影片
電話號碼
28911530
營業時間
今日營業
全日休息
星期一至二
17:00 - 01:00
星期三
全日休息
星期四至日
17:00 - 01:00
每月第三個星期四
全日休息
以上資料只供參考, 請與餐廳確認詳情
今晚去到銅鑼灣呢間京都過江龍「📍京おでん-まさ」食Masa桑嘅關東煮🍢推開木門吧枱位已經坐滿曬 想食就一定要提前book好位啦~🙌吧枱前Masa師傅正用長筷輕撥鍋中嘅食材昆布香混鰹魚鮮撲鼻而來——關西式湯底清澈如琥珀 飲落清甜唔油膩 暖胃唔滯肚✨【高湯玉子燒🍳】玉子燒就食得多 高湯灌魂嘅未見過啩？Masa桑捧出金黃蛋卷 蛋層薄到透光 吸盡關西風鰹魚湯底嘅清鮮唔係甜膩派 而係海味嘅鮮甜💦季節限定【海膽白子素麵🍜】髮絲般幼細嘅素麵浸喼喼喺冰鎮柴魚湯 頂層鋪滿海膽+雪白鱈魚白子白子一滴腥味都冇！海膽甜如奶油 夾埋青椒絲一齊食 清爽感好似跳入左鴨川💧【腐皮福袋🧆】脹卜卜腐皮剪開 年糕癡纏拉絲 腐皮吸盡關西風湯底嘅清甜 年糕帶微甜黏牙感😆【蘿蔔🥕】關東煮嘅靈魂！！咬落冇筋冇渣湯汁滲透纖維 食完喉嚨暖笠笠🥢【雞肉丸🍡】唔係街邊澱粉丸💡手打雞肉混軟骨粒 彈牙唔死實 肉香濃到似食緊雞髀肉🍗【親子丼🍱】滑蛋雞肉冚落高湯炊飯 蛋液裹住嫩雞 飯粒吸透鰹魚湯精華！呢碗先係'黯然銷魂飯'啊😂
繼續閱讀
呢間以前就知係間好難預約嘅關東煮店，而家已經好好約咗。喺我個 to eat list 上面咗好耐，終於有機會嚟試吓。黃雨天，放咗工，一碗熱辣辣嘅關東煮加一杯啤酒，仲有咩比呢個更開心呢🤭強烈推薦八爪魚同燉牛筋！一開始就上咗呢兩道菜，即刻將我哋嘅期待值拉滿。兩樣都燉得好入味，而且夠淋軟。燒賣就相對冇咁出色啦
繼續閱讀
小店關東煮選擇好多，唔想諗嘅可以揀set，由師傅幫你配搭✌🏻價錢唔算話好抵，Menu上嘅價錢普遍係一件起，但入到去好似真係去咗日本咁，師傅都係講日文xdd關東煮湯底🍢清淡但鮮甜舒服，小編最鍾意玉子燒同埋關東煮蠔，配上關東煮汁嘅玉子燒口感係更加滑捋捋同濕潤🥚，蠔就粒粒都超級肥美🦪蘿蔔，小編都食得好開心，甜得嚟冇渣~酒類都有好多款可以揀店舖位置唔多，建議先book枱，推薦喜歡靜靜地傾吓偈嘅朋友仔！
繼續閱讀
簡單俾個結論係開頭野食質素還好 食物都係普通料 比一般關東煮精緻啲 但味道都係差唔多 非常overpriced但最嬲嘅係個侍應超趕客 明明成晚唔full house 我地食完飯9點零（食左2個鐘唔夠）佢竟然同我地講話我地夠鐘 要我地走 明明冇人等緊 然後佢地仲要係收1點？？！佢仲要催左我地幾次走 我心諗我地俾呢個錢都包service同食得舒服掛？ 仲要book枱時都冇講有限時 如果餐廳負責人見到建議你好好教下啲員工 如果食得舒服就算價錢高啲都可能會回頭 但你個侍應完全趕客 唔會有下次
繼續閱讀
全場得20個座位，環境光猛寬敞，吧枱有12個座位 + 有兩張四人枱。我哋四個人食團年飯，所以坐四人枱，枱面都足夠放食物，唔錯。當然如果想近距離對住日本師傅，就要坐吧枱。入正題講返食物，一般你諗得到嘅關東煮食物都有，湯頭超級鮮甜！我哋會連碟上面嘅湯都倒返落碗嗰度飲咗佢😋 另外佢每晚通常都會有五六種喺黑板上面嘅特別食材。我哋就試咗煮蠔、炸鮑魚。炸鮑魚尤其好味！又唔係天婦羅嗰種，唔識形容。總之好好味！人均消費係貴啲不過食物有水準。佢之前喺舊舖已經幫襯過一次但係當時好逼夾。但係因為食物好味，所以佢搬咗嚟呢個位再次幫襯。服務方便本身佢係有一個日本嬸嬸 + 一位姐姐；兩位嘅服務態度都好好。但係今次 too bad 日本嬸嬸放假返咗日本，換咗一個男士嘅替工掛。服務就認真麻麻 🤨 不過食物好味所以我哋都冇理佢嘅服務了。
繼續閱讀