享丼丼 (已結業)

湯烏冬配煎餃子配加州卷配凍綠茶 $42荃灣友一定心照的六度空間😌😌小小套餐卻包含不少小食 且份量挺夠的😙湯底不咸不重味精 👍烏冬質感有驚喜 比坊間日式餐廳幼身 但仲好彈牙滑溜🙈🙈 ..炸餃子應該係半煎炸 加上新鮮炸起 外皮香脆 入面係有肉汁同菜甜嘅內涵 不太油膩👍平時覺得加州卷好普通 不過呢個有令我驚喜😍😍 飯不乾帶微醋酸 青瓜蝦柳 玉子都出到味😌 重點係面頭嘅沙律醬帶甜的 好清新😍😍呢間Cp值不錯 想試埋其他丼飯!😋

今日行過呢間日本食店，見到都幾多人食，d位都ok full，而且價錢幾抵，加上朋友同我都鍾意食日本野，於是就入左去呢間野度。 先講服務方面，只能說係冇咩服務，但最離譜係叫左杯野飲，食完前菜，跟住個飯食到差吾多一半都未黎（ps 已經催左三四次既情況下，而且第三次時聽到a呀姐同b呀姐講話冇落單） 之後到環境方面，完全沒有日本餐廳既感覺，感覺去了大排檔一樣，呀姐趕住同你落單，一坐低吾夠幾秒就拎住張紙同筆係你旁邊比壓力你，本menu仲痴住左d食物⋯ 最後到食物方面，情況就更不堪，一開始食個前菜（蕃茄沙拉）覺得好好食，當時覺得又平又抵又好食。點知我叫既海膽+雜錦魚生飯黎左，我食左一啖海膽就出事！點解d海膽苦既？好難食呀！好似係叔左既味道，難食到我即刻吐番出黎。從未食過咁難食既海膽，再者就係d飯點解d飯痴住一舊舊，硬挖挖既！好明顯連d飯都吾新鮮，呢間野真係得杯低糖綠茶係正常味道。最後，埋單要100一個人，日本野呢個價錢絕對可以接受，但質素咁差既食物就完全吾值！絕對冇下次！

諗住尼間野平時都唔少人幫襯應該有返咁上下質素，點知一食就中伏了39蚊有味噌湯有角切鰻魚飯有玄米茶的確係幾抵不過抵嘅代價就係。。。鰻魚得好少肉皮都佔左大半除左皮基本上冇幾多肉剩飯好難食玉子又太甜青瓜蟹柳還可以可惜啲醬一pat pat唔均勻味噌湯太淡冇咩味應該係加得太多水玄米茶尚可接受我知一分錢 一分貨但冇諗過會差到尼個地步算啦下次唔貪平唔幫襯啦

呢幾日成日落雨，近近地唔想行咁遠，就諗住食下呢間開左好耐既野。住係荃灣咁耐，記得佢一開張既時候d野食都尚算可以，價錢亦不算太貴，就諗住試多一次。入到去見到個餐牌，我同呀媽2個人就就嗌左個雜錦刺身飯同魚切鰻魚飯。點知一上到黎，簡直係到睇我o左咀。首先，個雜錦刺身飯居然得三文魚、雞蛋同青瓜，雞蛋同青瓜既份量佔左個碗既一大半，個賣相完全令我失去食慾。食左第一啖我就已經唔想食，個味道比爭鮮既三文魚飯更差。至於個鰻魚飯更差！簡單可以用災難黎形容！我咁大個仔都未食過咁難食既鰻魚飯！d鰻魚份量唔太多我都唔介意，而佢為左掩飾呢樣野而切到d鰻魚爛曬！個名就叫角切，但係我就真係一個角都睇唔到！而個鰻魚飯又係有成堆既雞蛋同青瓜，都唔知係雞蛋青瓜飯定鰻魚飯。而且d鰻魚肉仲係梅既！仲難食過隔夜用微波爐叮番熱既魚！2樣野入面最好食既就係白飯！感覺比左90幾蚊就係食左2碗用醋撈過既飯，減肥既朋友可以一試呢間野，食番一頭半個月絕對減磅！唔會再幫襯！個侍應服務態度亦都未如理想，個口氣好似想我快d食完走咁。我問佢凍檸茶有冇得走甜，佢同我講：下，凍檸茶冇得走甜嫁wor! 點知佢轉個頭問廚房又話可以。食完飯，同埋單果個疑似老

估唔到荃灣一個唔起眼嘅商場......裏面竟然有一間細細地嘅小料理店....如果你經過.....會比佢哋五顏六色嘅餐牌所吸引.....停低落嚟睇吓.....又好似真係去咗日本食刺身.....尋晚比佢哋吸引左.....就入去試吓佢哋嘅手勢啦淨係見到餐牌都花多眼亂......五顏六色又的確幾吸引呢個番茄前菜好食到不得了.....冰凍嘅蕃茄....軟林林嘅口感.....加埋少少紫菜嘅胡麻汁.....食落口種感覺好似即溶咁.....俾我食兩碟都唔夠....堅講.....必試之選都食刺身飯都尚算OK啲蝦都算大大隻.....總括來講都幾新鮮.....每人＄100唔使都OK仲要最咪送多兩張＄20現金券....等你下次去有得即食即減.....

在荃灣瘋狂購物後，去家人推薦的日式小店吃日本料理。小小一間店，只有六至八張枱。套餐價錢約五十到一百，有湯、前菜、正餐及飲品，以日式料理來說算十分抵食。　日式味噌湯，略咸。麻醬蕃茄沙律，好味，也比較少見。　海膽什錦魚生碎飯，八十多元一個套餐，還有海膽，在香港應該蠻難找。　海膽好味，不會有怪味。三文魚鮮甜，配搭蟹子、青瓜、和玉子一流。小柱就一般，略嫌過硬身，似雪藏了蠻久，與以往我在元氣吃的口感完全不一樣。　整體質素可以接受，臨走還有優惠卷可供下次使用，有機會可以再試多次。

在城門谷做完出水芙蓉，一出門口，不用吃養陰丸都知道太陽出來了，明明今日不是二十六夜，仍然感受到太陽伯伯熱力在四射，心中帶點不憤：大家都識射，但都不用射到我成面都是…汗架，一陣我將汗全部抺在老婆件衫度，老婆又話我架啦。幸運的是大窩口鄰近荃灣，只須經過一條天橋就能快速到達荃灣，而荃灣連住幾個商場，包括豪輝商業中心，荃昌中心，華都中心…左手邊所經之處，大都是小本經營的餐廳，一字排開，任君選擇，而右手邊是商店，似乎成為荃灣一道獨特的風景。古乳有暈：大肚能容，容天下難容之事，而我的肚子正空，空出肚腩三寸空間，像個氫氣球，快將飛上天空，不知所蹤，而為免老婆又話我唔知死去邊，都係找些東西填飽肚子，加強地心吸力為好。正所謂：又是下午三點三，是時候歎個茶餐。一連經過多個餐廳，看見個個食客吃得正是滋味，食慾越來越旺盛(是食慾，不是性慾，雖然看咸碟培養性慾也是一樣的過程)…最後被一間日式的東西吸引著我的眼球，不是日式AV，而是日式壽司，不自覺停下了腳步，價錢平民，圖片精美，心想不妨一試。但是，由於今晚老婆原來需要煮飯，所以與老婆在門外鬥一番，到底吃還不吃，吃，今晚的菜吃不完，不吃，又有點肚餓，內心的交戰，猶

平日中午時間呢度好多人，反而今次星期日中午黎到就唔使等位，無乜人。呢度午餐有很多選擇，有刺身飯、烏冬、丼飯等等，我最鍾意就係佢啲套餐多數都係有一個主食再加個卷物、壽司或者小食，感覺冇咁單調👍🏼今次就叫咗個牛肉丼飯，套餐除咗有個飯之外仲有三粒章魚小丸子、麵豉湯、同埋凍綠茶。套餐嘅章魚小丸子都唔預佢會好好食架喇，不過黎到都好夠熱，外皮脆卜卜，入面都真係有粒章魚，味道有少少辣，所以都絕對收貨👌🏼。至於個牛肉丼飯， 十分大碗，同吉野家唔同嘅就係呢度多咗啲黑椒，不過黑椒比較大粒，口感有啲影響，有時食落好似有啲蛋殼係入邊嘅口感。另外都要讚下呢度嘅夥計（定係老闆?），唔好睇佢哋係幾個男人，其實佢哋好有禮貌，所以食都食得開心啲👍🏼

叫左3個餐一個餐全部野分開黎都算，先黎個白飯，再黎個小食，主菜，湯個餸仲係最尾先黎 追第一次無反應！小食梗要追兩次！金色馬尾女人員工態度差！就咁擺低野食 唔講邊個打邊個！佢自己都勁混亂！個老細仲見岩岩食完就即刻趕人走！仲話歡迎下次光臨，唔會囉！

今次嚟到享丼丼搵食！睇住佢由一間舗仔擴充到兩間～可能都食過不下10次～因為佢真係又飽肚又抵！佢有成2x個set～應該點都有嘢啱食（10）三文魚壽司+野菜稻庭烏冬（$49）三文魚質素普通～脂肪不夠多飯有點酸～但未至於入不到口超喜歡呢度嘅烏冬～彈牙得來又夠滑！冬菇都切咗花～可看出心思！（4）加洲卷+鰹魚湯蘿蔔+稻庭烏冬（$39）蘿蔔比較淡～但份量不少加洲卷內係蟹柳，玉子同青瓜～冇啲奇怪日本醃菜～都幾好味。呢個餐嘅烏冬只有一棵菜～不過有加洲卷同蘿蔔～所以係夠飽的！抵食夾大件～糧尾好幫手嘅小店！

一去到好口渴，諗住問佢攞杯水。有個侍應話個餐包埋，結果要等到點左餐，好耐之後先有杯野飲。廚房部做野好慢，我嗌左個煎雞扒烏冬，個烏冬好早就黎左，我差唔多食完個烏冬，見份雞扒仲未黎，就追個侍應。佢竟然當我冇到?!仲要唔只一個，有好幾個都係咁。。。最後份雞扒當然黎左啦～講真佢啲野食真心唔差，有水準，但希望佢地可以改善下啲服務態度，盼望下次再去食

荃灣，一個好多美食既地方。主打既都唔係昂貴既餐廳，而係一些小本經營既餐廳。往往就係呢一類既餐廳，成日都比到人驚喜，所以我地成日係荃灣尋美食。日前又去左果頭"搵食"， 行下行下就去左華都商場，就係荃豐商場一直行過去，連住幾個商場都好多野食既其中一個商場。相信荃灣友都唔會陌生。行過見到一個好醒神既餐廳名吸引住 （佢連住有兩間鋪，好易搵），{享丼丼} 個名真係夠哂霸氣。 係門口睇menu見到價錢唔算貴，野食又好似幾岩我地胃口，就試下。就係呢個招牌！坐低睇餐牌，侍應同我地講話做緊promotion只要like佢地facebook page就可以用半價優惠叫一板海膽。原價98蚊既海膽49蚊就有一板。係$49 蚊啊！即刻叫左我地心諗咁平會唔會好難食，始終海膽唔新鮮會又苦又腥架嘛 （您懂的）！當我地食左第一啖，腦海前一刻既想法立即消失左。海膽明顯不是最佳既貨色，但係入口有海膽既甜味，而且一點腥味都沒有。以49蚊可以食到呢個質素既海膽，仲有咁大板，極抵！海膽旁邊有三塊青瓜，但我地建議就唔好咁伴海膽食。因為本身海膽味道唔算勁濃，加上青瓜會沖淡左。唯一可以改善既，如果將青瓜換左係紫菜就

荃灣美食多, 特別吸引我的就是它, 有蝦..貝..魚腩都只需$1xx, (路過門口真係有點怕怕 , 最怕刺身好腥有雪味, 竟然有意外,新鮮活赤貝, 仲有好肥既三文魚腩, 唔錯唔錯。) 午餐推介雞扒飯, 塊雞扒夠厚身又美味, 唔沾汁都好正, 皮脆值得一讃....烏冬都唔錯, 但都係飯比較吸引我, 我最愛既就緊係銀雪魚啦!!甜甜的, 好香麵豉味 。本人極力推介二人餐銀雪魚, 有8件加州卷..雪魚..沙律..仲有兩杯飲品, $2XX超抵食!!雖然飲品甜左少少..MENU有點凌亂..但整體唔錯

這裡的餐牌，你想得出的平民日本定食幾乎都有，差不多有 A 至 Z 咁多款，最平可以去到只是 29 元。最初以為 29 元牛肉飯只是綽頭引人入內，但望落人地叫既都真系幾大碗同多牛肉，完全可以媲美某牛肉飯專門店。放眼望去，都幾多人叫咖哩丼同刺身丼類，自由配搭小食和沙律，但唔搭就可以省十零二十，見大男人食都夠飽。譬如今次呢個標價 59 雜錦刺身丼很有驚喜，坊間既平價刺身飯多用魚生粒，呢度系完整一片片密鋪平面仲有成八款。只系實在太多人叫，未到七點壽司飯已經整唔切，落單前講到明要等幾個字先有得食。所以放工路經荃灣，如果要一個人食飯，呢度會系一個常來的選擇，例如我張檯就四個位都系獨食搭檯既，倆口子來吃飯都絕不失禮，平日一至四就仲抵，所以兩個舖位都座無虛席。另外，埋單時會送 5 元優惠劵，兩星期內有效，印象中系連食 29 元牛肉飯都用得，真系會有成日幫襯的衝動呢

今日(1-8-2015 Sat)同男友落荃灣食o野,突然想食日本o野,去丼丼屋定呢間?去擴充o左o既呢間啦.我o地o黎都唔算好好人,但啲人坎o左都冇人執o野,甚至我o地坐低後,都冇人為意,叫人執o野都問我o地係咪o岩o岩坐低.執好o野我o地就叫o野食,叫o左$52.00o既V餐,日式炸豬扒稻庭烏冬,男友要$59.00o既A餐,雜錦刺身飯同味噌湯,要多個$24.00o既蟹籽蟹柳沙律.唔加錢飲o野lu.好快,男友o既雜錦刺身飯同味噌湯到o黎,我影o緊相時,個女仔又拎多set雜錦刺身飯同味噌湯o黎,我即刻話呢一個係日式炸豬扒稻庭烏冬V餐喎.佢 就check吓.男友o既雜錦刺身飯砌得好靚,刺身有10種,我食其中4種,分別係BB帶子,赤貝(半件),甜蝦同三文魚,全部唔差;而佢o既飯除o左落o左醋之餘,亦一樣加o左加飯素,所以覺得更好食.然後蟹籽蟹柳沙律到o黎,九成係青瓜絲,蟹柳唔多,沙律醬落得o岩o岩好,唔多唔少,幾好.好耐,我o既日式炸豬扒稻庭烏冬終於到o黎,個男仔話好熱,小心.炸豬扒炸得幾靚,食落,好熱好脆,口感唔太o鞋亦唔太乾,蘸沙律醬食,正. 而稻庭烏冬呢,湯底係醬油湯,清清地唔太鹹,