影片
港鐵銅鑼灣站 F1 出口, 步行約2分鐘
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
嚟得銅鑼灣一定要佢試吓好出名做豆製品嘅人和荳品今次嗌咗幾樣嘢食share~🤤熱芝麻糊豆腐花 $24熱豆花滑捋捋 香濃芝麻糊唔會好甜 帶出咗微微豆香 好食好食 但係呢個價錢相比起外面會有啲偏貴但係值得一試炒面$24普通比起以前 冇以前咁好食炒面變得冇以前咁濃味 而家係淡淡地 加咗豆瓣醬之後都OK煎豆腐$24最出名嘅食物之一 比嘅時候時候，豆腐已經凍咗啦 啲油有少少出咗嚟 食落表面都仲係有啲香 但就唔脆了 唔係好食到豆香味無糖豆漿$10最失望嘅食品， 叫咗熱豆漿冇咩豆香味 好淡 整體評分7/10個豆腐花係出色嘅其他食品就冇以前咁好味了
繼續閱讀
之前嚟食豆腐花，好滑好清新嘅感覺，當時見到隔籬枱有個食客一坐低就嗌個花生粥，先至留意到原來呢度係有粥食嘅，我仲好記得一路食豆腐花聞到佢嘅粥好香，所以今日特登嚟食。個粥底煲得好綿又足料，有好多花生，有豬骨，仲有蠔豉添。仲要大大碗，好抵食。之後我聞到啲魚肉豆腐煎得好香，忍唔住叫咗一客，有四件，新鮮熱辣，啱啱煎起，外脆內軟。其實不斷咁有人叫魚肉豆腐，所以廚房係不停煎，根本都冇停過手，再配埋佢哋嘅豆瓣醬，真係好好味😋
繼續閱讀
外賣🥡！9點3，唔知幾點收，急急腳走左去買外賣嘩！咁夜都咁多人嘅😂全場爆滿，收銀姐姐唔知係咪老闆，其實真心講嘢幾nice態度幾好嘅。叫咗兩樣，柴魚花生粥同釀魚肉豆腐，等咗大約7分鐘就拎走左。返到屋企，嘩😂個粥三十蚊個粥咁細兜嘅，做人咁耐，真係未見過咁細個兜去裝粥🤣，似食燒賣魚旦果啲兜，算！諗住可能係精華會好正，點知係唔好食嘅，又淡又無料，如果半價都唔會反兜果隻🫢。釀魚肉豆腐，呢個正正常常，落果啲醬唔會好濃搶咗豆腐味，豆腐本身豆味唔濃，都叫ok正常，$24/4件如果想食豆腐都一試無妨😄
繼續閱讀
一間快靚正的荳品店乾淨企理服務快煎釀豆腐 $24 +凍豆花 $16成為 $40坐下來吃了十多分鐘，就見到不停有人買外買，煎釀豆腐，豆花，豆漿，炒麵係四種大熱門產品下次肚餓的，就會試下食炒麵。
繼續閱讀
6月初約咗hellosss朋友再去睇🐨生日展覽，完咗一齊去咗一間豆品小店食lunch～🍽 魚肉煎豆腐 😋😋😋😋😋每份有四件，豆腐煎得幾香，魚肉量適中，食到有豆香，唔點任何醬汁都👌🏻🍽 豉油皇炒麵 😋😋😋😋麵質較爽，炒麵偏清淡，有少少椰菜絲，豉油味唔算好出，需要點甜、辣醬～🥣 柴魚花生粥 😋😋😋粥煲得幾綿密，有淡淡柴魚味，偏向清淡～🥣 杏仁豆腐花 (凍) 😋😋😋😋豆腐花幾滑，杏仁味唔會太重或有藥水味，微甜～午餐 💵 約港幣$50/人💁🏻♀️ 依日去嘅時候，依間分店先開咗冇幾耐，只收現金～ 店舖空間感幾大，就算搭枱都唔會人貼人，依個份量兩個女生食都夠飽，而整體嚟講，豆品類食品係較出色 🧐
繼續閱讀
您可能會有興趣的...