京都

營業中

休息中

在石門工作了近5年了，當中的確有不少餐廳我去都未去過，以及從來沒有癮會入去。其中一間，就是在京瑞廣場1期2樓的《京都》了。因為，成間餐廳給我的感覺，就是一間香港式既餐廳，做日本菜做招徠而已。就在決定離開這工作地的兩個月裡，我決定盡量試下這些陪著石門成長的老店。當日，我叫了一個汁燒牛肉蛋定食。一個麵豉湯，一份中華沙律，一個丼飯，稱得上是一個很正宗的配搭。之不過，那麵豉湯可以說是淡而無味，所謂的中華沙律，也欠缺了一種鮮味道。幸好，汁燒牛肉蛋飯算是可以了，牛肉同蛋都香口，汁夠甜美，用來伴飯吃可以令人感滿意。牛肉味道算是好，入口夠滑而且有足夠的肉香，我可以給一個合格的了。貪吃地，我加了一份劍魚腩壽司。貪吃會出事這句話大概是真的，因為，這一份壽司，的確唔好食。餐飲，我要了一杯咖啡。完完全全是一杯茶餐廳咖啡。食到呢度，我可以說，這是茶餐廳質素的日式餐廳。是真真正正的香港式日菜。

想平民價食餐日本野，如果無咩特別要求，而想頂下日本口癮可以試試。賣相很不錯的，不過感覺少少油膩，價錢可以。食左九州叉燒拉麵，賣相很好，麵底也不會太硬太林，口感剛好的，只是都比較重味精，要配合飲品解渴。

晚上，小孩話要食壽司，上咗京瑞廣場3樓見到京都，入座率都有八成。相信不會太伏，誰不知⋯⋯又中招！入咗後眼見隔離枱做咗個牛肉火鍋，味道極之香噴噴，撞啱今日氣溫驟降凍凍地，＄88 包個前菜同埋細份烏冬，即管一試。牛肉烏冬基本上是勁多肥少肉，排列係靚，但係冇肉食呢？！我實在忍唔住剪走啲肥膏，發現真係不值，都唔緊要⋯⋯通常火鍋底都有好多配菜，包括蟹柳、獅子狗、雞蛋、芋絲、金菇、大量㕵菜和小棠菜，食到最底就更失望，上枱不見天的菜到時黑黑的，怪味的！相信除咗肥牛立即在冰櫃取出舖上之外，整個鍋到時一早擺好晒，雖然已經取走大部份肥，湯底愈煲愈多油。回頭率：零！

平價魚生飯之選Lunch set包埋野飲，6x-7x蚊都叫抵食嘅啲魚生粒粒都大粒嘅，種類就得三樣，三文魚最好食😍仲有山葵八爪魚同蟹子😋，壽司飯都唔錯，唔會太濕。

呢間餐廳好多打工仔中午放飯過黎食，相信係石門人既飯堂，之但係d食物味道就普普通通了，一個lunch $5x-6x也不算太貴，呢個質素黎講，性價比低。總結：除非係附近既打工仔，我唔係，所以應該唔會再encore了… 😅1) 角切魚生飯定食 $65份量大，食一半已經飽飽地，不過刺身感覺唔太新鮮，少少腥，吞拿魚有筋，呢個雜錦個刺身飯麻麻地。少有地，我食唔晒。2) 炸雞扒烏冬 $59湯底偏淡，烏冬同雞肉就正常，整體普普通通，都係麻麻地咁....

Lunch set方面 價錢由$50～$80刺身丼烏冬便當應有盡有而我今日就叫左個角切雜錦魚生飯圖中可見魚生份量適中不過就真係好大舊都足料味道方面食落去都係新鮮嘅❤️飯量好足夠❤️最欣賞係芥辣八爪魚🤣🤣因係自己最愛套餐仲包左一杯熱飲麵豉湯同埋前菜熱飲我就叫左蘋果茶 少少甜岩哂我依啲唔太飲得甜野嘅人中華沙律 正常味道冇咩特別麵豉湯味道好好唔會太鹹但係都夠濃味🤭成個lunch set令人好滿足會再去幫襯😀

京瑞廣場好多小店值得支持💛今次就揀咗京都呢間平民日本餐廳，假日要等一陣位的🙈今次叫set lunch 大概$50就有烏冬set再貴少少$70-80 就已經有壽司set配烏冬食 都唔算特別貴😬 雖然唔算好好味，但呢個質素絕對對得住價錢同服務😬

太耐無行石門啦諗唔到食咩 就揀左石門京都食壽司、刺身因為份量大 選擇多今次order角切魚生飯定食 $69連中華沙律、日式麵豉湯、熱飲魚生飯份量超多 可以舖滿飯面 如果唔食wasabi 可以叫走wasabi章魚有三文魚、油甘魚、吞拿魚腩、黃瓜、青瓜、蟹子、芥末章魚...今次魚生粒粒都好厚切 魚生又無乜醒味 一啖一舊魚生 真係幾OK中華沙律普普通通 我用黎撈飯食 不過麵豉湯就好水 試左一啖就放棄熱飲叫左杯蘋果茶 有果肉粒、但無味🙈當清水飲

石門都有性價比高既日式小店。 見到店名, 更係想入去食啦。佢既餐都ok實惠, 而且唔算細份。今日食晏，叫左豬軟骨手打烏冬, 仲配2件加州卷, 海苔仲有餐飲。食落真係幾好味, 烏冬幾彈牙, 豬軟骨都好入味同稔。另外點左咖哩吉列豬排飯, 仲有1隻炸蝦。 配麵豉湯海苔同餐飲。炸豬排唔會好厚粉, 豬排都好大塊。 而佢既咖哩汁都好日式, 唔會過多, 非常適中既配搭。佢既餐飲除左普通既檸茶, 奶茶之外, 仲有柑桔蜜同蘋果蜜茶。 而家咁既天氣, 真係好啱飲。去到石門, 真係值得食。

好難食！D烏冬非常ok , 但中華沙侓好乾，賣相不得。最差是壽司！！！首先係唔熱，係好冬，好似一最整定係雪櫃攞出來，然後壽司只有10件，都係普通壽司。三文魚一D都唔肥美，之前去便宜壽司店都係即叫即切，仲要竟好食，This is total failure! 所以我擺左落烏冬到食。好快熟，這證明烏冬熱，非常好，但點解壽司就唔可以。普通壽司一般，腐皮和玉孑壽司還算好，蟹柳壽司一看就假，係屋企就可以自己整嘅水準，希望餐廳可以請個專業壽司師傅。唔知點解唔可以用烏冬裏面比較看上真的蟹柳leh?最最最差係個鰻魚壽司，好生，好難食，醬汁太少。個生魚壽司同樣問題。如果佢做返普通壽司就好D。個餐名話係熟壽司，唔該真係做熟同熱嘅壽司!!!!

▪️ 牛肉火鍋定食 + 追加牛肉 💲88 + 28石門可以話係麻雀雖小、五臟俱全既地方，有齊各種菜式既小店🤭呢日去左食間日本野，天氣開始轉涼想食下暖野，叫左個一人份既火鍋定食🍲上檯其實都足料，有隻生蛋、娃娃菜、金菇、蟹柳、獅子狗，全部都係現繩普通料中規中矩，本身驚呢個價既牛肉會少，但出到黎比預期中多，連埋追加既一大盆都略為誇張，可惜肉質就真係麻麻，食落偏瘦一律較嚡口韌身，附上彈牙烏冬，不過要小心黏底，壽喜燒湯底都唔會話煲到好鹹，價錢黎講都合理🤔🔎 整體評分（6.5/10）

平時好少黎食Lunch或者晚餐 多數tea比較多雖然係日本餐廳但壽司單點都唔會肉赤 份量仲啱啱好添 餐廳疫情後都依然坐得舒服同朋友黎食吓野 chill 吓一流💕叫幾款唔同嘅小卷就好滿足 食材正正常常唔算特別新鮮同質感好 但呢個價錢（三款小卷 或兩款小卷加一款手卷 ）都係五十幾六十蚊有找

在朋友家洽談婚宴事，方便所以叫了外送。為了避免吃太肥膩的食物和加快送到府上，選擇了這間位於石門的壽司店。外送大約45分鐘就送到，時間不太慢，food panda外賣員態度很好，叫我分兩次拿以免打翻，相當貼心。至於食物方面，壽司賣相相當不錯，每件壽司的刺身都份量足，且有一定厚度。我叫的赤蝦三色飯刺身很肥美，惟鮮味稍欠，味道較平淡，不知是否知道這個缺點，這店附送了大量，差不多一袋豉油和芥末給我們，增添了定食的味道。友人與我一致認為食物普通，價錢偏貴，食物質素有改善空間。

推介壽司🍣刺身新鮮⭐️⭐️⭐️⭐️想食壽司或刺身，推薦依間小店，食過知道無介紹錯🥢開左咁耐，依間小店刺身食材一直保持新鮮，刺身肉質無霉同腥味，食材處理吾錯👍🏻壽司餐牌款左多，散點即叫即做留意壽司落單後需等4-6分鐘，心急又無耐性就吾好散叫壽司😊👇🏻小店壽司 vs 平民集團式壽司店比較：✅小店比附近平民集團式壽司店好食，加上食材新鮮，刺身類無帶過腥味道，壽司紫菜無濕或淋相比附近集團式壽司店刺身最近🙅🏻‍♀️不新鮮，而且帶腥味除左壽司、刺身外，小店有小食同燒物散點留意午市、晚市繁忙時段較多人，需要等位堂食用餐環境寬敞，吾會坐到好迫

個鰻魚pizza又薄又香，都幾多醬，薄得輕盈，岩曬食tea，同埋個配搭好少見，應覺fresh。同事食個日式料理勁大碗飯，見到都飽😓😂飯之外仲有壽司、炸天婦羅、三文魚、螺肉，應該超飽！不過單叫野飲好貴😓但我記得呢度既拉麵好頹，好少料，唔正宗，所以食其他比較好！