亞蘇爾 (新城市廣場) (已結業)

星期日放假，可以外出走走食飯。本來等緊pizza express ，路過洗手間🚻⋯⋯見到呢間澳門餐廳好似好吸引喎，又未試過😋！不如試新野啦，雖然價錢偏貴，pici 貴而值我哋落單乳豬及鵝干炒飯，餐湯。9秘9送一餐湯，咁快ge ，個湯暖暖哋都算啦，因為肚餓。湯未飲完，居然，個葡國烤乳豬到，相都未影完，10秒後 ，連個鵝肝炒飯都送上....本來好興奮心情等個乳豬，第一啖乳豬凍嘅，第二配菜薯角又係凍嘅...然後同個職員講，好彩佢話唔好意思換過俾你，心諗會唔會唔好意思，都算係高級食肆，不會整蠱食客ge ...我哋心諗🤔🤔幾分鐘後，再次送上乳豬，頂....🥺😩😫🤬😥都係凍嘅薯角仲要硬骨骨...唉 ！ 到個炒飯，主菜係個鵝肝，好似未煮過一樣，是但放上飯面。食材已經唔係上等，超碼煮熱，我唔係食緊外買..... 成餐飯，最好味正常的原來係——杯可樂雖然市度唔好，比下機會上新野！第一次幫襯就咁....我諗一年後有機會再見到你，一定會幫襯飲杯可樂呀

有個戴眼鏡嘅，態度十分差😡😡😡佢對自己啲同事態度都好差，已經等位等得耐，食飯仲要受佢氣，俾錢我都唔會再來。食物方面係好鹹好鹹超鹹，我哋四個人食完個個返去都飲咗好多水，我唔知佢係唔係落咗好多味精去煮嘢食，食完真係非常之口渴😡😡😡

今日過開沙田，諗住係新城市廣場搵食，最後揀左呢間葡國餐廳 - 亞蘇爾因為早既關係，唔係好多人，所以可以隨便坐，我揀左卡位個邊，貪佢夠舒適同夠光猛豬扒包非常大個，但味道我覺得一般，塊豬扒就係唔同澳門食既味道，薯角反而更出色煙三文魚鮮果沙律賣相不錯，上面鋪左d葡國烤腸，味道同口感都好似港式臘腸，但成個沙律最敗北係過凍，特別係d鮮果，我明白沙律係要凍食既，但如果個鮮果可以解凍耐少少會更好焗豬扒飯我原本是叫意粉的，但佢落錯左焗豬扒飯，既然整左唔想浪費就照要，個飯都焗得乾身，豬扒亦都夠淋，不錯呢度都算坐得舒服，不過食物我覺得似食緊茶記同快餐店質素咁，咁既價錢我覺得真係有待改進

非常失望的味道，若蘑菇忌廉湯既鹹且辣（胡椒辣），完全沒有蘑菇味，乳豬件涷的，像放了很久的樣子，烤菜是常温，只有薯角是熱的。雖然我是選用優惠價加購的乳豬（比正低40元），但158元得五件的乳豬在此餐廳食時，口感變成了放工去燒味店買的特價涷燒肉，也說不過去吧。而且上枱的實物，貌似給我感覺像炸乳豬。整餐飯，只有鴨肝焗飯味道及溫度可以，可是那賣相與餐牌真的相距甚遠，份量也少得可憐。熱奶茶也不錯。接待處及侍應服務也可以。

同朋友聚會，諗住搵間餐廳坐下食下嘢，最緊要環境舒服，可以傾下計嘛！咁岩見到呢間餐廳價錢親民，賣相非常吸引🤪，所以就決定係度落腳喇叫左一個煙三文魚沙律🥗 沙律菜款式好多，而且塊塊都好靚好freash！沙律既汁亦配搭得宜！仲有一份意粉🍝味道唔錯！ 又夠哂大份！😛但意粉 稍為乾身，如果有更多醬汁會更好。

乳豬有優惠。但原來要叫咗二人餐再叫先有。員工解釋好似以為你攞著數食唔起咁。其實後來發覺唔一定要兩人餐再加先有。收嘢果陣重要要求佢拎晒啲紙巾上碟。其實得三張。幫手唔係問題但態度又差。 其實我成餐飯都唔知得罪咗佢乜嘢

好少寫食評，但係今次真係忍唔住要寫，好耐未食過咁差嘅餐廳。喺新城市兩個人行完街搵嘢食，行過呢間見到有葡式燒乳豬，張相望落似幾靚，加上見OpenRice 評分幾好所以就入左去，叫咗個二人餐。頭盤叫做特色拼盤，寫明有葡式辣肉腸凱撒沙律，實際只有幾粒菜碎，辣肉腸唔知去左邊；馬介休球無馬介休。跟住到主菜- 非洲雞唔似非洲雞，似炸完再番炸凍咗嘅炸雞...意粉好油膩... 最失望係燒乳豬，凍冰冰不特止，啲肉鞋烚烚一啲都唔似乳豬。茶餐廳格局但埋單$550...唔明點解會咁高評分，結論係總之食茶餐廳😑

we really appreciated the Portuguese egg tart. The pastry was flaky and crispy, and the filling was creamy and rich. The rest of our order were good but I didn't think it was that authentic. The Portuguese chicken with rice did not have coconut cream added to it. It was still good but again, not authentic. On the bright note, it's less filling! The roasted suckling pig wasn't either and we really liked the sauce paired with it. It was a little tangy and spicy which helped cut down the fat.

我們已經很久沒有吃過葡國菜了，所以今晚過來試試。椰香葡國雞伴脆豬包～佈滿白雪雪的椰絲，賣相已經很吸引。葡汁充滿香濃的椰漿味道，雞肉很嫩滑，另外還有葡國腸、薯仔和雞蛋，材料豐富，既有特色，又美味可口。這個葡國雞除了配脆豬包，還可選配白飯。鴨肝芝士牛肝菌焗鴨飯～香濃的牛肝菌再配葡國腸、鴨肉和橄欖，味道相當吸引。飯炒得很乾身，飯粒軟硬度適中。十月初五蝦子松露意大利麵～沾滿忌廉汁的意大利麵口感幼滑，蝦子和意大利麵的配搭很新鮮。

我明白依家疫症時期已經冇一半枱，話說我打去book位時間係2020/月 4 /06日，3點27分，點知佢答我已經停咗電話訂枱要walk-in等位，我話你地openrice仲有得訂枱，佢答得好串，咁如果你openrice訂到咁你咪去OpenRice 訂！我問咁如果夜晚一般係咪都多人等位，佢話我答你唔到喎冇咗一半枱！完。不如你直接同我講你唔好黎啦，我地餐廳唔歡迎你。我明食肆依家環境可能都好難做好多都已經結業⋯⋯但係你哋請啲staff係幫你趕客真係一肚氣！我以後都唔會去你間餐廳

其實而家疫情下，平日夜晚都好少出街食，多數自己煮，但係閨蜜生日，唔慶祝下，佢實嬲死我😆。我都睇咗好多資料，最後揀咗呢間澳門過江龍「亞蘇爾」。這裏裝修得明亮舒適，因為訂枱時要求要卡位， 所以坐得十分寬躺舒適，我哋兩個女仔，都幾擦得，叫咗3個菜式：🌟 亞蘇爾招牌小食拼盤（二人份），$162我幾鐘意食拚盤，一次過可以食到多款不同小食，包括魷魚鬚、豬耳、烤意式瓜、葡國烤腸、炸薯仔球、芝士脆包。每樣小食都很可口，豬耳是辣味的，拼盤比想像中大，但好快暴風式比我哋食晒😆。🐟烤焗盲鰽魚伴檸檬芫茜牛油煮海蜆, $178鱸魚先烤再加海蜆、煙肉、芫茜及牛油做湯底煮，皮焦脆肉嫩滑，一點腥也沒有，非常鮮美。蜆好多，新鮮肥美，因加了檸檬，湯底配合得非常鮮甜清爽，呢個真係超正🌟😋👍！🍖 脆香乳豬野菌牛油焗飯$188食葡國菜，燒乳豬真的少不了，唔...唔脆嘅😒，有點失望，牛油焗飯有啲油膩，我們只食了幾口🤪。上菜很快，份量亦算大份。啲服務呢......就一般啦，個男侍應好似唔係好想睬你咁，笑容欠奉，可能人氣高企嘅餐廳都係咁😆。兩個人，好似失散咗好耐咁，好多嘢講，仲笑到卡卡聲，好快就消磨咗兩小時！離開時，大家心情都很愉快

2月14日同老公搵餐廳慶祝，在Open Rice見到呢間新開的蔔國菜餐廳，於是決定試吓呢間亞蘇爾餐廳。我們二人叫了個$500的二人套餐，第一道雜錦拼盤，一看真的把我一嚇，食物少到不得了，又細舊又無味，都唔知自己食緊乜！跟住上了二道湯，湯是微暖，一D都唔熱。叫侍應話佢知湯凍的，他們竟然說沒可能，並說厨房是剛剛煮好的。我們都唔知點應對佢，但事實就係事實。他在無奈下給我們換了，換了的湯也是微暖，算數啦！我倆將就飲了。到主菜，叫了非洲雞同黑松露意粉，非洲雞沒什麼味道，很難吃，意粉也算合格。與我們在澳門吃的蔔菜差天共地。這間餐廳光顧一次已足夠，不會再光顧。

在疫情威脅下已很久沒有出外吃晚飯，今天終於忍不住了。我們二人想吃久違了的澳葡菜，所以便來到位於沙田的亞蘇爾。這裏的座位較為寬敞舒適，枱與枱之間並不會太迫，再加上店內的背景音樂，頓時令人感覺輕鬆。～椰香葡國雞伴白飯滿佈椰茸的熱騰騰葡國雞煲和白飯賣相不俗。個人卻認為一定不能錯過這個菜的美味汁醬，滑滑兼有椰香的葡汁味道恰到好處，和白飯吃是絕配。浸在香濃汁內的葡國雞啖啖肉，已去骨，肉嫰不嚡口。配料的葡萄牙香腸、薯仔、紫洋蔥、黑橄欖亦吸收了汁的精華，也不能夠放過。不喜歡吃白飯的話亦可選擇脆豬包，各適其適，任君選擇，頗為貼心。～煙燻蘋果木脆皮鹹豬手伴薯菜菜上枱的時候，服務員便用火槍打煙入去燻蓋著已切開的鹹豬手。過了一會兒將蓋拿起，色彩繽紛的煙燻鹹豬手頓時令人食慾大增。鹹豬手非常惹味，皮與肉是預先分開的，並切成合適的大小方便入口，啖啖肉，皮又脆卜卜。連皮的薯角沾茄醬或介末醬來吃更美味。伴碟的黃瓜和翠肉瓜烤得恰到好處，為這菜增添了清新爽口的口感。鹹豬手大大隻，份量不少，多人分享會較理想。我倆對是晚的食物感到非常滿意，吃畢又再次帶起口罩，滿足地踏上歸途。

葡國菜在香港不算普遍，今日3人行，來到這間很有格調的葡國菜。我們點了廚師精選2人套餐，加2個小食，沒想到這樣的份量是要4人才能完成。以下是我推介的：香蒜辣肉腸葡汁芝士焗青口 - 是惠顧滿$500可以半價加點，很抵吃，飽滿的青口，半溶芝士混了葡汁和辣肉腸，面層滿滿的芝士粉，吃下去是口感和味道都很豐富。小食併盤(有芝士蒜蓉包、芝士馬介休球、手打墨魚餅) - 馬介休同墨魚餅都好脆口，特別喜愛馬介休的咸香。葡式香烤乳豬件配松露意大利麵 - 這是我的最愛，乳豬件非常脆皮，但肉質不乾又入味。意大利麵份量很多，醬汁都很均勻地沾滿意大利麵。讚!椰香葡國雞配飯 - 濃郁椰香，盡顯葡式風味，雞件也很大件呢。套餐有甜品，為配合主題，我們點了葡撻作結，大滿足!

藉著假期，到沙田新城市廣場走走，午飯時間，見有葡國菜，特來一試。店舖裝修有葡國特色，感覺舒服。餐牌選擇多，午市套餐有葡國出名的豬扒包、湯麪丶意大利粉及飯，價錢由$65起，包餐湯及飲品。我們選了一個澳門經典豬扒包配薯條（$65-）及咖喱B牛坑腩伴白飯或脆豬包（$88-）。今日餐湯係忌廉蘑菇湯，顏色都正常，但飲落味道普通。湯的濃稠度ok，但蘑菇味道似炒得有D過火，好似有少少燶味，但不嚴重。豬扒包先上，包的外皮很脆口，內裏軟熟。而豬排夠厚身及大件，肉質十分幼嫩兼juicy，又滑又好味。旁邊薯條新鮮炸好，夠厚身，又熱又脆很好味。👍🏻👍🏻👍🏻咖喱B牛坑腩的咖喱是傳統馬來咖喱，香濃並帶有少少辣，牛腩份量足，有超過6嚿，炆得夠腍。薯仔亦好入味，配飯或包都一流。而咖喱汁的濃度啱啱好，不會太稀。😋😋😋如果有胃口，加$8-有葡撻或加$12-有木糠蛋糕作甜品，因已有少少飽，還是留作下次幫襯的理由。