影片
港大嘅師生好幸福呀🤩呢間性價比超高嘅校園飯堂簡直係師生嘅福音。呢度提供東南亞菜，有海南雞飯、喇沙、泰式船河、辣肉炒飯，香茅豬扒飯、炒金邊粉等。✨LadyB是日精選✨🍜蝦肉喇沙套餐🦐喇沙嘅蝦湯底好濃郁，材料非常豐富，好濃海鮮味，LadyB成日飲曬佢啲湯🤭蝦仁大隻又爽口🦐其他配料有魚片、滷蛋、芽菜同埋九層塔，食完好滿足😋買咗套餐嘅話，可以加多10幾蚊食佢嘅小食。其中最令LadyB 念念不忘嘅係佢嘅蝦餅。🍤蝦餅可以話係鎮店之寶。有別於其他地方，呢度嘅蝦餅係波波形，非常厚身。外面炸到脆卜卜，非常彈牙，內里厚肉、勁多汁，保存鮮蝦味，超好食😋 蝦餅係即叫即炸，所以準備需時。想食嘅話，就要預留啲時間啦🤗仲有其他鎮店之寶，例如牛油雞翼。🧈牛油雞翼，外邊有厚厚牛油包住，又係炸到脆卜卜，內裏仍然非常之多汁，認真邪惡😈🤤由於套餐份量足，通常唔能夠享齊人之福（即係一次過食曬炸蝦餅同牛油雞翼）🤭要多啲同道中人食飯先得。呢度嘅特飲都好正，例如呢一杯🍹青檸柑桔蜜。非常足料，濃厚嘅檸檬味🍋同柑桔🍊味，清新可口，好啱食完油膩嘢飲，又降火🤭爽👍🏻仲有，不得不提呢度嘅姐姐👧🏻佢哋叫餐號碼係要用齊兩文三語，好可愛☺️好反映到呢度嘅文化特色。可惜嘅係，呢度淨係開放俾港大師生⋯⋯睇到呢度，希望唔係港大師生嘅讀者們唔好鬧我🫢🙇🏻♀️
繼續閱讀
港鐵香港大學站 C1 出口, 步行約4分鐘
繼續閱讀
電話號碼
21757778
付款方式
以上資料只供參考, 請與餐廳確認詳情