亞玉豆腐花

營業中

休息中

前幾日睇到O.R.既食評得知呢度開左間有人讚既豆腐花…豆類製品之好處唔駛多講啦~經過見到就試下啦~主要做外賣及立食既生意…店內有枱櫈…但都係座到幾個人架咋….我要左碗熱豆腐花, 座o係店入面食~發現枱上唔止有黃糖同糖水~仲有薑汁添~試落一啖原味無添加~….感覺:滑而唔實, 好似可以由喉嚨直滑入腸咁~但係豆味虛弱, 唔濃~抵讚係有薑汁任加~冬天食確暖胃~如果可以做到豆味濃番d就更理想~一碗份量唔多~加上又咁滑~話咁快就食完lu…見到店員好用心咁搓緊糍粑既燸米粉糰…~下次經過買先試下先~

早陣子見過食友嘅介紹,所以nov 08, 09嚟試吓 : 1) 熱黃豆豆花 (hk$5)-難得舖頭仲有咁平嘅豆腐花賣-正如食友所講,好滑,亦食到有淡淡豆味-講起濃豆味嘅豆腐花就令我諗番好細個時..........落街幫亞媽去街市買菜時,如果啱時間,就會去街市內嘅豆腐檔食豆腐花..........真喺好有豆味,但就會"鞋"些少-特意要走黃糖,只要糖水-下次要試吓佢個黑豆豆花先得 2) 迷你砵仔糕-佢設有豆同無豆嘅選擇-我最鍾意食豆-砵仔糕的確軟糯,尤其面頭嘅中心位,也有彈性-不過色澤上不夠啡,可能落嘅片糖不夠,所以甜度稍欠-否則都好唔錯 3) 客家糍粑-見到佢有糯米糍物體,問過喺花生芝麻餡之後,都決定外賣1個試吓-個皮好軟熟,所以應該新鮮-個餡亦算多,也刴/磨得很碎/幼-甜度不重,但可以甜多少少就最好啦~~~ * 佢仲有豆漿,下次我又可以試埋 * 都好抵食吓........佢嘅出品,甜度唔高

第一次經過此店，已十分有親切感，因為小店與家妹同名!而試過後，更覺得值得推介，馬上上來分享了：　豆腐花($5)-話說某日豆腐花心癮起，就來了這裡試其出品。店內有三數個散座，座位旁擺放攤涼中的凍豆腐花，而熱的就是即叫即筆。熱豆腐花上場，質感輕盈，滑溜無比；對面街的阿媽豆腐花都夠滑了，阿玉比她更上一層樓；而豆花有陣適中豆香，加上黃糖及糖水調味，清甜動人。其實場內還有黑豆豆腐花，可惜是日未有貨，定或揀日再試~　香滑砵仔糕($5/2件)-吃到滿意豆腐花，連帶對砵仔糕的興致也來了，反正份量小巧也來一件試試。砵仔糕分有豆及無豆，個人更屬意無豆那款，因更能感受其香滑質感；除了滑，砵仔糕的粘度與彈性也很豐富，味道香甜又熱暖，吃得十分稱心，之後也買過給到訪元朗的食友，分享美味!　除了這間小吃店，最後新發現元朗一間老店的產品也很不錯，下文介紹~