人人和平小飯店 (已改名) 查看

今日好掛住中菜，黎到朋友推薦嘅人人和平小飯店食🍽️我地叫左1️⃣百花釀蟹鉗💰40一隻熱辣辣，好食，蟹肉彈牙鮮美👍2️⃣蜂蜜加拿大白䐁梅頭（半肥瘦叉燒）💰150例牌叉燒肉質一流，夠淋夠入味，另外有少少燶邊，我鍾意燶燶地，夠焦香😋😋3️⃣生炒臘味糯米飯💰145糯米飯粒粒都沾滿醬汁，唔會好濕，夠乾身，唔太油👍4️⃣七味黃金豆腐粒💰52豆腐炸到外脆內軟，加少少椒鹽係表面，好食，忍唔住食左好多粒👍消費價錢：4人💰558，人均140結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️餐廳名稱：人人和平小飯店餐廳地址：北角堡壘街6-8號A地舖

今日去咗人人和平小飯店，之前有好多人推介呢間，所以黎試下呢度既燒味飯先！呢度環境幾乾淨舒適，店員都幾友善，而且上菜速度好快。叉燒燒腩飯叉燒部份不過不失，有啲位都係半肥瘦，香甜肉冧，不過今次Ｄ叉燒有Ｄ太燶啦。燒肉部份，佢個皮炸得好脆，脆皮、瘦肉同肥膏一齊食落好有層次感，肥得黎又唔算太肥。人人和平小飯店網址:https://s.openrice.com/QrbS0QVq100~uZ5MGAA地址: 北角堡壘街6-8號A地舖電話: 25708616

米芝蓮評比人員是否有眼無珠,咁難食的叉燒飯梗胃,叉燒又鞋又韌;荷包蛋直頭就是一pat嘢咁燒鵝一樣鞋,外表還可以。服務態度又不好,隧道盡頭又黑暗!又如何比得上敏華呢？

「蜂蜜加拿大白豚梅頭叉燒」vs「波瀾壯闊肥腩叉」叉燒就實係半肥瘦最好食 最多人叫不過蘿蔔青菜各有所好呢間餐廳嘅叉燒就有分兩隻迎合唔同客人嘅口味我第一次食個時 心諗都食得呢啲唔健康嘅野咁緊係去盡啲 叫咗波瀾壯闊肥腩叉第一舊真係好Jeng💥平時食啲叉燒又瘦又un 但食到第3舊就覺得自己要即刻爆血管 頂唔住了🌝之後就兩隻叉燒都再叫過個波瀾壯闊叉都無第一次叫咁極端🤣🤣通常都變返正常肥叉無曬第一次嘅衝擊感‼️💥雖然呢間餐廳唔係就腳不過我久不久都會去食佢地嘅出品 連通晚市普遍食物都唔錯的🙏🏼可惜係水吧/燒味檔係有小小飄忽🤏🏻每次食都會有一樣野：「咦 好似無上次咁食」有時係燒味，有時係杯奶茶過癮個位係 佢又會有樣野特別好味今次係午餐口水雞同飯依家啲茶餐廳好多啲飯一係就淋到以為自己食緊湯飯⋯一係就硬身無乜飯香人人和平個飯係好米味 聞到都開胃啲跟住個口水雞係非常 非常 滑👌🏻👌🏻🤙🏻個汁調得幾好 比起平時嘅口水雞汁多咗小小花椒油同其他香料味舊雞擺入口滑得嚟味道又有層次P.S. 盡量唔好叫下午茶餐牌🫖 叫返午市menu 因為佢下午餐份量真係唔夠食⋯😆

每款食物都好好味，雖然住得比較遠，但隔一排都會再來。叉燒店舖用上高質的豬肉來製作叉燒，令叉燒肉質口感一流，叉燒邊燒到有燶邊，同時肉質又夠淋，一點也不韌。味道香口惹味。琵琶豆腐食落味道口感及味道都好有層次，感覺材料很多。鳯梨咕嚕肉每次必點的小菜！咕嚕肉做到有點拔絲的效果，加上新鮮菠蘿，好好味。花膠雲吞雞湯的味道很濃很香，食落感覺應該沒有任何味精，飲完很舒服。花膠、雲吞及雞的份量都唔少，好抵吃，性價比高。

第一次跟朋友初嘗人人和平已經係幾個月前。朋友再次約埋一齊晚飯聚下。6點準時到達 (第一輪6點，第二輪8:15)，其中有位朋友居於北角，較多幫襯，就由佢提議點餐。叉燒 - 好香，肉質唔會太韌，口感幾好燒鵝 - 今次的味道好過上次，滿意，加埋瀨粉就更加正！花膠雲吞雞 - 雲吞就普通，雞都算OK, 唔會太“鞋”馬拉盞唐生菜 - 簡單得來好食鳳梨咕嚕肉 - 同上次一樣咁好味，保持到水準。荷葉飯 - 未食已經好香，雖然食材簡單，但味道出色。

每次食晏嘅時候嚟到都會見到呢間餐廳好多人😆今次都唔例外😂不過唔洗等好耐 好快就有位啦☺️而且上菜速度一樣 都係好快😝今次叫左叉燒貴妃雞飯不過賣相就一般般啦 😮‍💨叉燒部份不過不失有啲位都係半肥瘦但係啲雞就會比較生😮‍💨都知道見到有血係正常不過件件都幾紅下 唔算好多雞肉而且我唔敢食太生😮‍💨所以最後我都唔係食左好多😮‍💨之前食過佢嘅燒鵝 會好味啲😂今次個貴妃雞有少少失望 下次食應該都係會叫翻燒鵝😂

同阿仔由西貢長征黎北角lunch, 為左見JM一面兼食li個肥叉花膠雞荷葉飯set, 麻煩晒JM訂左枱我地有卡位坐✌🏻.🥢肥叉用高質嘅豬肉當然好好味, 就算擺左一陣我餵完阿仔先食都唔會話凍左唔好味.🥢花膠雲呑雞煲店員拎黎俾我地影相然後幫我地分, 可惜我忙住料理阿仔無手影(li張明顯唔係我影😂😂la!), 雲呑粒粒大件足料, 花膠都夠腍, 雞肉好嫩滑, 浸住湯食最滑.🥢巨大荷葉飯好大呀個荷葉飯, 勁多料, 夠乾身, 帶荷葉香, 只知阿仔係咁食已經proof係正野. 不枉我轉2程車再抬住石油氣(阿仔)行條大斜路黎潮聖呀!!下次要再黎.🥢見到好多人食lunch set, CS碟碟都勁大碟勁多餸囉😂!

一直都想試人人和平，但住同工作地點都唔近，今次的起心肝，特登搵晚book枱，嚟試一試，果然冇令我失望，店面裝修傳統，新淨、光猛同闊落，侍應哥哥同姐姐都好殷勤叉燒半肥瘦，燶邊好脆，肉夠淋，汁蜜味香甜，好好食煎蠔餅，第一次見呢個形狀，好特別，蠔味重但唔腥，個餅有啲似豆腐，但實淨少少，又夠脆，冇汁都唔會乾咕嚕肉，肉皮脆內嫩，甜酸度啱啱好，配埋新鮮菠蘿同三色椒，好清新同開胃蕃茄湯浸白菜仔，個湯唔會靠茄膏，真材實料，菜同菇都好新鮮食物同服務都高質，希望有機會試多啲其他嘢

人人和平小飯店燒味果然出色 尤其係新會古井燒鵝非常入味👍🏻 每日限定嘅加拿大蜂蜜半肥瘦叉燒燶邊甜口 不過個人喜好鍾意食再肥啲嘅 下次叫肥腩叉試吓先 hehe😝 值得一讚嘅係脆皮肉腍嘅菠蘿咕嚕肉  原個菠蘿上令人諗起泰式菠蘿炒飯🍍😹 另外鵝汁炒飯都幾夠鑊氣 hahaha😙 worth trying!!未試過嘅好值得推介嚟試吓 雖然位置隔涉少少

🔅人人和平飯店🔅北角🔅燒味🔅同男友最近挑戰只食未食過嘅黃店，然後我哋發現竟然試過好多次都冇入到去呢一間咁出名、咁好食嘅燒味店！本身擔心夜晚好難叫套餐，後尾發現兩個人都可以搵到鍾意食嘅嘢，好開心！推介人少少都食到嘅招牌菜！🫶🏻 和平燒味拼盤我地叫左波瀾壯闊誠腩叉、醬油雞，佢亦配有燒腩仔、海蜇同埋甜醋黑木耳！超好食，同埋呢個真係超抵食！叉燒個肥瘦好均勻，肥個部分一層烤得好香，由肥至瘦見到部分超靚～ 燒肉亦好靚部位，完全唔柴！真係我最近食過最好食嘅燒味 🫶🏻🫶🏻🫶🏻🫶🏻 砂窩鵝汁炒飯由鵝肉汁，鵝肉碎同香菇一齊炒嘅炒飯～佢以砂窩瓦煲載着，所以個邊會有烤焦、脆飯焦嘅效果，超好食！炒飯粒粒分明，好正！🫶🏻 七味黃金豆腐粒烤豆腐粒！少少椒鹽，又香又多嘅豆腐粒，配酒一流！🫶🏻 送嘅紅豆沙沙感十足，粒粒紅豆都好甜好味！好開心食到咁好食嘅燒味，同埋可以支持下呢一間一流嘅黃店！同埋兩個人拍拖撐枱腳都冇問題！人人和平小飯店網上訂座即賺Rice Dollars 網址: https://s.openrice.com/QrbS0QVq100~uZ5MGAA地址: 北角堡壘街6-8號A地舖電話: 25708616==

囡囡話今天預祝我嘅生日飯.佢話已經係上個星期已經預訂咗枱.來個早鳥慶生飯！老實講突然之間話同我食慶生飯.當然驚喜.每年都係佢第一個同我講生日快樂.亦都係第一個同我一齊食慶生飯！囡囡預訂咗今晚六點入座.我哋亦都準時到達.我哋被安排到一個四人卡座.全程由囡囡話事兼落單.點餐如下：1. 茘芋椰香油鴨髀煲 X1 $118元2. 生炒臘味糯米飯 X1 $ 145元3. 燒鵝（下莊）X1 $195元4. 百花釀蟹鉗 $40元一隻 X4 $160元5. 黑松路雙冬頭抽醬油雞（半隻）$128元🚶🏻‍♂️👉📌人人和平小飯店 (北角)北角堡壘街6-8號A地舖📍食後評語：個埸個冷氣可能有啲問題.食到個人有啲悶熱.冷氣微弱.甚至得暖風.要出去街外呼吸新鮮空氣.另外當我哋話找數埋單.佢哋無一個待應生提點.有晚飯糖水付送.直至找完數埋完單.才驚醒問起.但將枱已經被待應清走哂食具.執完枱！再問佢哋.佢哋話要問過經理.真豈有此理.我哋都唔恨嗰少少.又唔係食唔起！呢個情況唔係第一次.記得係2022年5月9日慶祝母親節已經試過又係甘.又係唔送糖水.既然.你哋做生意送糖水.已經打咗條數落去.點解要咁樣做生意方針係咁？整定係失

燶到咁嘅肥叉都係第一次見！！！！本身諗住外賣叉燒，之前有食過堂食，諗住幫襯吓外賣喇，話晒都街方。但原來係咁嘅，咁大個人都冇食過啲咁劣質嘅叉燒。。。。。由於都驚有咩誤會，我哋有打去問係咪唔應該係咁，俾晒位你解釋，比我攞返嚟換到好，你哋答肥叉係咁。咁我唯有俾大家見識吓你哋嘅肥叉係點la😋😋😋😋重點係，叉燒完全唔肥，食落有陣好燶，少少酸嘅味，啲肉乾到肉乾咁。有冇呃你，望相就知。。。既然你咁識做，我就梗係幫你賣一賣廣告喇

年三十晚，按照屋企嘅傳統，就早一個星期係網上預訂左盆菜。我就突登揀左早啲時段(15-17)攞盆菜，驚晏啲多人會等好耐，成個過程用左15分鐘到就拎到個盆菜，啲湯同雞鴨就分開左袋裝住。我一個人拎住個盆菜由港島入新界都無呢咁Hea。屋企人話啲鮑魚花膠海參蝦嘅份量都算係咁，好過往年食個啲，下年可以再食返呢間。我另外仲訂左年糕，都覺得好食，下次想試埋馬蹄糕😋😋。個豬手勁大隻，最後切開左一人食小小，初初煲起個湯嘅時候仲勁香😚。

張單叫人18:00-19:00到取，去到register完話等15分鐘，結果等50分鐘乜都無，完全唔知d人做緊咩，不停同你講：斬緊燒味。好恐怖。買嚟團年食，但就等到地老天荒。下次不了。