亞坤 (已結業)

下晝經過亞坤，口痕想試下咖椰醬，本身想嗌份多士，但又唔覺多士餐有得散嗌，又唔想嗌成個餐咁heavy，所以就嗌左個小食過下口癮。咖椰牛油餅乾 $15價錢泥講唔算平，比完錢發現有一樽樽既咖椰醬可以買。可能直接買樽咖椰醬 (無記錯好似$3x左右)，再自己買牛油同餅乾自製仲好 餅乾既size大概係一張正方形post it咁上下大小入面就係夾左好大片牛油同咖椰醬，連埋餅乾一齊食，好脆好香，不過略嫌牛油搶哂個醬既味道，但一齊食一定無得輸。下次就泥試下叻沙湯麵先~

想當年，第一次到新加坡旅遊的時候，曾經慕名特地前往當地的「亞坤」吃下午茶，為的，是一嚐新加坡的地道風味。想當日，「亞坤」來港開業，曾經特地前往捧場，可惜卻是失望而回，覺得食物水準沒有新加坡的那麼好。到今天，工作前在旺角街頭經過，未吃早餐的我看見這間平日上班路過時還未開門營業的「亞坤」，忽然心血來潮，想起很久很久不曾吃過南洋早餐，又見這小小的店子內只得一個客人在裡面，便改變主意，不到經常光顧的茶餐廳吃港式早餐，改為幫襯它。意想不到的是，原來這天是這間「亞坤」暫時最後營業的一天，過了今日，它便會暫時停業，直到新加坡總店方面有新的指示才會繼續營業。今天我能與它再續前緣，可真是有點緣份。點來最基本，但又應該是最有質素保証的「亞坤特製吐司套餐」中的 A餐「咖椰牛油吐司套餐」（$33），以兩片咖椰牛油吐司，兩隻溏心蛋和一杯熱奶茶做這天的早餐。兩片咖椰牛油吐司，早已分成四小片，薄薄的吐司烘得脆脆的，咖椰醬與牛油帶來的甜鹹兼備的味道令我勾起在新加坡與它初次相遇的回憶。這天的吐司，我竟覺得甚有新加坡吃時的水準呢！粉白嫩黃，吹彈即破的溏心蛋，澆以黑醬油，撒上胡椒粉後，以小匙送到嘴巴，滑滑溜溜的感覺，煞是特

我係Laksa既die hard fans! 任何一間餐廳只要餐牌上有Laksa我都一定點！早已聽聞亞坤既Laksa唔錯，雖然無新加坡當地食咁好食，但以香港既水平去比都算唔錯。今日去旺角睇裝修既野，行左幾個鐘攰到爆燈。咁岩亞坤就係裝修街對面，唔好煩就決定去食亞坤。不過個陣都7點幾，Laksa就得返海鮮款。可能係我太肚餓，我見到既時候心諗咁細碗夠邊個食 。。。。但 。。。Laksa湯底通常都加左coconut，所以食落都幾滯。料就正正常常啦，不過魚蛋就唔似一般新加坡魚蛋咁彈牙。我個人就麻麻地杯蜜糖薏米水，太甜了了了了了了！

我以前食過尖沙咀嗰間簡直係兩回事首先旺角店店面已經好污糟周地污水鞋印叫咗個雞肉餃子喇沙外賣本來滿心期待 以前食過好好食點知一食 哇 我以為自己未食過喇沙完全都唔係嗰回事湯底咸到飛天 面又煮過龍 一餅野真係超級無敵勁難食除咗好難食真係諗唔到點形容

太早起身有起床氣？唔想幫客落單，語氣仲要好差！我企咗係度好耐都唔肯幫我落訂，仲要西口西面！有病😠另外一個姐姐態度就好好，好正常。嘢食方面算中等，咖椰多士係必食如果無左個男員工就完美！

去旺角，行完街，最好搵個地方坐下，食下，抖下！星加坡的亞坤就最好👍🏻咖椰花生醬多士，係招牌多士，咖椰好香，多士亦脆，真係好好味😋再配上一杯凍奶茶，非常之夾，因為兩個人飲所以加大了，要加$10，有D貴左⋯⋯不過，唔緊要，杯奶茶，茶香，奶滑！又無可能唔叫啫😂😂又有兩隻滑滑流心蛋，加少少豉油，簡直一流😍😍

早餐叫咗個A餐多士半熟蛋咖啡，態度欄到不得了，囂張，冇禮貌。其實可以好聲好氣，第二次食，第一次係自己拎盤拎咖啡，第二次就喺度等，態度惡劣叫我去嗰度坐住得㗎啦，冇下次！

口痕痕 , 就去 亞坤 Ya Kun 食下午茶 ~咖央牛油吐司 : 亞坤的招牌貨 , 多士烘得鬆脆 , 牛油和咖央的比例都恰當 , 保持了一貫水準 ~半熟蛋 : 煮得過了少少火 , 幸好仍然肖流蛋黃 , 要灑上胡椒粉和黑醬油 , 食法才算正宗 ; 用咖央牛油吐司沾來吃 , 又是另一種風味 ~Laksa : 喇沙的湯 , 味不夠鮮香，但就超多辣油 , 配料有雞蛋 、魚蛋、蝦、豆卜 , 餸料的味道一般 ;麵是滲滲 , 即是兩溝麵 ; 整體來說不算好味 ~最好的還是杯咖啡，味道較濃郁又不過甜 , 不論是凍/熱 , 都好飲 ~本篇完 ~

呢間鋪啲員工發緊夢，自問好EQ可以試下幫襯下！入到去鋪頭排隊點菜，女員工背住我叫我點菜，好啦，咪點囉，講完一次，話記唔到，跟住我點第二次，第三次都錯，第四次終於成功點餐，好感恩終於落岩單，可惜到最後，都係俾錯嘢飲我其實我都係叫左兩杯嘢飲，點解好似咁難咁嘅

8：30 找野食 見到店細細又有位 坐抵啦。選左b 餐 花生醬咖央多士 2隻糖心旦 0茶包真的很脆 包身很薄 2 層分別夾住花生醬同咖央。但是如果想食咖央的味， 選這個配搭會俾花生醬搶左 似食花生醬包。不過 我都鍾意食花生醬，so no problems旦似溫泉旦多d 另可選熟旦的 感覺營養加分 總結： 唔想食太飽 可以選吓 不過食完好想食咸野 唔知係唔係因為花 生醬的關係 哈哈

come here for the Kaya toast! it's nicely toasted bread with a little coconut and egg paste (Kaya). delicious. nicely crispy. the Kaya gives a nice sweetness to the toast. it comes with soft or hard boiled eggs. a nutritious start to the day. good traditional coffee with it. small shop but great location!

之前係新加坡食過亞坤好好味，知道香港開左緊係要回味一下。旺角呢間鋪好少位，加上鋪頭得兩個員工，所以等左好耐先有得食。不過喇沙好足料，有兩隻蝦，魚蛋好彈牙。湯底有驚喜，唔算好辣但係椰子味好重。麵條有好多選擇，可以兩溝，我簡左黃麵加米粉，好感好特別。然後再食咖央多士。我地將流心蛋放係多士上面，牛油配流心蛋真將多士提升到另一個層次。野飲方面，我地叫左奶茶，不過就無咩特別。咖央醬同牛油唔算多，好彩有流心蛋搭配。

|Set A 咖椰牛油吐司套餐| HKD 33難得返晏又要出旺角做野，11點幾都未食早餐路過見到亞坤😳叮左下就轉下口味唔係食港式野～佢個套餐包左兩隻流心蛋、咖啡/奶茶同四件toast，女仔黎講份量係多（我最後打包左兩件）🙈Toast🍞:佢個toast好脆，係即叫即烘，扁身個隻！中間搽左椰jam 同埋原舊牛油，但食落唔會過甜/漏🌟流心蛋🍳：隻蛋睇個樣都知係新鮮好食，做得perfect，食過就明！咖啡☕️：我叫左咖啡加煉奶但走花奶，味道濃郁厚實，can wake you up in morning❤️整體黎講成件事好南洋風味，朝早特然食到呢個早餐好開心🥳 但留意全既地方唔太大～

出開旺角買野，路過見到亞坤，都係第一次入去食，坐位較少&峽窄~兩個人各自叫一碗粉，一杯飲品，再單點多士share，都夠飽。平時唔多食辣嘅我，叫咗牛肉叻沙，都已經覺得幾辣，不過好惹味。又試咗人地嘅新加坡叻沙其中一粒白魚蛋，好好食，好彈好有魚味~試埋咖椰牛油吐司，又真係好得，唔怪得咁多人叫呢樣~雖然睇落唔大份，但食落好香脆，咖椰牛油亦足料至於叫咗兩杯飲品，凍奶茶-C同凍奶茶-O, 其實我地都唔知邊杯打邊杯，總之似奶茶果杯就茶味澀啲，似普通茶果杯就真係似一杯茶，哈~

我好中意食叻沙，叫左海鮮叻沙，加十蚊有一對半熟蛋，加多十蚊有咖啡。叻沙有米粉米線同油麵揀，我揀左米粉。配料有豆卜魚蛋同蝦，味道不錯，蝦肉都好爽口。半熟蛋加黑醬油同胡椒粉食；星馬的咖啡係啡走，用煉奶沖泡，咖啡味好夠👍👍但顏色唔知點解咁深色。下次想食咖央多士🤤🤤🤤