亞萊泰 (淘大商場3期) (已結業)

上次喺黃大仙食完發現原來九龍灣都有，今日就試埋佢嘅海南雞，一間泰國野好唔好食，我都幾睇海南雞飯好唔好食。海南雞睇落個外貌都幾靚仔，仲好有光澤，即上去，雞肉嘅肉質都仲好嫩，食落都唔錯嘅，如果問題就係真係份量就比較細，好似幾啖就冇晒，只有兩三條係比較大條一啲，希望份量可以增加返啦。而佢個雞油飯就唔夠香，可能因為本身上菜嘅時候唔夠熱，令到感覺就麻麻哋，都係上次個香茅豬扒金邊粉好似好食啲，下次再試吓佢其他嘢食啦飲品只係叫咗杯熱檸水，所以都冇乜特別

如果泰式咖喱黎講我自己最鍾意青咖喱又唔太辣又香又好味今次去呢度試咗個青咖喱雞扒飯都唔錯雞扒都算多汁青咖喱都做到好香加埋杯檸茶就啱啱好食完好滿足反而下次想試吓呢度啲粉面睇下好唔好食

星期六下午黎到見到有下午茶好耐之前0係九龍灣番工時都黎過食晏覺得不錯架今次點左~泰式豬頸肉湯河黎到個湯底見到好深色飲左啖湯都幾濃味呀仲要已經無轉特別湯底湯底算幾好豬頸肉份量算多應該有8件以上雖然每件都切到好薄略嫌有少少干但河粉就不錯食落幾滑~馬沙文咖哩豬扒飯呢個咖哩比較有椰香味辣就好少辣豬扒既質感都OK可以一試特別係鍾意椰香咖哩既朋友

我點咗海南雞拼豬手湯河，一夾入口豬手嚡過煲湯瘦肉，完吞不下去，吐番出嚟。海南雞亦一d都唔滑。個湯有d類似肉骨茶嘅藥材味，但有點無謂,因為根本唔好味。加咗錢要香茅雞中翼，但係除咗一浸油益味外，咩味都食唔到。炸雞翼應該係點炸都好味，因為炸野本身就好食，我人生少見咁嘅味道嘅雞翼，連街邊士多亦好食過lee度。野飲方面，我嗌咗龍眼冰，杯龍眼冰實在太淡，成杯龍眼冰只有3粒龍眼，低於市面水準。本人從未食過如此低水準嘅泰菜，此店環境及食物外觀比食物水準好，不推介比大家。

早餐少人講呀咁繼續講下早餐先啦。亞萊泰個早餐就唔算平呀，加返啲外賣盒呀凍飲呀咁樣一個五香肉丁米線呢都講緊37蚊埋單，仲要自己拎嘅。但品質來講呢個淘大一帶嚟講呢我覺得算係幾好食，最緊要呢就係嗰個多士喇配牛油幾香，滑蛋呢就真係滑嘅，而且唔係蛋粉沖嗰隻一pat pat。咁五香肉丁都俾得多，同埋呢佢就有得轉米線，呢個並唔係間間餐廳都可以嘅。咖啡算好飲呀咁凍熱都試過，咁個人鍾意佢嘅凍咖啡多啲。傳統款之外呢佢就會提供一啲泰式啲嘅湯麵早餐咁，呀場面所見都幾多街坊去食，可以一戰呀。

今日tea time經過，試咗個豬頸肉湯金邊粉，湯底好香好入味，唔會太鹹，飲品方面我仲意啲有嘴嚼感嘅嘢，所以叫咗椰汁珍多冰，椰奶香滑加上珍多冰口感豐富👍🏻👍🏻

炭燒原隻魷魚伴泰式辣汁，口感厚肉，肉質Q彈，味道鮮甜、帶有焦香，配以泰式辣汁食用，味道香辣，食落好惹味。泰式鮮蝦金邊粉，鮮蝦口感爽口、彈牙，金邊粉口感乾爽、爽滑，味道酸甜，配料有銀芽、香蔥、雞蛋、豆腐乾、辣椒碎，配以青檸汁食用，味道更加突出。馬拉盞鹹魚炒通菜，通菜口感鮮嫩，加入大量蝦醬、辣椒、鹹魚、蒜粒炒製，味道咸鮮帶辣。迷你小食拼盤，包括有蝦餅、魚餅、泰式春卷、鳳凰丸；蝦餅蝦粒份量多，食落鮮味十足；魚餅魚肉嫩滑，香茅味道濃香；泰式春卷味道正宗，好足料；鳳凰丸採用雞肉、香草製作，配以泰式甜辣醬食用，味道更佳。奇亞籽椰汁涼粉冰，椰汁味道香甜，奇亞籽口感獨特，食落有咬口，涼粉口感爽滑。

淘大商場一向多嘢食😄而呢間亞萊泰 就已經開咗好多年😲.招牌咖喱海中寶🥖法包上塞滿咗滿到瀉嘅黃咖哩同海鮮🍛咖哩味道微辣帶椰子嘅甜味😙海鮮有魷魚🦑魚肉🐟份量都幾大，share 食就啱啱好🤗.泰式辣椒膏炒蜆🌶蜆肉肥美飽滿，鮮甜多汁☺️醬汁亦只係吸入少少辣，連埋三色椒煮就更惹味🤤.香草蟹肉仿鮑魚絲魚肚羹(細)🌿湯羹嘅調味唔重😌蟹肉同冬的菇令湯羹飲落額外鮮甜😋.泰式甜品(4 件)🍰分別係椰汁西米糕同椰汁千層糕🥥2 款甜品嘅椰味都好香濃，煙韌細膩😉.青檸梳打🍋酸甜清爽，解渴必飲😬.椰汁紅豆冰🥤香甜椰汁加上紅豆❣️絕對係不敗組合

火車頭河粉 $58以前既我謝絕一切有香料既食物!!! 點知去完泰國喪食左成個trip之後竟然克服左7成 (不過芫荽真係不了😰) 就好似圖中依碗船河，以前既我一啖都唔會肯食，依家不知幾鍾意食🤤意外發現亞萊泰既火車頭河粉又幾高質喎🤗雖然價錢係泰國食既好多倍🤑湯底好濃郁，又唔會太甜，最緊要係食完唔覺口渴!! 特別欣賞牛丸超彈牙，牛肉味仲好濃!! 其他配料就正常發揮啦，整體黎講算唔錯😋

豬頸肉炒河粉• 豬頸肉香脆爽口，味道香濃，同埋河粉炒得乾爽，條條分明泰式炒金邊粉• 香氣撲鼻，味道唔錯，甜甜酸酸，份外開胃，加上配料豐富，令口感變得好豐富雞絲沙律 • 啲菜好新鮮，食落幾爽口，加上雞絲份量好足，加上醬汁好味，作為前菜一流

估唔到一間外表好似茶餐廳嘅，居然有Thai select認證, 係泰國皇室商務部發出嘅認證，代表佢嘅食材係泰國入口，廚師係泰國人，係有質素認證嘅泰國菜。椰汁雞湯(小)$88一入口就被驚豔到了，係好香醇嘅酸味，起初係椰奶嘅香味，有濃厚嘅口感，好似忌廉湯甘，後勁就會有一股好自然嘅酸味湧出，但係又出乎意料地夾。雖然有少少 芫茜味，但係唔係好濃，接受到。裏面材料都好豐富，有好大片嘅雞肉，食落都幾滑，仲有香茅，南薑同秀珍菇，雖然係細份但係兩個人飲綽綽有餘。瑪莎文咖哩$88因為本身唔係好食得辣，所以叫左個唔辣嘅瑪莎文咖哩，牛腩份量超多，成鍋都係肉，牛腩都煮得幾腍又入味，反而薯仔得幾粒，夠粉。調味都唔錯，冇上次食嗰間甘甜。叫左碗白飯$13餸咖哩，碗飯都幾多，兩個人食差唔多。青木瓜沙律$68唔係好食得辣所以要左少辣，食落微辣接受到嘅程度。花生好長身，比平時食嘅特別香，夾埋一齊食味道提升左一個層次，仲有好多車厘茄，調味好足夠，啲汁多到浸住全碗青木瓜，青木瓜好入味，唔會只係撈到少少汁甘。可以列入甘耐以黎食過青木瓜沙律嘅榜首。

一入到餐廳，接待侍應態度一般，冇特別講坐邊，自己行去位座。可能午市太忙掛！叫左兩個午市套餐都好食嘅，特別係炒豬頸肉寬粉，味道啱啱好！豬頸肉又夠淋，蛋又香，寬粉係好特別，似食堅腸粉皮，不過有少少黐牙！係一個特別又值得試吓嘅菜式。火車頭河粉就唔太特別，不過都好食同份量夠！特飲試左龍眼冰同椰汁紅豆冰，龍眼冰都好飲，話特別就真係冇咩特別。椰汁紅豆冰就甜左少少，如果可以少甜就更好！可以再戰晚市！相信會比午市套餐更好味！

前排去淘大朋友家，發覺淘大商場勁多野食，間間都想試，所以搵晚約埋朋友探佢再食埋飯。朋友推介食亞萊泰，又好，好耐無食泰國菜！二人唔點得多，套餐其實好抵食，不過因為餐內食品唔係最想食嘅，最後決定散嗌。碳燒豬頸肉，燒得勁香口，而且好大碟，兩個人食唔洗就住就住，三四個人食都好happy share! 而且秘製醬汁一點就好似令熱氣感降低！好耐無食咖哩，所以叫左咖喱牛腩，好欣賞店家做到咖喱味唔會太濃，牛腩仍然保留牛腩香，炆得好淋，而伴菜薯仔都好正！食咖哩唔可以唔叫蒜蓉包或者薄餅，朋友喜歡蒜蓉包，蒜蓉包焗到香脆，因為係厚切蒜蓉包條，內里依然保留鬆軟，心心眼！食完heavy 野就叫碟馬拉盞通菜，無得輸因為馬拉盞炒得好香！最後點可以少得芒果糯米飯，芒果香甜，完美作結。

好耐無食過泰國野，今晚食亞萊泰，一如既往性價比高！👍🏻👍🏻落order時叫左3樣野食，估唔到第一個送到既係芒果糯米飯🙈唯有先食甜品啦😂食完服務員仲以為我地食完，想收起我地d碟😂糯米飯仲好熱，椰醬好在唔係好甜既果種，但唔係好夠椰香，芒果都算甜。。第一次食招牌咖喱海中寶，個包好脆，入面既海鮮，例如蝦，都幾爽，重點係個汁，好好味！撈好多碗飯食都得！😂另外仲叫左個炒金邊粉，好正常既味道。總括嚟講，亞萊泰好適合一大班人黎食，因為每碟既份量都唔少，味道都唔錯。要改善既一點係。。。d叉唔係洗得太乾淨🙈

亞萊泰在淘大已經開咗好幾年，每次夜晚經過都有人排隊，今日下午茶時間都唔例外，2點半去到，等咗10分鐘左右至入座。下午茶選擇都幾多，有粉麵、飯類，仲有特價小食，無論想清淡D定豐富D都無問題！食咗泰式頸肉湯河，湯底係偏重香料味嘅泰式船河，之前食過其他泰菜舖嘅船河，普遍都係超濃超重口味，個人認為亞萊泰呢個湯底都算恰到好處，聞落香濃，食落感受到香料味得嚟唔會太over，值得一試！豬頸肉中規中矩，口感唔錯，河粉係偏幼身，食落夠滑夠彈牙，以36蚊呢個價錢算超值，有機會會再encore亞萊泰👍🏼