃郁，很重口味，不過相信有不少人也喜歡這種有少少焦糖味道的咖啡。整體來說，食物質素和環境還可以，意想不到是這裏的侍應服務態度也不錯，態度也十分友善。

油飯好香好軟熟煙韌, 雞非常嫩滑 一定要點 豉油 辣椒醬 薑蓉 絕配 🤗 咖啡好香滑 ,好特別 ,上枱前已經加咗煉奶 . 因為係下午茶餐所以份量比較少🤣新年期間年，年29至年初四，堂食收取加一服務費。我真係好彩唔使排隊 ,走嘅時候出面排曬長龍.好好味下次一定會再幫襯✌️下午茶,亞參海南雞飯套餐$48

同朋友夫婦及老婆，四人行一齊去咗又一城食晚飯，去咗阿參度開飯，現場都有幾多人排隊，好彩等左大概20分鐘就安排一張四人枱俾我哋。叫咗A&B兩個套餐，馬來藥膳豬骨煲加海南雞同埋香煎松板肉(燒豬頸肉)。豬骨煲賣相一般，大大煲裝咗兩大舊豬骨，肉量都算夠食，炆得夠腍但食落就無肉嘅味道，可能係用雪藏豬骨炮製而成。湯汁夠濃郁，當歸藥材嘅味道非常清淡，只係見到得一兩粒紅棗飄來飄去，仲有幾粒蜂巢豆腐，索左湯汁嘅豆腐一般，可能湯底唔多好味嘅關係，我哋中國嘅羊腩煲俾佢高幾班，豬骨煲下次可以唔使再試。至於阿參嘅拿手好戲海南雞就好食，雞肉味淡但肉質滑嫩水準一流，係我嘅至愛，每次點餐都有佢份，連埋甜豉油或者薑蓉一齊食簡直絕配，加埋雞油飯就更加無敵，但係就唔可以多食囉！所謂香煎松板肉其實就係燒豬頸肉，賣相都可以，但食落好味，肉質夠爽又唔嚡口，咬落去好有口感，點埋個汁更加惹味。馬拉盞通菜就真係麻麻哋，啲通菜框好似禾稈草嘅感覺，又老又硬，味道微微偏辣，兼且缺乏醬料香味。套餐仲有三款小食，炸鳳尾蝦，魚餅及烤串燒肉，鳳尾蝦無蝦味兼乾爭爭，魚餅就只食到辣味，覺得麵粉多過魚肉，至於串燒肉就比較好食又彈牙，mince咗嘅肉再去燒

亞參雞飯 (又一城) (九龍塘)📍九龍塘達之路80號又一城L2樓L2-28號舖🔶咖哩牛肉拌麵咖哩汁吾算好濃味道微辣偏甜牛肉幾嫩滑～靈魂醬汁一定要拌面整體味道昇華左帶少少香料辣味感覺好味啲～～7.010🔷油封鴨髀摻摻油封鴨好淋輕輕一咬就撕開鴨肉油面同米粉好夾～口感更加豐富😻湯底味道清清地整體吾錯～7.0/10🔶咖央多士牛油🧈幾厚身多士烘底🍞好脆咖央醬甜甜地🤣好味😋😻7.5/10📝下午茶時段，做緊優惠，都幾抵食👍🏻

我今日去咗又一城，見到亞參冇乜人就去排隊。我遇到一位女侍應，服務很好，要數次改單都保持專業，又會為客人推介邊一款食物。佢嘅招待有禮，令我留下深刻印象，希望呢個留言可以幫到佢！

今日成班同事約埋一齊食飯，諗住近近地就喺又一城，食個飯就走，行上去見到依間排晒隊，咪過去八吓有咩食？行到去出面，就飄住浸好濃郁嘅藥材味，好似勁香甘，向前去睇，不得了！258二人餐，又有雞又有豬骨煲好吸引喎，就排隊啦，因為我哋一行六人，所以等枱時間會耐少少，但一位服務員好細心，同我哋講會等耐少少，要等埋隔離張枱先夠位，仲好細心咁叫我哋入咗去坐低咗先，因為我哋都未齊人，結果，台台客都叫呢個藥膳豬骨煲，啲香味漂到成間舖都聞到，越聞越肚餓，個服務員見到我周圍望，走過來問我需唔需要幫我點餐先，相當細心，最後，我哋點兩個二人餐，隻雞依然係咁好食咁滑，嗰個松板肉都唔差，正常，但依個豬骨煲，真係不得了，好好飲，嗰啖湯，好濃郁嘅豬骨味，同埋藥材嘅甘甜味，又唔會太甜，飲完成個身都感覺暖晒，而且個豬骨仲有大啖肉，仲可以啜到個骨髓！正👍🏻

今日同同事lunch決定去呢一間食Lunch hour大概都要排五至10分鐘到好快坐低咗我哋四個人都係食海南雞兩個同事要白飯兩個同事要油飯Peak hour嘅關係 等候時間都要耐少少不過海南雞上得好快海南雞肉質嫩口 份量都幾夠例湯鮮甜好飲 一飲就已經飲晒成碗飯嘅份量係正常 我嗌咗油飯 加埋海南雞簡直係絕配我哋四個同事一齊share咗炒通菜炒通菜就要等耐少少先上到枱不過係值得嘅 因為味道唔錯加埋佢附上嘅醬汁10分惹味😙😙😋

——————————————————————<喇沙米線🌶 💲83>亞參雞飯嘅喇沙米線，湯底濃郁香濃，米線Q彈爽滑，配料豐富，不過缺點就係佢過鹹，同我平時食嘅喇沙好唔一樣，有一下感覺似食緊川菜米線，不過對於鍾意食辣嘅朋友黎講都算係OK嘅選擇，不過價錢都唔算平！<肉骨茶🍲 $86>亞參雞飯嘅肉骨茶，湯汁濃郁醇厚，肉骨入味，鮮香可口。配料新鮮，湯頭滋補。一碗熱騰騰嘅肉骨茶，暖胃又暖心。食完真係滿足，不過以午市黎講呢個價錢算係好貴！